【雷珂煞】《病港ＩＩ》（８ ５）

等喔～

「你哋出動嗰陣講聲，我帶哂所有人支援你。」周安妮跟他握手。

王達尼跟她握手：「等陣間個天開始光光地，我就返去，不如你都帶你嘅人嚟。」

周安妮沉思片刻，點頭同意：「好。」

時間慢慢流轉至凌晨五時，天未完全光亮。

王達尼便帶同周安妮的隊伍，以手牽手的方式前往迪士尼碼頭。

碼頭上站著等候多時的商團成員亨利：「老大你終於返……仲有，後面點解咁多人？」

「上船再解釋。」

幾乎清一色男人的黑鼠號上，瞬間激增大量異性，大家都聚在船艙內，準備談論攻城計劃。

「幫我叫M起身。」王達尼指向該房間。

一位髮白的老婦走入我房間，輕輕拍我肩膀：「起身啦阿哥哥。」

張開眼後我戴上鳥嘴面具，對眼前的老婦充滿疑問：「……你係？」

「M出嚟傾嘢喇！」王達尼呼叫我。

我行出自己的房間，船艙內的公共空間只能用兩隻字形容──擠迫。

多了很多我不認識的女人。

「依啲係我喺迪士尼搵到嘅倖存者。」王達尼介紹。

「唔係伏？」我當著其他人的面問。

「絕對唔係，認證哂，真倖存者，而且佢哋係知韓湘下落。」

我瞳孔立刻稍稍張大，只是沒人看到。

「咁……」我目光橫掃現場的女人：「佢喺到？」

「Trista唔喺到。」周安妮說。

「咩Tesla。」還是我聽錯讀音了。

「韓湘個英文名你都唔記得！？」王達尼喚起我的記憶。

「喔，係！佢英文名叫Trista。」

「可惜韓湘唔喺到，佢去咗另一個地方。」王達尼說。

「……」

「但唔緊要，我哋仲可以憑正常邏輯去推測，佢有機會喺咩地方降落。」

「咁我哋依家帶住成船人去？」

「唔係，我哋要幫依班人解放迪士尼先，唐家寶十惡不赦，係時候做個了斷。」

「既然韓湘唔喺到，都無咩好同佢了斷。」我說。

「入面有好頑強嘅病者。」周安妮插話。

「特殊病者。」王達尼輕聲細說。

我瞥向周安妮，默默點頭：「咁唔可以唔理。」

「嗰隻病者應該精神系嚟，會令到人唔忍心對佢落手，由唐氏綜合症病變而成。」

「遺傳病變成嘅特殊病者……嗯，會比正常危險好多。」

「只要有個意志堅定嘅戰士就得。」王達尼拍住我肩膀。

「但如果唔關精神干擾事？」我提出假設。

「咁我都唔知喎。」

「你哋親身接觸過？」我問周安妮等人。

神風。韓湘

就這麼，愛到死，很足夠

申：鳩噏

你單機啦

星期日既份量係咪都要朝早

這是星期五的文

打錯，係星期日

一天過後，我做好全副準備走入美國大街與小皮會合。

我到店外時候，小皮準備好把貨物堆疊到手拉車上。

「你訓落去啊。」小皮指著手拉車。

我踏進手拉車上蜷縮著身子側卧，讓不同的罐頭食品放上自己身體，直至把我身體完全覆蓋，不會露出馬腳。

小皮運送進去的食品，大部份都是與甜食相關。

「噫呀。」小皮努力地拉動著手拉車。

幸好路程並不長，幾分鐘就來到城堡前頭。

「哈佬！」小皮跟唐氏守衛問好。

「小皮！」唐氏守衛招手：「送嘢入去啊？」

「今日都係嗰啲貨品啦！我絕對無收埋其他人喺貨物下面。」小皮微笑。

這個小皮是在此地無銀三百兩嗎。

「喔，我當然相信你。」唐氏守衛都天真得很。

「果汁糖，俾你嘅。」小皮拿出一顆懷舊日本果汁糖。

「多謝。」

兩人一番問候，城堡大門被打開，手拉車得以繼續深入。

「你餓唔餓呀？」小皮突然問。

不過幾十秒過去，依然無人回應。

「你問我？」我開聲。

「係啊，你餓嘅話，可拎入面啲糖食下。」

「唔需要……」我連活動都成問題，還叫我開糖吃。

