《人格之王》重序

穿越時空

如果有超越時空嘅能力，無論幾多次都好到最後一定係happy end。因為超越時空這個能力本來就係欺騙上帝同世界本質嘅能力。只要人類使用咗一次，那麼之後就會有無限次。每次遇到不如意嘅事情都媽哩媽哩空改變過去。

這種只不過是否定歷史嘅能力。甚至可以說無歷史又抑或無罪嘅能力。因為改變咗嘅歷史就猶如夢境一樣虛構並不存在。並沒有人會為咗夢境而感到罪疚。更何況是虛構嘅事物呢。沒有歷史就係穿越時空嘅本質。

通常這種超越時空嘅做法只會造成不斷時空循環嘅時空困局嘅時空災難。就好似一頭蛇咬住自己條尾一樣。即係未來人改變過去嘅人，而這個改變又會生成改變過去嘅未來。更加極端就係這個未來人就係那個過去嘅人。

偶然就係會發生這種夢。故事嘅開始就係故事嘅結局。唯一唔同，我真係由頭發到落去，但係故事嘅結局就係故事嘅開頭。只係開始唔知道過程，隨住故事嘅展開就會發覺故事嘅結尾就係故事開頭。

困局啦，可以話除咗知道嘅過程。根本同開始冇開始。夢境偶爾就係要玩下我。雖然開頭並沒有死到，但係時間卻到咁過程中間嘅部份完美地造成一個循環。除咗意識到我陷入循環之中，其實根本就冇咩分別。

超越時空有時候就會發生這種時空災難。不過過程幾好玩。從某個程度上到最後意識這是時空循環好過沒有意識得到。只係擺脫唔到。

到最後唔係發過新夢，就係從夢中驚醒。說實話，這種故事結局就係故事嘅成因，即係結局發生咗啲事要改變過去一些行為反而成為故事嘅起因。這種嘅時空困局根本就無解。人只會迷失在呢種時空入面永遠都出唔到來。即使死亡也無法解決這個循環。

意識到時空循環應該會發生一些改變。只不過是夢。而之後作出嘅改變行為就同一開始嘅過程一模一樣，只不過多咗更多嘅過程。更加詳細解釋點解會遇遭。明明一開始就係為咗令到自己更加有利而選擇穿越過去而幫返以前嘅自己，結果就係結局嘅開始。

不過過程中間之後應該會有後續。並沒有。因為呢個夢都差唔多完結。只係說近乎無縫接軌。形成一個完美嘅歷史循環。那麼那個人呢？咪迷失時空循環之中，甚至連歷史都不能夠稱得上。因為這種時空循環根本就沒有任何歷史可言。

如果遇到這種情況都幾可怕。偶然穿越時空就會發生這種事情。也不是甚麼罕見嘅事情。正如搭飛機都會發生空難一樣。如此輕鬆講住時空悖論，這樣好嗎？就係寫得呢啲咁嘅文先會發埋咁嘅夢。反正也不會遇上這種情況，討論來都沒有意義。只不過應該有解決辦法。

加強時空培訓啦。如果有辦法啦就不能叫做時空循環，正因如此這才叫時空災難。除咗加強員工穿越時空指南之外，就難道沒有打破循環嘅方法嗎。反正呢種時空循環理論上並不存在歷史，也不會影響而家嘅歷史，也沒有任何所謂。

但不斷重複也會很困擾。完全不會。理論時空循環只係一個分支，一個獨立嘅事件。而且不存在任何歷史哪會有甚麼困擾。不過現實中嘅超越時空卻是另一回事吧。講到我好似超越咁樣。確實，超越時空本身就係一個過程，而呢個過程根本上就唔係搭時空機穿越時空隧道嘅感覺。

穿越時空也有好多方法。根據相對論，其實用改變空間去穿越時空其實都合理。根據相對論，哥德爾時空確實可以穿越時空。玩死愛因斯坦，因為理論上時空旅行是不可行。其實根本上就係愛因斯坦玩死自己，佢認為自己嘅相對論是完美沒有漏洞，結果不斷同朋友晒命到最後成為佢一生苦惱嘅問題。耿耿於懷。

不過最大問題有了一種超越時空嘅方法，就好自然會有第二第三種。會耿耿於懷也是很正常。只不過對於香港人來講，發明時光機也是白費氣力。因為香港人相信就算發明咗時光機過去都唔會改變。

