0 Like
0 Dislike
人格之王
2025-03-03 00:33:16
重序
結果最大問題還是重序。本來唔諗住重序。但係近幾年好多改變嘅計劃還是要解釋一下。要而家講？都好嘅，寫序唔知點解寫得特別慢。而且又有啲緊張。有咩要寫，而家就好寫。
因為序要寫得簡潔。講到好似我想咁。要提及係電子書內容、個人網站內容，全部都已經取消。所以就唔好理會。本來讀者讀書都唔會理會。始終都要同讀者交待一下。係序章開始嘅部份。畢竟我是負責任嘅作家。
係負責係就應該要改。並沒有那種嘅時間。有時間...算啦，兩個序相差嘅時間都有兩年，好多原本計劃好嘅嘢都改變。因為要決定專心寫作，所以冇時間去搞啲寫作以外嘅事情。
嗯，原本一開始就打算出版成電子書。但係搞電子書也太花時間。到最後我決定以penana嘅形式連載作品。不過penana感覺上就同單機一樣，到最後還是要作者親力就為去宣傳。還要抽佣。還不如單幹。
的確，penana作者多過讀者。而我亦都唔會覺得penana讀者會多過其他平台。事實上也是如此，本來香港就係文化沙漠。我個人也不喜歡睇書。
不過說到底這只不過是交易平台。根本沒有一個真正嘅作家會將penana視為一個真正發表作品嘅平台。要講實際嘅問題都好多。人流太少。呢個都係問題。否則唔會咁多作家會將作品發佈係連登。一個作家有幾個平台呢啲都係常識。
到底係設計問題定抑或宣傳嘅問題？樣樣都係問題。不過就連討論嘅人都少。其實批評嘅聲音一直都有。只不過冇救。問題複雜到唔係加兩個功能就可以解決晒所有問題。
其實日本最大網文平台都係咁做。到最後作家都係靠自己。理解讀者嘅喜好又好，抑或日日更新拉高人氣都好。不過也不要太大期望，本來你嘅文章就不是傳統網絡小說嘅類型。再者就算香港最受歡迎嘅甜故，其實收入都唔高。
根本就是悲劇嘅數字。真的，就連税都懶得交。所以係香港做作家係唔紅好過紅。所以戰略家你要為唔紅嘅紅而努力！不要強人為難。明明唔想紅又要紅，作家還真的是艱苦嘅職業啦。希望願望成真。
反正點都不會紅。這樣諗就會輕鬆好多吧。既然紅不紅情況都不會改變，那麼之後嘅事情其實都冇咩所謂。既然沒有所謂，就不要擔心之後嘅事情。
不過花了幾日思考，我還是覺得不要紅比較好。我已經知道你係一個想要紅嘅好處但唔想付出紅嘅代價嘅人渣。但既然作為一個作家，那麼無論點都應該要決定紅先啱！
確實，作為一本書嘅作家並不能夠這麼軟弱。某個程度書本所代表是創造者嘅本質。這樣嘅思念未必對書本會有甚麼不好嘅影響，但係對於書籍卻是不太付責任嘅舉動。
不過會這樣想，也是很正常。本來就是這樣，既然紅同唔紅對於現實生活都冇具體嘅影響。唔想紅也是很正常，對於一個而言紅咗可是有很多麻煩，只不過因為我未紅過所以到而家為止我都唔覺得紅都唔覺得係一個麻煩。
只係單純紅唔紅嘅情況下，咩都冇變索性唔變會好啲。紅咗又唔知會有咩影響，但係作為一個作家又想會自己書本紅。倒不如說認真從現實方面咁想，根本就冇紅嘅可能性。思考這種事情也太過杞人憂天。
不過作為作家，也害怕自己書本受到批評。你認真嗎？只不過係新手作家就唔好咁諗咁多不切實際嘅嘢。到頭來被遺忘都係佔大多數。
既然作為作家就必須要抱有紅書紅人為前提而寫作。不過做唔到嘅話，情願紅書不紅人。仔細一想其實紅人不紅書也有好處。又不是藝人，會有甚麼好處。
雖然作為一個作家，既紅人又紅書嘅文學作品通常係永恆。不過到底甚麼是永恆？我覺得你諗太多。現實上，其實紅書紅人根本咩影響都冇。
當紅嘅作家也只是當紅。事實上並不是藝人，又點會對於生活有咩負面嘅影響。作家之所以紅並不是因為個人而紅，而係因為本書而紅。紅書就自然紅人，但係其實根本本身就唔會被關注。
而紅書更不要講。一個人睇一本書從來都唔係一個人紅又抑或一本書紅嘅因素。而係睇一本書能否吸引到他人。
不過人紅，書通常都紅。世界就係如此膚淺。但係你同我都知道，人之所以會睇書就係因為被書本所吸引。這一點其實從來都冇變。紅咗只不過多咗人認識，但係遇唔遇到啱嘅人卻很難說。不過我都係寫故事，其實根本唔需要考慮咁多嘢。本來故事這一回事並不是為咗令到人有更加多嘅得著而存在。
人格之王
2025-03-03 00:41:59
害怕
好啦，快快脆脆寫完之後嘅序就完啦。其實對於哲學家來講有能力喺從故事中得到得著，不過呢啲之後先講。對於依家來講唔係最重要。寫完個序先係當務之急嘅事情。嘛，就不要考慮之後嘅事情，反正擔心來也沒有用。
擔心、害怕永遠都擁有，但感覺上而家並不是擔心那樣、害怕那樣的時候。是啊，當真係發佈的時候，擔心嘅事情就會變多。但無問題，因為香港作家就係紅不起。就好似寫學校週記一樣咁輕鬆咁寫啦，因為擔心都係多餘。
與其說紅不起，倒不如說其實我根本不想紅。與其說不想紅，倒不如說你害怕紅。但而家又要說這個話題嗎？這是必須要講嘅話題！不，並不是這個意思，而是要探討好久。就下回分解啦。
有些事情必須要交待清楚！我寫書並不是為了紅。我之所以會寫書其實有一半嘅目的係覺得寫書是一件很開心嘅事情。這重要嗎？非常重要！咁希望你永遠不要忘記寫作嘅初衷同動機。
反正會有寫完嘅一日。並不是指這個意思。而是希望你寫作時要永遠記得你當初為何要寫作。這重要嗎？非常重要x2。知道為何寫作就知道如何寫作，亦都知道幾時停下來。這份初衷是很重要。
不過而家都唔係擔心這種事情嘅時候。人一旦紅了，寫作動機同目的就會改變。漸漸迷失自我，最終為寫而寫嘅機器。為製造而製造，又不是某個工業大國又邊可能會咁做？你要知道世上大把人為咗金錢同名氣而不斷去寫作或者創作。
我其實唔希望你成為呢種人。應該我很害怕成為這種人。但係探討這種事情還是太早啦。但某個程度我都好佩服某些藝人為咗人氣而做自己唔鍾意嘅嘢。就不要講一大堆廢話沒完沒了。
作為作家......其實我都唔知道點樣才算是一個好嘅作家。但儘管你很害怕都依然勇敢選擇踏出第一步，這很不了起。這不是矛盾嗎？身為作家必須為書本而負責。這是責任。
雖然我個人就沒有就是。否則也不會...算啦，之後再講。總之，恭喜你踏出作家嘅第一步。甚麼都不做只會原地踏步。雖然其實我很害怕就是。當中害怕的事有很多，其實不容易，今時今日寫作甚至會冒上生命危險。
到時候請各位保護我嘅書本。雖然我諗唔到有咩書本可以足以威脅我嘅生命，但既然可以賭上我嘅生命肯定係一本幾好嘅書籍。開玩笑的。梗係開玩笑，甚麼可能要各位親愛嘅讀者大大做些如此危險的事情嗎。危險嗎。
我可是很關心各位嘅安全，保護嘅事情應該係作者嘅責任。好啦，就不要把話題講遠。除咗penana係唯一支持付費嘅平台之外，還有甚麼未說？其實大多數重要嘅事情早就係簡介寫好。那麼facebook呢？
人格之王
2025-03-03 00:42:17
宣傳
確實我的確開咗個facebook帳號作為備用社交平台宣傳同留言。基本上所有社交平台都有開帳號，只不過並不想管理這麼多。最終選擇facebook作為社交中心。其實而家IG比起facebook更加流行，雖然而家遠遠比不上Threads。但係我也懶得追求潮流。
其實而家係手機嘅年代。facebook遲早都會被時代所淘汰。只不過反正都不依靠社交媒體去宣傳，所以也沒有所謂。本來香港就係半個老人社會，再者一個沒有社交網絡嘅人根本就不需要社交媒體。說到底只不過係裝裝樣子假裝好似同讀者有互動嘅網站，根本咩網都得。不過，果然IG比較好。
唔...其實我唔想搞咁多野。雖然我知道IG同FB有同步模式，不過好麻煩。本來以我而家嘅情況元社交媒體都係多餘，最基本也應該是做一些小小嘅成績之後才會認真考慮嘅事情。
如果有成績那麼大概就不用開其他社交平台。話說你明明不喜歡社交媒體，還強迫自己開社交媒體去進行一些自己唔鍾意嘅社交活動，作家這個職業還真的是辛苦。如果有其他方法，也不會用如此方法花精力去為自己嘅作品宣傳吧。
嗯。就這樣吧。正如你所講，而家考慮太多事情也是多餘。除咗作文就不要考慮多餘嘅事情。應該說而家只想專心作文。意思差唔多。意思差得多，至少最基本做好一個作家應該做好宣傳工作吧。
除非你唔係一個作家，否則作為一個作家都應該為自己啲創造品負責。無論你係專業抑或業餘都好。
我知道這並不容易。一個創造者去為自己作品負責這是一件很艱難的事情。對我來講就係咁樣，就好似一個沒有社交網絡嘅人去玩社交網絡一樣。創造作品遠比起發佈作品容易。
擁有創造作品嘅能力未必擁有宣傳作品嘅能力，像這樣嘅人比比皆是。光是想像就已經充滿壓力。
我知道這並不是一件容易的事情。但還是請你鼓起勇氣成為一個對自己嘅作品負起責任嘅人。這是為甚麼？因為我想這樣做。我知道，也差不多時候下定決心。嘗試努力克服恐懼，去為一些不擅長嘅事情努力同嘗試。
也就是說要努力。努力更新文章，努力地成為一個作家。而且一旦開始了就不能夠停止腳步。就不要加深人格之王嘅壓力。並沒有加深壓力。把一切說清楚內心反而覺得放鬆，也不像當初這麼恐懼。只不過悠久嘅努力還真的是讓人感到陌生。
