雙牙四城遊記

Day 6: 馬德里一日遊

今朝9點出門口，目的地係馬德里王宮，原本行10幾分鐘就到啦，不過我哋就認錯咗路，所以兜遠咗


迴旋處都有個小拱門



王宮旁邊既教堂

我哋喺網上預先買咗門票既，點知去到排隊嘅時候，見到其他人拎住嘅網上門票同我哋嘅好似唔同，於是我就拎去門口嘅職員問問，原來我哋買錯咗門票，買咗隔離畫廊嘅門票

後來睇返買門票嘅網站唔係官網嘅，而佢呢個網喺用字上有啲分別，搞到我哋以為買咗馬德里王宮門票


王宮外既排隊人龍

咁唯有排另一條隊，就係即場Walk in買門票，結果就用多咗一粒鐘先入到去王宮。歐洲三大王宮之一，會先行經軍械廣場先進入王宮主建築，內部金碧輝煌的程度暫時係厲害，慢慢行都要1粒鐘架


王宮外既廣場


王宮內聖誕樹


王宮主殿既入口






皇室成員










由於未食早餐既關係，要去一去聖米格爾市場，雖然係遊客化左，不過都入一入黎食幾件tapas ，唔好叫咁多，每件都唔平，淺嘗一下就好


市場外





跟住就行去附近百年吉拿棒老店 Chocolatería San Ginés，外賣係平過堂食既，呢間炸出黎既吉拿棒係脆既，不過個人覺得朱古力就比想像中無咁濃

你當平時 d 鬼佬 burger 上面加隻蛋咁，入面你可楝豬牛羊肉
隻包皮濕左都唔會林晒，有汁無咁乾
話好好食就唔覺嘅
當旅行試食，打下卡咁都值
約 10 - 13 euro 一份，正餐份量

Day 6(續）：

之後就去火腿博物館 Museo del Jamón食ham la，西班牙最出名既野食！



途中入去波衫鋪，睇一睇波衫價錢，個人覺得比香港貴d

呢間得馬德里先有幾間分店，店內火腿種類玲瑯滿目，能夠用非常經濟實惠的價格吃到頂級的ham。 餐廳座位分為兩種，一種是位於一樓的座位區，另外則是位於地下的吧台區。

雖然提供的食物都一樣，但吧台區的價格會比座位區便宜一點。我地就係地下吧台一次過食3種唔同ham，黑色，100% 伊比利亞，橡實餵養。紅色，至少 50% 伊比利亞血統，橡實餵養。白色，至少 50% 伊比利亞，飼料。





食到有d飽就行主廣場兜個圈，呢度嘅聖誕市集比葡萄牙大規模好多




跟住向前行多一陣就到太陽門廣場，太陽門廣場位於馬德里市中心，周圍共有10條街道放射線向外延伸。在廣場上可以搵到代表馬德里的標誌「熊和樹莓」雕像，一隻熊抱著眼前的樹莓樹。無論日頭同夜晚都非常之多人，不過我呢一日就搵唔到個雕像，可能廣場實在太大太多人





西班牙公路網起點



跟住就去一去格蘭大道，途中會經過四季酒店，都係Hermes 專門店，聖誕裝飾特別靚



格蘭大道為馬德里最的購物街，老婆梗係係呢邊嘗試買下衫啦。行入去primark ，入邊簡直係多人到行唔到。又行狙幾間唔同品牌既服裝店，最後都係行西班牙本地牌子-Zara 先買到想要既野，同一條大道都有2-3間分店



一開始行大道都係天晴


竟然無city edition tee 賣



行完就夜晚啦

行完都已經夜晚6/7點，夜晚就去左間預先book定既餐廳，專門食西班牙海鮮飯。喺度叫個海鮮嘅西班牙海鮮飯，二人份量，再加個當地既甜品。個人覺得比香港嘅冇咁鹹嘅，不過呢就比較濕少少，味道當然係好食呀




兩人份量既海鮮飯



食完都夜晚九點，格蘭大道仲更加多人，可能因為太陽們廣場有活動，所以呢一帶人逼人咁，結果行咗半粒鐘左右頂唔順，提早搵地鐵站返酒店。始終都唔叫後生，體力都無咁好





文青風既酒店

Day 7: 托里多（Toledo)一日遊

呢日既目標係馬德里近郊-托里多（Toledo)，位於馬德里西南邊，曾經係西班牙王國首都，也歷經伊斯蘭教統治時期，因此擁有基督教、伊斯蘭教和猶太教等多種文化建築，整個托雷多古城區在1986年被收錄為世界文化遺產。