能夠超越時空就只有思念同過去嘅回憶。就算沒有任何危險都好，那種改變時空嘅能力也只會不斷被依靠。最終其實也根本會自取滅亡。用得多這種能力根本談不上真正嘅生存。再者就算真係擁有改變時空嘅能力。真正想改變嘅時空也已經不存在。

我就離不開這個時空。就算明知平行世界或者會更加幸福，這個時空還是有很多事物值得我去留戀。最主要是同那些家伙嘅記憶，雖然歷史在之後也不會記載。

雖然我是這樣子，不過我還是有些開心嘅記憶。而這些記憶就是支撐我前進嘅重要事物。果然能夠穿越時空就只有思念。

歷史輪迴

只要擁有超越時空嘅能力，那麼無論幾多次都可以得到happy end。人類就是有happy end嘅強迫症。遊戲不玩happy end哪有意思？就算bad end也有意義。再者不斷重複玩一隻game也會累人。

而現實中哪有這麼多超越時空。人生並不只有happy end同bad end。或者擁有超越時空嘅能力，那麼所有人都可以得到happy end嘅幸福。但係我是一個追求未來嘅人，一個不斷被過去所束縛嘅過去哪有幸福可言？只要習慣現在，任何人都可以得到幸福。

只要睇住任何活係過去嘅人，我都會這樣覺得。擁有童年陰影嘅藝人看上去並不悲慘。畢竟當得藝人通常都大富大貴。只不過我永遠都無可能習慣得到。而悲劇嘅童年也只不過係為自己嘅藝人人設增加人氣。

無論點都好，我都無辦法習慣過去。亦都無法將我一直以為嘅悲劇視為喜劇。或者即使我過去一直如此悲劇都好，還是擁有許多愉快嘅回憶。無論這種快樂或多或少是建基於我悲劇嘅童年都好。但係我始終都無法習慣被過去束縛嘅現在同未來。

某個程度我是最想打破歷史輪迴嘅人。從各種意義上都是這樣。只不過只要清楚歷史輪盤嘅人都知道歷史輪迴是不可能打破。如果歷史重複，那麼我亦只能夠透過歷史搵出避免同樣事情最壞嘅情況發生嘅方法。

事實上我是想搵出克服過去嘅方法。但根本沒有這一回事。亦只能夠防止最壞嘅情況發生，世上總會有好多類似嘅歷史可以參考，在壞嘅前提下避免最壞嘅情況。

但係有時候這種防止最壞嘅情況反而很影響我嘅寫作生活。其實除咗多加小心之外，也根本沒有任何應付歷史最壞嘅情況。其實也與讀歷史並沒有任何關係。而且讀歷史即使知道最壞嘅情況發生也阻止不了，要來也始終都要來。某個程度防來都冇用。

即使將歷史視為經驗包，也實在很難從歷史學習得到甚麼東西。而學習歷史之後對於人有甚麼嘅改變，我也不太清楚。人類就是一個不斷沉溺在歷史嘅生物，每個人追求歷史嘅人都希望能夠從自己嘅歷史中浮返上來。但係到最後沉沒海底嘅人居多。

比起無法從歷史中找到意義，唔知道讀歷史有甚麼意義嘅人更危險。總會有人問讀歷史有咩用，通常問得呢啲問題都係香港人。全世界上就只有香港人覺得需要有用先會學習。冇用，情願唔讀。

換言之，學習就係為咗返工。工作用唔到嘅學習就沒有任何意義。務實到痴線。又唔見外國人問讀哲學有咩用。真係讀歷史有咩用？真係只有香港人先會問嘅問題。香港人最重要就係搵食。搵唔到食嘅技能即無用。這就是香港人。講到我好似唔係咁樣。我也不是尋找某些意義而選擇讀歷史。

搵緊做人嘅人生意義。讀歷史係最好。這比起搵食更加好嗎？不知道啦。因為我到而家都重未搵到我人生嘅意義。也很難回答你到底邊一個好啲。只不過我人生也別無選擇。早就已經沉溺在我自己人生陰影之中。

歷史陰影

有時候我都會諗如此沉重嘅話題是否應該要提及。但是我早就已經沒有選擇權。我除了面對過去也別無方法。其實過去呢啲都係非常敏感嘅話題。但係我既然選擇咗擺脫過去嘅束縛，那麼過去嘅事情其實一啲都唔敏感。

