賭Nio一年半內執笠 [3]

貴咗幾蚊買就係到sad鳩chur住問樓主跌幾蚊都咁擔心其實你唔適合買股票

算唔算開始反口

佢要其他國家加中國關稅 唔是咁易的

珍
樓主太好人 仲理佢

買股票係要自己分析自己決定
個個人情況唔同，如果無限本金我幾錢買都贏啦
咁唔理性真係唔適合投資

收到

係咪要將N I O下架？

樓主點睇中國拋售美債

都講得好啱
咁每個人嘅背景同抗壓能力都唔同嘅
同埋喺投資嘅資歷上, 都會有分別
學費大家都有交過

買入跌咗負面情緒喺以前嘅我都會發生
有邊個唔係想一買即升, 最低點入最高位放
但慢慢會明白你嘅最終目的除咗”長遠”贏錢就係希望證明自己嘅眼光
仲有要盡量喺股票市場, 保持極度理智既狀態
因為情緒會令到你分析能力下降, 影響決策
通常輸身家嘅人都係不自覺愛上咗一隻股票

可以講喺呢個市場上, 除咗需要運氣, 不斷學習都好重要
股票市場我都傾向相信, 輸錢嘅人係多過贏錢
因為喺人才, 資源, 時間, 領域, 資訊, 財力, 分析市場情緒, 內幕消息 所有範疇散戶都係冇得同機構鬥
但當你知道機構佔整個市場嘅百分比
同埋機構之間係有佢哋嘅共識
你會明白操縱股票市值都係由機構做主導

喺呢個情況下
你唔會快過機構
就只能超前部署, 將時間拉長, 同埋做好風險管理

能夠喺 2月21號 開始走貨, 已經避開咗損失 30%+
而呢一刻, 就算股價再下跌多 15%
都有賴於分段策略平衡不確定性嘅風險
可以將平均價拉低
所以而家目前最緊要做嘅係睇住個局勢發展
知道究竟係咩時候係最佳時機去將餘下注碼投入市場

能夠喺大跌前清倉已經唔容易
要搵啱時機重新入市喺我眼中係更加難
市場變動得太大太快, 特朗普五時花六時變
有時真係無所適從, 就算你追得好貼去聽佢嘅講話
都未必能夠準確預測佢嘅下一步
因為我發覺其實佢自己都唔會知佢下一步會點做
佢都係一度做一度睇一度 Deal, 再不斷改變

最後我選擇咗大部份科技股
喺揀股上我覺得風險係最低
(時間拉長, 科技股點都一定會創新高)
除咗因為今次科技股跌幅比其他大
軟件為主嘅科技股對關稅影響較細
(所以唔睇好蘋果同 Amazon)
亦都有一個好明確嘅鑽石底
(永遠唔會跌多過 ChatGPT 爆發之前)

如果佢真係取消 90日 暫緩
係徹頭徹尾嘅反口
個市會郁, 因為係再一次意識形態嘅改變

特朗普似乎好享受恃強凌弱
啲經濟實力較細嘅國家, 基本上係俾佢撳住嚟砌
同埋有 70 個國家要搵佢傾
每個傾兩日加埋休息都要半年
所以預計好多國家佢都唔會傾, 要佢哋接受條件
只會同中國有主要貿易嘅國家去傾
佢”似乎”要圍堵中國嘅目標都好明確

睇得出你心地唔係幾好

可以參考, 但應該唔會太影響個決策
主要都係睇局勢

首先喺之前預計就算冇關稅情況下
小鵬今年內應該只係升到$26~$29 (美股)

我而家好淆 Delist Chinese Stock
但呢個真係佢一念之差
估計唔到
但貿貿然 (因為佢一句說話) 放棄一隻我覺得可以以倍數增長嘅股票
好唔甘心

琴日睇完新聞 我第一時間諗都係電車3傻 如果要退市 我粗淺咁諗

trump本身都唔鐘意電車
佢會幫tesla拎佔有率
佢一直都想幫國內汽車業

如果可用退市打擊下中國電動車 侵侵應該好開心

不過小鵬而家主力外銷歐洲 算行得好前

兒登個個當賭波咁 發達等多一日都嫌慢

新聞話因為搞唔掂美債侵侵先被逼縮，因為之前好多人都話關稅係目的唔係手段，點睇佢突然讓步會唔會反映美債都幾大鑊

有時真心唔知佢哋假膠定點
叫佢哋買正股
跌幾蚊又嘈之巴閉又衝出嚟笑鳩人
到時升到砰砰聲又怨三怨四
咁無耐性 真係返去賭波算

Umm……. EU play hard 硬起來
唔好入第二轉住, 科技股被點名

科技稅之前都有傳過，但感覺未price in

正呀

如果談判失敗
應該算係局面改變左
你係會即刻放曬前日入個d定會繼續渣多陣

下一個戰場應該係美債
而家全世界都知債息升會令trump 卻步
個個拎住拋售黎同trump傾
而中國估計都會加速拋售

會唔會繼續上演股債雙殺

樓主 如果要揀一隻擺長線既科技股 存股

唔計蘋果同Amazon

請問你會建議入邊隻？

樓主講過好多次 googl

Sor 啱啱先開始追Post 麻煩哂