《人格之王》重序

意義

生存這就是所有人類嘅生存意義。說到底人類還是離不開生存嘅範疇。但係到或甚麼是生存。大多數人都生存這一生，又或者大多數人一生都在生存。既然如此，生物又為甚麼而生存。在這個世界並不是所有生物都追求生存，有啲生物還會追求死亡。追求人生嘅意義這一點其實係同精神病冇咩分別。

因為思考生命意義嘅人都唔知道生命有咩意義。從來沒有生命會覺得生存是需要任何意義，但係每個自殺嘅生物都會擁有自殺嘅理由。只要生物活得夠久，任何生物都會擁有自殺嘅念頭。生存總是毫無理由，但係自殺總會有理由。

人一生總會有嘗試過求死嘅經歷。哲學家從來都唔會認真思考到底生命有咩意義呢啲如此抽象嘅問題，但係每一個追求死亡嘅人都會有經歷過呢種問題嘅折磨。

人之所以追求生命嘅意義其實都只不過是為了生存。這只不過是紅蘿蔔加大棒，只要吊紅蘿蔔係馬面前，馬就會不斷追住紅蘿蔔去跑。人生嘅意義就係紅蘿蔔，而現實就係個大棒。呢個問題我也問過好多次，就同自殺嘅理由一樣多。

好多人認為自殺一定覺得呢個現實唔多美好，所以走去自殺。其實自殺係一種正常嘅生物現象。任何生物之所以去自殺，未必係因為現實並不多美好。但大多數嘅生物的確係走投無路而選擇了自殺。

沒有人生意義未必會自殺，但係沒有人生意義就沒有生存嘅必要。人自殺嘅理由有一大堆，但係卻沒有任何一個似樣嘅生存理由。每一個哲學家都會問生命有咩意義？但係我從來都未聽過有咩哲學家講咩生命嘅意義係合理過。

哲學家所謂生命意義嘅提問也僅僅是提問。但係一個追求死亡嘅生物，所提問生命嘅意義則是與自身嘅生存息息相關。說實話，哲學家所講嘅生命意義根本沒有意義可言。哲學並不能夠令人思考生命嘅意義，只有面對死亡人才會真正思考自己人生存在嘅意義。

根據我嘅經驗，全部學術界所講嘅追求人生嘅意義全部都係廢話。不過講真，如果太過糾結呢個問題對於所有生物都唔係一件好事。生存未必需要任何理由，也不是恐懼死亡。生存也僅僅是存在。

只不過單純係存在開就存在。一個人一個家庭有一個老豆同一個老母，然後結婚生子之後死去。這就是一個生命嘅循環，如此理所當然嘅事情也沒有甚麼好討論。

嘛，自殺也有好多原因。絕大多數人類知道係因為痛苦同因為走頭無路嘅絕望就已經足夠。反正從來都沒有人類會真係探討人點解要自殺背後嘅原因。應該不需要了解得咁清楚。你會唔會問死亡到底有咩意義？

再講落去恐怕要探討死亡嘅意義。可是討論死亡嘅意義就必須要討論死亡嘅世界。說真，就同生存嘅意義一樣抽象。即使活係呢個依個存在可見嘅世界都唔知道生存有咩意義，再探討一啲人類完全唔知道嘅世界嘅意義一啲意思都沒有。偏偏死亡存在。是啊，任何生物都會死。

死亡是生存嘅終點。但好少人會將生存嘅意義同死亡掛鈎。畢竟我並不是哲學家，但係人類自身嘅生命意義恐怕只有等到死亡嘅時候才能夠知曉。嘛，反正我也從不在乎他人生命嘅意義。

死亡邊緣

人類總是生存，但係生存卻是人類最為困難嘅事情。只要活得夠久，無論是誰都有想自殺嘅諗法。無一生物是例外。只會活得夠久，邊個都會對於生命感到厭倦。

只不過人類也活不到這麼久吧。不，對於人類來講已經足夠久。足夠久到會問自己嘅生命有咩意義。

你要知道世界上並不是所有人到死為止都有思考過人生嘅意義。就連蘇格拉底都只不過係等候死亡，而不是自己想去選擇死亡。每一個自殺嘅人都唔係突然間去死，而係擁有一系列先兆同傾向。簡單來講就係已經活得足夠久，所以才選擇自殺。

某個程度就連活多一日都嫌多。每一日都已經足夠久。然後你就會問生命有咩意義。基本上就已經走完一個自殺嘅簡單流程。至於之後嘅事情其實我都唔係太清楚。但恐怕我到死之前都會問生命有咩意義。當我發現嘅時候，我早就已經問過我兩次人生有咩意義。

沒想到我離死亡這麼近。每一次都係站在死亡邊緣嘅角度思考生命嘅意義，就不能夠好似哲學家們一樣普普通通思考自己嘅生命嘅意義。就不要刁難我，那種生命嘅意義根本就毫無價值。

只有站在死亡邊緣才真正了解自己生命嘅意義。不過講真，呢啲問題唔思考好過思考。每一次死亡都不是一件好受嘅事情。其實人類生存同死亡一樣，都一樣唔需要理由。人活着並不需要理由，生命也不需要特別嘅意義。哲學家並不需要生命嘅意義，只有死人才需要人生嘅意義。

我諗人類還未去到如此可悲嘅階段。哲學並不是俾人讀，我就從來未讀過。我這一生只不過是為了生存而努力。人點解要生存？哲學家總是問人生嘅意義。但係生存這只不過是生物嘅本能。

每個生物都渴望生存，追求更好嘅生活則是另一回事。理由呢？生存太過理所當然，並沒有任何一位哲學家覺得生存需要任何理由。如果要講生物追求生存，我覺得任何生物追求生存是理所當然嘅事物。

哲學家總是說生命嘅意義。難道沒有生命嘅意義，哲學家就會自殺嗎。並不會，因為就算是謊言，哲學家也會有作一個生命嘅謊言給自己聽，說生命擁有價值。事實上佢哋根本唔知道生命擁有甚麼意義。但係一個追求死亡嘅人就只有真正覺得生命擁有意義才可以活下去。

兩個層面上嘅生命意義都唔同。講真，哲學意義上嘅生命意義我完全不懂。但係一個生物嘅生命嘅意義僅僅是為了生存。這不是理所當然嘅事情，人類渴望生存。說到底，我就是那種從來未自殺過嘅人。

人類最為困難就係生存。如果早知道人生如此痛苦，或者從一開始就唔應該活着。但係又會有誰知道將來會點。走投無路嘅人會自殺，因為佢哋明知將來會被更加殘忍地折磨至死。倒不如選擇一條更加輕鬆嘅死法。

如果可以選擇嘅情況下，人總是選擇一條更加輕鬆嘅道路。生存其實都係一樣。生存比起自殺其實簡單得多。但係生存比起死亡卻困難得多。生存總是係生與死兩者之間不斷徘徊着。

生與死

生存其實生活完全沒有任何關係，任何人其實都係生活緊而唔係生存緊。無論生活幾咁富裕嘅人都有機會徘徊生與死之間，只不過愈有錢嘅人就愈少機會站在這個死亡邊緣之間。自殺嘅人其實同死亡非常接近。生存就像死亡。每日活係生不如死嘅世界之中。只不過係垂死掙扎。

生活並不需要理由，但係生存卻需要理由。大多數人只不過不需要活着，甚至從來沒有思考過生命嘅意義。唯一思考過生命嘅意義就係讀過哲學嘅時候。但係喺受盡痛苦折磨嘅世界哪有一些美好嘅人生意義。

活下去需要理由。沒有任何一件事情比起呢件事情更加荒謬。一直以來生存都唔需要理由，就好似平時一樣生活緊。突然間就連呼吸都需要理由。

又哪會有人會明白那種嘅感覺。活着並不會把自殺視為一個嚴肅嘅哲學問題，因為佢哋都從來沒有一個真正嘅自殺念頭發自佢哋嘅內心所思考過。但係生存嘅意義是每一個面對死亡都會思考過嘅問題。

這個世界並不存在那種生活緊卻思考着自殺嘅問題如此悠閒嘅人。雖然大把活着嘅人都講述生命同人生嘅意義。但終歸不會明白，也不可能認真思考得到。係生存嘅時候思考自殺嘅事情，係死亡嘅時候思考生命嘅意義。

如果生活這麼痛苦，就同死亡一樣那麼人類還會有活着嘅必要嗎？我並不知道這個問題嘅答案。但係人僅僅活着就擁有希望。而死亡則是代表一無所有。但基本上只要對於現實沒有任何依戀，這種事情就沒有所謂。

到最後還是要講述人生意義。避唔開呢個話題，永遠都避唔開。沒完沒了。哲學家都諗唔明，一般人又點會諗得明。一個人嘅求生意志其實只係渴望生存。生存到底係咩唔重要，最重要係點解繼續生存落去。

也只不過是一個無聊嘅故事。人活下去根本不需要甚麼特別嘅理由。想活下去就同自殺一樣可以有好多理由。只不過想自殺嘅人佢嘅人生就同死咗冇咩分別。只不過佢哋選擇並不是係現實中死去，而是選擇係活着中死去。

說實在，即使自殺嘅人未死我又唔覺得佢哋嘅人生將來會有一大片光明。尤其是一些非常淒慘嘅人，佢哋就算未死其實人生都已經死咗。當然，絕大多數嘅人都未去到這麼可悲。但係真正嘅可悲，無論自殺抑或唔自殺其實都冇咩分別。（正如阻止自殺都係阻得一時阻唔到一世一樣。雖然人還是會不斷阻止自殺發生。）

只不過係偷換概念。事實上痛苦一樣多，無時無刻都受盡折磨。只有把自己當作死咗，人生才會比較好過。其實同死人嘅生活差唔多。

是啊，要討論下去只會沒完沒了。自殺未遂嘅人只不過未自殺，而不是擺脫死亡嘅階段。有邊個諗過當年我只不過係有諗過自殺念頭，到咗今時今日竟然有咁多可以諗。

更加可笑嘅係，我嘅人生由那個時候開始早就已經踏入半死亡嘅狀態。就算苟且偷生活活得不像人都好，我還是選擇了生存下去。就連我自己都覺得我活得像懦夫一樣。

為了生存，我變成了一個懦夫。我以為只要避開所有痛苦嘅事情，或者不多不少可以減輕痛苦。但係到頭來我只不過痛苦不斷。陰影在我內心揮之不去。生存僅僅是痛苦。並不是指身體上擁有任何傷痕，而是心靈上擁有着極大嘅痛苦。只不過是苟且偷生地活着。毫無任何希望。活着僅僅是活着。