重點是努力嗎。我並不擅長努力。悠久嘅努力還真的是陌生。但還是請你好好加油吧。因為你除咗努力之外就冇嘢可以而家做到。就不要講一些令人倍受壓力嘅說話。努力這種事情光光想想就已經令人害怕。
不過還是要做的事情。話雖如此，但我並不想刻意地努力。就算要努力，也不要增加我嘅壓力。尤其是我嘅寫作計劃幾多嘅情況下。既然如此你就好好加油吧。
加油並沒有用，尤其是應對寫作嘅工作，最需要從來都唔係士氣。而係堅持同速度。不過也不能夠太過勉強自己。總之就是不斷嘅寫作吧。
太長，觀眾都好似有些厭煩。只能夠說這是我寫作嘅通病。總之，還有甚麼東西要交待？其實最重要嘅penana平台講咗，其他都冇咩好講。
人格之王
2025-03-03 00:42:31
其餘
還有個人網站、封面、看書順序，大把嘢可以講。確實原本開設咗兩個作者嘅個人網站，不過太麻煩所以到最後取消。畢竟作用不大，太多反而累贅。到最後社交就只剩下facebook一個平台。
至於網址就係人格之王專頁。不過其實都不重要，因為我個人都好少用社交平台。基本上就係裝飾用。即使點like同follew我都唔覺得有咩用。其實應該要做好一些預備工作，但係我又唔係那種作家，那種根據讀者喜好而創作嘅作家。所以其實也沒有所謂。
我覺得冇咩用，就算點like同follew也不會改變我嘅創作方針。事實上我也不需要點like之後嘅數據。至於宣傳，我並不覺得follew人數會為我嘅書本帶來咩宣傳效果。
不過確實連登開寫作post通常都會係其他寫作或者社交平台同步發貼。而本來討論區並不是真係專門為網絡小說而創造平台。
簡單來說，就係宣傳平台而唔係寫作平台。推唔起嘅post就更加冇用。做唔到那種宣傳效果，湮沒係大量post入面。說起就可悲，所以我本來打算想叫讀者幫手推post比like。不過想想下還是算。
太過麻煩。嚴格來講，冇咩用。愈多like又唔代表愈多讀者。 見到呢啲咁嘅數字反而會更加心煩。就好似見到希望好似好hot但其實一啲唔hot。其實這些都是小事。事實上我就唔想太多應酬讀者，最好係街上遇到都係扮唔識。
讀者唔係多嘅情況下唔係太想應酬讀者，係讀者多嘅情況下就更加唔想應酬讀者。咁不如小比較好。開玩笑的。無論願唔願意都好，宣傳工作還是要做好。而最好宣傳就係群眾嘅宣傳。
但老實講，我唔係太想讀者幫我做太多事情。有啲界線還是要分得好清楚。我相信群眾嘅動員能力是很強大，尤其是這個只有like同轉貼嘅網絡世界。但許多事情也不必為我做太多。
基本上讀者做好一個讀者基本嘅事情就得。其餘號事情都係做完一個讀者嘅工作之後才考慮嘅事情。這樣可以嗎？任何知名嘅大作家不多不少經過他人嘅引薦或者推薦。
我知道好多人都會鼓勵呢種分享嘅文化。但係文字並不需要多餘嘅花俏。而且宣傳嘅工作本來就係作家要考慮嘅事情。我相信戰略家會將宣傳嘅基本工作做好，也相信文字本來就具備某些嘅感染能力。
讀者唔需要做多餘嘅事情。就讓讀者安心成為讀者吧。就算做咗，我也不會說多謝。更不會給予大家某種嘅特權。換言之，捧紅我一啲好處都沒有。
以前擦老師鞋，老師最多只會講乖學生。但說實在我實在唔想玩禮尚往來嘅遊戲。不過按照這個道理，為我嘅作品做出多餘行為嘅人都係有品味嘅讀者。...你也真的是自大。
反正我就是那種短命作家。所以點like同follew這種事情就隨大家便。一個香港作家係討論區發表作品，然後係社交媒體開設個人專頁，到最後一個小說平台連載作品。可以話一個作家最基本嘅工作，可以做嘅嘢都幾乎做完。
人格之王
2025-03-03 00:42:43
實體書
還真的有作家嘅模樣。今時今日這種配置對於香港嘅網絡作家來講近乎常識同基礎。即一個作家至少有兩至三個平台，這也是香港嘅現況。
很少香港作家只有一個平台，倒不如說只有一個平台就注定無法生存，到最後還是發展兩個平台。這就是香港嘅現況。畢竟我也有做過資料搜集，也就是這樣。
但就算這樣，喺香港最熱門嘅方式也依然是實體書。香港讀者本身就少，但係網絡讀者本身就更加少。我也不喜歡睇書，比起書，我更加鍾意睇幾百字嘅網絡散文。
可能比起寫書，patreon嘅模式可能更加適合我。比起真正嘅作家，專欄作家反而更加好賺。只不過我並不是那種知識型份子，只有長篇大論嘅書籍才更加適合我去表達我想表達嘅內容。
我也不是未想過要投稿嘅方式去開始我嘅作家生涯。畢竟對於作家而言，並沒有一種方式比起收版稅更加輕鬆渡日。就算版稅比起網上收入少，都好過自己一個漫無目的地行走。尤其是香港，一套作品未經歷過實體化也不能夠稱為成功。
從一開始就能夠實體化固然是好。當初我也花了好一段時間去搵一些適合出版我嘅書籍嘅出版社去投稿。只不過係探索嘅過程中發現，今時今日香港出版社也不太容易過日子。可以說香港近年嘅環境，無論係大型出版社抑或香港獨立出版社日子都唔係太好過。
要形容香港嘅現況，就係僅僅生存。所以我放棄投稿出版嘅念頭。可以說香港出版前景只能夠用絕望去形容。某個香港知名大型出版社嘅老細都話自己就嚟做唔住，今時今日香港咁嘅讀書環境經營僅僅有薄利維持就已經算好。更何況其他更加細型嘅出版社呢？
哪怕搵到幾個理念稍為相近覺得想投稿嘅出版社，都立即放棄投稿這個想法。我並不能夠將我嘅作品放係一個將來唔知幾時執笠嘅出版社上面。
可以咁講，而家嘅香港出版社行業其實就同一潭死水冇咩分別。睇返咁多位老細嘅訪問，簡直愈聽愈心寒。我本來以為我都係一個算悲觀嘅人，但香港出版社行業簡直比起寒冷更加絕望。就算係寒冷都比起香港未來更有希望。
真係，香港出版社行業情況真係非常惡劣。香港就只有幾間出版社，每一間都覺得生意難做。當然教科書永遠除外，係香港書展最好賣永遠就係作業。大家做過學生都明，香港人就只有學生時期先會睇書。
人格之王
2025-03-03 00:43:00
出版社
而香港真係出版書籍嘅出版社就真係只有幾間。唔計算宗教類書籍，適合出版我書籍嘅出版社就只係得那幾間。你並不會在一堆童話故事書旁邊放艱深嘅哲學書，同樣地每個出版社都擁有自己出版書籍嘅喜好，將一本書放係合適嘅位置才能夠爭取最好嘅協同效應去接觸讀者大眾。
就算惠康、百佳同日本城都唔止只有一間超市。正如大集團唔止只有一間超市一樣，我也為唔同書本分別搵咗唔同嘅出版社。基本上都係上網是但搵咗幾間，本來香港嘅獨立出版社就很少，更不要提及立場理念相同嘅出版社就更加少數。
基本上合心水大概五六間，也花了我好幾日。本來我應該去嘗試投稿，但認真研究過香港出版社這個行業之後，我就立即放棄這個念頭。其實香港近年嘅獨立小型出版社唔少，但係真係可以維持咗十年以上卻很少數。
所以我放棄咗投稿嘅念頭。其實最初我反而優先想選擇小型嘅獨立出版社去投稿。畢竟香港文化實在太過單一，某個程度上甚至可以稱得上沒有文化。而小型嘅獨立出版社反而擁有更加好嘅發展空間。我當時是這樣認為，但後來我意識到我實在大過自大。
我對於香港嘅文化未來也未免太過樂觀吧。正如我覺得某些書籍符合小型嘅獨立出版社一樣，某些傾向大眾嘅書籍我個人認為比起小型出版社更加適合大型出版社出版。
當我為我嘅書籍有着雄心壯志，這才是一切悲劇嘅開始。雖然花了好幾日搵咗好幾個獨立出版社到最後發現係已經結業，但依然有好幾個符合心水嘅出版社。真的，對於香港嘅文化產業抱有期待，係我依一世身為一個香港人最為錯誤嘅想法。
作為一個香港人又點會唔知道香港嘅文化環境係點樣？與其說抱有期待，倒不如從一開始就沒有認真去思考過這個問題。我就只是想着自己嘅方便，要係一片沙漠種出一片綠洲根本是一件不可能的事情。
又抑或我根本沒有這種本事，我只係想着投完稿之後就可以對於作品受理不理。會有人自動幫我編輯同宣傳，我唯一嘅工作就只係收錢同寫作，或者出席一些作家應該出席嘅合作活動。如此幻想般嘅夢幻生活，但其實香港根本不存在綠洲。
人格之王
2025-03-03 00:43:19
投稿
我記得當時係2023年嘅農曆新年，大概疫情期間打算開始我嘅作家生涯。首先理所當然搵咗幾個小型出版社打算出版我嘅本傳同外傳書籍，反正我原本計劃就寫好多而內容也是關聯不大。
而其餘嘅系列則是選擇兩間大型出版社，一間專門搵時事與娛樂文化評價嘅出版社，另一間則是想比較休閒嘅哲學文化評論嘅出版社。想着如果不行，再投小型獨立出版社，反正小型獨立出版社種類也是比較多元。
說是選擇出版社，但搵一些立場相同嘅其實少得可憐。理念相同要不是專出財政馬經，就是專門出版宗教書籍，所以根本上沒有任何考慮嘅餘地。
只係需要簡單嘅排除法基本上就淘汰至四、五間出版社。情況就同所有大型香港書店一樣，背後嘅經濟同資金永遠都離不開中國。實在很難搵到一些立場比較中立嘅出版社。
要說香港有沒有出版自由就同問有冇空氣差不多。如果真係有又點解要問有冇。而事實上尊子漫畫連載咗40年，年年都係咁做又唔見佢四十年之前停刊。因為當時重有新聞自由，今時今日就連報社都需要避免唱衰香港。歷史教科書入面嘅政治諷刺漫畫都已經成為歷史。