朝早9點到Atocha火車站，打算買火車票去當地，點知原來當日既班次都爆左於是我地搵左資料，去馬德里地鐵Plaza Eliptica站，搭ALSA巴士到當地，車程大約50分鐘啦，佢係不斷有巴士去當地。


巴士到站

去到都11點幾，托雷多ALSA巴士站距離托雷多古城比較近，行15分鐘就可以到Toledo Escalator，就係搭扶手電梯上去舊城區，成條扶手電梯隱藏喺古城入邊，係外面係留意唔到既。


前進古城區



上左古城區望返周圍景色

跟住就行入去索科多佛廣場（Plaza de Zocodover），是托雷多古城區最熱鬧的廣場。當然有小型聖誕市集，附近都多餐廳都可以選擇



廣場

雙牙d野食真係幾正

請問海鮮餐廳名？

Uma

幾岩大家口味，唔係只係炸魚薯條/漢堡包

請問馬介休餐廳名？

太濃味太咸？
定口感濕泣泣唔啱？

上年年頭去完
Overall最中意葡 消費又平
巴塞就好chill又多靚女
馬德里最悶 得個皇宮

請問海鮮洗唔洗預約
定walk in就得？

有冇入班那貝球場

太多選擇

https://maps.app.goo.gl/zcVNKfAMNeDKDqZq5

可以睇埋我之前個遊記

唔係波牛 冇去過球場
中意睇波可能好feel d

西班牙最正反而係d小，中城市

睇左qr同ek
5月飛預8日都唔算貴
6k左右連稅
但5月去雙牙天氣如何？

另外酒店唔知點揀
hostel明顯伏
但正規酒店又太貴
有冇啲商務酒店選擇起碼有返啲自己空間

補充返少少
QR時間最靚
紅眼機落地就係lis朝早
lis來回定open jaw mad 6k左右靚時間

EK就差啲
來回無2日
仲要貴5百

一定係open jaw

搵下hostel既單人獨立房囉

or遠市區小小

restaurant la primera
係要提早book定既

班拿貝球場局部裝修，咁啱有西甲休戰緊，所以係無入去既

我個陣時
葡萄牙酒店最貴都係$1000/晚左右

Day 7(續）：

之後就用腳漫步成個舊城區，經過托雷多城堡，不過入面係改建成博物館同餐廳，試過入去兜個圈係冇乜嘢行。


圖中就係小火車


城堡


巷弄



跟住經過托雷多主教堂，由於睇得太多教堂，之後都有聖家堂去，所以我地係無入到去既。


教堂與聖誕市集



買包即炒薯片嚟食


前進修道院

再行入去就去到聖麗塔修道院 Santa Rita，因為佢亮點是修道院的中庭，非常有地中海風情的中庭設計，有得參觀個教堂，跟住見到啲模型係講耶穌誕生嘅故事（之後係其他聖誕市集都見過）


修道院外觀










上層

從聖若望修道院離開後，沿斜路落去就去到離開舊城的橋樑「聖馬丁橋（Puente de San Martin）」，由橋上影返舊城區，係幾靚既。呢度有得玩zipline ,不過我地就無玩啦。


望向對岸



橋上回望舊城區



我地行返上返去搵午餐啦，食一間叫 Lo Nuestro既傳統西班牙餐廳，叫咗個牛尾同鵪鶉，加埋個凍湯同芝士蛋糕。牛尾煮得夠軟，鵪鶉嗰調味係特別，人生第一次食鵪鶉由於叫咗兩大杯酒，又要自己飲一大半，所以飲完之後個人都有啲攰







食完都接近四點，就去城外拍照點Mirador Toledo，位於城外既，搭小火車或是觀光巴士會繞到城外山區，並係度停留五分鐘比大家。我哋就揀咗搭觀光巴士，其實依個觀光巴士就係一日券，所以建議大家可以早啲搭，可以用嚟搭去火車站或者巴士站㗎。


巴士係舊城區出黎


火車站

喺舊城區搭巴士過去呢個地點大概都要半粒鐘，不過由嗰度望返嚟這一座被護城河環繞著的舊城區係更加靚





之後巴士經過唔同嘅景點，例如塔貝拉醫院，最後係比薩拉新門（Puerta de Bisagra）落車，就行返去巴士站搭巴士返馬德里 呢個古城都幾值得黎



巴士落車既地方


新城區


望返舊城區外牆