生存有一百種理由，生存有一百種方法。但無論邊種都好，生存也僅僅是生存。創傷永遠都不會康復。既然如此點解人類還要生存？

以前就話有一百種方法阻止自殺者自殺。但係當你經歷過自殺者活着嘅末路，其實一個人人未死心心已死。重點不是現在而是將來。一個自殺未遂嘅人某個程度都已經係一個沒有未來嘅人。自殺未遂也僅僅只不過是自殺未遂，並不代表佢哋擁有未來嘅希望。

但所謂生存就是這一回事。或者真正難過是未來嘅事情。但係徘徊係生與死之間也實在很難去為將來所擔憂。就算要做一個懦夫也想要生存下去。這是為甚麼？誰知道啦。

活下去

毫無理由地生存下去，以及每日都有理由生存下去。其實都只不過係生存。擁有生存嘅理由也不會活得久一些。分別也僅僅是有理由和沒有理由。

人活下去並不需要理由，但生存總要動機。但就算有理由其實都只不過係給我哋嘅藉口。根本上我哋都知道明天根本不可能會更好。但係就算是這樣，我哋仍然選擇活下今天。

活着是一件痛苦嘅事情。既然如此點解又要生存？的確，生存並不是一件好事。活着就代表會恐懼、會迷惘，而更加重要對於我這種人來說生存代表永遠被陰影折磨。

痛苦這種事情是永遠不可能解脫。至少我對於痛苦嘅研究，一個人到死之前都永遠無法擺脫陰影，無一例外。這是事實。這是事實但並非事實。或者有擺脫陰影嘅方法是我不知道。至少我所知，並不存在這樣嘅人。我也無謂比假希望俾大家。至少大家是大多數嘅人，就算真係有個別例子都係非常少數。我並不相信大家是屬於少數人之中。

事實上我哋有可能永遠都要與痛苦共存。只不過我哋也不是任何時候都痛苦不變。也有減輕痛苦嘅方法。整體來講治療陰影並不可能，但係活下去卻綽綽有餘。

生存有一百種理由，而活着也有一百種方法。我並不知道生存是否正確。又或者只不過只係生存開而繼續生存。但既然有方法可以生存那麼成為懦夫也應該要繼續活下去。

這是個很複雜嘅問題。一個人不去選擇自殺其實理由是極其荒謬。而一個人選擇去自殺嘅理由也是極其荒謬。但說實在並沒有一個情況比起認真思考應唔應該自殺嘅情景更加荒謬。

活着是一件很理所當然嘅事情。但係咁樣都要去思考自殺嘅問題。這當然涉及背後很複雜嘅理由。通常都離不開生活極大嘅痛苦。但認真並沒有一件事情比起思考自殺背後嘅成因更加荒謬。理由說到底都只不過是比我哋嘅藉口。無論死亡抑或活下去。

這個並不存在毫無理由活下去，又抑或毫無理由嘅自殺。但其實人們根本就唔想知點解一個人去自殺。佢哋僅僅只不過是想知道一個理由。去說服自己原來自殺需要一個理由。

你很難想像一個人會毫無理由地自殺。我也很難想像一個人活着竟然毫無理由。不如話我也有曾經毫無理由活着嘅階段。但唔知由幾時開始，生存嘅理由就成為我生存嘅燃料。就是要擁有才能夠活着。

這並不是一件好受嘅事情。我人生到目前為止認真思考自殺嘅問題就只有兩次。兩次都有唔同嘅理由。而每一次生存嘅理由總覺得人生好似有啲嘢唔同，但係又好似冇咩分別就有一種很奇妙嘅感覺。

只不過整個過程都並不太好受，生存嘅理由隨住年歲愈大就愈刁鑽。倒不如說根本就毫無理由，只係生與死徘徊咗三個月。不，其實是有理由，只不過隨住年歲愈大，有啲理由唔想好似小學一樣明確咁樣講出來。

是有理由繼續生存下去。雖然你可能未聽過。因為我未明確講過。但真係有理由。只係中學那個階段好多理由其實都唔需要明確咁樣講出來。其實只要知道我嘅經歷就知道那個理由是甚麼，只係我從來未用過言語表達過出來。

畢竟經驗豐富。第二次唔需要第一次一樣這麼明確。我只係知道理由一次比一次刁鑽。我完全想像唔到下次應該用咩理由。算，到時先算，生存嘅理由就只有自殺嘅時候才可以想到。平時無端白事好難諗。

真的，明明提出自殺是嚴肅嘅哲學問題嘅哲學家都不曾認真想過人點解要自殺。但係偏偏我就受盡呢個問題嘅折磨。一個人無端白事點會諗到自殺呢個問題？

你就少刁難人哋。說到底我哋根本就唔同生物。總會有人問洛基同普羅米修斯點解唔自殺。佢哋只不過係死唔去，而唔係唔想死。又有咩分別？分別就大。死唔去嘅人係想死但死唔到，而活下去嘅人僅僅未從來思考過自殺嘅問題。

其實到最後都係活着。其實本質上並沒有甚麼分別。洛基雖然活着受盡折磨同痛苦，但大多數時間都係由佢嘅妻子用住個杯去裝住啲毒液。

普羅米修斯就更加不用講。肝臟只係每日重生一次，也只不過係每日受一次痛苦。但係又死唔去那隻。畢竟肝臟有很強大的再生能力。從神話角度睇，普羅米修斯將文明帶給人類，宙斯所給予普羅米修斯嘅懲罰只不過係人類擁有文明之後嘅下場。

文明之神

但每個人提起普羅米修斯的肝都只會諗起肝臟擁有強大嘅再生能力。肝臟會不斷受傷然後再生，普羅米修斯盜取火而受到懲罰與痛苦。呢啲都只不過象徵住文明並不只有好嘅一面。

火可以為人類帶來好處，也可以為人類帶來破壞。當然站在而家嘅角度，火帶來嘅好處大於壞處。但其實都冇咩分別。因為痛苦依然不斷。每日肝臟都會定時受到破壞然後重生，這是普羅米修斯嘅命運。

希臘神話最鍾意講命運。而普羅米修斯所象徵住文明。認真思考這個問題真的是極其愚笨。你只係知道普羅米修斯死唔去就已經足夠。唔係打不死，而係死唔去。

不過根據普羅米修斯最後嘅神話，係由英雄時代嘅海格力斯用箭射死了鷹，才能夠將他從這種折磨中解脫出來。誰care普羅米修斯嘅結局是怎樣，最重要是海格力斯沒了。現實上根本不存在海格力斯拯救普羅米修斯，就算是海格力斯也逃不過死去嘅命運。

希臘神話哲學命題永遠離不開命運。喺希臘神話入面，預言並不是指將來會發生嘅事情，而是命中注定會發生嘅事情。沒有人知道鷹幾時食肝臟，但係每一日肝臟都會被啄食這就是普羅米修斯嘅命運。誰都不能夠阻止得到。

就算海格力斯殺得死一次，也殺不死第二隻。但係又有邊個會care普羅米修斯嘅命運係點。歷史不斷重複，人類不斷犯下同樣嘅錯誤。事實上又會有邊個真心care人類未來嘅命運是如何？

人類光是應付自己嘅歷史就已經很麻煩。係痛苦不斷嘅現今，重要care人哋過得好唔好也實在太過悠閒。虛無主義者無論睇咩都係虛無，係希臘神話中最虛無就係宙斯。

但就算是宙斯都敵不過被遺忘嘅命運，變成虛無嘅一部份。諸神嘅黃昏只不過係時間嘅問題，無論甚麼嘅信仰都離不開死亡。死亡即虛無。係虛無主義者眼中嘅世界，除了自己一切都係虛無。

並沒有人覺得上帝係存在。所有有形之物最終都會化作無形。這一種過程就係死亡。根據某個科學理論，宇宙係經歷過無限久嘅時間就會被毀滅。但係從來沒有任何一個科學理論講述宇宙是永遠永恆同永生。世界遲早都會滅亡。正如普羅米修斯逃不過懲罰嘅命運一樣。只不過唔會係2012。

世界末日

各位，我係相信世界會末日嘅人。只不過唔係並不是今天，也就是我是一個虛無主義者。不過相不相信其實意義不大，宇宙嘅最終命運也不是我可以決定得到。或者將來某個時候，宇宙將會毀滅。但係對於活着現在嘅人來說實在很難顧及如此遙遠嘅將來。

人會死，宇宙也有壽命。人擁有一百種死法，世界也有一百種毀滅方式。就連眾神都阻止唔到命運嘅發生，凡人又可以做啲咩？做啲咩之前，光是活着就已經很吃力。

50億年後太陽就會壽終正寢。但有邊個人可以活到50億年後。更不要提及咩一百兆年後，宇宙係撕裂地死，抑或凍結地死，以及擠壓至死。就難道從來沒有一個宇宙論假說是存活嗎？沒有，所有宇宙學家都係虛無主義者。

大件事，大件事！要阻止宇宙毀滅。首先要成立一個防止宇宙熱寂嘅基金，給北極熊一個溫暖的家。你也不是很懂嗎。其實北極熊進化到只係北極先可以生存得到。但係又有邊個真係care北極熊是否需要溫暖嘅家。只不過係口號，當天氣40度重要care北極熊是否溫暖，世界邊有咁容易毀滅。

石油都就來用完。三十年前讀書就話三十年之後用完。三十年又三十年，到咗我老死那刻都唔知道用唔用得晒。用唔用晒都唔係一個重點。根本上冇可能用得晒。其實人類太過渺小。太大嘅問題根本就解決不了。

地球嘅溫度就同人口增長一樣高。解決地球暖化唯一方法除非將所有人類都毀滅。或者所有人類都停止活動咁樣生活下去。其實冇人care地球暖化係唔係真係可以導致地球毀滅，但係所有人都需要呢個毀滅嘅危機。不過呢啲都係冷戰之後嘅事情。

反正就算地球嘅溫度升多幾度，人類總有方法可以生存得到。不過每個人都知道全球暖化並不是地球嘅最大危機。因為危機永遠都係無法睇到嘅事情。要講現代文明最大嘅危機其實我也不知道。

說實話我根本上從來都唔在意地球嘅溫度到底提升幾多，將來嘅事情對我來講也實在太過遙遠。光是活着就已經筋疲力盡。說實在，比起地球暖化更加嚴重嘅問題多的是。但係人類只關注地球暖化，證明地球暖化根本就唔係一個大問題。

