【雷珂煞】《病港ＩＩ》（８ ５）

墨B身體不適，今晚冇文

又冇文

雷光在上，冇文休息

跌左落海

儲左好耐好耐文終於睇到

文呢

停咗差唔多一年最近終於一次過到live可惜仲未見到韓湘 btw M拎完對手套好似冇用過

說好的星期三有文呢星期四都就快完喇

用過一次 攞返之後電咗一下個女貴族

文尼 仆街！

星期五….

又冇文？

打緊

以下係星期三嘅補文

每到夜晚往往非常折騰，船艙內大部份擺放妥當的物品，都會在猛烈的搖晃跌倒。對於有強迫症的人來說，是種心理上的酷刑，因為場面是多麼的混亂不堪。

黑壓壓的海面宛如流動的高山，層層疊疊，一波接一波地翻湧。

如非必要，沒人會願意走上甲板。

因為上去就會有冰涼的海水往你身上拍打，教你即時清醒。

王達尼無所畏懼，他暴露於風中，緊握著船舵，試圖帶領著商船脫險。

「返入去，好危險。」我特地走出拉他回去。

「轟──啪！」船身承受著巨浪的拍打。

「至少要穩住隻船！」王達尼身上全是鹽味和濕氣。

「落去，依家做咩都──」我話未講完，混雜著泡沫的海水飛濺入口中。

「噁！」我低頭吐出海水。

「嘎吱──嘎吱──」桅杆彷彿發出哀號聲。

我直接動手拉著王達尼的腰，強行回船艙中。

從甲板樓梯下去船艙時，我們更因船身搖晃關係，一起抱著摔下去。

「有冇事！有冇事？」商團眾人上前慰問。

「點解會咁大浪……」王達尼抹去臉上的水。

一位大學人嚴肅地說明：「嗰到係複雜嘅海底地形交匯，海底有深幾千米嘅海溝、海底山脈同珊瑚礁帶，只要有強風或者潮汐驅動波浪入嚟依片區域，就會因為水深嘅急劇變化而放大。」

「以前都係咁？」王達尼不相信專家，轉問黃雙喜。

「以前都有，但無咁勁。」黃雙喜手裡握著電燈。

「咁有咩方法今晚唔會沉船？」王達尼張開嘴，手下給他嘴裡遞根煙點燃。

「聽天由命……」大學人的臉上寫滿憂慮。

王達尼頹然地嘆氣：「最憎係由個天話事。」

「可能係利維坦作祟都未定……」一位戰戰發抖的大學人小聲地說。

話畢，大學人互相對望，顯然是知道什麼事情。

「你哋係咪有咩未講。」我戳穿。

「我哋早排喺大學設置嘅水聽器陣列入面，偵測到南海嘅深海入面，有奇怪嘅低頻聲音訊號，正正懷疑係利維坦，而且聲音聽起嚟有啲活躍，唔係件好事……就算唔係利維坦，都可能係其他龐大活物騷動，總之個海肯定發生緊某啲事。」

