東九龍線新方案快出爐　消息：增設藍田北站　順安站地點前移　便利市民出入聯合醫院

2014係提出嚟，ban乜嘢。冇突然，幾年後已經傳晒點研究。

改晒輕型、架空、兩邊總站，而家講緊全新嗰段嘅站。而且牛池灣村都係幾年前先講要拆。

有冇可能留位東西廷伸

上山下海
仲以為好似南港島線咁
睇樣都係比大陸搞架啦
地鐵重心可能去返古洞嗰邊

西端應該得。東端就係油塘邨阻住，鯉魚門道、高超道唔夠闊，而且要駁山上，個站先咁遠。喺油塘東站向西起另一條線好過，如果仲有位嘅話

咁支線模式係馬油塘去寶琳科大可唔可行?

同埋政府有意搵玩BOT
但營運9成都係會比返港鐵?
因為呢條支線模式點睇都會係蝕本，就算有馬遊塘車廠既物業補貼都應該COVER 唔到個建造成本同埋營運成本?
再加如果係其他公司營運既做唔到轉乘優惠(貴過小巴巴士)基本上條線就冇咩興建既意思

鐵路都係交比港鐵管理好啲

呢間真係垃圾醫院嚟
人同設施都係閪

上唔上到科大

即係8號以下都可以行走？
如果係嘅話又唔錯喎

灌曬啲客去綠色線，塞爆綠色線之後又可以再起新基建

應該要起到九龍灣, 出番啟德連埋佢

太新 廿年後再考慮起俾佢

嗱唔係呢行、呢科啦，唔敢保證。但其實雙纜嘅昂坪360標準係持續風速90、陣風135，理論上就算3號風球時，如果當地冇咁大風都可以減速運作。另一個要考慮嘅原因係打風根本冇遊客，開嚟都冇用。睇歐洲經驗，佢哋個標準細風啲唔係因為系統唔得，而係風大啲都冇人搭上去滑雪、行山，所以唔要求頂咁大風。
三纜、雙臂當時保守計、同冇咁多經驗，當同雙纜一樣90。而家宣傳係確保持續風速100~110全速運作，有試驗過120都得。陣風計1.5倍就係150~165~180，單純睇掛波標準的確可以話8號風球以下都冇問題。

架空起碼都係唔太化算，寶琳西面係懸崖咁斜，東九龍綫有新清水灣道咁長先駁彩虹站。寶琳路要髮夾彎斜路就長咗、貴咗，地下係整到好深所以冇咁斜。寶琳站東西向兩條路都唔係咁闊，仲有景觀、環境、私隱問題。以前已經考慮過改做消防局寶琳北路站，架空就會更加有呢個傾向，即係唔方便轉地鐵。
將軍澳要搞清楚個目的先：
1. 轉地鐵：油塘站已經得，尖東站級數距離，但轉到兩條線，冇咁迂迴，唔會增加將軍澳線載客率（其實係冇容量問題）
2. 將軍澳區內：巴士唔使轉車再行咁遠
3. 康盛、翠林：睇返地下嘅方案，佢哋位置本身唔方便1條線過，只可以揀起1個站。架空就算髮夾彎上落斜順便加站，都係同樣問題，比較曲折。康盛個直線距離唔係咁長，唔係絕對必要，已經做過電梯天橋勘探及初步設計。
科大首先要惗有幾多客會搭晒成條咁低速，而唔搭地鐵喺寶琳站轉乘。就優先次序而言，政府多數會考慮改善道路先。以前已經建議過擴闊清水灣道大埔仔段、坑口道，結果而家淨係銀線灣迴旋處加左轉線。
就算要起，而家公營房屋喺影業路，要服務晒新發展項目個定線就同東九龍綫唔同，而且考慮用地空間，坑口站應該會適合啲，加上有將軍澳醫院。所以另外講康盛嘅話，靈實醫院都值得考慮途經多啲。
馬游塘站起安達臣支線需要大啲，之後再睇吓有冇位先講……

政府正推展東九龍智慧綠色集體運輸系統，運輸及物流局局長陳美寶在電視節目指，東九龍線會在藍田公園附近新增露天的藍田北站，主要服務山上居民，會興建行人天橋，方便附近居民前往藍田北站。她說今次系統並非重鐵，爬坡能力較好，提供契機增設露天高架段，可壓低成本，同時藍田北站附近有三條公共屋邨，幫助新鐵路提升乘客量和經營收入，形容是雙贏方案。 至於順安站會移近聯合醫院，陳美寶指目前市民要轉乘小巴，甚至由港鐵觀塘站步行上坡到聯合醫院，未來亦會在新站附近加設行人接駁天橋系統。 陳美寶表示，東九龍線明年公開招標，當局會考慮本港、內地以至海外技術，甚或合資經營，會以無人駕駛系統為目標，融資安排採用鐵路加物業發展模式。她指，政府在招標完結前就敲定走線，並同步開展法定程序和諮詢地區，相信落成時間可較原本預計的2034至2038年，提早一年甚至更多。

2033年左右
原文網址：https://www.881903.com/news2/local/2575304

其實政府估計寶達到彩虹東既時間10分鍾到達
咁條鐵應該都行到70到80km?