只係香港先變成歷史，歐美到而家都好hot。年年dse都有出，專門刁難學生。香港依然有言論同出版自由，只要你唔觸及一些敏感話題....而今時今日你只不過係冇咗睇漫畫嘅自由。
由有得睇到冇得睇，冇話唔俾你講。不過聽日就唔知道。以前我唔係好覺，直至我睇咗次文化堂相關嘅訪問同新聞才真正意識到香港出版環境係點樣。
人格之王
2025-03-03 00:43:33
危險
更具體來說基本上只要係次文化堂出版，無論政治書、教粵語書，就連心靈雞湯其實全部都應該被視為禁書而下架。更不要提及咩新世紀出版社，完全係自殺式行為。放心啦，天地圖書重生勾勾。
有禁書書店，亦都有禁書出版社。賣禁書全部出晒事，做禁書反而冇事。即係代表就連中國都唔相信文字真係有咩實質嘅影響力可以動搖到他人，反而果啲畫公仔全部出晒事。畫繪本永遠係高危職業。
不過冇事，真正高危果啲唔係比人拉咗就係已經移咗民。淨低果啲最多咪被下架。只要你唔好寫果啲嘢，做記者唔好批評政府，唔好好似立場新聞同區家麟一樣基本上就冇事。
講真，我做得作家我重驚過你。作家係高危嘅職業，點似得讀者唯一嘅風險就係唔好比人知道你讀過邊本書。就算讀咗都唔好揚，讀咗都好似冇讀過嘅一樣。
所以大家都應該識點做，我想這一點不用我教。就係小心一啲，就算真係唔小心睇咗禁書都好，都唔好咁開揚推薦比身邊嘅朋友。畢竟今時今日讀者嘅安全也是很重要。
今時今日作家就連呢一點都要顧慮到也是很忙。本來編輯嘅工作就已經夠忙，還要做自我審查嘅工作，因為唔覺意寫錯啲內容，咁就會被連坐。
所以今時今日我都要好小心。因為今時今日係對人唔對事，一本書被禁未必真係本書有違規嘅內容，而係作者本人係現實世界識啲人，咁本書無論寫咩內容都會被下架。
因為一個人犯罪，全體受罰。並不是因為本書係經過編輯或者他人之手，而係單純想打壓某些作者。警告作者要慎交朋友也要小心寫作，所以就算內容唔敏感都一樣被下架。一人累事，全家受害。
可以話作家背負上許多人嘅生命。而最恐怖就係被下架嘅作家你係冇一個係認識。公共圖書館下架嘅255本書，冇一個作者你係識得。你淨係知道香港有好多本書，好多個作家，簡直係多到吓死人而香港就只有唔夠一萬個讀者。
不過呢啲全部都唔影響倪匡嘅作品。公共圖書館過百本都可以任睇，甚至免費俾你睇。即係代表啲咩？即係代表政府欺善怕惡，最叻就係扮睇唔到。其實代表政府冇咁高嘅文化水平真係睇過倪匡嘅作品。
一個係現實如此高調反共嘅人，小說又有咩可能沒有任何關於諷刺共產黨嘅內容。只不過政府並沒有咁高嘅文化水平真係睇過書。只係憑直覺下架書籍。基本上現實中你只要扮唔識呢啲人就會冇事。
所以你係街上遇到都要扮唔識。生命要緊。你永遠唔知道所謂紅線喺係邊度。可能寫啲生命向上嘅心靈雞湯都已經觸犯紅線。講唔定香港作家就已經係原罪。不過更大可能，你真係唔識果班人。
全部都靠愛來發電。難聽啲講，係香港寫書人數甚至多過讀書嘅人數，而香港人睇開嘅書籍通常都係外國知名大作家。呢個年代本來就係咁樣，內容豐滿、感情豐富同具備知性獲益良多嘅散文永遠比起長篇大論嘅書籍更加受到歡迎。所以做一個作家其實冇想像中危險，本來香港人就唔鍾意睇書。
人格之王
2025-03-03 00:43:56
意義
本來睇書就係為咗返學，離開咗學校就唔會再睇。就算再睇書嘅時候都只係為咗應付工作，剩下的就完全唔知道點解買咗本書抑或睇咗本書。反正我嘅屋企都係這樣。今時今日娛樂已經唔係睇書嘅最大目的。
反而寫書果位變成如今最大娛樂。不過有時候要知道點解要睇書也是很重要。很少人會真的無緣無故去睇一本書。算啦，反正也與我無關。
你點解要寫書？反正最初也只係寫寫下就繼續寫落去，並沒有甚麼很深厚嘅動機。不過後來有很多原因。寫作其實幾開心。但當你真正以寫書為目的去寫作嘅時候就擁有不同嘅感覺。
感覺沒有以前寫散文這麼愉快，無論呢本抑或整理以前第一篇讀後感出另一本書也是一樣。以前就算寫得再爛也只不過係比自己睇，但當你真係認真考慮出書就好自然顧慮其他野。
結果愈寫愈爛，所以第二本書就改變咗寫作風格。基本上就係爛，爛都我唔好意思post，不過無所謂反正都係第一本書。本來就預咗爛，呢類型嘅書本來都唔係以娛樂為主。
只不過就連之後那本綠皮書寫評到到最後都係愈寫愈爛也是意料之外。顧慮得太多讀者感受同能力，結果愈寫愈多這也是我嘅敗筆。其實到最後應該要整理一下，刪除一些重複嘅話題反而會好好多，尤其是將第二次解讀全部跳過唔睇都應該算係唔錯嘅閱讀體驗。
不過我並沒有時間。有時間我情願寫多兩本，到最後先一次過整理。我嘅時間可是很趕。再者，本來就賣唔出。既然如此，點解要寫書？確實，點解要寫作這個問題不斷重複又重複。就算後來嘅作品也不斷重複任這個命題。
你內心覺得不安嗎？就算放棄以作家作為終生職業，我嘅內心也依然覺得不安。大概就是迷惘，以前我很清楚點解我要寫作。但事到如今我卻不知道為甚麼而寫作。
（其實從來都未清楚過。本來第一本書寫綠皮書就係為咗開心。之後嘅黑皮書就只不過係為綠皮書寫一個詮釋同補充。但無論如何，黑皮書本來都係命中注定。不過要解釋這些也太過麻煩同複雜。我也懶得講。
本來作家寫作也有很複雜嘅原因。明明迷惘卻無法離開筆這就是作家嘅悲劇。嘛，反正寫到最後就會明白。）
都已經出書，總不能夠說是為了自己而寫作吧。就算真係為了自己而寫作，都唔應該人格之王這本書。既沒有任何得著，也沒有任何需要推理真理，就只是一本單純記錄嘅書籍。
我覺得不就是因為這樣。比起覺得誰會睇這本書，我更加迷失點解要寫作這個命題中。真是自尋苦惱，明明剛剛才克服出post嘅恐懼。我想我嘅人生大概永遠不斷係恐懼同苦惱之間徘徊。不論如何，我寫書嘅計劃永遠都唔會改變。一早就已經決定好，就已經決定寫到最後。
明明外國絕大多數嘅作家都唔會苦惱這種事情，就只有香港作家才會尋求寫作嘅意義。每個人都知道外國絕大多數嘅作家都係因為有錢賺所以才會寫開才寫。
但係香港嘅作家從來都不是為了賺錢才開始寫作。本來作家就沒有錢途，寫開寫作嘅人都係機緣巧合下才開始寫作。說真，很多人都覺得學校寫作故事是一件快樂嘅事情，但係真係成為作家又有多少個人。
意義重要嗎？重要，不過果然還是因為錢為目的是最簡單同直接嘅動機。就唔好思考咁多，簡簡單單以有錢有名氣嘅大作家為目標吧。
換言之即係文妓。文妓最出名就係食兩家茶禮毫無原則，而香港最出名嘅文妓就係陶傑。係唔同政治立場嘅報紙不斷寫專欄，邊份報紙俾多啲就寫邊份，同妓女冇咩分別。可惜我還是想當個人。就不要考慮成為這種專門為錢而寫作目的嘅作家。
你就不要這麼極端，簡簡單單去做一個賺錢為目的嘅普普通通作家就算啦。你咁樣同一個搵錢不如做雞嘅人有咩分別。普普通通做作家唔好嗎。普普通通是不能夠成為作家。係香港做作家係冇可能賺到錢。好早以前我就知道這個事實。
人格之王
2025-03-03 00:44:18
寒冷
其實次文化老闆說的話一啲都唔可怕，反而天窗出版社嘅老闆講嘅說話恐怖得多。我記得有一篇訪問大概是這樣嘅意思，一年有2-3%嘅利潤就已經很好。
咁大間獨立出版社竟然覺得能夠一年有2-3%盈利就已經代表嗰年嘅生意已經很好。我唔知道大家係點樣諗，我記得我嚇到馬上放棄關於所有投稿嘅想法同念頭。
咁大間嘅出版社都已經咁樣，更何況更加小型嘅出版社呢？我已經無法想像其他香港出版社嘅生計係點樣。對於一個新人作家固然充滿壓力，但重點也不是這樣。
我無法將一部作品放係一個明知可能會隨時倒閉嘅出版社上面。作為一個作家我必須要為我自己嘅作品負責。所以我寧願做一個獨立嘅作家，都唔想成為一個只要持續收版稅就可以甚麼不顧嘅收入穩定作家。
當然前提我係有那種嘅才能。但係問題當其他出版社收支都係啱啱好嘅情況就更加冇可能擁有多餘嘅時間同金錢為我嘅作品付出同負責。
小型獨立出版社講嘅嘢永遠都好，但係實質就連自己都顧唔掂自己，又點可能真係期待對方真係為我嘅作品做一啲出版社應該做嘅事情？呢個社會唔係單靠理想就可以生存，到最後演變到這樣倒不如從一開始就單幹可能重好。
至少版權係我到，負責起上來都容易一啲。到最後還是變成這樣。算啦，反正早知道結果是這樣，倒不如一開始就變成這樣反而輕鬆一啲。從各方面來講都係咁樣睇。就算明知衰都叫做自己有啲主導權。
早知道會死都好過死得不明不白。作品封係倉庫永無天日，這種事情都係絕大多數嘅作家嘅常態。只要不是知名嘅作家，出版社根本不會重視。像是好青年荼毒室從一開始就被出版社高度重視嘅新星反而少見。
（畢竟哲學係香港其實幾好賺。哲學堪稱香港最大老千行業。任何事物只要掛上哲學就會好好賣。只不過我肯定賣唔出。本來就係非賣品。並不是為了賣而寫，也不是為了推廣而寫，單純為而寫。