社會上根本就有好多問題無法解決，最重要係睇唔到同金錢一啲關係都冇。一啲利益都冇嘅問題根本就唔係一個問題。社會問題唯一解決方法就係用個杯裝住毒液，未死得就已經唔係一個問題。

事實上根本解決唔到童年陰影嘅問題。講真，社會陰影又睇唔到。就算睇到都當睇唔到，反正對於社會都冇咩特別大嘅影響。你要明白由古至今，貧民區一直存在。

花錢解決一啲永遠都解決唔到嘅問題，不如花錢解決一啲可以睇到嘅問題。這樣不僅政績豐富一啲，就連成就感都會高一啲。俗語有話睇唔到嘅問題就唔係一個問題。世界上有好多問題，但人類只關心地球暖化，即係代表地球暖化係好重要。

不過講真，世界上真係冇一個政策比起環保政策更加反智。我實在擔憂將來人類嘅智商問題。推崇環保到咗一種文明退步嘅狀態真係遠遠成功達到目的。將來俾錢可能要以物易物。用紙飲管如此反智嘅舉動，末日鐘都不曾過一秒，我就知道人類離世界末日就近了一步。

不過講真，呢啲問題對於香港來講其實都唔係一個問題。世界上沒有一個地方可以完全做到走塑。除咗香港。今時今日實在很難不相信地球暖化會加速人類滅亡。事實上地球未熔掉，人類智商就已經急劇下降。

呢啲問題對於香港來講都只不過係微不足道。就算世界末日對於香港來講都係小事。真正重要嘅事情也不是人類嘅未來。雖然時代愈進步文明愈退步，不過人類嘅文明還未去到盡頭。

到或甚麼事情是真正重要，其實我也不知道。對我來講未來到底有咩盼望，這一點我就連想都沒有想過。倒不如說我唔覺得我嘅未來會有甚麼嘅希望。

生存方式

人活着不多不少對於未來抱有希望。可能我自己其實也對於未來未至於這麼絕望，但亦只有不抱有任何希望才可以繼續生存下去。希望這一回事愈是覺得擁有到失去那時就會更加絕望。所以很久以前我就對於未來不抱有任何希望。

這也是我的生存方式。只不過時常諗這是否正確。如果最初抱有多一些希望，或者我個人嘅人生未來會變得完全不同。不過說到底我是個比起太宰治更加膽小嘅膽小鬼。

只要不抱有任何希望，就不會絕望。係希望同絕望之間，我只係選擇咗現況。係明知有可能會受傷嘅情況下，我絕不會觸碰棉花。可以話生存，我選擇了生存嘅最大嘅現況。只有好似膽小鬼一樣，我才可以生存到最大機率。

不僅沒有對於未來抱有任何希望，甚至對於未來作出最壞打算下戰戰兢兢地活着。為甚麼你即使如此做到這樣嘅地步也渴望生存下去？我也不知道。可能是過去某一些嘅回憶吧。又或者追求生存是生物嘅本能。

但有時候都會諗，如此消極面對現在真的是好嗎？的確，你比起任何人都更加面對現實。應該說你比起其他人更加活在當下。其實是比起其他人更加面對現實。只有對於未來消極才可以生存下去。

我嘅看法，消極嘅活下去未必是最好。但這也是一種無可奈何嘅生存方式。每個人面對陰影都有不同嘅選擇。但其實個個都知那個時候根本冇得揀。面對陰影根本就別無選擇。但係我哋卻可以選擇我哋嘅未來。

過去無法改變。無論過去幾咁遺憾抑或痛苦都好，過去嘅事情也已經發生咗。就算有時光機都好，改變咗嘅過去也已經不是自己原先嘅過去。唔屬於自己嘅時空，其實根本就唔屬於自己。

冇人會擁有記憶，所有人都當你係陌生人。就算同一個世界都好，其實都係一個全新嘅世界。穿越時空嘅人本質上就同一個從來都不存在這個世界嘅人冇咩分別。其實只要你明白呢點，你就會明白穿越時空其實永遠沒有完美happy end。

因為穿越時空嘅主角永遠都無可能得到happy end。偶然動漫會講到超越時空得太多會消失或者比死更加難受永遠迷失時空之中。但其實由佢哋第一次超越時空開始就注定被世界排斥。更不要提及輪迴幾十次嘅人，早就已經無所謂。

不過我個人並沒有追求完美happy end嘅強迫症。我個人也對於改變過去並沒有多大嘅興趣。要說從來沒有改變過去嘅念頭，那肯定是騙人。寫自傳其實其中一個目的就係同過去作一個了段。某個程度我係一個活在過去嘅人。

活在過去

同其他小說家唔同。其他小說家寫嘅故事通常都係以他人為主，然後得出很大嘅哲理。雖然有部份都係來自於作者自身嘅經歷，但畢竟是虛構。有陣時人只有將自己嘅故事當作他人嘅故事去講才可以完整地講出那種故事。再者其實自身嘅故事也並不多有趣。

每次寫自傳我都會覺得我嘅人生是一個無聊嘅人。作為一個作家寫如此無聊嘅故事真的好嗎。沒有高深嘅哲理，相比起其他人也平淡得多。換言之就係唔適合寫自傳嘅人。或者改編一些劇情可能會更好更有代表性。直情可以攞諾貝爾文學獎。

只不過我無法寫他人嘅故事。與其說無法寫，不如說唔想寫。因為有好多問題其實關乎我自己，所以想着無論如何都首先解決我嘅問題先。並沒有高深嘅哲理。也沒有有趣嘅故事，卻是必須解決嘅事情。

有時候我都想如果我嘅人生不斷輪迴有多好。好多唔愉快嘅事情都可以改變。但其實我而家嘅人生就同不斷輪迴差唔多。雖然沒有不同人生嘅體驗。但係那種活在過去嘅感覺就同永遠輪迴差唔多。

每次都在想如果發生同一件事情可能有不同選擇。但係而家愈諗就愈覺得其實根本就冇得選擇。我已經作出當時我覺得最好嘅選擇，命運就好似必然發生嘅一樣。到最後還是去到希臘神話最大嘅哲學命題，如果預言係必然那麼人生還有甚麼意義。

當年歲愈細，愈沒有能力就愈冇得選擇。但係即使而家也同童年嘅時候冇咩分別。果然人類並不是海格力斯。如果是宿命，我個人還比較有信心打破。反正都係過去已經發生嘅事情。但係命運我真係有得選擇嗎？

很多事情我都不知道。但首先先完成咗這個無聊嘅故事先。這也是我人生意義之一。成日都覺得老作一啲故事會好啲。但就是因為無法老作才是自傳嘅可悲，或者可以改變一啲觀點同角度。但係這樣就失去了寫自傳嘅意義。至少我希望寫呢本書可以符合當時角度坦誠一啲。不過都冇咩可能，回憶同體驗始終有啲差距。

愈理解過去愈理解命運。物理學家可能會相信神明，但並不相信預言。因為薛丁格的貓既生又死。量子疊加證明咗命運嘅不存在。但這個世界哪會存在着既生又死嘅人？命運係大多數嘅時候都係必然。除非這個世界有着量子疊加嘅人類。薛丁格的人。

但係這個哪存在着那種既生又死嘅人類。徘徊生與死之間根本就不可能！下一秒生，下一秒死。既是生也是活，又邊可能既生又死？真的有這個人先算，其實大多數人都係凡人。不是生就是死。

人類無辦法改變自己嘅命運或者宿命。這並不僅僅是注定發生嘅事情，生物本來嘅宿命也無法改變。生存與死亡，人類只能夠二選其一，生存至死抑或選擇死亡。不過其實都沒差，人類以為自己有得揀，其實就連死亡同生存也從一開始就已經冇得揀。追求生存是生物嘅本能，由我們當上生物那一刻就注定不斷係生存與死亡之間不斷掙扎。

囚犯困境。其實每一個人都係囚犯。選擇生存同死亡其實都係同一個道理。並不是指博弈，而是人都係傾向自私。生存與死亡，人總是選擇一條比較輕鬆嘅道路去行。其實生與死都只不過係一場博弈。

只不過大多數人嘅人都選擇活下去。正如大多數自殺嘅人都選擇自殺一樣。囚犯困境嘅選擇之下，大多數嘅選擇都係一樣。反正自殺者不可理解，從外人來講是永遠無法理解，就算認真思考也無法理解。畢竟是兩個唔同世界嘅人，當你理解得到就證明你已經是那種人。這種問題當然唔理解好過理解。太了解並不是一件好事。

不過，大多數人都不會想去了解。因為囚犯困境。人都是同一個樣子。老實說，老是思考這些問題，讀那個不壓抑反而寫那個充滿壓抑。因為永遠都得不到答案。這種問題才是最煩人。

累積

雖然我經常面對這些問題，但畢竟是事不關己，所以實在很難很清楚說明那種問題嘅答案。正等同於總會有人說自殺嘅時候應該諗下屋企人。自殺嘅時候本身就已經逼入絕路，重邊有閒情逸致諗下自殺嘅時候屋企人會唔會傷心。

反正總會有方法。人總會有方法生存下去。你還真的是樂觀。只係陳述事實。死一個人並不是甚麼大不了嘅事情，以為自殺會有好大影響其實一啲影響都冇。屋企人最多咪傷心一下，就算再傷心也依然繼續存活。為他人而決定自己生死嘅人係最愚蠢。

就算是我也不可能明白自殺者嘅一切。正等同於一個因為學業壓力而走去自殺啲人一樣，一個完全沒有學業壓力就根本唔會明白點解佢會走去自殺。就算是我嘅經歷也是相當有局限性。

只不過唯一可以肯定的是一個人走去尋死，其實佢本身都累積咗他人無法承受嘅痛苦。人每一日都承受痛苦，但未去到死嘅地步。其實自殺者都係一樣。從來沒有一個自殺者一開始就打算自殺。只不過日子愈久，當面對現實生活嘅痛苦愈多多到無法承受或者解決嘅時候，人才會開始誕生自殺嘅念頭。

好多時候自殺嘅最後成因只不過是一場導火線。但係遠遠唔係一個主要原因。只不過通常導火線都可以追溯到自殺嘅主要原因。例如長時間承受學業壓力到最後通常都係因為真係學業壓力而走去自殺。

其實一個人自殺嘅原因都可以透過平時生活去觀察得到。例如學業壓力大唔大呢啲都可以透過日常生活去觀察得到。不過有時候自殺未必關屋企事，而學校發生嘅事情屋企都未必或者根本無可能知得咁清楚。

