東九龍線｜新走線共設9站　冀2033年前通車　馬游塘車廠地料建近9,000單位

認真發展北區啲鐵路同中鐵線都有價值過呢條東九龍

嗰度係茅湖仔，行路都幾遠下

順天順安嗰邊啲人本身就係搭小巴同巴士落去彩虹嗰邊轉地鐵，冇任何分別。唯一要考慮嘅係安達臣新開發區嘅人口。

問題係呢條東九龍綫嘅服務對象只限於山上面嗰啲社區，依家財政儲備唔好嘅情況下，有錢有力都起咗中鐵綫同北港島綫呢啲價值更高嘅路線先啦

咁緊係自私撚啦
仲駛講既

你知唔知個容量幾多，同要咩效果先？重鐵意思只係重鐵規格中型鐵道，即係容量係同級，甚至膠轆班次密過重鐵令容量可以多啲。

今次係建造營運移交模式，理應係政府出咗地比營運商起樓賺錢之外，唔會有其他金錢資助

為左幾條舊公屋既廢老起鐵路

百合海鷗線?

上面全部公屋
點上蓋物業

呢條線將會係全香港最多窮撚搭既路線

如果唔使政府出錢嘅話咁就冇乜問題，不過條線咁長個成本都唔會低，嗰啲樓係咪真係吸引到營運商

同埋如果唔係港鐵營運嘅話，連接地鐵站咪要俾多次錢

啟德唔起起咪係d公屋區做乜鳩

啟德條線下半年招標
發展模式應該一樣
到時就知市場反應

啟德嗰條嘅價值高好多，起碼有啟德體育園同郵輪碼頭兩個大設施，而且有一部份地方係商業區。東九龍綫除咗安達臣有政府機構之外其餘地方只不過係零碎嘅住宅區，根本唔值得嘥時間同錢

Which

實際高幾多？可能你講經濟發展，但客量肯定東九龍綫多好多，唔係就唔會以前要3卡重鐵車中型鐵，啟德成條都係得2卡細單軌。慳到咁多時間嘅經濟效益大，即使每個客嘅時間價值冇咁高。而唔係你講咩零碎，跑道區就真係零碎。遊輪碼頭有幾大，淨係靠有船時早晚成隻船幾千人生意，商業地同旅遊中心起咗都唔會每小時近萬客。體育園平時唔會咁多，散場好大機會人流管制只落不上。單軌本身就唔經改劃前嘅宋王臺站商業地帶，中電由宋王臺站行抵過嘅。啟德站得 Airside 、雙子係商業，新蒲崗有咩機會用到，佢就真係靠政府機構。

我嘅意思係啟德線起碼有遊客同埋演唱會/睇波嘅人用，唔係剩係得本區人受惠。請問東九龍線除咗居民之外仲有咩人會用？香港以往條地鐵新線都唔係淨係諗服務本區居民

同埋啟德個交通真係差，唔似東九龍咁已經有完善嘅小巴同巴士網絡。同埋最重要係啟德線個成本一定低過東九龍線。

居民如果夠多有咩問題？分流道路令其他人都受益，亦幫到工商業。呢條唔係幹線，係接駁線，功能類似輕鐵。就算馬鐵，通車時都係得小瀝源、石門工業區。而且真係有需要嘅話，如果觀塘線壞咗都叫有多個後備選擇。
跑道區未入嗮伙梗係冇咁多巴士做啦，而且中九龍幹線都未開。成本低啲，但客量又少幾多？你喺度唔知比較啲咩，而家係兩個都起晒。

其實我覺得應該兩條駁埋一齊起，整條東九龍內外環

真係多錢

馬鐵當年起嘅時候已經有沙中線規劃，用沙中線去貫通深圳同港島交通，唔係淨係服務沙田區同馬鞍山區。東九龍綫單純只係服務當區居民，冇任何其他戰略價值。同埋我都有講觀塘綫一早已經飽和咗，你山上面啲人遲落嚟同早落嚟一樣都係塞爆。呢條線根本對區外人冇任何幫助，憑乜嘢要全香港納稅人嘅錢去幫你起？要起嘅話一係叫營運商出錢，一係叫山上面嘅人自己出錢

駁埋有咩用？送人落嚟山下面令到觀塘綫更加迫？

唔駁去到彩虹已經要加重觀塘線
駁埋去屯馬線既起碼轉小一次觀塘線車，好好多
過海既，直接油塘轉將軍澳線，架空返觀塘線

首先上面已經有人答咗你係BOT，即係你未搞清楚就喺度嘈。你又係隨口噏，觀塘線即使駁寶琳站只係預坪石段南行載客率最壞100%，而家未過7成，駁油塘站有兩邊即係更加低可能。照你講就唔使起輕鐵呢啲改善區內交通，巴士同條路塞爆又得？
歷史上個策略係冇提出沙中線呢樣嘢，只係分開起馬鐵同東九龍線，而且係中運量（膠轆或者其他軌道唔係重鐵車）。研究時講馬鐵南延東九龍線人口都係唔夠密，要早起就要物業資助，所以除咗研究埋南延長沙灣，另外都係以東鐵過海或尖沙咀延線代替大圍-鑽石山連線。即使九鐵起咗馬鐵，理論上地鐵公司都可以再投到沙中線分開起。

都係唔明你咩意思。兩段客量要求唔同，直通冇用晒個容量令效率低咗，規格又要一樣增加成本，所以啲人都係想西延慈雲山，就經到鑽石山站而且有機會近返觀塘線月台（地下係彩虹道連屯馬綫都要行）。啟德要起返經醫院先，而家格硬講到起運輸帶。