歷史一啲都唔恐怖。這些說話就只有從來都沒有經歷過歷史嘅人才有資格說。只不過如今我卻是最後的特洛伊人。如果讀歷史真係可以增加民族意識，那麼我早就已經是羅馬人。

反正都一樣，到最後都係滅族。滅亡嘅原因都唔同。特洛伊人因為特洛伊王子俾斯巴達國王綠帽戴，結果引發西方史上有文字記錄人類最早嘅第一次世界大戰然後被屠城屠殺滅族。

而如今我則是感受一下最後特洛伊人第一英雄赫克托爾從一開始就明白這只不過是眾神嘅遊戲，特洛伊戰爭遲早會發生即使明知自己依然有機會戰死都依然選擇保衛國家上戰場同阿基里斯決一死戰。那種最後特洛伊人嘅感覺。為咗綠帽而毀滅真的非常愚笨，卻是特洛伊最後嘅歷史。因為並沒有然後。

不過如果係我就情願將戰爭拖長來打。就算明知終有一戰，時機也實在太差。反正特洛伊戰爭嘅結局也只不過是典型嘅希臘式悲劇，到最後特洛伊根本上就注定無法對抗希臘城邦嘅遠征軍。這也是命運式嘅無奈，即使幾時開始都好，特洛伊都注定會滅亡。

希臘式悲劇有一種命運嘅無奈，而羅馬式悲劇永遠都有奸人得道。典型嘅希臘戲劇永遠都有眾神嘅影子，無論點反抗都好始終都無法戰勝命運嘅命中注定。

喜劇

而希臘式喜劇永遠都有機械降神嘅神，用起重機將飾演神嘅演員吊起，慢慢從天而降去解決一切問題從而拯救世界。就好似西遊記遇到咩難題，觀音到最後都肯定登場拯救唐三藏幾師徒一樣兼講一大堆道理。人類這種生物簡直係幾千年不變。

其實而家機械降神嘅情節都好受歡迎。只不過現實卻是特洛伊悲劇。因為希臘式喜劇從來都不在現實中真實存在，所以呢種嘅機械降神嘅情節經常受到評論家批評。動畫當然咩情節都可以拍，但係要有一定嘅合理性，這並不是過程而是結局。

並沒有動漫將一下子將最終boss寫死，過程中一些打鬥就算唔多合理，其實都必然有打鬥過程。否則沒有那種真實性嘅動漫也必然是不受歡迎。就算動漫都需要追求一定嘅邏輯同合理性才會被稱為佳作。就好似銀魂平時雖然好無厘頭但係一去到戰鬥就一本正經，這種合理性是機械降神沒有。

但其實西遊記都唔係咩合理小說。本來就係借用四師徒取西經嘅各種故事講述一些道理或者佛理。根本上就唔需要多合理，所謂機械降神也自然得多。只不過當喜劇遇上機械降神反而係各種尷尬。

完全沒有任何鋪設，無厘頭憑空出現救世主解決問題從而擁有一個完滿嘅結局。現實上又邊可能有咁多天外救星。這種機械降神所得到完滿結局嘅喜劇根本上稱不上真正嘅喜劇。並不是擁有happy end就係喜劇。

真正嘅喜劇是超越悲劇嘅存在。人們能夠從喜劇得到希望同力量，能夠得到勇氣面對悲劇這才是真正嘅喜劇。而機械降神嘅喜劇本質上就係欺騙，為完滿而圓尾。

實質上現實根本不存在甚麼天外救星。結局看似很好，但係卻一啲都唔現實。你以為係喜劇但其實係悲劇。並不是有一個好嘅結局就係喜劇，好多三流編劇都唔明白呢個道理。但真正明白呢個道理嘅一流編劇都無法寫到真正嘅喜劇嘅劇本。

歷史邊有喜劇，歷史從來都係悲劇。所有嘅喜劇其實都係欺騙。今時今日所謂法國其實都唔係一千年前嘅法國。毀滅同重生呢個歷史嘅輪迴早就已經係呢一千年期間重複無限次。有邊一次歷史嘅重生唔係欺騙。

幾乎每次有希望嘅時候都逃唔過呢種歷史輪迴嘅悲劇。歷史都係咁樣，更何況是現實呢。睇多啲歷史，其實如今依個嘅時代已經比起以前任何時代都好得多。

所謂喜劇其實只不過將悲劇視為喜劇。人類就係互相欺詐才可以生存得到嘅生物。甚麼真正嘅喜劇其實根本不存在這個世界上。既然如此你為甚麼還要讀歷史？還不如睇喜劇更加實際。