但無論如何，平時生活都一定有呢啲跡象可以觀察得到。當然並不是指屋企人會知道學校發生咩事，但係學校總會有人知道會發生咩事。一個人自殺必然有理由同跡象可見。

並不是真的指自殺跡象，而係會自殺嘅跡象。不過對於不自殺者講明呢啲也太過困難。自殺是日積月累嘅一種念頭，當然是指一般嘅自殺。至於間諜或者軍方嘅自殺是另一回事。係社會發生嘅自殺，一個人唔多唔少都感覺痛苦。

愈講愈抽象。只不過係簡單嘅觀察。每個人都知道大雄生活得唔開心，呢啲都係日常生活可以觀察得到。但是痛苦則是另一回事吧。是啊，再上去些就是自殺者嘅世界，一般人唔需要太過理解清楚。

淨係大雄唔開心咁就夠啦。一般人嘅認知最多只能夠做到這樣。再上去就只有被死神所糾纏嘅世界。不過大多數嘅老師都只係覺得大雄同胖虎只不過係到玩耍。

如果能夠理解大雄嘅痛苦，那只不過是知曉死神嘅世界。其實我覺得還未到那種程度。人總是以為自己可以理解他人之苦，但係從來未經歷過那種痛苦嘅人又點會理解得到被死神糾纏嘅痛苦到底是甚麼回事。

結局

太過複雜嘅問題，我就答不到。畢竟我是天生嘅樂觀主義者。不過也不用太過擔心人格之王，既然佢可以為咗生存而變成一個懦夫，那麼生存在這個世界也不成一個大問題吧。

還真的是樂觀。只是陳述事實。對於甚麼事情都要沉思一番這是我嘅壞習慣。你知道嗎，普羅米修斯嘅肝臟嘅最後結局是怎樣？不斷破壞同再生，最終嘅結局係進化到如同鋼鐵般嘅肝臟令到鷹啄食不了。

並不是這樣結局吧。因為我是達爾文進化論主義者，實在無法接受一啲完全唔科學嘅神話。真不過是我，竟然如此想像得出如此科學神話般嘅結局！不過人格之王你並不是達爾文主義者。是啊，我是自我主義者。

不過對於虛無主義者來講，肝臟應該好似進化到盲腸一樣最終消失不見。那就是叫做薛丁格的普羅米修斯嘅肝。為甚麼用的。因為專業名詞，用返書面語會好啲。至於啲字，感覺上就好似輕鬆啲。

對於虛無主義者，無論甚麼結局都無所謂。不過普羅米修斯係創造論者，根本唔相信咩演化論，普羅米修斯嘅肝又邊可能進化到如鋼鐵般一樣？是啊，普羅米修斯堅信是神造世人。如同人格之王般相信自己一樣。普羅米修斯無法接受自己嘅肝臟進化嘅結局。根據普羅米修斯嘅信仰，肝臟堅持不變是最好嘅結局。

在說甚麼傻話。人若然無法自療就係肝臟被消失，兩個結局都好過維持不變每日受盡折磨。某個程度虛無主義都屬於好嘅結局，為了保留自己嘅信仰也放棄了自救嘅方法也實在太過蠢。難道放棄信仰嘅痛苦重高過肝臟被吃嘅痛苦嗎。

其實每個人都知道普羅米修斯冇得揀。放棄信仰相等於放棄佢對於痛苦嘅支撐。唯有期望將來海格力斯可以救到佢。係希臘神話中從來沒有一個神明可以對抗命運，普羅米修斯預言宙斯同佢嘅父親一樣下場。亦都只能夠期望人類文明可以誕生出海格力斯這樣嘅英雄去拯救他。

不過其實講真，其實普羅米修斯自身嘅意願其實真係冇咩所謂。因為今時今日都已經冇咩人相信希臘神話，以卡夫卡嘅說法就係被遺忘。並不是指普羅米修斯一個被遺忘，而係成個希臘神話都冇咩人會相信。

到最後所有人都已經唔記得咗有呢個故事。真，啲人已經唔記得咗普羅米修斯嘅肝臟係畀老鷹抑或禿鷹啄食。直情唔記得咗有普羅米修斯呢個神存在。結局係生係死已經冇人care。

鷹

其實應該係老鷹，至少係後世人嘅認知應該係老鷹啄食肝臟。但事實上係冇記載到，咩說法都有，禿鷹又抑或鷲鷹。惡鷹都有。只係話鷹，但係冇話咩品種。大多數嘅藝術品都會以老鷹表示。

因為老鷹同宙斯關係非常密切，甚至係神話入面係宙斯嘅化身。所以老鷹其實都合理，某個程度鷹其實包含咁多個品種。至於有人認為禿鷹嘅原因，因為禿鷹同老鷹嘅生物習性都唔同。禿鷹係食腐動物，而老鷹係食肉動物。

基本上會執着呢點會有強迫症。其實老鷹都會食內臟，但係老鷹其實都有好多種。例如白頭鷹主食係魚。老鷹雖然都可以食內臟，但係唔會食人。而老鷹亦都係主要食肉為主。其實長久而來，老鷹都包含所有鷹科嘅種族，但係在之後基本上都係細分。

到頭來執着於老鷹抑或禿鷹嘅我才有強迫症。老鷹通常都指比較大型嘅鷹科生物。其實我唔係讀生物，所以我其實都唔係太清楚。

只係老鷹通常都係食小型嘅哺乳類生物，而禿鷹通常都係食腐肉或者內臟為主。不過歐亞大陸同美洲嘅老鷹品種其實都唔同。禿鷹本來嘅生物特徵就係食內臟而生。

執着呢點簡直就係強迫症，所以講得禿鷹通常都係講緊比較專業嘅生物學對於普羅米修斯肝臟神話嘅觀點。一般人例如大多數嘅藝術作品通常都認為老鷹。神話嘅角度來睇，其實通常都係指老鷹。但係文字上，其實就係鷹又抑或以前老鷹其實就已經包含禿鷹在內嘅所有鷹科動物。

執着小事簡直小家子嘅香港人特質。總之，統一說法。老鷹係泛指鷹科動物，而禿鷹則是比較專業啲嘅生物術語。那麼神話記載到底係禿鷹定抑或我哋所認知老鷹？鬼知道。除咗讀過生物學有強迫症之外，藝術家就只係追求畫面美麗。

考慮北歐神話，北歐嘅環境的確比較多烏鴉。也很難怪北歐神話嘅象徵係烏鴉。考慮地理位置嘅話，希臘最多其實都係老鷹為主。不過香港係亞熱帶地區，適合老鷹留鳥都正常，只係希臘嘅鷹應該係冬候鳥。

希臘應該屬於兩者之間，本來就係地中海型氣候。鳥類通常都係過境用。雖然適合生物增長，只係鳥類天生對於溫度比較敏感。鳥類都係恆溫生物，只不過同哺乳類生物嘅恆溫系統都唔同。反正要保持溫度都有方法。要生存總會有方法去生存。

雖然比較少見，不過老鷹同禿鷹係希臘都可以見到。其實主要分別係個頭係禿，這是為了方便食腐肉或者內臟嘅時候，避免頭部羽毛沾有血水導致細菌感染。因為羽毛都很難清洗。

所以其實偶然嘅畫作雖然睇落去係老鷹，其實係歐亞黑禿鷲來。正如聖經同希伯來語嘅鷹有時候指禿鷲。不過禿鷲同禿鷹其實還是有生物學嘅分別。應該說一個比較似鳥，一個比較似鷹，先不要說感官上嘅差異，從外表上爪都唔同。

鷹嘅爪通常都強而有力，而另一個比較像鳥。不過事實上從外表上，鵰、鷲同鷹都差唔多。同一個品種，只係人類並沒有咁多嘅品種。雖然膚色唔同，但係其實除咗基因唔同之外，人種其實係好複雜嘅問題。點講好，自從達爾文進化論誕生之後，關於人類嘅討論就一直冇停止過。

人種

但係你除咗講得出外觀上嘅差異之外，其實人就無咩唔同。就好似動物都有混種一樣。其實好難分辨，到底人與人之間有咩唔同。只有發生一些事故，人才會誕生出多樣性唔同品種嘅生物。

不過呢個時候將人類劃分不同種族，其實係一個好敏感嘅話題。但係個個都知道通常只有非洲人先有鐮型紅細胞疾病，從一般人認知來睇呢啲其實被稱為壞基因或者稱為有缺陷嘅基因。因為對於現今嘅人類來講只有壞處，但其實呢種疾病可以係瘧疾中保護自己。可以令到係瘧疾嚴重嘅非洲幫助非洲人係惡劣環境生存下去。所謂物競天擇就是這一回事。一切生物都只係為咗生存。

只有考古學才正式劃分唔同嘅人種。由智人進化到直立人，有唔同猿猴嘅進化分支都開始懂得用工具。但到最後只有現代人類才擁有語言同思考能力誕生出文明。古代人種就只不過係考古學入面一個存在嘅傳說。

人逐漸認識自己同其他生物唔同，而呢種分別只係愈來愈大。由幾時開始，人類就發現自己同其他生物唔同？人由發現自己同其他人類唔同開始就發現生物之間存在着差異。只不過同其他動物比鴻溝特別大。

人類好少將人類視為家畜咁樣食。因為物種同品種都唔同。因為智能係比較高等嘅生物。而其他生物通常比較冇咩智慧。我覺得你有啲侮辱嘅意味。只不過係陳述事實。事實上人類根本就唔覺得其他畜生抑或寵物係同佢哋一樣嘅物種。

對於我來講冇咩分別。因為呢個世界本來就係弱肉強食嘅世界。只不過人類留下比起食用更有價值。也所以自殺者係自殺之前也不會被視為構成一個問題。這個世界永遠離唔開物競天擇、適者生存同弱肉強食。

係遠古時代，人類是實行多配偶制，但自從八千年前踏入農耕，人就轉變成一夫一妻制嘅生物。當我哋由直立人進化成人類，我哋唔多唔少就擺脫以前嘅動物性質。而呢種嘅道德生存價值觀也變成我哋人類嘅某些嘅本能，正如究極生命體唔需要繁殖一樣，人類唔多唔少本能上都對於一個以外嘅體制都有啲抗拒。

當猿猴覺醒成人類，就連道德觀都有所變化。而呢種道德觀竟然係強制性強迫所有人類都必須要加入。並不是指所有人類都是這樣，而是絕大多數人類都是這樣。

其實呢種生活方式就同社會強加冇咩分別。到最後點解成為本能？因為人類要生存就必須要放棄某些習性。正如一個社會一個正常嘅家庭有一個老豆同老母一樣，呢啲其實都係基本常識。