不過要人格之王好似明星一樣經常露臉也肯定是不可能。只能夠說命中注定唔適合做騙子。反正我也沒有所謂，所謂老千冇本心。透過欺騙而搵食，過程中只會不斷傷害他人到最後就連自己都欺騙埋。
那種職業我才不稀罕。並沒有一個老千會認為自己係老千。這就是老千最高境界。俗稱感情騙子。感情騙子完全唔覺得自己欺騙他人感情，被騙比起騙人更加可惡。
嘛，大多數騙子都是這樣。世界上不是被騙就是騙人。世界本來這樣。就連我也談不上有多大誠信。只不過我至少希望可以對自己坦誠一啲。不然會太過可悲。
其實我已經非常自我。自我到感覺上就算早十年出道都完全沒有成功嘅可能性。問題太多，但現階段實在唔應該考慮太多多餘嘢。完全想像得到戰略家為我作品銷量苦惱嘅樣子。不過現階段就應該好好作為新人體驗一下新人嘅感覺，之後嘅問題之後先算。反正網絡作家唔洗成本。）
不過絕大多數人都不像這麼幸運，一生未曾捧紅嘅作家其實佔了很多數。只能夠說識人好過識字。本來出版社同作家嘅關係就很奇妙，雖然未至於係敵人但係合作關係好好卻很少見。
正因如此我才一開始想選擇小型一些嘅出版社去發展。但係現實係好殘酷，先不論我有冇自信可以同出版社建立一個良好嘅關係。蜂鳥出版賺錢唔多，可能一至兩萬已經很好，重少過一般打工仔賺嘅錢。一個人兼職兩個工作嘅情況下，同你講我可以為你嘅書本作好好嘅出版社宣傳工作，真係鬼相信。
但就算係咁，夢繪文創又抑或創造館這些小型嘅出版社都出名過我一個人。本來出版社比起作家有名氣是一件理所當然的事情，但係今時今日呢個市道，出版社又可以幫得幾多？
到最後明知演變到這樣，還不如單幹。而且作為一個新人作家這樣可能會重輕鬆。為甚麼不是新手作家嗎？因為所有人初出茅廬皆是新人。一個作家剛剛出道並沒有名氣。那麼你會成為新星？並不會，大概沉沉落落渡過這一生。本來唔做作家還好。但既然決定喺香港成為作家就只有死路一條。
並不會有任何希望。這一個不是你我早已知嗎？我只不過是盡作家最後嘅責任，完成埋最後作品兼作為一個創作者陪住我嘅作品走埋人生最後一段路。這是創作者的責任嗎？不，單純是我想。
其實放任不管還可以，但係既然作為一個獨立作家那麼就應該盡全力睇下自己到底可以走到多遠。講到你可以有版稅平穩地渡過一生一樣。要呃版稅，總有方法要呃到。
本來出版社對於學者可是非常鬆散。基本上你只要成為大學教授就一定可以出書。因為出版社本來就有這種社會責任，教授出嘅書本來就唔好賣。但係出版社有傳承知識嘅責任，也被逼出一堆唔好賣嘅書。
專業出嘅書，恐怕連出版社都睇唔明。但係戲子黃子華嘅朋友作家黃碧雲喺港台兩地嘅忠實讀者就只有二千，重少一個專業教授嘅讀者人數。唔記得二千定三千，反正唔過萬。差唔多啦，收開版稅其實唔係太過care咩讀者數目。
（一個作者收版稅唔在於有幾多個讀者。而係在於出版社印咗幾多本書。所謂版權使用費其實係收知識產權嘅錢。而兩三千人其實係香港都算暢銷書，只不過計埋港台兩岸就有啲悲劇。）
本書嘅出版權都係出版商上面，無論係一個讀者抑或幾百個讀者都係收咁多錢。等同於一個表演者有了贊助商，其實一個觀眾同一百萬個觀眾係冇咩分別。因為都係收咁多錢。
人格之王
2025-03-03 00:44:33
變質
所以觀眾買唔買黃牛其實對於表演者來講係一啲影響都冇，因為表演者賺嘅錢唔會因此多咗抑或少咗。邏輯上是這樣，冇錯。但係更加具體來說，你做得紅館其實本質上就同黃牛有着糾纏不清嘅關係。
最著名嘅例子就係Mirror紅館演唱會，原則上你係買唔到頭等座。而Mirror紅館演唱會嘅門票你係需要唔知咩商場消費幾千蚊先可以抽一次獎，抽中先可以得到。就算花咗幾萬蚊都未必抽得中。
其實所有紅館嘅門票都必須買黃牛。這是一直都有潛規則，只不過Mirror太過揚。其實個個紅館表演者八成嘅門票都要經過贊助商嘅手先可以買到，這是政府所管理紅館嘅政策，係人所皆知嘅事情。只不過好少做到Mirror咁樣，只係得外圍兩成係開放比公眾購買。
最典型嘅例子就係黃子華棟篤笑，四面台只有一面台嘅觀眾係可以經過政府所管理嘅網站所購買。其餘三面台只能夠經過黃子華嘅手去購買門票。呢啲數據上政府康文處網頁就咁以睇，本來紅館就係政府管理，唔係私人企業所興建。
但係好少人真係去得咁盡，就真係只係比兩成門票比政府公開發售。其實所有任何關於紅館嘅問題一律都係政府嘅問題。因為紅館係政府所管理，政府唔可以同人講，紅館俾人賣黃牛係同我冇關。
但事實上八成嘅票都係經過私人嘅手上面。偶然有啲表演者話佢手上冇票，真係信佢老母。根據我上睇關於黃子華賣黃牛嘅高登十個分析post，幾乎肯定佢手上係飛只不過唔賣比你咁樣。
問佢老母就有飛，信我啦各位。如果唔係，點解黃子華棟篤笑首席忠實第一粉絲兼作家陸離十六場場場都有得睇？解釋唔到啦。唯一解釋得到就係臨場之前嘅黃牛係非常好賣，所以黃子華手上有飛可以確保陸離場場有得睇。飢餓式銷售。
而我哋一般人就只能夠提早七日係沙田大會堂嘅售票處外面搭個營排隊買飛。冇錯，呢啲情節唔係《銀魂》先有。如果佢早一年公佈，我相信大把人會提早一年排隊。只不過佢提前七日公佈。
真係非常經典。可能好多人唔知，因為黃子華最後先公佈加開兩場，而且張張都係公開發售，每個人最多買四張。我唔知其他人知唔知，但係陸離肯定唔知。當時好多人瞓街淨係排隊買飛。
重要係七月先宣佈加開兩場，真係稍為唔夠反社會人格都諗唔到喺香港最炎熱嘅夏天宣佈加開兩場。我記得又熱又多雨，嚴格來講我冇去過，但係好多好經典嘅相。
整體來講，2018年嘅黃牛之亂發生好多好有趣嘅事情。基本上十單新聞有九單都係關於黃子華棟篤笑。咩嘢紅館清潔阿姐俾人抄，虛報個人財政資料去申請信用卡買飛，賣黃牛比人拉等等。毫不誇張，當時我搭巴士又好，搭地鐵都好，我係冇一秒鐘係見唔到黃子華嘅身影。
其次就係粵劇特朗普，宣傳得好勁。差唔多果個時候，好少人真係會提早三個月去買飛。通常都係臨出先賣，以前黃子華棟篤笑《無炭用》伊館沙士果陣基本上係即買即入。因為唔值錢。
本來表演通常都係咁樣，就算係華格納歌劇都係工人放工一邊飲住酒一邊打住牌同一邊係到睇，不過時代唔同。呢家你要睇華格納歌劇，首先要去拜魯特歌劇院，着住西裝嚴肅地去睇。
正如大疫情時代之後，已經冇咩人去酒吧到飲酒。因為年代唔同咗。以前我哋要娛樂就係約一大班人去酒吧上面飲酒，再唔係就係大排檔叫一大堆餸同幾枝老啤吹水吹到天光。因為我二佬偶然都係咁樣。
今時今日要娛樂洗鬼去蘭桂坊，我同大家喺連登開個post吹水吹到天光都重得。不過偶然約咗人都係要出去應酬一下對方，始終網上傾偈唔係咁方便。
雖然我係完全冇社交生活，不過呢啲常識還是有。只係對我來講，重要嘅事情其實就算用電話傾其實都冇咩分別。
大疫情可以話加速社會嘅發展，加快改變現代人嘅生活作息。好多人都估唔到，真係以為疫情之後就回復正常。許多嘢都已經變咗又點可能變返同以前一模一樣。有啲嘢而家冇變也僅僅係而家冇變。遲早都會變，社會本來就係咁。唔知道會變好抑或變壞，能夠掌握也僅僅是而家眼前嘅事物。
人格之王
2025-03-03 00:45:11
不變
不過唔變嘅事情就多過變嘅事情。應該說一些唔好嘅事情五十年前一直存在到依家依然存在並沒有發生任何改變，而一些覺得好嘅事物到咗今時今日通常都會變得壞。這就是社會，殘酷嘅現實。其實今時今日嘅德國同以前希特拉統治嘅德國其實係冇咩分別。
本來德國就從來有正視過歷史，而日本早就將歷史忘記得一乾二淨。背後有後台係唔同嘅，自從二戰就變成美國嘅附屬。德國同美國嘅關係，反而冇日本咁美好。日本戰敗史就係日本嘅近代史。自從戰敗之後就發咗達，之後由可以買起成個美國就變成失落嘅三十年。即係話呢個民族一啲改變都冇。
不過最大問題都係日本嘅主權俾美國控制住。美軍同日本嘅關係簡直係一匹布咁長，好難有日本如此忠誠嘅狗。明明德國同日本同樣戰敗，但係德國戰敗史卻無法成為德國嘅近代史。
德國人嘅思想重停留係上世紀最強盛那陣時。這種思想係好危險。擺脫唔到過去嘅榮光，根本就冇咩光明嘅未來存在。日本人根本上就從來未偉大過。
真係笑到仆街。每當日本人覺得日本開始偉大，可以抬起頭做人，覺得呢個地方重有希望同有得救嘅時候，下一秒就可以同你say good bye。
呢啲就係日本官僚體制嘅命運。我實在諗唔明點解日本每次都可以將一手好牌玩爛。日本嘅國旗重要係太陽。有日出當然有日落，只不過每次日落都落得特別快。日本嘅太陽，我係無法理解得到。
好多人都話美國政府一早知道日本會偷襲珍珠港。普通人又點會估到日本會偷襲珍珠港，更何況美國政府？我實在無法理解得到日本人嘅邏輯，只要係一個正常人都唔會選擇去偷襲珍珠港。就係一個國家唔係太過正常，所以就去選擇偷襲珍珠港。
其實本來美國背後一直有支持盟軍，甚至係國內花了全國三分之一嘅電力同大量資源、資金打算搶先德國研究原子彈。基本上當時全世界最偉大嘅科學家都參與這次研究，咩愛因斯坦、玻爾全部有猶太血統。還有當時還是新仔嘅美國人費曼。