生存方式

因為我無法互相欺騙。就是想當作甚麼事情都沒有發生過一樣，發生過嘅事情就係發生咗。既然發生咗就會留下痕跡。我也是別無選擇，傷口所留下嘅傷痕也太過深。

如果說還未發生還好。但係發生咗就係發生咗。既然發生咗就已經改變咗。就好似一個被背叛嘅人就會變得對人類更加不信任一樣。發生咗就係發生咗，改變咗就係改變咗。又邊可能真係好似咩都冇發生一樣咩都冇改變咁樣生活。

總會有人擁有那種互相詐騙嘅喜劇精神。但至少我並不是那種可以將自身悲劇視為喜劇那種人類。傷痕總是隱隱作痛。人生嘅傷口早就已經令到我無法成為正常人。人之所以讀歷史也只不過是尋找自己嘅生存方式。

當然，能夠阻止悲劇重演是最好。但每一個人都知道悲劇總是不斷重複。要如何從悲劇中喺悲劇中生活下去。這是每一個生活在悲劇嘅人都正在追求的東西。

歷史就是悲劇，任何人都無法阻止歷史悲劇嘅發生，所有人都只不過身處歷史悲劇之中。渴望能夠在歷史悲劇中尋找避免歷史悲劇嘅方法是不切實際，就算羅馬人精通歷史也無法阻止羅馬嘅衰落。

悲劇不斷重複，無論人類抑或歷史都無法避過悲劇嘅命運。無論甚麼逃避都好，人們還是始終都要面對這個歷史悲劇。到頭來人類只不過在歷史悲劇中不斷掙扎。

讀歷史有咩用？這個問題總是不斷提及。歷史並沒有任何意義，但係又有誰真的明白這個道理？不斷困係歷史循環之中，就是人類嘅悲劇。只要擁有歷史，人類就不得不面對悲劇嘅困局。

悲劇起源於歷史。人類只不過在歷史之中尋找希望，對抗自己與生俱來嘅悲劇。讀歷史無論甚麼時候都是毫無意義，就只有身處於悲劇之中才會追求歷史嘅意義。人們都只不過係歷史中尋找希望。只要明白呢點就會明白點解人類要讀歷史。

不過講得也太過空泛。基本上完全沒有實質例子可以說明。不過也差不多，反正讀歷史嘅動機一啲都唔重要。

社會轉變的歷史內涵

只不過真正將佢發揮光大卻是英國，明明波蘭同英國走上同一種權力分散制度結果下場就可憐得多。

本來歐洲大陸都係中央集權嘅國家，競爭非常激烈，戰爭可以說從來未停止過。愈多國家嘅地方，戰爭就愈常見。倒不如說人類嘅歷史戰爭從來未停止過，只不過某些地方嘅僱傭兵生意特別好賺。

議會制也有好多好處，只不過德意志人無法理解。畢竟德意志人傳統係君主制國家，從來未經過甚麼民主化嘅好處，其精神同文化內涵也沒有傳統嘅現代民主國家一樣多元同包容以及尊重人權。唯一維持到德國民主制嘅方法就只能夠不斷醜化過去嘅極端政權。

其實本來德國可以避免參加一戰，那場俄羅斯同奧地利之間嘅戰爭。因為德國本來係一個邦聯國家，只要巴伐利亞提出反對就算係普魯士王室也無法發動戰爭。

只能夠說俾斯麥對抗巴伐利亞王國手段也確實很有一手，法國同國內第二大國巴伐利亞嘅問題均是俾斯麥一生最害怕嘅問題。德意志邦聯曾經被德意志裔美國人認為全世界比美國更加民主嘅國家，然後一戰就令到美國德意志人對於德國嘅好感全冇。

一個傳統上獨裁嘅國家就算裝到多麼民主其實本質上都係獨裁國家。並不是所有地方都同雅典城邦一樣適合民主制度，一個國家成為一個真正嘅民主國家就必須要經歷民主化。

民主化過程又長又悶，並不是所有人都可以接受得到。要一個國家能夠完全接受普世價值就更加困難。要一個人接受普世價值觀都好困難，更何況係一個國家？有幾多人真係真係懂得甚麼是人權。

我至少花了三年先對於人權嘅概念擁有一定嘅認知。而美國人係由小學開始就已經需要接觸同人權方面嘅教學。就連美國監犯同文盲都懂得美國人權。美國憲法可以話係美國人嘅基本常識。

一個國家由非民主再到民主過程是非常快速，但係一個國家實現真正嘅民主化卻是非常漫長同困難。其實解決民主化最關鍵嘅問題，就係點解要民主？

言論自由、學術自由呢啲用語基本上你只有社會科目同通識科目先會接觸得到，也只會教社會科目嘅時候才會討論甚麼是司法獨立。當時初中也是一樣，點解三權分立會咁重要，呢啲只不過係吹水科目。與其說討論，不如只係單純向老師提問。

