雙牙四城遊記

波圖得2日，加上節日正日，有啲景點係冇參觀到嘅

support

諗緊5月尾都去
Lisbon留3日，波圖留2日其實夠唔夠

其實勉強都夠嘅，里斯本留半日會再靈活啲

留名
仲有2個月出發

我4月出發, 不過葡萄牙只去里斯本, 辛特拉冇咩興趣應該都唔會去, 留3日可能行下食下野算

里斯本果間海鮮飯亞洲人仲多過歐美人
係咪泡菜人

多韓國人同台灣人

由於酒店WiFi完全upload唔到相，唯有幾日返黎先更新

留名

有冇里斯本波圖酒店推介
睇親non hostel 靚少少都HKD1800+
利申:4月底去

我見連Holiday Inn Express都$1800

Day 2: 辛特拉+羅卡角一日遊

今朝就要8:00出門口啦，咁就行去羅西澳火車站，坐火車去辛特拉，原來里斯本卡係免費來往辛特拉，我哋嗰陣時掛住買車票就忽略咗，所以就買多咗來回火車票啦


火車站

搭過去都唔使一粒鐘嘅，咁咁呢區其實最好就用兩日一夜時間行呢就會比較舒服啲，我哋行程比較趕呢，唯有就精選一啲比較受歡迎嘅景點去行，係火車站買咗張巴士day pass，來往景點。

首先就係去最出名既佩納宮啦，係火車站左轉就是前往摩爾人城堡、佩納宮和辛特拉宮的434號巴士站，搭去總站就到啦。我哋亦都算係淡季黎，加上10點已到，所以買門票都係半粒鐘後的時間進入。

旺季時建議事先網上買門票，係官網購票時需揀參觀日期和時間，呢個時間是要進入宮殿的時間(遲左無得入不能入)，而不是走進大門的時間，從大門走到宮殿為上坡，大概需要10分鐘的步行時間。




外觀


就係呢度排隊入場

入到去就首先會看到Claustro Manuelino曼努埃爾修道院的庭院，牆上貼著各種幾何圖形的阿拉伯瓷磚，之後就參觀各個房間，睇睇D. Fernando II費爾南多二世國王和王后在這裡生活的境況。


地下庭院








走出驗票的參觀區域閘門，經過超顯眼的Terraço do Tritão海神露台走到底是Pátio dos Arcos拱門庭院。


戶外區域

下一站就係去摩爾人城堡(Castelo dos Mouros)，行落去10分鐘就到啦。係門口仲要行多10分鐘先入到城堡區域。


城堡入口

呢個建於8-9世紀間的中世紀城堡，目前僅剩下城牆部分保留了下來，似迷你的萬里長城，跟佩納宮相望，在城堡的制高處可以將周圍景色一收眼底，望到大西洋呢，都幾值得黎



辛特拉市景



遠望大西洋


回望頭先走過既路

喺度逗留一個鐘左右就搭返434巴士回程，回程嘅時候我哋就唔係去火車站，喺前面市鎮落車搵嘢食


小鎮建築

搵嚟搵去終於都搵到間價錢唔算太貴嘅餐廳，不過食物質素就唔係好好啦。

Day 2(續）：

食完飯繼續行程原本打算搭巴士去火車站，再轉另一架435巴士去雷加萊拉宮，不過老細就教我哋行一條捷徑，就咁行路行15分鐘已經到啦


路好易行


雷加萊拉宮

原本豪宅同庭院，被改造之後加入了屋主喜歡的文化，充滿著煉金術, 共濟會充滿神秘主義宗教思想以及中世紀的天主教聖殿騎士等元素

先去守護者入口兩邊的塔都有樓梯可以走上去，是通往山坡上層的捷徑，順便影下廣場





走到更高位置後，看到一個大石塊堆疊而成的物體，當下看不出來是什麼景點，進去之後發現是最出名的創始之井(Initiation Well)

由井口往下看，是深達27公尺的地洞。井口夠大，光線可以直接照到井底，從上面可以看到底下有一些符號。在井的周圍，有螺旋狀階梯通向井底。這口井不為取水而建，據說是莊主為了研究塔羅學而造的