就係世界大戰，從來冇一個人可以置身事外。只不過好似日本咁樣打美國打到美國本土完全唔知道為咩就好少見。日本就難道沒有任何一個正常人反對偷襲珍珠港嗎。整件事情就係愚蠢，而人類嘅歷史就係蠢。
德國都還好，至少蘇聯同納粹大家都唔相信大家，其實我都覺得德國納粹至少完成咗西線戰爭先打東線。反正遲早都要打，早打好過遲打。而且雙線作戰對於德國來講都完全唔陌生。
最典型嘅例子就係腓特烈大帝嘅七年戰爭一打四。其實邊個贏咗對於大家都冇好處，法國完全係到敷衍，本來法國同奧地利就係爭奪歐陸大陸霸主嘅世仇，而且也忙於對抗於英國這個千年仇敵。
原則上，英國打法國，普魯士打奧地利。但係事實上就打到亂七八糟，本來腓特烈大帝應該速戰速勝搞掂奧地利，但係各方面都亂七八糟。
不僅分兵對抗法國削弱本隊嘅軍力，而且第一場戰役所犯下嘅錯將軍隊俾部下指揮結果打輸咗，到最後可以怪誰？本來應該係由七年戰爭中從來未嘗一敗百戰百勝嘅腓特烈大帝親自指揮軍隊。
普魯士本來應該係七年戰爭中滅國了三次。第一次係腓特烈大帝差點死係戰場，第三次係首都被圍城思考如何係城門被破那一刻係自己皇宮入面自殺，而第二次同第三次差唔多都係想着如何係柏林防衛戰轟轟烈烈戰死沙場。只不過第二次那時，奧地利主將好似同俄羅斯主將傾唔掂數放棄咗攻城，導致戰爭又打多三年。
其實本來大家都冇心打仗。法國、奧地利同俄羅斯堪稱歐陸霸權嘅競爭者，大家都唔想睇到大家打贏仗。而呢三個世仇為咗對抗普魯士一齊合作本來就唔長久。
其實關係非常脆弱，只係差俄羅斯未調轉槍頭去打奧地利。普魯士一輸，奧地利就會坐大但係同樣地唔想見到普魯士贏，根本就係一場冇贏家嘅戰爭。最好就係兩邊都輸。
學法國咁樣出力出一半或者係最好嘅選擇。只能夠講法國同英國諗嘅嘢同樣都好小家。佢哋大家都只係諗住如何係戰爭入面為自己嘅國家爭取最大嘅利益。
根本就沒有結盟嘅必要。各自各打仗。俄羅斯反而係最認真，本來東歐永遠係最激烈嘅戰場。無論邊個贏都唔會開心。打到滅國係問題，打輸又係另一個問題。總之就係戰爭永恆。
反正俄羅斯都唔係太過熱衷打普魯士。反而當時奧地利王室嘅統治者對於普魯士腓特烈大帝恨之入骨。因為當時奧地利王位繼承戰爭，普魯士同奧地利結怨。
但係腓特烈大帝之後，普魯士同奧地利王室嘅關係反而唔錯。當時都已經係拿破崙戰爭嘅年代，其實都相差唔夠一個世代。短短一百年就發生許多事情。
許多人甚至唔記得腓特烈大帝點解要發起這場戰爭，所有德國人都只係記得佢哋贏嘅戰爭係幾咁輝煌。其實差啲滅咗三次國，而後來真係滅咗三次國。
其實腓特烈大帝唔熱衷戰爭，甚至係為咗唔想打仗先打算搶先一步進攻奧地利。本來普魯士就係一個貧窮嘅軍事國家。士兵食馬鈴薯，就連普魯士世世代代相傳嘅王室都係從小就食薯仔。
其實最初普魯士民族就係一個難民嘅民族，不過好少人會記得三十年戰爭又抑或路易十四嘅宗教迫害導致一大堆難民前住普魯士定居。
普魯士相信只有強大嘅軍事能力才可以保證國家永遠嘅安全，普魯士人從小就必須要接受軍事訓練。不過今時今日又有幾多個國家自細就必須要接受軍事訓練，本來今時今日嘅秩序已經唔係單純嘅武力取勝。
和平同自由本來就應該係普魯士王國最初嘅承諾，但係如今卻變成美國嘅象徵。又有邊個記得當初嘅普魯士民族是怎樣，而家提起德意志民族其實就係日耳曼民族。提起日耳曼民族就必須提起華格納，咁麻煩嘅野我實在唔想多講。
人格之王
2025-03-03 00:45:25
立場
其實德國嘅近代史就係華格納嘅歷史。華格納某個程度定義咗德意志民族應該要點點點，今時今日已經冇人記得歌德曾經係德意志民族文化嘅象徵。不過歷史就係咁，我都懶得多講。
每次提起德意志都會覺得很悲傷。很難想像一個國家會墮落如此，某個程度普魯士同美國都係近近代史先立國嘅新興國家，但係德國就捨棄咗最初所擁抱嘅建國精神變成一個完全沒有任何內涵嘅國家。
普魯士人應該要英勇，普魯士應該要團結，普魯士應該要合作排除外敵。很難想像腓特烈大帝如此大愛嘅統治者反而成為德意志人好戰嘅象徵。
我都唔知道點講好。之後普丹戰爭，華格納甚至強化咗德意志民族嘅英勇特質。要提及德意志民族就必須要提及華格納，基本上沒有一個人好似華格納一樣係德意志民族如此具備影響力，任何關於德意志民族嘅定義都離唔開華格納。
華格納係歷史入面搵到德意志民族嘅親生老豆，那個就叫做日耳曼民族。華格納所定義嘅日耳曼民族其實就係德意志民族嘅精神，呢一樣嘢就要由羅馬帝國歷史開始講起。
當時哲學家反對德意志民族嘅概念，認為這只不過是一個現代發明。那個就係尼采。好簡單嘅一樣嘢，睇尼采個樣你覺得佢好唔好打？但係同普通嘅普魯士人一樣，尼采小時候都覺得自己應該揸槍而唔係揸筆。
但係後來真係揸槍就發現原來自己唔適合揸槍反而適合揸筆，原來佢唔係那種英勇嘅日耳曼民族，甚至唔想成為一個真正嘅德意志人。與其話佢唔想，不如話佢完全唔似一個德意志人
眾所周知，傳統嘅德意志學者邏輯係非常嚴謹。而體弱多病嘅尼采嘅邏輯係由A跳到去D，完全唔知道點得出個嘅結論，邏輯亂七八糟。尼采身上完全沒有一個德意志人、學者、藝術家同音樂家嘅特質同特徵，咁佢算唔算係一個德意志人？
除咗佢喺係德國出世之外根本就唔似一個傳統嘅德意志人。佢同德意志民族唯一嘅共通點就係同一個與生俱來嘅德意志人一樣問咩嘢叫做德意志？
每個德意志人天生都會問何為德意志。這是每一個德意志人天生都會問嘅問題，係與生俱來嘅本能。
呢個問題重要嗎？不，呢個問題對於尼采來講一啲都唔重要。無論以前抑或而家，呢個問題一啲都唔重要。
「永遠不停止問『甚麼是德意志？』這個問題，這正是德國人的特徵。」而擁有十六分之一猶太血統嘅華格納則喺德國統一之後一年喺《拜羅伊特月刊》寫了一篇「甚麼是德意志」解答了這個千古難題。
複雜嘅嘢我唔想多講。簡單來講，華格納的答案就係在地、傳統、自由、非民主。差唔多啦，我睇台灣雜誌係咁樣寫。
長話短說，因為我個人根本就唔care咩嘢係德意志。因為係香港就只有外國華人先會問到底咩嘢係香港人。從來都唔會過問甚麼是香港人，這就是香港人嘅特徵。
講真，一個香港人與生俱來就係一個香港人。根本就唔需要咩定義。就係因為與生俱來唔係香港人所以定義到底咩嘢係香港人。同樣地，就係因為自己唔係德意志人先可以定義到咩嘢叫做德意志。
其實唔洗睇「甚麼是德意志」，有邊一樣嘢諷刺得過一個擁有十六分之一猶太血統嘅人認為自己係德意志人。而更加重要係尼采認為德意志呢個概念其實根本就唔存在。
大家選擇相信邊個係大家各自嘅自由。選擇相信尼采所講其實根本沒有所謂嘅德意志，又抑或相信華格納所講德意志就只適合非民主只有威權統治之下先可以發揮佢地最大民族優勢同性質，服從權威崇拜戰爭並非常尚武視為美德順便應該要反對猶太人呢啲外來民族。
係大家嘅自由，因為我個人都唔係太過care咩嘢係德意志。反正我就算出生德國都唔會變成德國人一樣。
人格之王
2025-03-03 00:45:39
問題
不過反猶確實是德國傳統恩怨，好少人會記得到底點解德意志人天生對於猶太人反感，但係每一個人都知道德意志人天生就仇恨猶太人。
反正我就無法理解就是。其實反猶嘅歷史源遠流長，就算德皇也額外專門興起猶太人社區去安置這班猶太人。
目的就係分隔德意志人同猶太人嘅社區，區分兩者嘅分別。反正對於猶太人來講都係好事，本來猶太人天生就排外同鍾意聚埋一齊保持自己嘅文化傳承。
不過德國政府確實對於猶太人政策唔錯。許多人猶太人都覺得自己被德皇所重視，雖然好多土生土長嘅德國人就唔係咁睇。佢地覺得猶太人只不過係寄宿佢地國家嘅寄生蟲。不想成為德意志人嘅外來民族。對於猶太人嘅反感沒有人比得上華格納。
甚至曾經堅信自己嘅養父是自己嘅親生父親嘅華格納到咗晚年反而成為佢一生人最大嘅華格納問題。
佢愈到晚年就愈為呢個問題捉狂，因為如果佢嘅養父係佢嘅親生父親，佢就有二分之一嘅猶太人血統，而堅信自己係德意志人嘅華格納就愈質疑同傾向相信佢嘅親生父親唔係佢嘅養父。
邊個係親生父親就成為華格納晚年最大嘅問題。一直困擾住華格納，其實好多人都知道華格納嘅養父對於華格納非常唔錯，一個對於華格納如此好嘅人會質疑養父係唔係親生父親係理所當然嘅事情。因為係好多人嘅認知入面一個破碎家庭嘅繼父通常都係家暴嘅老豆。
睇h動漫都知道。繼父無理由無條件對於一個人好，偏偏華格納嘅繼父對於華格納好到不得了。會質疑都正常，呢份好反而成為佢最大嘅問題。如果佢出生係一個家暴嘅家庭就唔會有到底養父係唔係我嘅親生父親呢個華格納晚年最大疑問。
事關佢身上有冇二分之一嘅猶太血統。這對於一個純正嘅德意志人是多麼嚴重嘅問題。不過呢個問題永遠沒有結果，而唯一肯定嘅係無論佢嘅猶太人養父係唔係佢親生父親都好，佢身上永遠都有十六分之一嘅猶太人血統。
就同玻爾一樣，祖母係猶太人所以被納粹政府認定係猶太人。本來母親那邊都係傳統從事銀行同政治嘅猶太人家族，同猶太人關係並不是一般少。雖然血統溝到淡晒。