而呢種嘅形式也變得約定俗成，不過總有啲反社會人格主義者反對呢種形式。嘛，我也不是不能夠理解。只不過人類係一個社會型嘅生物。而一個正常嘅社會一個正常人係只有一個老豆同老母。

其實人類好保守。原則上就係理所當然嘅生物。因為我哋所身處嘅環境本來就係如此。每個家庭都有一個老豆老母，又冇咩生命威脅，活着就變得理所當然嘅事情。還真的是和平啊，已經唔記得以前到底點樣打獵。識得耕田就得，今時今日呢個年代。

但係事實上好多嘢都唔係理所當然。生活係社會就有社會嘅生存嘅法則。無論任何年代，生存都係一個問題。人若然無法自救，那麼人就永遠都無法生存下去。

悲劇的命運

但到頭來，大家都一樣。普羅米修斯根本不可能自救，亦都無人可以救到佢。佢唯一嘅希望就係每日生存中尋找得到生存嘅理由。因為只有這樣佢才可以繼續生存下去。

其實普羅米修斯嘅意願根本就唔重要。今時今日已經冇人會再相信普羅米修斯嘅神話，佢只不過係被認為不存在嘅神。眾神早就被眾人遺忘。更何況普羅米修斯自己都知道自己嘅意願是不重要，其實普羅米修斯自己都好清楚佢只不過係命運下嘅一隻棋子。

根本上希臘眾神從來沒有一個可以對抗命運。就算是命運女神也不能夠決定自己嘅命運，到最後我哋也只不過是命運擺佈下嘅玩物。到頭來到底命運女神又期待着啲甚麼？

其實命運女神並不是決定命運的那個，而是服從命運的那個。整個希臘神話唯一嘅主題就係命運，每個探討希臘神話哲學嘅人從來沒有一個可以逃得過這種對於命運嘅討論。到咗基督教，上帝就變成決定命運那個，命運就已經唔係再是命運嘅本質。

因為命運就連宙斯也逃不過。普羅米修斯曾經預言宙斯嘅子女將會好似佢取代克洛諾斯一樣咁樣取代佢。這就是眾神之王嘅命運。

只可惜被取代之前就已經畀人遺忘。已經唔記得咗希臘神話嘅結局係點樣。由荷馬到羅馬都未為此結尾。就好似你睇一部劇一樣，一開始就埋下好多伏筆到最後就連爛尾都未有就已經斷尾一樣冇結局。

諸神嘅黃昏至少真係死晒啲神，已經冇人記得原來宙斯重未死。逃過一劫。因為我記得宙斯嘅預言下場其實同克洛諾斯差唔多慘。但今時今日已經冇人care，想知自己去問荷馬。或者去問普羅米修斯。

普羅米修斯恐怕都已經唔記得咗。所以都係去問荷馬。始終荷馬係創造神話的那個人。其實《神譜》唔係荷馬所寫，而係由希斯亞德所寫，不過兩個其實差唔多時代。相差幾百年。。而且荷馬係現今學術界都傾向認為唔係一個歷史人物，而係無數嘅人所創作。

因為文學傾向嘅問題。其實不是指設定互相矛盾既問題，而文筆睇落去唔係同一個人創作。到咗現代，山唔係石頭，海唔係水。純水係H2O簡直係強迫症。一般嘅水都係以H2O為主，重水除外係D2O。但係海水嘅水其實都係指液體。

一升海水就有35克嘅鹽。所以海水真係水來。到底咩嘢係水？今時今日最大嘅問題唔係普羅米修斯肝臟嘅下場係點，而係食肝臟嘅鷹係老鷹定係禿鷹。如果從現實嘅角度睇，其實無論老鷹抑或禿鷹都唔係慢慢咁食肝臟，而係成個肝臟拎去咁食之後等再生。

其實成個神話都係咁樣講。神話只係話啄食，其實冇講到點樣食法。一般理解就係成個頭伸入去再食。但係成個肝臟拎去係最容易理解嘅食法。卡通通常都咁做。

隨便啦，只不過係神話。其實有幾個意思，肝臟有強大嘅再生能力。希臘人相信肝臟同心抑或情感息息相關。但係呢啲都同普羅米修斯神話一啲關係都冇。唯一關係就係分肉事件欺騙了宙斯。

但今時今日已經冇人會關心呢啲嘢。文明愈進步，人類就愈強迫症。科學令到我哋意識到水真正嘅學名唔係水。而係由絕大多數H2O所組成嘅液體。進食普羅米修斯肝臟係禿鷹而唔係老鷹這樣才符合生物學對於生物嘅認知同形象。

人一旦擁有認知，就很難接受一啲唔清唔楚嘅論述。從科學上來講，或者一開始進食普羅米修斯肝臟是老鷹，但係食食下就變禿。只有咁樣才符合現今人類對於科學界嘅認知神話。禿鷹嘅誕生。

其實呢個年代已經唔流行咩曖昧。曖昧已經係過去式。或者我已經過咗曖昧呢個年歲。實在冇咩辦法接受得到唔清唔楚嘅事物。人認知愈多就愈係咁樣。慢慢被社會所同化。

如果一個生物從來未經歷過時代嘅洗禮而變成究極生物其實都只不過係原始人。其實所謂進化就是這一回事。進化並沒有任何捷徑。而是長年累月真正經歷過某些事情才會有所轉變。只有真正經歷過某些過程才擁有真正含義上嘅進化。

外星人

我個人就不太清楚這種事情。畢竟到底甚麼是進化，我未讀過生物學對於進化嘅定義並不太清楚。到底係指基因突變定抑或係指心智更加高維度嘅提升，每個人對於進化嘅定義都唔同。

每個人都討論外星文明。根據費米悖論，一大班物理學家同事因應當時美國當時流行UFO熱潮得閒無事底下去食飯路上嘅討論結果，認為外星人是真係存在。

你有冇諗過就算外星人真係存在，或者我哋嘅維度根本就唔同？可能人哋文明用緊魔法或者心靈感應，而係佢哋嘅眼中我哋只不過係識得用電嘅猿猴。啱啦，或者人哋嘅世界可能個個都識得咒術，我哋只不過係未開化嘅猴子。

就算識用咒術都只不過係比起我哋高出一個維度。我哋咪相比起其他動物多咗心智呢一個維度。就係一個維度嘅差異足以令到猿猴變成人類。實在很難理解。我都好難理解。人類嘅文明點解如此執着於外星人？因為宇宙只係得人類一個就會好孤單，所以不惜人類文明毀滅也希望可以搵到外星人。這種嘅心情我也不是不能理解。

不過搵外星人其實都只係可以透過政府那種層面才有能力做到嘅事情。事實上有冇做過也根本冇人知，渴望搵到外星文明也只不過是人類社會。反對探索外星生命嘅專家同精英遠比起大眾多數。只要政府唔係傻仔都好少真係去搵外星人。自閉發展都好過被征服。

反正好多嘢都預計唔到。就好似冰河時期，成個地球有幾百萬年突然之間踏入寒冬一樣。無人知道點解。反正就同CO2無關。地球太過大，相比起地球人類實在太過渺小。比起地球漫長嘅歷史，人類只不過其中一個短暫嘅文明。

也不知道地球為何誕生出人類這種生物，如果我係地球肯定會毀滅呢個物種。講到地球擁有意志一樣，係佢想希望人類誕生一樣。人類嘅誕生只不過係一場意外，沒有任何一個生命體係會想有。

講真就算係地球都唔想有人類呢種生物，有邊種生物夠地球人忘恩負義嘅生物。想當初人類嘅生存受到地球多少嘅關照？到最後沒有一個信仰地球，反而反過來征服地球操控地球嘅生命。冇人知道保護新生代係幾咁艱難嘅一件事情。

成個地球經歷過咁多風風雨雨，又隕石推地球又火山爆發，然後又冰河時期。又冰又冷，不知幾自在。鍾意嘅時候就加熱自己，唔鍾意嘅時候就製造大天災造成生物滅絕。但係又邊個威脅比起人類更大？

想當年地球嘅霸主係恐龍。下場嗎...並不想提及。如今人類既然可以威脅地球，講唔鍾意就攬炒，星球滅絕冚球剷。上一次夠膽威脅地球嘅生物...已經唔記得係邊個。反正常有嘅事情，地球嘅霸主又唔係只係得恐龍一個，每個時代總會有啲繁殖過多嘅生物...然後突然間滅絕。

種族滅絕

哈哈哈，上一次到底幾時。唔會真係有呢種地球繁殖成幾百億以上嘅生物，然後球間蒸發這種如此荒謬嘅事情發生吧？唔係講笑，真係突然間滅絕。

你試想下，你身上有幾百億蟲你都會覺得唔舒服。而當時咁多種同一類嘅生物已經可以威脅地球嘅安危。唔種族滅絕都好難維持返地球嘅平衡。你係地球你都會咁做啦。

不過呢啲事情都應該唔會發生在如此尊重地球嘅人格之王身上。當然...我好尊重地球。原本進化到人類嘅生物應該恐龍。但到最後......人類嘅誕生也實屬是意外。

有邊個人類唔鍾意恐龍？既英勇又巨大，就同高達一樣係男人嘅浪漫。有冇睇過侏羅紀公園，哆啦A夢都出咗兩部恐龍劇場版。恐龍堪稱成個地球最完美嘅生物，斷估侏羅紀公園唔會呃人。的確，唔通係特效。只不過暴龍唔係侏羅紀嘅時期而係白堊紀。

可惜冇機會進化成戰鬥暴龍獸。否則恐龍人將會成為地球最強嘅戰鬥生物，識得用元氣彈。你以為係戰神暴龍獸。唔識得集氣嘅生物全部都係垃圾。

唔唔，古樂獸就係一個垃圾。擁有世界之力但係唔識得集氣。一千個究極體唔夠一千個人集氣咁勁。人類發明咗一個詞彙集氣比起進化更加厲害。但事實上集氣比起進化更加困難得多。

因為信任又抑或關係是一件很困難嘅事情。事實上我也很難相信人類會成功集氣。無論甚麼動畫，正義最終都係必勝。否則很難會有後續。但係要我相信人類係守護世界那方，我更加傾向相信人類是毀滅世界那邊。

人類只會考慮到自己嘅生存。嘛，反正人類這種生物只會一直活下去。正因如此人類才能夠係從多生物中活下去。只不過離進化有一些奇妙。畢竟人類並不存在任何進化嘅誘因。

活下去不是問題，但係進化就是另一回事。就連最接近人類嘅恐龍都未進化成人類，猿猴又有咩優勢可以進化成人類？人類根本沒有好逼切嘅理由或者動機進化。反而現代嘅人類比起以前任何一代人類都更加面臨生存嘅危機，又唔見到新品種嘅人類出現？

