雙牙四城遊記

樓主有無食豬扒包？
覺得 as bifanas do afonso
定o trevo好食？

大把啦，葡萄牙足球專門店起碼兩三間。

我冇食過後一間，所以唔可以比較，我只可以講喺葡萄牙食豬扒包同澳門食豬扒係好唔同

Day 3(續）


中途經過專門罐頭食品的專門店，都幾貴架

之後我哋就經過pink Street，係當地著名嘅酒吧街，成條街都用粉紅色襯托，打卡都幾靚。





再行前啲就係Bica纜車,唔使1分鐘就搭上去既，再搭下電車返商業廣場，漫遊里斯本市區。


電車站






商業廣場附近




賓菲加專門店，我就唔買呢個球員

到左5:30pm左右就返酒店拎返行李，搭地鐵去火車站搭7:00pm火車去波圖，應該類似高鐵啦，搭咗三個鐘頭火車就去到波圖啦，去到波圖火車站，都係搭電車入市區。個陣時夜晚10點幾，推住個行李，沿着啲碎石路去到酒店，都有啲辛苦


火車


前往酒店既路上

間酒店原來係聖伊爾德豐索堂對面，去酒店check-in完之後就睇吓附近仲有有咩餐廳開，結果都係由中東人開嘅餐廳開得最夜，又係食kerb,又平又好食


聖伊爾德豐索堂

酒店房

是日晚餐

Day 4: 波圖杜羅河谷一日遊。

今日係平安夜，不過我地選擇左去酒莊wine tastings tour。個團就7:30am出發，集合地點就係酒店下面，4/5度天氣，天未光就出發，個人係未精神ge


6點幾既波圖


集合地點就係地鐵站

首先要搭車1小時去到個古城，阿馬蘭蒂呢個古城，主要景點有聖貢薩洛教堂同與聖貢薩洛橋，仲有個小型古城區可以慢慢行，不過由於商店無開，就無乜野行，唯有漫步古城區



對岸就係古城


要行過聖貢薩洛橋先去到古城



教堂


城區



之後搭多45分鐘巴士去kopke酒莊-Quinta S. Luiz葡萄園，呢個酒莊創立於17世紀，是波特酒（Port）最古老的品牌，由來自德國的Kopke家族經營，最後於2006年被Sogevinus集團收購



酒莊外既葡萄園

嚟到酒莊就欣賞佢個環境，亦都有人帶住我哋去睇佢哋釀酒嘅過程，最後就有得試三杯嘅波特酒，白波特酒(White Port)、寶石紅波特 (Ruby Port)、陳年茶色波特酒（Aged Tawny Port）。







零售店


三種port wine比大家試


波特酒由杜羅指定地區的種植和加工的葡萄生產的。釀造波特酒（砵酒）的原理很簡單，在發酵的過程中加入高度酒精（77% abv）殺死酵母，終止發酵，剩下大量還沒有轉化成酒精的糖份。所以波特酒酒精度都比較高（19%～20％ abv），而且比較甜，非常適合當餐後酒。


喺度試完酒就買返幾支波特酒，因為呢個品牌都出名既，不過後來發覺機場買仲平啲，因為免稅。呢個就係冇做足資料嘅教訓，喺葡萄牙要消費滿60/65歐先有得免稅。

跟住就搭車去皮尼羅上船，呢個船就搭成粒鐘，欣賞下杜羅河。起初就覺得都幾正，後來過就覺得大風跌到有少少痛。



皮尼羅


上船啦



沿岸風光

搭完船就搭車到下個酒莊，不過中途會車我地去杜羅河谷制高點，居高臨下睇哂成個河谷



之後去咗個不知名嘅酒莊，咁有一個午餐提供嘅，我就揀食牛啦，咁連埋前菜同埋一個甜品嘅，途中不停有波特紅酒或者白酒供應。最後酒莊都會拎一支Vintage波特酒即場開比大家飲。vintage波特酒而又的確好味d