社會公義、性別認同呢啲只不過係吹水科目。而真係意識到點解咁重要係非常困難，所以民主化才會又長又悶。但係當你真係意識到點解民主係咁重要嘅時候，一個國家先真係踏入真正嘅民主制度。

其實民主從來都好簡單。一個極權國家再去到民主國家演化過程只需要一秒。只需要一秒，一個獨裁極權嘅暴君都會變成聆聽議會嘅開明國王。

信任

但係實質上民主化嘅過程係非常漫長先真係可以理解得到民主嘅真正價值。事實上，我最驚啲人話民主化係非常容易。我完全唔明白點解班專家會覺得民主係好easy。你只要稍為對於美國有一定認知，你都知道美國為咗民主化而付出咗幾多嘅心機。

一個美國人要接受幾多嘅教育先真正成為一個美國公民。咁就要由十三州議會開始講起，再之後人權法案、美國憲法，經歷咗幾多風風雨雨先成為如今嘅美國民主。淨係學習雅典民主制度都至少學一日。

並不是所有人都支持民主。事實上認為民眾不值得擁有民主比起覺得民眾有資格擁有民主嘅人多好多。這是因為有些知識份子認為民眾天生愚笨，談不上好似知識份子一樣擁有智慧，認為由呢啲民眾去選舉出來嘅結果通常唔理智同愚笨。

最著名嘅例子就係華格納。佢根本就唔相信德意志人應該要擁有民主。要相信民眾擁有能力做出明智嘅決定是很困難，尤其是一個猶太人嘅知識份子。

係德意志人眼中，一個猶太人出身嘅人無論為德意志作出幾多貢獻都好，永遠都係外人。只不過華格納是例外，因為佢名義上嘅親生父親係德意志人，只不過係比個猶太人養父所養大。

但有種種證據表明，演員、畫家路德維·蓋爾在成為他繼父之前早就與他的母親私交甚密。曾有研究表明瓦格納的母親約翰娜的確在1813年10月突然匆忙前去找蓋爾， 而且正是拿破崙戰爭打得正激烈的時候。

不過根據官方記錄，華格納嘅生父就係德意志人。或者這就是好事，畢竟德意志人其實非常排外，由普魯士成立之後，種族歧視就從來冇好過。而歧視得最多比起東普魯士人，猶太人根本就由搬去歐洲開始就從來未停止過。

或者作為一個純正嘅德意志人出身對於華格納來講是一件好事。儘管佢擁有十六分之一嘅猶太人血統。並沒有一個德意志人比起華格納更加了解猶太人嘅藝術風格。

每當華格納講到猶太人藝術就猶如佢真係猶太人一樣。華格納說猶太人嘅藝術都係賺錢嘅藝術而唔係真正嘅藝術，直至華格納嘅歌劇係拜魯特上映，我先真係明白到咩嘢叫做猶太人嘅藝術。

明明是猶太人卻扮到自己好似完全係德意志人一樣。不斷強調德意志係啲咩，完全係一個外來人對於德意志嘅評價。然後華格納說德意志人並不值得擁有民主。這就是民主制度嘅外來入侵嗎。

事實上無論其他人講咩都好。美國人永遠都相信佢哋民主制度係世界上最好嘅制度。這樣嘅信仰其實很重要。人就係會害怕，民眾會作出一些不理智又無可挽回嘅行為。

但係我相信民眾是理性。儘管問題多多，但係我相信這一切到最後都會變好。每個人立場都不一樣，但所謂人權不就是這一回事。我相信人們到最後會作出最好嘅選擇。

愚民

而相信這一回事則是最困難。事實上大多數希臘學者都認為雅典式民主其實都只不過是多數人暴政。不過都不太需要理會，反正今時今日都好少會有雅典式民主。

簡單來講，就係底線。任何民主社會都應該擁有自己底線。雅典一直最重刑罰就係流放，雅典公民可以用自我流放嘅方式去取代死刑。但到咗後期，流放制變得有名無實。也有很多原因。社會轉變令到流放不得取代死刑，應該說自我流放已經冇咗那種公信力。

流放可以取代死刑好容易造成社會不公。到最後十將軍案全部都被判死刑。其實蘇格拉底嘅死刑都應該立即死刑只不過撞正遇到宗教節日要延後。當一個社會大多數可以決定少數人嘅生死，那條社會嘅底線就不復存在，又談何民主。