小皮一路把我拉到某個地方，然後慢慢把物資放下車。

我直接坐起身，物資就散落一地。

我先是環視周圍，然後掏出柯爾特左輪手槍。

事情很簡單，見到特殊病者直接開一發，見到唐家寶直接開一發，然後就完事了。

「你做咩彈出嚟啊！」小皮驚訝地問。

「唔係到啦咩？我見你放緊貨物落地。」

「我只係想執得整齊啲咋。」

「……」我回到手拉車中蜷縮。

「之後我就會去唐老大到。」

一頓功夫後，小皮繼續起行，拉著我深入城堡。

整段路程上小皮都分別跟每個遇到的唐氏守衛打招呼，而且手裡捧著大瓶裝的可口可樂，給他們每人分一口，看起來人脈關係不錯。

同時間，我慢慢覺得自己有點奇怪。

這種怪，我說不上是什麼感覺……

原本我一心想要進來，直接殺掉了唐家寶的心態，忽然扭轉了一樣。

我突然不想以暴力方式解決問題，轉變成試圖說服一下他。

是那隻特殊病者的影響力生效了嗎？

我的殺心下降了，警戒心也是，我不想打破這份窩心。

具體上去說就是進入到粉紅世界，不想出現紛爭。

一轉眼間，我們就來到了唐家寶所在──皇室議事廳。

「今次帶咗咩好嘢俾我？」一把沉倦的聲音亮起。

「唐老大，我帶咗末日罐頭系列嘅蛋糕！」小皮拿起一個罐頭。

「俾我俾我。」唐老大語氣間有少許興奮。

唐老大就在外面，我立馬起身開槍就是了。

但！我就是做不出來。

該死，我自問精神和意志都很堅韌，為什麼仍然被影響到。

「嗯……」安坐皇座上的唐家寶拉開蓋子，用手指挖出蛋糕大咬：「超甜，但食食下覺得好苦……俾其他我，白糖，我要白糖。」

小皮又拿著一包白糖，交到唐家寶手上。

唐家寶撕開包裝，便對袋內的雪白砂糖猛嗅：「正正正。」

直到小皮把東西都搬下來，我依然沒能對唐家寶下得了殺手，理所當然地他亦發現了躲藏其中的我。

眼前的唐家寶果然長得像唐氏綜合症，而且特別的胖，留著很大的黑眼圈，最明顯是他的雙腳很噁心，腳趾呈黑色的壞疽，看起來腫脹和惡臭，是典型的糖尿病特徵。

「呃。」唐家寶看著我，整個人呆住：「佢係？」

「佢……」小皮一時語頓，胡亂地說：「佢係我帶嚟俾唐老大你嘅女人！」

唐家寶打量我全身：「嗯……黑長髮啱我喜好，但點解要遮住個樣。」

「因為想俾唐老大你一個驚喜囉。」小皮接著說謊。

我拼命催促自己拔槍開火，但傷害他人的念頭被完全抑制著。

可惡……到底特殊病者在哪作祟著。

「美人，除低個面具見我。」唐家寶指著我。

我無法做出傷害行為，但還是能夠做出其他行徑。

「快啲啦。」小皮勸我快點動手。

算了，我總不能保持呆站著，卻什麼都不做。

「我唔會除住。」我以高八度的聲音說話。

本來神情有少許期待的唐家寶，瞬間僵硬冷卻：「你……男人嚟？」

「佢……」小皮想不出如何給我解釋。

「我把聲天生就係似男人，係咪唔得？」我唯有硬著頭皮上。

「噢。」唐家寶稍稍仰顎：「咁除低件衫，俾我欣賞下你身體。」

「依個就係你對待初次見面嘅女性嘅行為？」我反問。

「嘻，我都要首先確認你下你係女性。」

「你仲係認為我係男人，你真係太無禮。」只要我可以厚顏無恥下去，我身份就依然是女性。

「我唔方便行路，你可以過嚟俾我檢查下？」唐家寶續問。

現在我只能嘗試以嘴巴解決問題。

黃心穎

以嘴巴解決問題

打錯再補

屌你有畫面

啄木鳥咁啄死唐家寶

55M可以點幫唐老大出火呢

咁唐老大隻糖尿腳咁嚴重係末世好快都死吧
除非變特殊病者

推

M果然連偽唐仔都打唔贏