左邊係ruby,右邊係vintage


不過見到啲團友都冇買到酒嘅，最後搭咗一兩個鐘頭巴士返波圖。

Day 4(續）

返到波圖，亦都就嚟接近黃昏啦，於是我哋就去咗加亞新城嗰邊睇日落，途中會經過路易一世大橋，係橋影下杜羅河同沿岸建築物，喺夕陽嘅襯托之下係特別靚


落車已經係廣場


行過對面馬路落去已經大橋入口


大橋上


杜羅河日落

過左河先後，可以係草地坐係度，望返對岸既舊城區，係夕陽襯托之下更有氣氛。好多情侶都坐係度談情


對岸既公園


對岸望返去舊城區


上面修道院

想有更佳既景觀，就要行上去修道院，居高臨下望兩岸晚霞嘅景色，加埋電車經過大橋，仲靚






由於今日係平安夜，波圖市內好多餐廳都已經關門。剩低既餐廳都大排長龍，好好彩搵到間越南餐廳食，唔駛排咁耐，係野食準備耐d。係歐洲黎都係正常味道。


晚上大橋


波圖大教堂


今晚晚餐

食完野就漫遊下夜晚既波圖，雖然無雪落，不過有聖誕裝飾襯托之下，都唔差。


晚上河岸



聖伊爾德豐索堂的聖誕裝飾

樓豬幾碎 點解可以周圍去

Day 5: 波圖市內一日遊

今日呢就比較遲起身出發嘅，原本想食菠蘿圖嘅出名食物-濕答答三文治，點知間餐廳係冇開嘅


朝早既教堂


聖誕正日既市容


想食既三文治餐廳無開

咁唯有去咗阿斯瑪教堂打張卡，聖誕正日都真係幾多舖頭冇開，唯獨是連鎖葡撻店同紀念品店仲有開，同埋啲南亞佬定唔知中東佬開嘅餐廳，佢哋係節日一定會開。不過，所以我地早餐都係食個葡撻套餐，個葡撻都係有啲甜



阿斯瑪教堂



好彩有葡撻店做早餐


好似係政府機關


波圖專門店無開


當地的消防局原來係既

想去下波尼歐市集，都係無開。之後向據稱係全世界最靚嘅書店- 萊羅書店參觀，不過都係無開。附近係有個卡爾莫教堂，叫左到此一遊啦。


係書店旁邊既街道


書店，本人覺得都過譽


卡爾莫教堂


當地大學

附近有個教士塔，同樣聖誕正日無開，唯有就沿河岸方向前進。


教士塔



都要食返少少野填一填肚


向河邊進發

呢個時候就2點幾，原本mark低既餐廳聖誕正日無開。於是我地去返自由廣場附近。途中經過聖本篤車站，果然成個火車站大堂都用磁磚，講葡萄牙嘅故事。



波圖熱鬧既區域


又整多個葡撻先




火車站

係附近既timeout market同號稱全世界最靚既麥當勞都無開之下。最後唯有食中東佬開既快餐店醫肚幾時都話佢哋真係勤力！


M記真係咁靚？





聖誕黎歐洲，預左正日係無乜食

都唔後生

聖誕去歐洲 預咗好多鋪頭休息
夏天去會好啲 日照時間會長好多

m記都冇開

波圖真係幾正

唔係樓主，旅遊台就得番日本遊記睇

係咪全程都冇揸車？

樓主講嘅濕立立三文治係咪呢隻？

波圖我覺係舒服，但相對無乜嘢玩

全程無揸車，左軚怕唔慣

係呢個啦，認同波圖無乜野行，留2日1夜就ok

預左既

我以前係飛哥本哈根，坐幾個鐘去瑞典，然後北上睇極光，入挪威，芬蘭走

好唔好食
我都mark低左
見到d台灣人有推
不過信唔過佢地d味覺

睇見都唔想食

應該都要轉機

Day 5(續）：

食完野就慢慢落返去杜羅河岸，跟住係河岸行返路易一世大橋，不過今次係下層行過去對面岸，對面岸既酒廠聖誕正日果然無開，不過d人就出哂散步。


今次就行大橋下層過對岸



望返舊城區，好天氣就係靚



出名酒廠





行返手信鋪參觀下

行到5點左右就返酒店拎行李，搭電車去波圖機場，準備搭8點幾機去馬德里。呢間航空公司，有趣既係check in counter臨起飛前1個多小時先開，又勁多人排隊，個陣時仲驚會唔會遲左過安檢，不過安檢又唔算多人，好快入禁區，仲有時間買d手信。


波圖機場


機場都買到昨日係酒廠買到既port wine，仲要免稅

最後班機都遲咗少少起飛，要夜晚10:30先去到馬德里。以為去到馬德里又要搞入境手續，點知係唔使嘅直接出禁區就搞掂，可能係神根區掛，不過啲行李佢係擺咗喺第二度行李輸送帶，要兜返去拎。


行返去T2拎行李

嗰陣時夜晚11點趕住搭地鐵，見到有Travel pass就買三日啦。點知後來醒起其實唔需要買嘅，因為馬德里啲景點好集中，好多都行路都去到嘅，所以兩個人加埋就浪費咗30幾歐元。


住metro出返市區

搭地鐵喺機場出返嚟馬德里市中心都係唔超過1小時，喺馬德里嘅住宿呢就係近德波神殿嗰邊，喺2度嘅天氣之下推住個行李去酒店都真係非常凍。馬德里嘅天氣明顯比葡萄牙係凍


酒店附近既火車店

去酒店嗱嗱聲check-in之後，喺12點呢啲時間都真係得中東佬開嘅餐廳救到我哋，又係食kerb。



食完嘢返酒店，呢間係一間比較文青嘅酒店，地下大堂有張乒乓波枱，有個酒店職員就同我打乒乓波，於是就展開一個香港人同西班牙人嘅乒乓外交故事。


酒店房


公共區域


同酒店職員打乒乓球