雙牙四城遊記

每年會計劃一次長旅行，過去既聖誕假就選擇就南歐既西班牙葡萄牙，因為機票比較平而南歐物價無咁貴，野食又多又岩我地口味幾個城市都有野睇咁。

行程就係咁：

day 0: 夜晚7點離港>清晨5:30到杜拜>杜拜半日遊>杜拜下午2:30起飛>晚上7點幾機到里斯本。
day1 里斯本一日遊 （阿爾法瑪舊城區+貝倫區)
day2 辛特拉+羅卡角，夜遊里斯本上城區同觀景台
day3: 里斯本一日遊，夜晚搭火車去波圖
Day4:波圖 (杜羅河谷一日遊）>Douro河日落及夜景
Day 5: 波圖一日遊 （舊城區），夜機去馬德里
Day6: 馬德里一日遊 （馬德里皇宮、市政廣場一帶）
Day 7: （托雷多半日遊）舊城區>夜晚返馬德里購物
Day 8: 馬德里市區遊（麗池公園，德波神殿）
Day 9: 早上搭火車去巴塞，巴塞市區遊（米拉之家，巴特略之家 ）
Day 10:巴塞outlet，夜晚睇佛朗明哥舞舊城區夜遊（巴塞隆拿大教堂 ）
Day 11: 巴塞市區遊（聖家堂 >聖保羅十字醫院>桂爾公園），夜晚倒數活動。
Day 12: 巴塞市區遊（維森斯之家 >加泰羅尼亞音樂宮 >凱旋門 ）晚上8點機離開巴塞


杜拜帆船酒店遠觀


里斯本市景


波圖杜羅河日落


馬德里市政廣場


聖家堂

12 day

lm

Day 0: 杜拜半日遊

放工後直入機場，之前申請左ae卡，入下環正山lounge，係多人既，有碗魚蛋河同其他小食食住先


呢班機都應該接近爆機


其實都唔係幾差，無大家講既難民營


機場Lego 店模型

9點起飛，阿聯酋econ位果然係闊落啲，咁啱坐最後嗰排，所以可以成張凳挨後，唔駛比人話呢班機就會中途停留曼谷嘅，都有唔少人落機，因為出到市區就食宵夜啦



機上晚餐，好食過卡塔爾航空


跟住都見識過清潔人員上機打掃空位，原來空姐係要開返座位上方嘅行李位，拎住啲行李逐個問乘客係咪屬於佢哋嘅



大概一粒鐘之後就放曼谷嘅客上機啦，終於可以飛去杜拜大概朝頭早五點幾到杜拜。



另一餐晚餐

由於飛去里斯本嘅機係下晝2:30左右，我喺網上book咗杜拜半日遊私人團。


機場掛既係國王既相？

拎BNO係冇得直接入境，出發前已經透過阿聯酋航空官網比錢申請簽證。不過，入境時都要去入境部門先，佢要睇一次我個簽證蓋埋印，先叫我改返去入境櫃位過關入到杜拜，都幾麻煩


要去左入境部門睇簽證先


入境大堂幾大

呢度都搞咗20分鐘，我冇為意到入境櫃位原來可以免費拎張上網嘅SIM卡，反而老婆就識叫職員比佢

導遊7:30嚟接我哋，導遊呢就自己揸架細van，呢個團好簡單嚟講就係一個走馬看花式嘅團，佢用呢4.5小時間車我哋去唔同嘅景點出邊影相，叫做認識咗杜拜嘅啲景點，消磨時間

比較有印象嘅就係搭架船過去舊城區行吓市集，同埋去咗杜拜商場遠觀哈利法塔。


杜拜相框


周街都見到靚車


未來博物館


札比爾宮-杜拜王室既宮邸


杜拜港灣區，你當新加坡嘅濱海灣


由杜拜港望返杜拜天際線



帆船酒店同埋附近嘅海灘



杜拜商場外同哈利法塔


舊杜拜市場，好人工既建築



坐船過河去香料市場/黃金市場


當地既市場




黃金市場內

導遊都冇帶我地去強迫購物嘅，不過佢就帶咗我哋去佢相熟朋友嘅茶鋪，比杯杜拜既香料茶我哋飲。不過我哋就冇買佢哋啲香料同朱古力啦

Day 0(part 2)

大概一點左右就返機場，喺機場叫賣咗啲手信，午餐就決定食老麥，因為其他餐廳就比較貴，係香港無食太耐，好似好食d




班機就下午2:30起飛啦，大概夜晚7:30左右就到黎旅程既起點里斯本啦。


再見啦，杜拜


晚餐


臨到里斯本前既小食




里斯本上空

入境就用咗好少時間就過關，係等行李比較耐少少，大概八點幾先拎到。今次逗留三日時間，就當然買返張里斯本卡啦，呢張卡非常之抵買，因為佢包左公共交通費用，有部份景點係免費入場，其他景點都有折扣優惠