民主嘅基本就算最壞，也應該有自己嘅底線。雖然我並不知道民主嘅底線是甚麼。只不過雅典後期嘅案件對於雅典造成很大嘅傷害。事實上最反對民主嘅學者就係柏拉圖，認為哲學王獨裁比起人民主權原則更好。

信任永遠都係民主嘅最大問題。無法相信民眾這種事情永遠都係民主最大嘅危機。事實上到咗戰敗之後，其實就連雅典人其實都唔係太相信自己國家嘅民主制度。政治其實都慢慢傾向保守，已經唔係由民眾決定一切而係透過法律傳統去約束住本身嘅民主政治。

雅典憲法高於一切行政命令，而且除非有充分理由證明修法有助於維護傳統，否則不應修改現行法律。公民大會已經唔係最高嘅主權機構而是同五百人委員會共同決議行政命令。也不得立法只能夠修法。

一切嘅一切都只不過係為咗防止多數人嘅暴政。柏拉圖指出直接民主一個嚴重問題： 欠缺有效的外在制衡力量，除了公民本身自覺，並沒有人可阻擋公民集體做出錯誤決策。

換言之民主最大問題並非制度而係民眾。大多數嘅人都係愚民只會冤枉蘇格拉底認為佢係有罪。也所以才需要一個經過訓練擁有知識嘅哲學王去統治世界。這是哲學家世世代代相傳嘅故事。至今也是非常流行。

基本上對於民主體制嘅不信任流在每一個知識份子嘅血之中。亞里斯多德可以忘記馬其頓亡國之恨，但卻對於蘇格拉底之死耿耿於懷。在柏拉圖筆下，蘇格拉底是一個有血有肉追求真理坦然面對民眾擁有正義同公義尊重法治具有人格典範嘅英雄，而絕大多數嘅雅典人都係無知嘅暴民就好似人民巨獸。

知識份子

基本上所有反對民主嘅評論都可以源自於柏拉圖。但這種批評卻是雅典所容許。知識份子總是看不起社會，認為大多數人都是愚笨並沒有任何智慧。

一副高高在上嘅樣子，讀過哲學總是認為沒有讀過哲學嘅人就係一班未開化嘅原始人。經常睇佢地唔起，認為佢哋沒有思考能力又怎麼懂得思考，而且認為自己是完全正確。擁有思考能力又有咩可能同一班未開化嘅猴子平等？

這還真的是傲慢。簡直比起路西法更加傲慢。一個讀過哲學嘅人可以任意批評社會，皆因佢讀過哲學。佢讀過哲學所以佢懂得真理，而一班民眾未讀過哲學所以佢哋唔懂得思考。正因如此哲學家認為自己永遠是對的，而民眾永遠係無知嘅低能。

我並不懂得這種知識份子嘅傲慢。或者我未讀過哲學所以其實我也不太清楚哲學家嘅諗法。諗嘢異於常人，每一個受朋友所影響而走去讀哲學嘅人都是這樣如此評論佢第一位哲學朋友。其實只不過係變相誇獎自己聰明。

唔係講笑，真係個個人都係咁講。識咗哲學嘅朋友，發現原來可以咁樣諗嘢又抑或覺得佢哋好識得諗嘢受到朋友啟發而走咗去讀哲學就已經有幾個。全世界總會有呢啲例子。問題係我聽到一頭霧水。

佢哋就只係得呢個理由。我從來有人會問歷史教授點解要讀歷史。而我聽過最多點解要讀歷史嘅理由就係因為鍾意歷史。呢點我可以理解。但係讀哲學系嘅學生，我永遠都理解唔到。

歷史系又有，文學系又有，年年都有人轉去哲學系。然後每一個位於世界各地讀哲學系嘅學生問佢哋點解要讀哲學，幾乎全世界都不約而同地回答同一個嘅答案。受到朋輩嘅影響。你哋真係以為今時今日重係蘇格拉底果個年代？

話冇夾過我都唔信。但冇理由，你話香港都算數，只有一個哲學家。但邊可能加拿大、英國、法國個個都係咁樣答？這只能夠說明柏拉圖開設柏拉圖學院相當成功。

能夠統一到之後每一個讀哲學嘅問答也是相當本事。蘇格拉底唔係荼毒雅典人，而係向雅典人宣揚哲學。每一個讀哲學嘅人都猶如基督徒上身。

至今這個柏拉圖嘅詛咒還存在着每一個讀哲學嘅學生身上。永遠無辦法相信民主體制，覺得大眾都是愚笨同無知，認為自己永遠是正確。這並不僅僅是偏見更加是傲慢。幾乎每個讀哲學嘅學生身上都可以搵到柏拉圖嘅影子。

