賭Nio一年半內執笠 [3]

Elon 屌 Trump 日子不遠
Elon 係喺特朗普被刺殺嗰一日先高調出櫃 (超級世界仔)
特朗普開始四面受敵 (加上越嚟越 On 9) 就會第一個出嚟劃清界線, 保住自己嘅利益

到時係咪tesla大奇跡日

短線會係
但長線未必, Damage 已經有咗, 歐美品牌形象受損
中美貿易戰, 佢都首當其中
例如 Megapack LFP 電池都受最大影響
佢翻身要靠 Robotaxi + Optimus (冇兩年都未必搞得掂)

其實反反地 係死頂姐兩個表面
Elon心入面應該狂屌緊佢

想問你點睇6月尾個美債到期個問題？ 我係諗最大可能係捱高息roll債 但個後續應該會進入減支出個stage? 如果係咁 係咪個陣先睇定行動再好d?

打咗成篇嘢冇咗

唯有簡單講下
六月到期嘅債可以比債主多一個談判籌碼
另外其實就債主同國會都唔會俾美債出事
預計五月中之前應該有好多都傾掂咗
剩低嘅只有中美 (取決於習近平嘅取態)
反而我好有興趣, 估吓四月嘅 CPI
我嘅感覺係比預期中升好少或者唔升
若果通脹喺四月份未反映出嚟
就真係睇 Powell 仲會唔會堅持六月

種種跡象, 令我覺得個 Turning Point 會喺五月第二個禮拜
睇情況五月頭, 我可能會將投資股票餘下嘅資金入市
只剩 20% 備用

Elon準備離場

侵突然放軟，樓主係更堅定覺得佢根本由一開始就冇諗住加關稅定相反覺得佢太易彈出彈入未知風險仲大左？
如果係第一個睇法，佢而加放軟係咪加快左熊市結束？

80% SoftBank 入手

Post #500
係我對佢最新嘅睇法

可以總結一下
特朗普真心諗住加全球各國關稅 10%~45%
關稅攞嚟嘅錢, 再加上 DOGE 慳到嘅錢用嚟推行減稅方案
佢天真地以為自己真係隻手遮天
包括中國
佢第一任既貿易戰, 最後中國都應承佢會購買大量美國嘅商品
新官上任嘅時候, 佢個心好紅
但其實呢段時間發生嘅所有嘢
開始令佢同埋支持佢嘅人信心下降

例如:
俄烏和談俾佢想像中難
俾晒牌普京上, 但俾佢當狗咁撚
澤連斯基當住全世界落佢面
歐盟從心底裏唔妥特朗普
副總統曼斯不停惹禍上身 (Signal 歐盟, 鄉下佬中國)
DOGE 效果成疑
拍檔 Elon 抹面
特朗普對媒體經常誇大同講啲猶如小學生嘅說話
中國強硬應對特朗普無止境嘅關稅升級
股市債市嘅反應
聯儲局完全唔理會特朗普
國防部長猶如另一隻小學雞

就好似 Post #500 咁講
經歷上邊所有嘢
再加上而家同中國斷交式嘅貿易戰
佢意會到再咁落去, 會搞到返唔到轉頭
見到佢係不斷開始動搖
當佢嘅對手同埋市場理解佢唔係再一意孤行去行駛關稅政策, 拖冧美國經濟
就會知道現時嘅局面係好大機會扭轉
呢個亦都係我不斷講意識形態嘅改變, 即係基本面改變
同埋原來特朗普係唔需要下台階
佢有時都幾唔顧面子講完嘅嘢當冇講過都得
所以今日先喺日本市場加注

美市就希望睇下一個小跌浪之後增持
主要會睇中國會唔會企硬要求特朗普進一步讓步先至開始傾

另一方面
覺得國防部長有機會會換
另外以色列有機會唔聽特朗普
我唔覺得以色列可以忍到手
內塔尼亞胡同特朗普嘅關係可能會變差

我都覺得貴 (同埋公司唔透明, 例 Pricing)
公司主管亦都有減持
所以只有等 or skip
睇吓佢 6 May Earnings
呢隻係其中一隻明星股, 所以價錢會比較硬淨

今日入到接近 80% 貨
我嘅感覺係特朗普唔會再繼續玩落去
而家只係爭中國表態
沉思咗好耐, 覺得中國都唔希望生產線外移去其他國家
只要特朗普率先作出讓步, 中國都會跟

讓步個tariff floor都好重要 如果佢個floor set係比其他地方高 例如30% 對美國economy 同inflation個shock 都唔係細

如果而家呢一個位落注 某程度係賭緊件事只會向住好方向發展 即係中國會讓步落40% 而係美國再落返去20% 慢慢搵下台階

但如果美國一路都想去慢慢isolate 中國的話 佢無必要set 到個floor 咁低 因為都會想比signal 全世界中國is different 到時對economy 真實影響都仲係未知之數 如果而家用埋30%子彈會唔會太急