井底望返上黎


井底通道

沿著樓梯往下走，井底有另一條隧道可以通往另一個稱為未完成的井(Unfinished Well)的井底。




出返去係瀑布

走返出黎，就行返落去，從側門進入參觀雷加萊拉宮內部，裡面就是在參觀一個富豪的家，就係行下屋企。






參觀完都接近3:30點左右，原本我就想call Uber過去羅卡角，跟住門口嘅職員話有架巴士可以搭過去，於是等咗一陣咁啱就有架巴士到啦，搭過去都係40分鐘左右。


巴士都幾細

日落係5:10pm。見到紀念碑有幾架警車圍住，發生咗唔知咩事。咁所以我哋就先去遊客中心呢拎張證書，大概11歐左右。



仲運作緊既燈塔


證書既樣

之後我哋就去咗間紀念品店避一避風，到咗距離日落時間仲有20分鐘左右呢我哋就行出去，見到呢大西洋一望無際嘅。




不過日落嘅方向就有一片烏雲，仲越嚟越大，最後只係影到少少耶穌歌，同前一日嘅日落相差好遠。




見唔到靚日落



紀念碑，陸止於此，海始於斯

跟住就搭巴士返返去火車站，喺去程嘅時候我哋拎張day pass個司機冇問我哋收錢，不過回程嘅時候司機話張day pass唔用得要收返錢，所以我都唔知係咪去程嘅時候個司機好人唔使收我錢


火車站


望望摩爾人城堡

lm
覺得葡萄牙葡撻唔係熱冇香港咁好食

11歐

里斯本我會揀Marques de Pombal 附近，因為如果報一日團就係嗰啲位上車

自由大道更旺中帶靜，例如$2k頭有

Hotel Avani Avenida Liberdade Lisbon

Softitel Lisbon Liberdade

LM !

里波本：My Story Hotel Figueira
波圖：Mercure Porto Centro Santa Catarina

Day 2（完）

回程就有少少塞車，搭左1小時先返火車站，又要等多40分鐘先有火車返里斯本。返去到都8點幾，所以就係附近搵左間餐廳食嘢，叫左沙甸魚同葡式牛扒食，正常水準！至少沙甸魚唔太鹹，雖然我唔知道葡式牛扒有乜分別






之後就去附近既聖誕市集，行個圈，順便黎到觀景台（阿爾坎塔拉聖伯多祿花園），不過覺過呢個觀景台睇個夜景唔夠喉！





所以趁仲有時間，就搭電車落去，再食個葡撻。





再轉地鐵，跟住就行一段上坡路去恩寵聖母觀景台，其實中間坡路冇乜人都有d驚。不過上到嚟見到個夜景係值得嘅






之後就行返落去，就會經過28號電車總站，行返去酒店都係20分鐘嘅事。


行上黎同行落段路係比較靜


終於落返黎多人地方

其實kfc唔差既

Day 3: 里斯本最後半日遊

今朝遲少少出門口，首先沿自由大道再行上去愛德華七世公園，原來呢度又有另外一個大型聖誕市集，有旋轉木馬嗰啲設施。呢度望返落去里斯本係另一個觀景嘅地方。


自由大道，沿途都係一啲名店。





望落去市區


之後就搭地鐵去卡爾莫修道院，卡爾莫修道院1389年是由國王若昂一世的將軍佩雷拉所建的，1755年的里斯本大地震，將卡爾莫修道院變成廢墟，如今只能透過頭頂上睇哥德式建築弧線，


路經百年老店，巴西人咖啡館





入面有展示館既

參觀完之後都中午12點，於是我哋就行落去time out market，去timeout market 可以試到當地出名既餐廳，之前都睇過d資料，所以就揀左以下餐廳：

Cafe de Sao Bento：叫左個葡式牛扒，同平時牛扒都係差唔多
Alexandre Silva：叫左個三文治，唔差既
Café de São Bento： 叫左個馬介休混薯容餅，都比較咸

另外叫杯野飲同朱古力蛋糕，都用左近$400港幣。


行返落去海邊

Market外觀

想問你機票買幾錢？
早幾耐買

有菜食咁好