對立

無法相信這一點永遠都係民主制度最大嘅危機。因為信任不僅是民主嘅基本，甚至係民主制度嘅起源。要明白這一點首先需要明白人類點解要民主。而民主嘅運作基本係互信嘅基礎之上。

但係要相信又談何容易。如何相信。如何相信這永遠都是最困難嘅事情。要相信一班人嘅民主比起相信一個人嘅獨裁難得多。獨裁就只需要睇一個人嘅能力，但係就算民主幾咁獨裁都好都係要睇一班嘅能力。

要相信民主。還不如相信大眾是無知和愚笨兼沒有任何道德嘅底線徹徹底底是一班人渣還更加容易。獨裁並不需要信任，因為本來就係一個決定一切事情。獨裁好與壞就真的好睇一個人嘅能力多過睇一班人嘅能力。

而獨裁亦都唔需要信任，因為獨裁體制根本不是依靠信任去運作。由一個人決定晒所有事情，由一個人決定一切嘅運作，其他人只需要聽命行事就可以，基本上整個過程都不太需要信任。任何人都可以當那個其他人，亦都唔需要咩特別嘅人選。

但係民主並不同。民主需要聽一班人嘅意見。要相信其他人具備能力並擁有愛，要相信這個制度是可以運作，要相信大多數嘅選擇。並懂得尊重同欣賞他人。這只有至愛嘅人才能夠做到的事情。

所以民主國家通常好難會比一個異鄉人參與民主體制之中。因為異鄉人實在很難將一個地方視為一個家，也很難理解得到異地嘅文化同價值觀。也實在好難作出符合一個地區價值觀而又沒有任何爭議嘅正確選擇。

異鄉人同本地格格不入。所以最反對民主永遠都係異鄉人。事實上，反唔反對民主係睇一個人心入面對於人類擁有幾大嘅信任。反對民主嘅人通常都唔相信民眾。而支持民主嘅人...我也不知道。

因為根本不存在這種人。人會長篇大論批評民主，卻很少人長篇大論支持民主。事實上就算要我對議會說甚麼嘅說話，我也絲毫說不出。又不是立法會。

立法會經常被人批評，不過而家完善咗。是啊，冇人批評就解決了問題。並不指那種民主。就算是曾經那種民主，批評嘅人也有好多。說到底不信任嘅人比起信任嘅人多。

事實上民主本來就是要經過漫長嘅討論。批評民主制度嘅人難道真的批評民主本身嗎。其實批評民主制度嘅人本質上都係借民主制度批評民眾本身。

民眾無知同愚笨，並且毫無良知。這個命題永遠都解決不到。到最後還是兜返去柏拉圖提出這個永遠無法解決嘅命題。簡直就係銜尾蛇。永遠解決唔到嘅宿命。

議會

嘛，反正我不會解決這個千古難題。正如我所說，我對於議會並無話可說。只不過認為自己是絕對正確、擁有知識同智慧，兼擁有良知與大眾不同。這只不過是相當愚笨嘅諗法。

只有意識到這點，人才真正懂得甚麼是民主。自己絕非完全正確。並且是非常愚笨。正因如此，人類才需要民主。哲學王並不比起一般人聰明，也無法確保自己所作出所有決定都是絕對正確。那麼哲學王也需要民主。

如果哲學王真的擁有哲學頭腦，那麼他也必須要承認人類係擁有極限。就連哲學王都從不例外。只要是人類就擁有極限，只要是人類就好容易忽略人哋睇到而自己睇唔到嘅嘢。

無法意識得到自己重要嘅事物，那麼作為一個王毫無疑問是失去資格。反正人類歷史中也不曾出現哲學王，從今以後嘅歷史也不會出現甚麼哲學王。

雖然我對於議會無話可說，但如果要我用一句說話去說。我是無條件絕對相信議會。有些東西失去才意識到重要。但有些事情即使沒有失去我也非常肯定去講。民主絕對係這個世界最好嘅制度。

我所講嘅民主從來都唔係一人一票如此膚淺多數人嘅獨裁概念。所謂嘅民主其實應該係全民嘅參與。雖然討論嘅過程又長又悶，但係我卻非常享受這種過程。

人之所以是美好就是因為人並不是完全相同。只要是人類就會擁有不同嘅聲音同角度，唔同嘅立場同理念就會產生唔同衝突。能夠容納得到唔同嘅思考同答案這就是民主最美好嘅地方。