到最後還是探討進化論嘅問題。不斷爭拗都不會得出任何結論，更不要說一個令到所有人都滿意百分百嘅答案。客觀嘅證據有好多，但係人從來都未見過直接嘅證據。

所有生物都追求生存，但係點解人類可以進化成人類？到底其他動物同人類有咩分別！？可能人類比起其他生物更加膽小又或者透過互相信任嘅社會型生物。

係弱肉強食嘅世界，動物根本就唔需要互相依靠也可以生存。自然界嘅繁殖亦都唔需要有老豆老母。更加重要係單獨生存嘅生物並沒有任何進化嘅契機。

而且係呢個地球上，並沒有任何生物比起人類更加懂得尊重地球！由我哋懂得行走開始，無時無刻都敬畏地球。可以咁講，地球每年收到嘅祭品都可以收到手軟。唔保佑我哋保佑邊個？迷信呢家嘢簡直由人類誕生就已經植入我哋嘅基因入面。

我哋未進化人類之前就已經識得拜祭地球。講到你好似有經歷過咁樣。因為今時今日也差唔多。你會唔會見到一個恐龍拜天祭地？但係人類就會祭天拜地，證明咗啲咩？證明咗我哋人類好尊重地球。

暴龍有肉寧願自己食都唔分享比宙斯，呢啲自私龍也很難怪會絕種。人類寧願自己唔食，都一定喂飽天上。呢啲唔叫做反智，呢啲叫做尊重。呢啲人情世故，恐龍識條鐵咩。點似得我哋人類未開化就已經識賄賂。

生物滅絕來來去去都係果啲原因。唔係太陽光子、火山爆發、地震、海嘯、冰河時期、隕石撞石頭，唔通真係工業革命導致地球暖化而導致生物滅絕？今時今日地球人都好迷信。迷信係地球唯一嘅生產力。

其實要地球保持生物多樣性好簡單。科學啲講，當一堆物種絕種然後等待一千萬年後，地球又恢復返晒所有嘅生物多樣性。強烈要求啲迷信撚唔好咁迷信。如此科學解決地球生物多樣性嘅問題，我也真的太厲害。

正等同於將一隻蟑螂放係火星一樣。冚球剷根本就係一個永遠都無法解決嘅問題。無論冰河時期滅絕事件抑或而家，兩者都係只能夠活一個。長毛象以前有好多，可惜界人類殺晒。巨型物種點會有好多。只不過呢個年代啲生物差唔多滅絕晒。

人類嘅命運

一千萬年咪一樣變多。其實一千萬年對於地球都係好短。只不過以人類嘅個性，自己活不到也肯定不會俾其他生物活。就算冚球剷幾億年之後咪來多次生命大爆發。

就算所有生命滅絕其實都冇所謂。對於我來講都不太過重要。那麼對你來講甚麼是重要？誰知道啦。或者是明天嘅麵包同馬戲。事實上就連人類滅絕對於我來講都太過抽象。就算你同我聽日人類就滅亡，我都毫無感覺。最多只係哦一聲就算。人格之王並不是那種屈服命運被命運擺佈嘅人。

不屈服命運可以點？就連宙斯都無法避免自己嘅命運，無論殺父抑或成為眾神之王嘅事情，這些其實都由宙斯成為克洛諾斯兒子開始就已經命中注定。成為眾神之王這是宙斯他從一開始嘅命運。宙斯無法逃過成為克洛諾斯兒子嘅命運，唯一可以做的事就係同呢個與生俱來嘅命運不斷對抗。

宙斯無法改變成為眾神之王嘅命運，但係卻可以決定選擇之後嘅事情。過去嘅事情是無法改變，但係我哋可以選擇我哋嘅未來不受過去所束縛。其實根本就冇得揀，就只有不斷同自己嘅過去對抗面對自己嘅過去同命運，人才可以不斷向前。

正同等於悲劇嘅人一生不是悲劇，就是對抗同克服悲劇一樣。就只有兩條路可以走。接受命運嘅悲劇，或者不斷同這種悲劇嘅命運對抗。但無論如何，而兩種都只不過是我哋嘅命運之中。

只係假裝可以選擇，但其實從來都冇得選擇。但就算係咁，也只能夠選擇不斷對抗。因為這樣，我哋才會有一個好嘅結局。追求真正嘅幸福。

尼采曾經說希臘神話是悲劇的。不僅是希臘神話是悲劇，而係成個希臘都係悲劇。悲劇一直都印證住尼采嘅哲學核心。佢認為只有人類進化成超人才能夠克服這種悲劇嘅命運，成為超越命運嘅存在。

但係這個世界哪會存在着這種嘅人呢？所謂人類既弱小又膽小。鳥類嘅四色視覺動物正正印證咗佢哋曾經係地球上嘅霸主嘅事實。而我哋哺乳類嘅動物就只能夠係霸主嘅底下受盡恥辱地活着。

最終我哋祖先在活着嘅過程失去咗兩種視錐細胞。而非鳥恐龍也從大災難之中全部滅絕晒。我們人類嘅祖先就係如此懦弱嘅生物。之所以活下去並不是因為我們特別強大，而係因為我哋特別渺小。

再之後擁有第三種視錐細胞就係人類祖先幸存之下雜交所誕生嘅生物特質。人類從一開始就已經係一個悲劇嘅誕生，而不斷對抗這種悲劇嘅命運就是人類嘅宿命！就連我人格之王也從不例外。所謂生存就是這一回事，這是人類倖存者與生俱來嘅使命！

猿猴這是一個非常可笑嘅存在！但係我哋人類又未嘗是同那些猿猴一樣可笑嘅存在？為了生存，我哋活得比起猿猴更加難堪。人類這種生物簡直由侏羅紀時代開始就從來未真正進化過。也不曾真正進化過！人類比起猿猴活得更加像猿猴。

反正都改變唔到。猿猴嘅一生充滿屈辱。無法成為恐龍就注定一生悲劇。只不過隕石撞地球，所以人類才可以存活下去。所有非鳥嘅恐龍都絕種，剩下就只有奇蹟生還嘅哺乳類動物。可以說所有恐龍累積一億幾千萬年嘅進化全部都已經變得白費，因為早就已經一絲不剩。

就連恐龍都無法生活嘅地球，人類又點可以生存下去？只要好似老鼠咁樣生活，那麼即使像核變環境下嘅地球，那麼人類一樣可以照常生活三十年。

比起人類更加擅長社交嘅恐龍有很多。到最後人類嘅誕生只不過係一場意外。為了生存就連種子都可以食，幾經辛苦撐過大災難。可以說猿猴嘅一生充滿恥辱！

不過其實猿猴係三千萬年前誕生。因為既擁有猴同猿嘅混合特徵所以才被稱為猿猴。不過更具體來講比起猿更似猴。只不過六百萬年前人類嘅祖先更傾向於猿。其實猩猩同人類都係由人科所分裂出來。就係1%DNA嘅差別，人類同黑猩猩就有戲劇性嘅差異。

根據生物種概念理論即使擁有共同祖先，馬同驢是不同嘅物種。所以雙方都沒有性嘅意欲，也不會交配同基因交流。這就是生殖隔離。即使人為強制交配所誕生嘅雜交種也完全沒有繁衍後代嘅能力 。

不過大多數人都唔會覺得我哋同黑猩猩同類。600萬年嘅分別，差距就已經完全唔同。即使係呢五百萬年來，人類也發生了許多事情。其實甚麼事情都沒有發生。然後係某個時期加速進化。

到底人類同其他動物有咩分別。要說應該是外表分別比較大。畢竟我是美學主義者，也是顏值主義者。雖然外表並不是最重要，但係變化得最多應該係外表。

其次就係心智同語言。心智簡直係一個謎團，而語言我也不記得人類第一句言語是甚麼。至少不是I love you抑或月色真美。不是媽媽嗎。其實我也不知道。

達爾文花咗成二十年，這是因為人類是很複雜嘅問題。如果沒有人類，一切嘅問題都簡單得多。華萊士雖然比起達爾文主義者更加達爾文，認為孔雀嘅顏色並不是為了性擇而係為咗生存。但係面對人類嘅問題，華萊士也無法解答。

反正演化論係真。生物之間會互相弱肉強食，其實呢種行為就好似人類之間互相戰爭一樣。有淘汰者亦都有生存者，這很自然嘅推理。只要不把自己當作做人，那麼戰爭其實是一個好普通嘅自然現象。不是被食就係食人。

其實無論幾合理嘅自然現象。人類嘅誕生都係一種生物學嘅例外。應該說謎題。人類並不是生物學嘅例外，但係如何進化成人類卻是演化論嘅謎題。畢竟人類同其他生物遠遠不同。

人類毫無疑問係進化而成，但係達爾文卻太過優柔寡斷，一個花了二十年嘅理論卻遲遲都未發表。如果不是華萊士，恐怕到死咗先出版。理論冇問題但係冇證據。要咁多證據做咩，《物種起源》根本上就唔需要花二十年搵咁多證據。就連始祖鳥嘅過渡化石都係發表完之後巧合搵到。達爾文實在太過優柔寡斷，就連上天都看不過眼。

這一點我就不知道。我只係知道五千萬年前印度板塊同歐亞大陸相撞才誕生喜馬拉雅山。反正人類就同喜馬拉雅山一樣離不開生物嘅範疇。係2.5萬年前，末次冰盛期絕大多數嘅大陸還是被冰覆蓋沒有群島嘅時候。我並不知道人類如何活下來。

當時絕大多數大陸都被冰所覆蓋。也被稱為冰河時期。要係這個冰河時期生存並不容易。或者非洲係當時冰河時期唯一嘅淨土。五千萬年前，當印度大陸同歐亞大陸相擁，世界就慢慢進入一個比較寒冷嘅時期。被稱為「冰室氣候」。

漫漫長夜，人類都係極度寒冷嘅寒冬到渡過。而人類誕生190萬年前係比較溫暖嘅時期，間冰期基本上就同而家地球嘅氣候一樣。但係好景不常，人類踏入冰河時期。沒有人知道冰河時期點解會出現。

不是因為大規模板塊碰撞嗎？而家梗係知，問題要有啲代入感。五千萬前就唔洗代入感。旁白就係咁。其實人類嘅歷史就係一部災難史。

人類並沒有保持溫度嘅毛髮，光要照顧這些嬰兒就至少花足人類幾年時間才可以成長到擁有最基本嘅求生能力。原始人要係咁嘅環境下生存下去並不容易。為了生存，我哋必須要四處漂流。但係所有嘅古人類最後都喺氣候寒冷乾燥的冰河時期從地球上消失而滅絕。