不過睇華格納個樣都知道佢係擁有猶太血統嘅人吧。你又唔係知道華格納係幾咁固執。尼采同華格納絕交也是這樣，佢哋對於世界、政治、哲學同生命嘅意義，好多東西嘅看法都不同。
而華格納永遠認為自己係啱。只係差在未宣佈自己係真理。會絕交也是理所當然，反正讀得哲學沒有幾個會鍾意華格納。是嗎，我還以為香港人會好鍾意華格納。他是德意志嘅象徵，也是德意志嘅起源，更加是德意志嘅神明。
反正與我無關。今時今日提起德意志就只會係歐洲病夫。德意志人...不，德意志民族並沒有任何希望同光明。德意志又有甚麼可能唔實行君主制嗎？
正如華格納所講，德意志最輝煌嘅時代就係獨裁嘅時代。就只係獨裁嘅時候，德意志才會發揮佢哋最大嘅民族優勢。甚麼是德意志或者對於德意志人來講是很重要，但係對於我來講係一啲所謂都冇。我就係我永遠都唔會改變。
人格之王
2025-03-03 00:46:24
信仰
但係德意志永遠無法理解得到這種自我嘅好處。正如佢哋永遠無法理解得到民主啲好處一樣，佢哋民族根本沒有任何一個民主國家應該擁有嘅文化內涵。
現代民主制度其實出自於不列顛神話入面嘅亞瑟王傳說，如果要講嘅話即是起源於羅馬希臘時代。再之後羅馬帝國征服當時還是信仰德魯伊嘅不列顛群島，羅馬宗教結合當地神話所形成不列顛神話。
反正嚴格來講，英國並沒有根源。先被羅馬帝國統治，後被北歐日耳曼民族入侵，還同法蘭西王室糾纏不清。然後過程中就誕生亞瑟王傳說，一個不列顛傳說嘅國王。
其實同民主制冇咩關係。反而同分權制或者議會內閣制關係大啲。不過這只不過是傳說，嚴格來講係不列顛人所想像出來嘅神話。英國嘅政治分散就同佢嘅歷史一樣，從一開始就已經好分散。更不要提及大入侵之後嘅事情。
沒有任何一個英國人知道完整嘅凱爾特神話是怎樣。因為關於英國神話嘅記載早就已經被羅馬帝國入侵同時被羅馬宗教修改得七七八八。加入大量羅馬元素，如今能夠完整講述凱爾特神話就只有香港人。單純玩《瑪奇》玩得太多。而且《瑪奇》係韓國遊戲，只不過係講緊愛爾蘭神話嘅韓國遊戲。
你問十個香港人，九個人都可以答愛爾蘭神話應該由烏鴉女神茉麗安開始講起。烏鴉比起德魯伊更加像是北歐神話嘅象徵。不對啦，香港人難道只識得茉麗安嗎。
還有錫古同紅髮馬夏。講來講去全部都係遊戲名，而且茉麗安係戰爭同復仇女神，只係德魯伊化身係烏鴉。
根本冇人可以完整講到英國神話是甚麼回事，又唔係神話世紀入面嘅文明國家，作為信仰德魯伊大自然嘅原始部落又有咩可能可以好系統地完整記錄當地神話。全部都係口口相傳，如今所有關於凱爾特神話嘅記載沒有一個不是經過羅馬人嘅手。
錫古到底係邊個。我早就知道你會咁樣講。錫赫我就識啫。而且錫赫...還是算啦。還有巨人同精靈，比較似希臘神話。應該是北歐神話，不過巨人反而像希臘神話。亂七八糟嘅神話反而比起希臘同北歐以及埃及神話更加歡迎，真係完全諗唔明點解。
亂七八糟並不代表是一件壞事。事實上就係因為凱爾特神話記載不完整，反而擁有更多嘅發揮空間。好似希臘神話每一個神譜都記錄得一清二楚反而唔適合做遊戲。
不過早期嘅基督教同伊斯蘭教並沒有這麼多教條化，所以事實上修改同融合其實都唔係太多。所有神話都係抄來抄去，其實都係大同小異。正如斯卡哈係凱爾特神話中冥界「影之國」女王，但係原型就係北歐神話中的女神絲卡蒂。
所以其實釋名這些好閒。正如大多數人都叫茉麗安而唔係摩莉甘，叫馬夏而唔係叫瑪查一樣。雖然這樣說很不尊重德魯伊，但係事實上真係咁。
名字這些用開叫慣就得。今時今日就連神明都要世俗化。叫開酒神唔通叫蘇克魯斯，反而唔習慣。反正酒嘅化身來來去去都只係得幾個，但係象徵住酒神嘅酒卻是永恆不變。
宗教是人類歷史文明起源之一。中一第一堂歷史堂都有教，形成人類歷史文明五大要素。政府、社會、宗教還有兩個我忘了。反正事隔這麼久會忘都好正常。
並沒有任何一個文明不存在宗教。人類歷史不僅僅涉及宗教，甚至與宗教歷史息息相關。世界上並沒有任何一個真正哲學意義上無神論嘅國家，只要人類就不多不少信仰其他事物。只不過無神論者唔相信神明是存在。但並沒有人是不需要信仰。
某個程度無神論者只不過是另一場宗教嘅戰爭。無神論者推廣神是不存在，有神論者推廣神是存在。眾人只不過是眾神嘅玩物。由古至今都是這樣。人類就是逃不過信仰嘅宿命。
我也是一樣。說我沒有任何信仰這也肯定是騙人。只不過我信仰甚麼其實就連我自己都唔清楚。到底神是甚麼嘅概念？人們相信酒有酒神，甚至連正義都擁有一個專門嘅神去管理。我並不知道正義之神是否存在，但我相信正義是存在。
其實人類宗教嘅歷史只不過是將萬物擬神化。信仰正義之神並不是真的信仰神明。而正義之神只不過係將正義這種概念簡單化去理解，從而信仰化。如此無聊嘅眾神戰爭，我實在不想參與。
不過人類就是無法擺脫信仰嘅枷鎖。政治同宗教永遠是禁忌。信仰有神論者很煩。信仰無神論者更煩。信仰一啲唔三唔四嘅華格納就更加麻煩。我知道人類無法擺脫信仰嘅枷鎖，但係信仰正常一啲嘅事物？
根本不可能吧。難道無神論者就沒有將自己嘅信仰強加於別人嘅自覺嗎。我就肯定不會自己嘅信仰強加於別人。正如一個經常講責任嘅人通常都係唔負責一樣。根本就不可能。
就算唔想捲入信仰嘅戰爭，最終變成信仰嘅宣揚機器。人好難避免。只不過我信仰一啲都唔重要。最重要是德意志人真係相信自己天生比起其他民族更加英勇，可以一個打十個。世界上好難搵到一個如此白痴啲民族。
德意志是甚麼一啲都唔重要。最重要係德意志人相信德意志到底是甚麼。政治同宗教永遠是禁忌。如果啲人話我相信甚麼，我一律回答華格納。
人格之王
2025-03-03 00:46:35
脆弱
英國神話亂七八糟，正如佢嘅民主制度一樣亂七八糟。但係如此亂七八糟嘅民主制度卻是如今全世界嘅民主制度嘅起源。既不是希臘也不是羅馬，要交代如今嘅民主制度也太過麻煩。
幾乎要由英國君主制同內閣制，甚至要由英國歷史開始講起。本來英國並不是希臘同羅馬那種從遠古時代開始就擁有民主同元老院嘅部落。英國甚至擁有國王，實行君主制。
羅馬也有國王，不過羅馬嘅國王其實係由元老院所選舉出來。之後嘅共和或者帝制就是另一回事。不過就算羅馬同希臘如此悠久都好，最終還是衰落。反而像是英國那種亂七八糟嘅民主制度將民主體制發揚光大。
民主可以防止最壞嘅事情發生，這種講述其實並不全面。因為就算民主制度其實都分好多種嘅民主體制。而最終希臘式同羅馬式體制還是走向滅亡，反而英國式那種四不像嘅民主體制可以玩到由頭到尾 。
即係並不存在那種極其完美嘅制度。雅典式民主明明比起如今任何一個民主式體制都更加民主，但係偏偏最輝煌嘅時光過得很短暫。並沒有人知道雅典點解會衰落，但所有人都知道雅典忽然之間就玩完。就係脆弱到不得了。
就同希臘神話一樣神秘。冇人神話起源係邊，但係希臘地區所有國家都相信希臘眾神就係住係奧林匹克山上面。然後忽然之間有一日就連希臘眾神都被認為虛構。就連神話都唔會太過被人相信。
雅典衰落當然離不開蘇格拉底之死。自從蘇格拉底死之後，弟子就四處漂流，弟子嘅弟子亞里士多德就變成希臘史上逃亡得最多嘅哲學家。希臘人唔再相信雅典娜，實在好難唔滅亡。
民主極其脆弱。但係雅典人相信雅典係依個世界最強大嘅國家。然後就gg。我唔明白雅典人點解會咁有自信。相信自己國家已經很強大永遠都係不可相信。
脆弱到無得再脆弱，並沒有一個形容詞更加適合雅典式民主。十將軍嘅判決對於雅典來講堪稱是災難。但係雅典人依然相信就算冇咗十將軍，雅典依然強大。可以砌低斯巴達。但伯羅奔尼撒戰爭其實打得好艱難。
而雅典公民議會對十將軍開庭審判同追究責任判處死刑更加令到冇士兵想做將軍。我實在諗唔明點解雅典式民主能夠容許一切最壞嘅情況都發生。民粹到極致。
民主防止最壞嘅事情發生完全唔適用於雅典。事實上正好相反，雅典式民主令到一切最壞嘅事情都發生。這俗稱多數人嘅暴政，係群眾壓力下多數人可以理直氣壯殺死少數人。呢個亦都係雅典真正衰落嘅原因。死因太過民主。
不過如今都好少雅典式民主。基本上都溝得七七八八。好少真係會比公民有咁大嘅話事權。再者如今嘅公民同那時雅典混合了許多奴隸制嘅雅典公民並不同。就係社會狀態其實都亂七八糟。雅典除咗民主，社會一切都係問題。
政府腐敗其實都只係小事。公民權這些永遠都係羅馬帝國極其深遠同難以解決嘅社會問題。基本上國家嘅衰落都永遠離唔開那種極其複雜嘅社會狀況。
安東尼努斯敕令。所有人皆是羅馬公民。開放公民權。一人一票。到最後外族人自建一國。不過在這之前，政治就首先亂七八糟。外省人就係咁不斷篡權。覬覦王位。羅馬衰落，安東尼努斯敕令肯定排第一。
人格之王
2025-03-03 00:47:08
不滿
唔係咩人都可以民主。尤其是外省人。外國人永遠都係養唔熟嘅狗。首先外國人對羅馬永遠都唔滿意。外國人永遠只係識得抱怨羅馬唔夠開明。我識得嘅加拿大人都係咁。
加拿大人永遠覺得加拿大是最好。不過我未去過加拿大所以我唔知道加拿大係唔係真係咁好。我只係知道佢哋好煩，樣樣嘢都講到外國最好。我未留過學，我唔知道啦。我只係知道從來沒有一個外國人不曾對於本地人指指點點。