想問下點解係日本市場加注？
係咪因為都見到trump動搖
美金再跌嘅空間不大
而且日本央行都唔會畀yen升上去變番通縮？

日本市場已經市值同pe 黎講已經係好抵買 再者 如果而家中美市場動盪 應該搵第三大經濟體去diversify 一下地緣政治局勢

但侵又又又再次反口
都冇動搖到你覺得佢同中國都唔會玩得耐？

特朗普關稅政策嘅初衷係要錢 > 減稅 > Made in USA
依一刻嘅佢開始意會到同中國再鬥落去嘅話賠上嘅係:
股債匯三殺
經濟衰退
通脹飆升
民怨
眾叛親離
金主嘅壓力
中期選舉

最後佢得唔到最想要嘅錢, 仲要輸突咁多樣嘢 (+ 輸好多好多嘅錢)
所以佢冇辦法唔”放棄” (我而家感覺係佢會 180o turn)

至於生產線:
首先美國製造嘅成本係完全無稽
我識喺大陸嘅廠, 佢哋嘅客話就算食 2xx %關稅
有啲產品都仲可以平過 Made in USA

就算認真要搬生產先去印度越南
以今時今日嘅中國製造規模
都起碼要一兩年時間先食倒一定嘅份額
搞得嚟佢中期選舉都輸晒

由佢被刺殺到當選, 我睇到佢係有決心 (天真) 實行佢嘅關稅計劃 (唔係談判籌碼)
亦都知佢嘅計劃會失敗, 最後搞到一鑊粥
所以當時清倉等爆

至於幾時入返市, 取決於佢玩到美國有幾爛
所以當佢意識形態改變
即係佢冇決心, 玩到經濟衰退都要繼續落去
所以決定開始入市 (90-Days / 美債)

跟住佢行錯咗兩步棋
以為可以逼到聯儲局減息
以為可以逼到中國埋枱傾
呢兩樣嘢除咗搞到股債匯三殺, 仲會動搖美元嘅地位

到佢知道闖大禍, 加上中國當佢臭 4 嘅態度
所以先至會有尋日另一個意識形態轉變 (我再入市)
話: 冇講過要炒 Powell, 強美元係好重要
對中國就放風會率先讓步減關稅
目的係氹中國一人收一拳, 同埋傾掂佢

所以到咗呢一刻我認定呢一個特朗普
同第一任處理疫情時嘅特朗普係同一個人
玩爛咗, 佢會毫不猶豫不顧面子 180 Degree Turn

上面令我認定咗特朗普會放棄佢原先嘅關稅計劃
到咗呢一刻唯一對美國經濟能夠造成影響嘅就係中國嘅取態
深思熟慮之後, 我覺得中國喺嚇怕咗特朗普之後
係會為咗保住世界工廠嘅地位同自己嘅經濟
會選擇同特朗普講和 (但事前特朗普要先認低威)
對中國而言, 特朗普關稅政策失敗之後
都應該再冇能力向中國挑戰, 之後條路易行好多
同埋美國兩個黨維持實力平均, 令美國人有更大嘅分裂
總好過打死共和黨, 坐大鍾意圍毆同好戰嘅民主黨

唯一最難估嘅係特朗普喺放棄咗大部份關稅政策之後
佢會將重點轉去邊度挽救民望
可能要將減稅嘅規模縮細
同埋更加落力打擊非法移民同毒品

真係好欣賞你對大局的了解 同埋語言表達的敘述能力 受小弟一拜

始終中美雙方都有善意gesture 我都傾向相信佢地會埋檯傾 同埋tariff個幅度會比而家細 另外呢件事我再補充一點 而家香港係對美國輸入產品唔加關稅 所以個姿態係美國一樣可以係輸入產品到香港 然後香港再輸入返中國

呢一個中國&香港政治不協調 正正講左中國都有留一隻窗 同埋唔係想反檯


但我比較好奇 當market 有什麼程度 同什麼 基本面改變 會推使你stop loss 手上80% holding

其實如你所講咁既話, 美國係咪即係輸左?

樓主對黃金有冇睇法？

商務部長Howard Lutnick喺4月23日Fox News話，半導體關稅計劃5月初公布，初步稅率25%，一年內或加到50%-100%。川普喺白宮記者會（4月23日）提到「下週有更新」（約4月30日，Reuters）。關稅預計7月生效，畀企業準備時備。

感覺ai股 同semi仲有變數唔敢入住

4月23 ? fake news?