最終係19萬5000年前，人類嘅演化史出現了轉捩點。所有人類嘅共同祖先智人誕生。而且係8萬5000年前跟隨佢哋嘅其他原始人類祖先離開了非洲。好景不常7萬多年前遇上印尼托巴火山大爆發，最終地球經歷最為寒冷嘅寒冬。

最後除咗智人之外就幾乎完全消失。就連智人也只係剩返一萬人。並沒有人知道人類如何係漫長寒冬渡過，我也不記得智人第一句言語是怎樣。而距離二萬年前，人類渡過最後嘅冰河時期。最終冰川熔解，隨之而來就係海平面上升，洪水不斷，島與島嘅距離也不斷分隔。澳洲也獨立形成咗一片大陸。日本同英國也變成咗一片島嶼。

然後一萬年前，人類踏入農耕社會。真係一個可歌可泣嘅故事。所以到最後點解只有智人可以活下去？又同智人第一個話語有咩關係？算啦，反正都冇關係。

因為人類都已經成為地球上最後嘅霸主！從今以後已經冇咩可以威脅到人類嘅安全。除非人類被人類抑或世界所拋棄。

我覺得你欠缺感激嘅心。人類活到現在是得來不易。人類之所以活在現在只不過係因為佢哋求生本能強。如果只係講生存，咁樣智人同其他古代人種又有咩分別？

比起人類更加強大嘅生物侏羅紀公園有大把。更何況是冰河時期？敬畏大自然呢啲係我哋人類與生俱來嘅本能。但正如你所謂，人類嘅命運早就已經唔係由上帝所決定。

講真講到古人類同智人好似完全唔同咁樣。其實根據考古學嘅研究古人類同智人完全一樣都具備人性，甚至有啲現代人類部份都有佢哋基因。只不過到最後古人類真係突然間滅絕晒。

這到底又是為甚麼？其實我都不知道，這應該是考古學家去調查。但係其實我個人都唔係太想知道，總覺得冇咩意義。就只係單純有了就知道下。並不是太過強烈想了解古人類同世界嘅關係如何。通常都係咁，知道生物如何同大自然共存就知道滅絕嘅原因。

不過都無所謂，人類早就已經擺脫被大自然左右生存嘅階段。剩下的其實都已經沒有所謂，包括人類嘅歷史無論人造抑或自然演化都已經對於人類沒有所謂。

要係人類嘅時代同世界生存其實比起猿猴係大自然入面生存困難得多。但就算係咁，我哋還是要活下去。其實人類嘅進化無非都係基因突變，只要生存得夠久任何生物都可以進化到人類。就同連登仔講其實唔難差唔多意思。反正人類遲早都懂得用光合作用集氣。到那時再算。正如人類要生存總要生存到一樣。哪怕只剩一男一女。

是啊，生存到。正如人格之王一樣。人類都只不過係災難性生物。要活下去一百萬種方法。並不是指真的擁有一百萬種。而係人類為了生存而搵出一百萬種方法活下去。

四原色2

從理論上搵返來有四種視錐細胞嘅四原色視者卻無法分辨額外維度色彩的能力，學術界稱為「弱四原色視者」。科學家質疑到底係唔係真係存在着可以睇到四種色彩維度嘅人類，也是理論上「強四原色視者」。

而根據對於視錐細胞嘅幾十年嘅研究進展，人類對於視網膜啲原理同視錐細胞嘅變異或者遺傳法則有着更加多嘅深入嘅了解。即係基因序，色盲或者色弱如何生產。太過專門嘅生物學術語，只有女性才有機會出現異型合子。又要由XY染色體開始講起，「X染色體去活化」所有四種視錐細胞。呢啲太過學術就跳過佢。

簡單來講，要成為「四原色視者」的前提是：他必須要有兩條X染色體，因此必須為女士。他的X染色體上的OPN1LW或OPN1MW基因必須有其中一條是正常的，而另一條是出現了異變的。這樣的話，她視網膜上就會出現四種不同的視錐細胞。

由90年代開始，花了20年嘅努力。紐卡素大學任教的Dr. Gabriele Jordan與劍橋心理學教授Dr. John Mollon終於係2010年搵到「強四原色視者」。係2010年24個人進行色盲嘅測試只有一個真正嘅四原色視者係完成不了，並係一系列嘅顏色測試入面快速分辨出三種輕微差異嘅顏色。

理論上四原色視者有好多，但係真正嘅四原色視者卻很難搵。曾經有學者質疑根本就不存在，就算有大腦都分辨唔到。反正夢境咩都有。

可以睇多一個維度嘅顏色。我並不想要這種嘅能力。本來四原色視者也不是佢哋自己想要擁有，而係遺傳咗佢哋老豆嘅基因。不過人格之王想有都冇可能有。我並不想要，跟大隊永遠唔會錯。一係全世界都係四原色視者，一係全世界係三原色視者。如此另外其實很麻煩。我並不想成為獨特那方。本來我就想成為一個普通人。

而且看到很多顏色其實好唔方便。要講生物總會有些生物可以見到紅外線。如果可以看到輻射，那麼晚上望見天空就唔係黑色。並不是說顏色愈多愈好，也不是說情願少不要多永遠跟大隊就唔會錯。而係三原色就已經很足夠。

變成超人不是幾好嗎。我同你講多一倍嘅顏色就多一倍嘅麻煩。的確三原色係好過二原色，但根本不需要四原色。人類嘅世界通常以三原色為主，多一種顏色就會變得麻煩得多。至少合成白色都多一種顏色。並不是這個意思。雖然係色盲眼中見到不是白色就係黑色。但係可以睇到一個維度嘅顏色會很麻煩。沒所謂，反正夢裏都冇所謂。

夢境當然冇所謂。但係現實就多一百倍嘅顏色。就連綠色都多咗一百倍，那種感覺除咗自己就冇人明。畢竟除非係機械，否則人眼根本就冇可能分辨得如此仔細。

不過鳥類就多咗紫外光。其實並不是多咗紫外光。而係本來視錐細胞都唔同。人類對於綠光係最敏感。但係嚴格來講所有人類對於顏色嘅敏感度都唔同，有着輕微嘅差異。執着三原色抑或四原色其實都冇咩所謂，雖然人類社會生存係有啲麻煩，不過其實沒差。

才不可能沒錯，光是顏色準備就已經多一個維度。或者四原色視者可以睇到一億種顏色，但係又有幾多人真係可以係睇到一億種嘅顏色？最常用咪得嗰幾種。

除非發夢，發夢就可以色彩繽紛又冇所謂。其實睇多一種維度嘅顏色對人類來講都冇咩好處。你是實用主義者嗎。代表一個維度嘅顏色就代表多一種美麗。你要知道夢境嘅世界比起現實更加色彩繽紛，雖然九成都忘。

人類根本就唔需要分辨咁多嘅顏色，就算係紅外線都有偵測器，根本三隻顏色就夠用。明明可以睇到七種顏色。只不過擁有三種顏色嘅視錐細胞。

再繼續呢種冇營良嘅話題到甚麼時候。顏色其實好主觀。光係由七種顏色所組成，之所以睇到綠葉係綠色係因為佢吸收咗紅光同藍光反射出綠光，所以才覺得葉子是綠色。而事實上顏色只不過係大腦加工嘅產物，當我哋視錐細胞接觸到藍光大腦就自然反映出藍色，但這並不代表天空是藍色。

這也是生物學嘅理論。認為這個世界根本從來毫無色彩可言。正如人類無法看見紅外線同紫外光一樣，顏色並不是光嘅屬性。換言之，蘋果並不是紅色，蘋果之所以是紅色是因為佢反射出紅色波長嘅光，而係我哋眼中又係紅色。所以蘋果才會是紅色。

反正都只係小事。一啲都唔小。既然為甚麼人類可以看到光？誰知道啦。好啦，話題完結。可見光波長係10^-7，對應紅橙黃綠青藍紫，由700到400nm。其實都係只係小事，香港通常都會將紫外線稱為紫外光，紅外線就真係叫紅外線。

其實係紅橙黃綠青藍紫對應彩虹七隻色。以前叫做紅橙黃綠藍靛紫，但係藍色同靛色比較難分。本來牛頓係根據古希臘哲學家嘅想法大概分辨可見光七種顏色即係紅橙黃綠藍靛紫。雖然本質上係三個維度嘅顏色所組成。

即係七個音符、太陽系七大行星，以及一週七日。七是完美數字。我並不是畢達哥拉斯學派。雖然有七大元素，總共八族，最穩定嘅第0族。不過化學元素例外也有好多。而家第0族叫18族，根本冇人會將IUPAC當係一回事。本來族主要就根據最外層電子數目而定。除咗第一層同過渡金屬之外。所以第0族不叫第8族，其實只係得一個例外。第一層2就已經係最穩定。

其實只係小事，紅橙黃綠藍靛紫其實係牛頓諗。但係學術界普遍認為靛色同藍色普遍分唔清。然後而家又改返紅橙黃綠藍靛紫，癲癲地，簡直係倒退。

我同你講到底紅橙黃綠藍靛紫抑或紅橙黃綠青藍紫都可以拗到死。以前香港教係根牛頓嘅紅橙黃綠藍靛紫翻譯嘅意思。人眼根本分辨唔到靛色同藍色，因此好多專家都認為唔應該將靛色視為顏色。亦都有學者指出牛頓嘅年代對於blue同indigo顏色定義唔同，blue是cyan，而indigo是blue。所以其實係紅橙黃綠青藍紫。

所以我哋常說老餅先會用紅橙黃綠藍靛紫。而家新一代個個都用紅橙黃綠藍靛紫。解釋完一大堆其實都冇咩用。政府鍾意點就點。反正香港都冇學者。

早在17世紀，22歲的牛頓便透過三稜鏡，將一束白色自然光分離成一連串連續的彩色光譜，發現了色散現象。

牛頓在1704年出版了《光學》，他將光分為七個顏色：紅橙黃綠藍靛紫，正好對應七個音階。那麼問題來了——如果要組回白光，最少需要多少色光呢？

答案就係三種。白光由七種顏色光組成。但係人類就只有三種視錐細胞，而三原色也基本上只適用於人類。

閱讀方式

好啦，無聊嘅問題差唔多到呢到，差唔多到尾聲。不過其實合成白光應該要七種光先啱。嚴格來講，人類只係可以係白光入面睇到七種顏色，所以才會覺得合成白光至少要七種色。其實三種就已經可以令到一個人睇到白色。因為人類就只有三種視錐細胞。

