事實上就係諸葛亮死咗之後,司馬懿憑藉喺雍涼戰線嘅戰功位列三公,然後再平遼東同擊退孫吳,成為曹芳顧名大臣,後來比曹爽架空,先憑藉住高平陵之變絕地反殺
以上可以見出
1,司馬懿喺魏國嘅地位好大程度上建基對諸葛亮既戰功,要知道,魏國喺主場作戰加國力佔優但係落入下風,已經有呢個地位,可見得諸葛亮對於造詣嚟講係幾大嘅威脅。
2,司馬懿最終可以篡奪政權,重點係佢本人活得夠長,而且曹爽太廢,再加上佢本人的確係魏國有一定嘅威望(呢個威望係建基於對諸葛亮嘅戰功),如果係咁嘅話徹底戰勝諸葛亮唔係令佢嘅戰功更加彪炳咩?
3,上面個師兄講放水留住蜀漢令到自己保持軍政大權,再借呢層權力去奪取政權,其實係唔成立嘅,因為喺魏明帝死左之後,司馬懿已經失去實權,而且當時已經離諸葛亮之死相隔10幾年,高平陵之變實際上係失去實權既臣子對宗室嘅政變,唔係邊疆都督用地方軍政大權發起嘅叛亂