政府有意比其他公司做，大機會係大陸鐵路公司
最緊要有多間做，方便遲d日後蛇吞象嘛

但係坑口站個結構應該做唔到轉車站?因為坑口站依家都係人流超負荷緊
反而係坑口北整個站去服務影業路公營房屋同將軍澳醫院用黎分擔下坑口站出市區既人流?

又話發展旅遊業 又唔整多個站去鯉魚門

https://www.legco.gov.hk/yr2024/chinese/fc/pwsc/papers/P24-8-c.pdf
11. 另一方面，專屬高架車道會與沿線路面交通分隔，不受路面交通狀況影響。視乎最終所採用的綠色集體運輸系統，預計由寶達前往油塘或彩虹地區的車程約10至15分鐘。與路面交通相比，估計於繁忙時段乘搭東九龍智慧綠色集體運輸系統，每程可節省約一半時間，即約10至20分鐘。

地鐵25分鐘，你咁斜又要經兩個站嘅長度同速度冇可能同藍田段車程一樣10分鐘內到將軍澳。要直通個班次會分薄咗，要轉車就轉多咗次。用你個寶琳站係地面，轉乘應該方便過彩虹站。

要延長到嘅話要兜埋廣田，高超道東面鑽隧道。大本營巴士總站段路唔夠闊畀個站就要擺喺迴旋處會遠咗，要經商場冇直接轉乘通道。

假設寶豐路夠闊，路口轉到去寶琳站，康盛段都係平行，你要P形兜返過去。不如直插坑口站好過，又對應地鐵市區方向，影業路唔會搭倒頭車。

【東九龍智慧綠色集體運輸系統 提升與周邊交通和社區連繫】

政府正全力推展東九龍智慧綠色集體運輸系統項目，以加強東九龍交通連繫。按照最新的建議方案，系統全長約7公里（包括長約6公里的高架道及長約1公里的隧道），共設9個車站，兩端終點站分別連接現時港鐵觀塘線彩虹站及油塘站，途經彩雲、順利、順安、秀茂坪、寶達、馬游塘及藍田北。

項目團隊繼去年7月展開勘查研究及設計工作後，除邀請業界提交意向書，亦於今年1月至4月透過多場地區交流會、諮詢會及簡介會等，廣泛收集持份者意見。經深入研究分析與整合，項目團隊現已確立最新建議方案，當中包括以下提升系統服務範圍及便捷性的優化措施：

- 新增藍田北站惠及更多居民
優化馬游塘至油塘東之間的走線，將部分隧道改為高架道，以增設藍田北站，便利德田邨、興田邨及藍田邨的居民。

- 新增行人通道連接港鐵油塘站及彩虹站
擬議的油塘東站以隧道連接港鐵油塘站，方便乘客轉乘港鐵觀塘線及將軍澳線；擬議的彩虹東站則以天橋，或項目團隊與相關發展商商討中的替代方案 - 毗鄰發展項目商場内的24小時行人通道，連接港鐵彩虹站，方便乘客轉乘港鐵觀塘線。

- 提升基督教聯合醫院暢達性
擬議的順安站設於鄰近該醫院的順安道，沿順安道將增設行人通道上蓋，配合興建中的秀茂坪道有蓋行人連接設施，為往返醫院的乘客提供舒適便捷的步行環境。

- 優化安達臣道石礦場用地發展的交通連繫
擬議的秀茂坪站與寶達站將分別連接安達臣道石礦場用地發展的現有行人天橋系統；擬議的馬游塘站亦會以新增行人設施及通道，分別連接安達臣道石礦場用地發展一帶、寶琳路、寶達邨及將軍澳隧道巴士轉乘站。

- 預留空間日後延伸系統
項目在設計上預留空間，保留日後按需要向西北延伸系統至慈雲山一帶的可行性，以回應有關建議。

我們會繼續以「政策」及「技術」雙創新思維，盡力壓縮規劃、設計以至建造時間，以期於2026年內完成法定程序及招標，並於2027年批出項目合約，亦會在標書訂明投標者需盡快完成工程，力爭2033年或之前通車，讓市民早日享受便捷出行！