香港人都會批評，只不過香港人好少會站在外國人嘅角度去批評某些事物。土生土長就係咁。未見過世面，從來未知道所謂西方嘅開明到底係咩意思。
或者香港真係好守舊。但這就是香港。香港嘅核心價值點樣演變咗這樣，實在好難同加拿大人講。香港點解核心價值係咁樣，你就慢慢解釋比佢聽。加拿大人真係唔明，萬一佢真係覺得香港好落後，不斷批評只會更麻煩。
反正你有很多時間。可是你明唔明，解釋核心價值同社會演變可是很麻煩。實在唔想同外國人解釋咁多。鬼叫你係香港人。確實，今時今日已經冇人叫香港公民。公民這一回事實在唔多吉利。事實上我最討厭別人叫我做香港公民。公民這一回事責任多多，而且重非常守舊。
其實公民這個概念只不過係另類嘅貴族。只不過這個貴族不是少數而是多數。一個擁有權力嘅平民就係貴族。但係好多公民並沒有身為貴族嘅自覺。我實在很困擾。這才是民主衰落真正嘅原因。
公民同貴族一樣，都一樣會腐爛。叫開公民並沒有一個擁有歷史意義上嘅好下場。我情願做一個市民都唔願意做一個公民。公民責任重大，唔係係人人都做得。但係偏偏一班做公民嘅並沒有任何貴族嘅義務，卻濫用貴族嘅權利。要做好一個公民實在太難。
人格之王
2025-03-03 00:47:29
公民
政治腐敗，由古至今都冇咩改變。娛樂至死，其實人類嘅本質從來都係娛樂。一個人睇書係娛樂，同樣地睇動漫同樣都係娛樂。只不過公眾流行嘅娛樂形式唔同咗。
娛樂至死是一個預言？不，佢只不過是一個歷史書。任何人只要知道雅典同羅馬滅亡嘅原因就知道點解將來公民會滅亡。但係偏偏能夠說出為何羅馬會滅亡，係如今呢個世界上並沒有幾個。
管他的。將來的事情就將來先算。再者，如今也再沒有真正政治意義上嘅公民。是啊，公民已經不存在。用而家公民嘅定義簡直係侮辱咗歷史。同古典公民相比，相差太遠。
所以安東尼努斯敕令才會列為羅馬衰落排行第一。雅典嚴謹到，只有父母雙方都係雅典人為前提，生出來嘅男性年滿18歲沒有重大前科嘅情況下才算是雅典公民。就算父母都係雅典人，但只要係雅典以外嘅城邦出世都永遠無資格得到公民身份。
雅典公民權係建基於血緣關係為基礎。無論外國人幾大貢獻都好，永遠都無法成為雅典人。唔清唔楚嘅血統係永遠無法成為雅典人。當然而家世界唔同晒。而家你成為希臘人重易過成為雅典人。
公民權得來不易。如果一個地方嘅身份，你好容易獲得，其實代表你只不過係嗰個地方做奴隸。因為除咗奴隸之外，並沒有任何身份係可以輕易奪得。
只有一個地方將啲人當作奴隸，而唔係一個擁有權力嘅公民先會任意派發身份證比人。無論有冇稅收都好，奴隸始終都係奴隸。奴隸就注定被剝削。本來奴隸就唔洗錢。
一個將所有人視為奴隸嘅地方。會滅亡也是理所當然。自由民雖然比起奴隸更具生產力嘅奴隸，不過公民從來都唔容易做。雖然羅馬未嚴謹到好似雅典一樣，只有與生俱來嘅血緣關係才可以成為雅典人。
像是亞里士多德無論喺雅典讀咗幾多年書生活咗多久都好，對雅典作出幾多貢獻永遠都係外國人成為不了雅典人。但係公民這一回事並不是你說做就可以做。
雖然羅馬並沒有雅典這麼嚴謹，但都需要要求外族人同羅馬理念相同，為羅馬作出貢獻例如當兵二十五年才可以成為羅馬公民。羅馬公民權利可以世襲，地位也高於普通屬省民眾。
更具體來講羅馬公民認為自身受了不當的司法裁決，可以直接向皇帝控訴，當地總督不得拒絕還須安排全程食宿與護送。羅馬公民嘅利得稅也免交十分之一。
簡單來講即是「我生來就是羅馬人。」使徒行傳中保羅嘅名言。由此可見羅馬人地位超然於一般人。
人格之王
2025-03-03 00:47:47
衰落
正因如此，所以羅馬才毀滅。羅馬是一個龐大嘅帝國。國內總是充滿住唔同文化同宗教嘅人。某個程度羅馬作為統治者，只有10%嘅民眾才是羅馬公民。
異族異教根本上就無法解決嘅問題。羅馬公民某個程度也只不過是另一種貴族。無論羅馬同化政策幾好都好，根本上大多數人都唔覺得自己是羅馬人。會決裂也只不過是時間問題。
同化極永遠都係少數人。人們常說羅馬永恆。一個公元前一世紀擁有過百萬人口嘅羅馬首都到咗中世紀早期只係得返兩萬。至今你就算去到羅馬也只不過是有少許嘅當時羅馬遺跡可以睇。大多數被歷史學家認為公共服務做得最好嘅建築物也已經殘磚破瓦。
永恆之城一啲都唔永恆。儘管羅馬對於許多人心目中擁有着特別意義。但羅馬早就已經不復永存。
香港人好少會參觀破銅爛鐵。除咗香港人天生對於歷史毫無感覺之外，更加唔明白歷史文化遺產會有咩意義。佢哋唯一存在嘅意義就只不過是證明咗羅馬帝國唔係虛構嘅亞特蘭提斯，而係真實曾經存在過同發生過嘅歷史事件。
然而歷史只不過是歷史。就算幾咁復原也永遠不可能會回復當時那樣。集體回憶呢啲字眼除咗係書本上會看到，或者導演會講之外，根本上香港人唔會care。平時都唔會接觸得到。就只有演員才會不斷提及。
除咗老師會講、歷史學家會講，議員同知識份子會講之外。根本冇人會講。更不要提及咩沉醉歷史環境之中，呢啲只不過係知識份子覺得自我感覺良好同導遊騙人嘅技倆。
曾經擁有都可以叫一世擁有。羅馬早就已經唔存在。就算再多嘅羅馬遺跡，以前嘅羅馬早就已經消失不見。羅馬競爭場早就已經沒有以前嘅功能，就算留下也已經沒有可以回憶嘅羅馬人。
就算講得再多都好，我也不可能真的成為羅馬人。只不過我想講並不是任何人都可以成為羅馬人。萬一俾人誤解以為羅馬人同做妓女一樣話做就做，我會很難辦。歷史上許多民族主義者就連自己親生老豆老母都唔知道，竟然都可以話係自己屬於那個民族。好心外族人就擁有自己身為外族人嘅自覺。
都已經沒有所謂。因為呢個世界已經唔存在真正嘅羅馬人。今時今日意大利人都已經唔知道到底甚麼是羅馬人。羅馬這個民族早就已經滅絕。一個已經滅絕咗嘅民族，其實已經同羅馬眼中嘅外族並沒有分別。
與其說同化，不如說被同化。羅馬征服希臘，希臘文化反過來征服咗羅馬。到最後羅馬滅亡之時，早就已經分唔清咩叫做羅馬人同外族人。羅馬人早就已經在羅馬帝國滅亡之前毀滅。而如今日耳曼民族卻成為咗德意志民族嘅親生老豆，真係無聊嘅故事。
華格納係德意志歷史搵返德意志嘅親生老豆，儘管佢哋早就已經唔係日耳曼人，卻對於過去日耳曼嘅歷史深深着迷。我就理解唔到。親生老豆有甚麼咁吸引。這就是所謂歷史冷感。
一個搵到自己民族歷史嘅親生老豆，卻連自己嘅親生老豆都唔知道。一個這樣嘅歷史狂熱，我唔要都罷。世界上最沒有資格講歷史恐怕就係華格納。
重要嘅並不是歷史上日耳曼人是怎樣，而是德意志人相信華格納口中嘅德意志。雖然如果你對於普魯士嘅歷史了解，你就知道普魯士嘅起源並不僅僅包含日耳曼民族，來自法國嘅新教難民也有好多。
不過對於一個唔知道親生老豆嘅華格納講這種事情都是花費氣力。堅信自己是德意志人是華格納最後嘅信仰同底線。我並不能夠理解那種執着。如果可以選擇的話，其實我做世界上任何一個民族都可以，只要同珍貴嘅事物一齊。這也是我的底線，我嘅自我是我嘅最後底線。
是嗎，人格之王無論出生甚麼時空同地方都只會成為自己嗎。這樣說也沒錯。或者是這個地方成就我，只不過我對於這個成長之地。就算幾愛都好，都無可能為咗一個地方而放棄自己。
保存自我是我唯一比較有把握嘅事情。就算去到異世界，我也只會做回自己。當然，返學同返工是例外。每次總會有人用極端例子。並不是指這樣嘅自己，而是真正嘅自己。就算是羅馬人也不可能永遠都係羅馬人。人總會有那種不屬於任何身份嘅時候。而我也只會做自己。
換言之我無法想像自己會死得好似華格納一樣。直至死之前都依然工作。不過作家好多嘢都冇得揀，有時候我都會質疑自己遲早會死係這種無底文字地獄之中。寫得多就會質疑自己人生。甚至可以說死因同無法欺騙自我也一早已經注定嘅職業。
不過而家講死也實在是太早。永恆羅馬所代表永恆並不存在。在這個世界上並沒有永成不變嘅事物，就只有千變萬化嘅世界。堅守一變不變嘅過去實在好難係呢個千變萬化嘅世界生存。也所以香港人好少談及過去。畢竟誰都不能夠阻止羅馬衰落。
人格之王
2025-03-03 00:48:03
歷史悲劇
係香港提及歷史嘅人並不多，大多數都只不過是遊戲喜好者。反正今時今日無時無刻都可以接觸歷史話題，幾乎打機都一定會接觸到羅馬，其餘睇戲同睇書也偶然會接觸得到。
至於初中歷史書大多數就連中一嘅希臘時期都未必講得晒，更不要提及之後嘅羅馬時期。而且歷史教育書講嘅歷史也是很概念化。講述甚麼是歷史多過講述歷史本身。
本來教學就是這樣，沒有人喜歡一門沒有用嘅學科。單述講述歷史也難以考試，但係講述點解會滅亡也太過天馬行空。如果中學生知道羅馬點解滅亡，很大程度上佢哋唔應該係到讀書。
事實上好少人能夠真正地理解得到歷史本身。所以香港人才不喜歡歷史。羅馬滅亡就好似命中注定一樣，誰都無法改變。歷史就像悲劇，而誰都喜歡喜劇。任何一部歷史都不能夠避免衰落，就算羅馬幾咁輝煌都好還是逃不過風中殘燭嘅命運。這就同靜靜地等到毀滅沒有任何分別。