「你哋大學生都幾得閒，會監聽個海發啲咩聲出嚟……」王達尼愣然。

「所以你哋就出嚟一探究竟？」我說。

「係，然後我哋就追蹤聲音到去，俾鎚頭人襲擊個位……」大學人抿住嘴，說出不樂觀的猜測：「你哋話喺下面見到沉沒嘅潛水艇，但我覺得主要沉沒兇手唔係鎚頭人整成……」

「我都有差唔多諗法，我嗰陣喺下面見啲鎚頭人要撞開潛水艇嘅鋼板都唔易。」我說出自己想法。

「當然，嗰啲係高強度鋼加鈦合金嚟，就算鎚頭人都唔可以一下整穿，所以會係更強大嘅生物。」

「所以你覺得係利維坦？」

「好有可能……」

「但就算俾你哋搵到真相，見到利維坦又點？你哋對抗唔到，你哋都夠膽出嚟。」

「咁可能面具先生你唔知，一個人嘅好奇心可以有幾大。當年英國出現尼斯湖水怪傳說嗰陣，都掀起咗好耐熱潮。」

「利維坦我見過。」我一本正經地說：「仲俾佢吞過。」

全場鴉雀無聲，應該是沒想到過我曾經歷這種可怕的事。

「啊哈哈哈哈哈哈……」一位大學人忍俊不禁，突然笑出聲。

其他人都開始帶著笑聲，我彷彿意外緩和了緊張的氣氛。

他們該不會以為我在說笑吧。

算了，說出來的確不會有人相信。

「你講真定講假？」唯獨王達尼知我不喜歡開玩笑，暗暗地問。

「緊係真。」

「認真返先。」大學人收起笑聲，拍拍自己臉頰：「其實我哋仲調查到啲嘢，係關九龍工業事。」

「咳咳，你講。」王達尼點頭。

「佢哋團伙係好崇拜利維坦……」大學人捏住下唇，猶豫地說：「所以我懷疑，我懷疑咋，會唔會係佢哋有心搞醒利維坦？」

「你唔俾利維坦係自己醒？」

「通常咁大隻嘅生物，唔會二十四小時郁唔停，大部份都係長眠，否則好消耗能量……」

「話唔定佢係病者，病者都唔洗訓。」

「你覺得咁大隻生物，會係由人變成嘅病者變得到？」

「唔奇，我見過幾十米高嘅病獸。」王達尼說。

「但利維坦可能講緊唔至十幾米……可能破百米……」

雖然大家談下去沒什麼意思，但「利維坦」這個話題叫做讓我們穩定起來，忘卻外面波濤洶湧的境況。

不過如果真的再遇到利維坦，我也是束手無策。

它是為數不多，我無法討伐的怪物。

幸運時間！

星期四嘅文以下

商船在浪濤中顛簸傾斜，桅杆發出不堪重負的哀鳴，帆布被狂風撕扯得獵獵作響。

船底頻頻傳來爆裂的響聲，海水不停灌入船內。

黑鼠商團各名成員都忙著修修補補，有的船艙海水浸到上半身位置。

再強大的病者，在大自然力量前都不足掛齒。

商船如同一葉扁舟，隨時有被巨浪掀翻的可能。

瘋狂湧上的黑水像極癌王的生質細胞，稍為觸碰那陣來自深海的冰涼，都會要凍結人意志。

大學人們在祈禱，他們喃喃有詞，祈求著某位神明讓自己平安渡過。

天空無星無月，萬物被黑暗籠罩，僅得偶然的雷光會照亮世界。

最怕是隱藏水面下的暗礁，在海流湍急的情況下，船身觸礁就會引來解體。

沒了王達尼掌舵，商船已有數次觸礁情況。

巨浪翻騰，高聳如牆。

就算我們的船能支撐到明天，都不會知曉船給水流拖曳下，偏離了原定航道多遠。

「二十包肉乾、十三包水果乾浸壞咗，仲有兩包大米沖走咗。」一位貨艙中點算著的商團成員回報。

「快啲搬啲走啲食物！」王達尼拍拍手：「損毀程度點樣？」

「下層已經救唔到浸哂入水！水密艙破損！」

「重要嘅位置都優先補哂，剩低嘅唔好搞住。」

「但維修材料已經用哂……」

王達尼猛喝一口烈酒給自己鎮定：「準備定救生艇……全部人著好救生衣集合，我哋要準備走佬。」上救生艇前，不忘帶走得來的疫苗藥劑。

船上配備的是部分封閉式救生艇，具有良好的保溫和水密性，玻璃鋼艇材料可以抵禦現時的風風浪浪，它是許多人最後的救生索。

大家一個個的踏進去，慢慢地填滿空間。

可是多出七名大學人關係，救生艇顯得非常擠迫，像上班時間的地鐵車廂，彼此身體貼身體的程度。

王達尼和我負責雙手推擠，把人員空間擠壓再擠壓。

「唔係幾夠位……」王達尼嘗試擠入救生艇中。

「我推你。」我站在艇外用力推擠著王達尼。

「你入唔入到？」王達尼伸手捉住我。

我們苦苦嘗試了三分鐘，直至船體出現嚴重傾斜，救生艇都未能投放下海。

「太、太多人啦，壓住我抖唔到氣啊……」一名大學人苦叫。

「我都唔係……」黑鼠商團成員拼命把頭仰高，想要呼吸多點氧氣。

「唔夠位啊……」王達尼咬著牙：「M埋嚟！快！」

此時，船體又傳來一聲破裂的巨響，應該又是某個位置受到摧毀。

透過強行擠迫下，我能夠強行入到救生艇中，但就榨盡了許多人肺部的呼吸空間，像人擠人的情況。

這種情況只維持一段時間都尚可，但持續整個晚上的話……

大家都有可能活活擠死。

「大家頂住先！專心呼吸！」王達尼給大家打氣。

突然間，給我想到一個方案。

「我有個方法……」

「咩方法！？」王達尼扭頭望來。

「係個魔法嚟。」