其實言語間有一種詐騙，就好似人類只能夠睇到三種顏色一樣，其餘嘅顏色只不過是三種顏色嘅混合一樣。人類睇到嘅白色其實唔係真正嘅白光。本來白光就唔存在，色彩只不過是人類所添加。

反而原本漫畫般嘅世界或者本來就係這個世界嘅原本面貌。但係我哋卻為這個世界添加咗色彩。紅色反射紅光，藍色反射藍光，綠色反射綠光。或者這些都只不過係我哋生物嘅本質本能。能夠看到顏色這一回事。

比起蛇可以看到紅外線，人類就只可看到可見光。有溫度嘅物體都可以發出紅外線，人類還真的是悠閒嘅生物。本來生物嘅溫度系統都唔係一朝一夕咁樣誕生。

不過比起這個還是談論閱讀方式。其實閱讀方式一早寫咗。只不過多咗連登就麻煩得多。其實我個人推薦我原本嘅閱讀方式，只係連登post上熱門嘅方法就係單一用戶嘅觀看次數加上停留時數。

一般來講就係討論次數，討論得愈多就愈熱門。不過其實唔需要，預咗冇可能上熱門。只不過還是要準備一啲計劃，呢一樣就交比戰略家去諗。我也很忙。

閱讀方式就按照大家嘅喜好，也不需要刻意推上熱門。本來講故台就比較悠閒，上唔上熱門早就已經唔重要。可惜我每次更新就連最基本推嘅能力都冇。冇所謂。

是啊這本來就是戰略家所負責。正如一本書嘅標題愈長就愈明顯一樣，就只係識得啲下三流嘅招式。總會有方法。叫大家幫手推都係一個方法。算啦，我早就已經放棄。

基本上就注定無法成為一般嘅網絡作家。當然也肯定不會出實體書。結果還是這樣。不過要出嘅書就應該要出晒。盡量啦。反正習慣工作都不是一件壞事。抑鬱好了，也應該回復返原本嘅寫作速度。

好啦，之後再講啦。還是說原本想講嘅嘢。不過唔知點接駁。其實而家流行短影片，而長篇大論嘅文章我都唔會睇。基本上寫書會睇多啲文章，又抑或編輯書本影印係書枱上面睇之外。我就只會睇動漫。

基本上都係咁。我預咗人哋只係睇我嘅書一次，某個程度我覺得係最好嘅閱讀方式。本來我嘅書本就同那些睇多幾次先明嘅藝術品唔同。我都為咗啲人只睇一次而特登寫到咁。

雖然這樣其實對於讀者唔太友好。剝削佢哋之間嘅興趣。但係點講好，要好似尼采咁樣縮減書本嘅內容，其實戰略家都很擅長。但係點講好，唔係那個年代。呢個速食嘅年代已經唔期待讀者慢慢思考我嘅嘢。

而且我又唔係尼采。如果我寫書太過空泛就連我自己都唔係太過接受得到。本來我就係為咗搞清一些事物而寫作。再者我同尼采唔同，根本就沒有想追求嘅嘢。不過有尼采呢種作家，其實對於我來講都係一件好事。至少格式唔洗一樣。

至於書本嘅內容。我也計劃了好多不同書本系列嘅寫作計劃。應該甚麼說好，我覺得揀啲自己有興趣嘅書睇就好。就算有次序，其實都唔一定跟順序睇。我覺得每本書嘅主題都唔同，就算同一個系列都好。內容就算按住順序都好，我都覺得冇必要跟住次序去睇。

當然，作為一個作家係有必然交待寫作次序係點。但係其實唔跟都冇咩所謂。但係如果問我，我都建議按照順序睇。因為我通常第一本都寫得唔係咁好。所以第一本係最無聊，不過冇所謂。

而最後關於閱讀方式。歡迎大家列印或者保存。始於長時間對住手機還是會傷眼。我知道俄羅斯有一個電子墨水嘅手機，而外國亦都開始研發一些彩色墨水嘅手機。

不過呢，手機就係手機，閱讀器就係閱讀器。其實手機嘅出現都已經完全取代閱讀器嘅功能。叫大家花錢買一個完全唔流行嘅閱讀器，我嘅良心始終都有啲過意唔去。所以深思熟慮還是叫大家唔好買。

性價比確實唔高，只不過長時間對住手機會很累眼。所以總會有人會用閱讀器去閱讀，相較之下其實無咁傷眼。只不過與其買閱讀器不如買手機，功能上多好多。

而且做電子書好麻煩。雖然我嘅作品都好適合手機觀看。尤其是白底黑字嘅google閱讀器。其實最初我是用google去編輯我嘅作品。但係後來考慮唔應該接觸咁多手機，所以而家一律都係print再慢慢係電腦同手機慢慢改。print都有print嘅好處。不過最後先講。

用電腦睇的確比起睇手機冇咁傷眼。但係除咗第一次編輯之外，都好少會用電腦睇文字作品。感覺上手機睇係最舒服。而且隨時隨地都可以睇。只不過床上面睇永遠係最傷眼。因為根據研究，床上玩手機會成日都唔覺意將手機放得太近。所以才不建議係床上面玩手機。

但係用電腦太過麻煩。而家就連討論區都係用手機嘅年代。好似高登時代咁樣叫人用電腦去睇，其實反而有啲倒退。雖然確實比起電腦，我並不覺得我嘅作品適合手機觀看。

始終同那種不斷睇完又睇嘅輕小說唔同。但與其用電腦睇，還不如直接print出來反而可以隨時隨地睇。應該說唔習慣，而家睇文唔係睇手機就係睇書。

就連中學溫書都係用紙本筆記。其實直接用電腦睇文除咗編輯之外還真係比較少有。不過有時候為咗健康着想，所以我都會用電腦睇文，而唔係用手機。不過呢啲情況都係少有，其實動畫就比較多。漫畫都係用手機睇，動畫反而冇那種大屏幕嘅感覺。

而如果print，記得大家自行加頁碼。而且為咗慳紙，通常都要將個格式樣本搞到窄。其實我通常唔會做呢啲嘢。因為我都唔排除有人會用電腦線上閱讀，做咗反而會影響閱讀觀感。至於點樣設計版面就隨大家鍾意。

通常我都鍾意愈窄愈好，就連頁碼都校到最低。因為比較省紙，而且我個人比較鍾意睇到密啲，比較方便去睇。說起這點，其實綠皮書重校到更加密。就連空白格都冇。

因為前期嘅作品係用word同手機內置軟件寫，所以格式都有啲唔同。後期嘅作品轉晒google文件寫所以就統一晒。因為有雲端可以邊寫邊上傳，唔驚整唔見。而且可以隨時隨地寫。不過本來我都機不離手。

有時候print出來嘅文字格式都唔同。這單純我嘅問題。有時候上網搵資料例如某個名人嘅名字，通常我都係直接copy貼上也懶得注意格式。偶然我print文件都發現問題。

影響唔大，雖然可以通知我去改。至於之前嘅作品都已經完成咗，也懶得print出來睇。但係有時候未必真係關print事，可能下載時會有啲格式嘅轉換。到時先算。而文字字體也可以隨大家都鍾意改，google文件默認微軟黑字可能大家睇唔慣。

不過睇睇下都會習慣。雖然word嘅預設字體更加習慣。感覺上字體又大又清楚，最重要係中學就已經最習慣。手機其實差唔多，可能反而睇慣微軟黑字。不過呢啲都係個人喜好，好主觀。

其實接觸得多就會覺得差唔多，但係用唔同字體睇書其實都有唔同嘅樂趣。我也懶得理會，說實在每個人嘅喜好都唔同。用手機睇無疑最舒服，但係print睇可能反而係最適合。

我都懶得理會呢種嘅問題。但係果然比起網絡小說，閱讀嘅形式更加傾向於實體書，無論咩作品都係。只不過我個人覺得用google文件寫更加適合手機閱讀，而用word寫嘅動漫哲學系列就更加適合print睇。

不過而家我覺得差唔多。習慣咗就得。剩下根據大家嘅喜好習慣而決定。其實只不過是用預設格式寫作，也沒有特別考慮用咩格式方便手機抑或列印出來閱讀。

不過絕大多數嘅作品都適合列印出來睇。但係動漫哲學由於真係用電腦編寫，所以有時候用手機編輯都厭太密，所以就分幾段。不過而家全部改晒用A4列印編輯，所以有關於綠皮書系列我都顧唔到咁多。就自行下載再分段閱讀。

其實大多數都可以手機閱讀，但係有時候個別一兩段太長，反而很影響閱讀觀感。不過呢啲都係小問題。

而閱讀嘅方式基本上就只係得呢兩種。至於手機閱讀平台，其實我個人比較推薦google，單純係我冇咩用過penana同連登閱讀，也很難講好唔好。

不過penana可以調校版面設定，而一般我係用白底黑字去閱讀。至於連登有追故模式加上黑底白字又抑或白底黑字模式，根據某個研究報告長時間嘅閱讀考慮還是白底黑字比較好。反正我個人都習慣白底黑字睇文章。

只係我係編輯，其實好多嘢都唔可以作準。本來編輯比起單純閱讀更加麻煩。有時候要睇好幾次一樣嘅內容，然後思考原本作者想表達啲咩再進行過修改。換言之，我嘅閱讀體驗一定差過一般讀者。

這也是沒有方法嘅事情。如果有機會講出來再慢慢改。不過我個人也傾向於不改主義。本來編輯就已經足夠麻煩。一篇文章有時候可以五成一加一減。有時候真係想叫讀者幫我修改算。

說起這個，我好似有一本書從來未經歷過編輯。應該《人格之王：雙重人生》。反正我都覺得唔會有咩大問題。雖然觀感一定差。藍皮書一開始唔諗住改，但係定標題總要睇一次內容，然後忍唔住編輯一次。應該說時差問題，其實一早寫好，但係過咗半年先定標題好多內容都唔記得。

反正我都冇咩讀者真的需要修改嗎？有時候我都會諗呢個問題。解決唔到，真係呢個問題。不過定標題都係要。其實修改都幾快，只要忍住唔好寫咁多嘅內容。可惜我就係一件話癆。其實而家都少咗。因為真係沒完沒了。就好似呢本書寫多一個結尾就可以收工。反正最重要嘅事情也幾乎講晒。

已完結
(以後可以直接拉到去最後一頁睇吓完咗未，反正都冇讀者）