而最攞命就係誰都不知道點解羅馬會衰落。衰落就好似突然間，毫無預警。但具體來講卻很難說出原因。這就是悲劇嘅極致。所有人都知道羅馬會毀滅，但沒有一個人知道羅馬點解會毀滅。愈讀愈唔知點解要毀滅，但幾乎所有羅馬人都覺得羅馬係冇救。
任何羅馬人都心知羅馬一定會滅亡，但沒有一個羅馬人會知道羅馬點解會滅亡。是政府錯誤嘅政策所引致，還是社會更深層次人類本質上就係愚蠢所導致。
冇人知。每一個人都平平安安甚麼事情都冇發生一樣咁樣照常渡日，然後安安靜靜等待國家忽然之間冇咗那種感覺。這就是羅馬式悲劇。同時這也是歷史嘅本質。
如果你能夠理解歷史嘅本質，那麼很大程度你係唔需要讀歷史。發生咗就好似冇發生一樣，深明羅馬人歷史嘅精髓。一切生活照常，那麼你很大程度上唔需要讀歷史。
人格之王
2025-03-03 00:48:17
歷史輪盤和命運的悲劇
這對於香港人最為習慣嘅事情。香港人被稱為最健忘嘅一種族群。也是世界上對歷史最無知嘅一種種族。只要食好住好，其實根本上唔care邊個係統治者。甚至心甘情願為統治者作出服務。本質上這個民族就屬於破碎家庭嘅民族。
就連我自己都唔係太過清楚羅馬點解滅亡。同大多數嘅香港人一樣，事實上我並不覺得讀歷史有多大嘅作用。人是永遠無法抗拒歷史命運嘅巨輪。不斷摧毀同重建這就是歷史嘅輪迴。同大多數嘅香港人一樣，無論歷史上發生過幾多事，每日都好似咩都冇發生一樣照常地生活。
這大概是羅馬毀滅前夕羅馬人嘅生活吧。有時候都會想問既然讀歷史沒有甚麼意義，那麼為甚麼還要讀歷史？
十個有九個說讀歷史嘅作用其實都與歷史毫無關係，剩下一個則是說着大家都心知嘅說謊，猶如歷史教科書所說防止悲劇再次發生。但每一個人讀歷史嘅人都知道讀歷史並不能夠預防歷史嘅發生。甚麼借古鑑今根本就是騙人。既然如此點解重要讀歷史？
香港人就是無法欺騙自己覺得讀歷史是有用。我並不知道其他人點解讀歷史，但係對於讀歷史嘅人就猶如飛蛾撲火一樣。
任何人都擁有過去，無論幾唔鍾意過去都好，發生咗嘅事情就係發生咗。無論點樣隱瞞或者扮睇唔到情願甚麼都沒有發生過一樣，扮失憶都好。傷害咗就係傷害咗。擁有傷痛還是會覺得痛。
正因如此我才說讀歷史嘅人其實就同飛蛾撲火一樣。沒有人喜歡歷史，因為沒有人喜歡悲劇。無論讀一段歷史幾咁傳奇都好，到最後還是逃不過國家滅亡同民族被消滅嘅歷史命運。無論華格納點樣講都好，德意志民族如何認為自己是日耳曼民族都好。真正嘅日耳曼民族也已經一早消失。
而喜歡歷史通常都係自認悲劇嘅人。正因如此佢哋才妄想從歷史中尋找到那種對抗佢哋悲劇嘅方法。歷史是世間所有悲劇嘅本質，世界上並沒有一部悲劇比得上歷史。
人格之王
2025-03-03 00:48:32
歷史救贖
正因如此才需要讀歷史。如何看待歷史就只有讀過歷史嘅人才懂得如何正視歷史。換言之，會讀歷史本身就擁有歷史。會讀歷史嘅人不僅本身擁有歷史，還有擁有本身需要面對嘅歷史。只有擁有歷史嘅人才會明白歷史嘅意義並不在於已經發生過嘅事情。
歷史係構成我哋人類嘅本質。如何看待歷史很大程度將會決定我哋如何看待我哋自己嘅人生。只不過將人類歷史同個人歷史相比，也未免太過不自量力。個人嘅歷史相比起世界嘅歷史可是微不足道。
正因如此，人類才希望從世界歷史中得到救贖。但並不存在，那種嘅東西。無論救贖抑或親生父親都好，這些都無法在歷史上尋找得到。我哋僅僅只能夠在歷史中學習在如今歷史上嘅生存方式。並不是為了開拓歷史，而是從今以後接受同擁抱歷史嘅生存方式。
知曉歷史就懂得如何在歷史上生存下去。知曉歷史就知曉我哋人類自己嘅本質是如何。只有了解我哋自己才能夠真正在這個大到無得再大嘅歷史時空世界活下去。沒有歷史並沒有任何人是真正地活着。所謂人類就是背負住自己嘅歷史生存下去嘅生物。
歷史就是所有悲劇嘅本質。某個程度不能夠忘記歷史才是人類嘅悲哀。不論任何人都不能夠阻止歷史命運嘅輪盤轉動。無論誰都不能夠阻止悲劇嘅發生，正因如此悲劇才叫悲劇。而所有認識歷史嘅人都知道學習歷史並不能夠阻止悲劇發生。儘管如此我哋還是不斷學習悲劇。這當然不是因為悲劇特別有用，而是每個人都擁有歷史。
任何人都無辦法阻止歷史嘅命運齒輪嘅發生。歷史就好似輪盤一樣，只要抽中悲劇。無論甚麼事情都沒有發生都好，會滅亡始終都係會滅亡。並不需要特別嘅理由，只係單純嘅唔好彩。抽中冰河時期抑或隕石撞石頭。而讀歷史也不能夠阻止隕石撞石頭。
無法改變嘅事情被被稱為輪盤。人類無法控制的就是運氣。任何人都無法改變輪盤嘅結果被稱歷史。人類無辦法預測同阻止輪盤嘅轉動被稱為悲劇。或者我哋可以改變未來，但並不能夠改變過去。只要輪盤一直轉動那麼悲劇就會不斷嘅發生。我哋無法改變這些悲劇嘅發生，更何況是一些已經發生嘅悲劇。
無辦法改變嘅歷史才叫歷史。我哋誰都無法改變過去，我哋只能夠透過認識歷史加深對歷史輪盤嘅認識。從而改我哋自己對於歷史嘅看法。重點並不是未來而是過去，這才是歷史嘅意義。或者終有一天我哋可以超越歷史擺脫歷史輪盤嘅束縛去活着。
人格之王
2025-03-03 00:48:50
歷史選擇
根本就不存在那種嘅人。所以我哋才會學習歷史，不是嗎。學習與歷史共存嘅方法。歷史並不可怕。只要能夠正視歷史，任何人都可以與歷史共存。過去不應該是害怕之物，而未來也不應該被過去所束縛。
人若然要前進就應該懂得與歷史共存。沒有歷史就沒有人類嘅未來。人類嘅未來就是建基於人類歷史之上。自人類歷史開始被文字記載，人類嘅歷史才真正嘅開始。如今嘅現代社會就是歷史不斷累積發展而成。否定歷史本身即係否定現代本身。那樣嘅人並沒有未來可言，本質上就係活係過去。
所謂困係過去嘅人就是這一回事。困係過去從來都不是因為過去有多麼美好，而係無法擺脫過去嘅人。嘛，一個人無法擺脫過去也有好多原因。過去嘅美好同殘酷嘅現在可能是其中一個。就不要深究。
人類歷史開始被記載，人類嘅歷史才真正開始。其實人類都一樣，只有面對歷史一個人嘅人生才真正開始。但是面對歷史談何容易。首先人類就連自己誕生嘅歷史都不太清楚。不過人類同歷史一樣都一樣會累積。但係也僅僅只不過是累積。
並不存在任何意義。無論人抑或歷史都好。沒有人喜歡悲劇，所有人都喜歡喜劇。人是這樣歷史也一樣。就算悲劇發生在自己身上，偶然還是想唞氣。但係人總要面對悲劇。總有人逃避悲劇逃避一輩子。
面對歷史輪盤，每個人選擇都唔同。也不能夠說誰對誰錯。說某些東西認為自己才是正確，這樣只不過是自大嘅想法。只活在過去又未嘗是一個很好嘅選擇。
不過我卻很想活到未來。但有時候會覺得即使一輩子活在過去感覺應該會幾幸福。因為唔洗前進，也不用改變，而過去也有許多依戀，活着就很自然習慣並享受一成不變嘅生活。有時候會諗真的需要改？一個天生悲劇嘅人早已經習慣咗悲劇嘅生活，追求喜劇嘅生活反而本末倒置。
只要習慣悲劇從悲劇中得到幸福，那麼追求喜劇嘅幸福其實是不需要。我也不是不明白人們對於過去嘅依戀。或者對於悲劇嘅沉迷。但一味沉迷悲劇那種幸福是真的幸福嗎？
或者你說的沒錯，或者像這樣下去一直平安地渡過這一生或者這是一種幸福。不變總是好過改變。變咗，可能會比起而家更差。改變總是充滿未知因素。既然習慣而家，那麼為何還要追求未來？
這一切都只不過是命運石之門嘅選擇。追求未來或者活在過去到最後其實是歷史輪盤嘅安排，人類也根本上沒有選擇權。
人格之王
2025-03-03 00:49:01
必然的命運
當結局無得再悲劇嘅時候就會想改變過去，但係當人習慣咗悲劇嘅情況就會懶得追求未來。你以為自己做出選擇，其實從來都不曾做出真正嘅選擇。
歷史分岔口，根本不存在這種東西。因為歷史是必然，從來都唔係人類作出選擇。到最後其實都只不過是歷史輪盤嘅選擇。只不過唔同遊戲，只能夠選擇活在過去同活在未來。隨便同過去嘅自己講幾句說話就可以改變過去嘅發展同結局根本上就不切實際。
人追求未來並不僅僅是因為對於過去嘅不滿。就算滿足於過去嘅生活都好，人還是想追求改變。這並不是對於過去嘅不滿，單純是對於未來嘅渴望。
本來應該是美好。我並不知道未來是否應該是美好。但係人並不應該只活在過去。活在過去或者是一件很幸福嘅事情，但是我所渴望嘅幸福應該是更加遙遠嘅未來，而不是被過去所束縛住嘅未來。
就算是我也會不斷想當年發生嘅事情。但就算是我對於過去多麼懷舊都好，我還是想不斷地向前前進。並不只是滿足於過去，而是真正在現在活着，追求遙遠未來嘅真正幸福。
有時候愈是懷舊過去，愈是被過去所束縛住，那種感覺就算幸福也不多麼美好。這是因為這種幸福並沒有未來可言。有時候人要真正活着就必然要擺脫過去某些束縛，而唯一活着現在嘅方法就係面對過去。
至少我是這樣認為。而面對過去，我會有甚麼嘅改變，我也不知道。但係唯一可以肯定，就只不過係對於自己嘅認識加深。呢種嘅改變又對於而家嘅我有咩影響，其實我都唔知道對於我嘅將來會有咩影響。某個程度我都係一個活係過去嘅人。