比想像中乾淨既里斯本地鐵

今次里斯本住宿就住喺無花果廣場附近，喺機場搭地鐵出嚟仲要轉線先到，不過都係35分鐘左右。一上嚟地面就feel到凍，原來得7、8度，呢啲先係南歐洲嘅冬天

不過聖誕市集仲有開，所以我哋check-in完酒店之後就落嚟聖誕市集食嘢，食咗好幾款嘅食物，飲埋杯熱紅酒，原來都洗咗eur70左右。


無花果市場聖誕市場





晚餐


酒店外觀


酒店房



附近街道

聖誕市集就10點完嘅，係附近街道行一陣就早啲返酒店休息，適應時差。

留名竟然唔去球場

lm

諗住下個月去睇獌場歐霸
見波飛平平地

本身plan左4月去
猁同愛d主場飛貴到喊唔睇了
本身去埋蘇格蘭見格拉斯哥都有歐霸踢
但又係勁貴
睇雙曼算

四個地方都去過，馬德里去過4次，都係為咗睇皇馬，不過最鍾意係南部Andalusia果邊

Day 1: 里斯本一日遊 (上午）

葡萄牙里斯本嘅旅程正式開始！今朝我哋就選擇去阿爾法馬舊城區個邊


朝早既無花果廣場


另一邊就望到等陣既目的地


感覺係舒服既

去嘅途中就食咗當地出名嘅豬扒包，店名係The Bifanas of Afonso





同澳門嘅豬扒包好唔同，個人覺得唔可以叫豬扒叫豬柳，係濕嘅豬柳，不過調味都唔錯。



一路行斜路上去

我哋就去咗聖若熱城堡參觀，位於舊城區高處。


城堡公園門口

呢個中世紀城堡由摩爾人建築，呢個城堡可以俾你登上去城牆同塔樓上行一個圈，可以把里斯本的城市景觀一網打盡，不論遠處既425大橋定依山而建既城景，係值得上黎一遊




城堡門口








登上城牆既景

離開城堡之後就經過當地出名食馬介休嘅專門店，都係5eur/1個。





跟住就沿路行15分鐘左右，去另一個景點-聖露西亞觀景台，呢個觀景台雖然比其他管理台比較矮，但係比較貼近海，又見到背後嘅一排排紅磚屋城景，呢個景點大家可以坐28號電車過黎架，住係舊城區就行過黎



觀景台


電車內

跟住就坐電車搭2個站，落去里斯本主教座堂，有折扣價入去參觀吓教堂，都係歐洲常見嘅哥特式教堂，上到去有個位俾你可以由高影落去影電車經過嘅畫面


教堂外


就係呢個位影返落黎



教堂內

大推，多唔多香港人？

里斯本同波圖好少見到香港人，馬德里開始見到啲香港人，巴塞相對上多啲香港人。

一定唔夠日本，泰國咁多香港人㗎啦

Day 1(接）



海邊既建築

參觀完都接近一點啦，咁就行落去海邊搵嘢食，原本老婆上網搵咗三間餐廳，不過就都滿座，比其中一間餐廳推介我哋去佢哋嘅姊妹餐廳食。嚟到葡萄牙沿海城市，當然食海鮮啦。最有印象係條八爪魚勁大份，又新鮮歐元低水既關係，又唔算貴





食完都2點幾，下晝嘅行程就搭電車去貝倫區嘅，當然就去嗰個最出名嘅修道院-熱羅尼莫斯修道院，用里斯本卡就免費參觀，開放參觀的地方有教堂和隔壁的迴廊。




上層角度




我地就去迴廊區-有金黃色的石灰岩牆壁吸引住，牆上有精細的雕刻，中央的草坪修整得很乾淨，好多人都挨住啲石壁打卡。


下層角度





之後，就食下隔離百年葡撻老店Casa Pastéis de Belém，相傳就是熱羅尼莫斯修道的修女發明了葡撻，呢隻葡撻喺葡萄牙食過既葡撻嚟講係最唔甜嘅，而且好食


歐洲景點既馬車



世一葡撻！

跟住就穿過隧道，去到海邊，就見到發現者紀念碑啦，這座紀念碑是用來紀念15世紀時，葡萄牙在大航海時代所創下的輝煌里程碑，事實上發現者紀念碑的位置就是以前葡萄牙水手出航的地方。喺呢度就見到好多人沿住海邊拖住狗或者踩住單車又或者跑步，非常寫意





喺紀念碑旁邊有一檔小食檔，係生蠔出名，一打生蠔嘅價錢都幾平，對住海食又舒服。






前進貝倫塔


食完之後就慢慢行過去貝倫塔，葡萄牙最輝煌的大航海時代，貝倫塔擔任了重要的防禦要塞，後來也曾經成為關犯人的監獄。





最出名就係個平台，因為可以影到成個日落，咁行上去幾層都有啲特別嘅影相位，不過由於樓梯比較窄，所以每次都要放人上或者落。



參觀完之後真係啱啱好嗰日落到去海邊，所以今日嘅日落係非常之靚

麻麻地西式既熱食八爪魚

試過, 不過係巴塞入, 里斯本走. Girona換Toledo.

佢唔算燒熟哂，唔「鞋」

加速

反而想知點解要揀阿聯酋搭

巴黎都見唔到香港人咁滯

因為相對上平，機票好似$7000。

留名睇波圖

Day 1(完）

夜晚就搭電車返去，先係商業廣場行個圈，夜晚人山人海咁





之後行返入去搵網上大部份都有介紹食既葡萄牙海鮮飯專門店，uma。




好彩去到嘅時候唔使排隊嘅，直接入去食，餐牌都好簡單煮個海鮮飯，有啲小食可以叫。咁我哋呢淨係叫咗一個2人份海鮮飯，老實講呢份量係多嘅，咁個湯底有龍蝦味嘅，不過啲海鮮就唔係太過新鮮，特別蝦就比較霉。叫做試過葡萄牙特色嘅海鮮飯




之後都係喺附近行吓，經過奧古斯塔電梯，同埋就行上去上一層街區周圍行吓啦，感受吓夜晚里斯本熱鬧嘅氣氛。


排隊要30分鐘以上，先搭1分鐘都無既電梯，我就慢慢行上去啦




葡萄牙足球譜，梗係買C朗產品為主啦




行上去電梯嗰層風景就係望返落去下方嘅街道,都唔錯






羅西奧既聖誕市集，規摸會大d


入去賓菲加專門店，就見到佢係主要球星