我知道各位不會明白我說甚麼。但支持民主從來都不是因為經歷過獨裁唔好如此膚淺嘅理由所以才支持民主。與獨裁無關，就只有親身經歷過民主嘅美好才能夠真正發自真心支持民主。

我再重申。民主是世界上最好嘅制度。並不是指一人一票如此膚淺嘅多數人獨裁嘅民主。而是每一個不同嘅民眾都可以確確實實親身參與社會政治運動之中嘅真正民主。也因此我相信議會永恆。

不過話說，人格之王不是很懂得民主嘅好處，居然還扮豬食老虎整場討論保持沉默。畢竟他就是人格之王，你要明白人格之王最懂得擺架子，演技簡直係一流。表面上民主，其實就係獨裁。從一開始就已經有明確嘅立場，只係由頭到尾都扮到好理解其他人嘅意見。多得佢唔少，明明幾百字嘅信仰要寫多幾千字。換言之，即係扮開明。受罪卻是議會。

首先，理解他人嘅想法就已經花掉哲學家嘅一段時間。到最後編輯又要花戰略家一段時間。最重要係趕進度嘅情況下，你足足浪費了議會嘅一整天。就係為咗糾正一般人對於民主化嘅膚淺嘅認知同錯誤嘅認識。

但係最初唔係為咗呢種事情。係啦，就係講華格納。不過算啦，原本想講嘅嘢其實都唔係太急要講。原本是想講華格納並不相信民主。以前我不明白，但係而家我稍為明白。

不過呢啲都係後話。都已經拖咗一日，就算發佈日期唔想恐怕都要拖後。明明打算想趕係假期前發佈。反正唔拖後都已經拖咗。又不可能時光倒流去一日前打自己一下。既然如此就只好繼續。

華格納陰影

要德意志擁有民主，或者從根本上摧毀華格納一手所建立嘅德意志概念可能會更加實際。不過這對於華格納並不太尊敬。所謂華格納主義其實係納粹主義，而德意志精神則是華格納精神。

這必須要問德意志嘅象徵華格納願不願意。其實傻仔都知道德意志根本離唔開華格納。而希特拉則是華格納精神最大嘅代表人物。失去德意志，那麼德國還剩下甚麼？幾乎甚麼都沒有。

但能夠領悟到華格納精神嘅德意志人除咗希特拉也幾乎沒有人好似奧地利人同猶太人如此深刻理解得到甚麼是德意志精神。

講到我好似曾經是土生土長嘅德意志人一樣。所謂德意志從來都無法擺脫華格納精神。而尼采則是華格納主義最大嘅反對者。我也是一樣。

有些立場我必須要講清楚。你要知道係連登黃子華係唔屌得。而華格納也是一樣，從來沒有一個人聽到華格納嘅音樂之後就沒有被佢嘅音樂深深着迷。

華格納嘅音樂就好似擁有魔力一樣。可以說華格納創造了近現代第一部歌劇。如此偉大嘅音樂家，卻被我說到一文不值。主要原因係因為我從來未睇過任何一部關於華格納嘅歌劇，但我也相信我永遠都唔會睇。

說到底並不是所有人都鍾意華格納，而我對於華格納淵源太重。你明知那個人同你立場完全唔同，就連各方面嘅看法都同你擁有巨大分歧，你就很難可以平心靜氣欣賞對方作品。

而我也是一樣，自從上年寫完藍皮書之後就從來未睇過棟篤笑。以前我總會得閒無事重複睇了許多次，可能我睇嘅次數甚至做過黃子華做嘅次數。

而家我接觸任何關於黃子華任何事情也只有激氣。當然，大家還不知道為甚麼我如此痛恨黃子華。最好是不知道，畢竟知道的人也只有痛苦。應該反了。只有痛苦嘅人才知道，所以最好還是不知道。有些事情不知好過知，不過即使想知也無法知道。

反正痛苦嘅人就注定永遠無法理解。也只有沒有痛苦才會作出傷害他人嘅行為。這就是所謂反社會人格，對吧？並不是。反社會人格明知人哋痛苦還依然造成別人痛苦從中得到快樂嘅人。

更具體來講...算啦，不用提。人格之王你也是充滿痛苦的人嗎。當然，我每一日都活係痛苦嘅陰影之中。但也不能夠忘記，因為忘記了痛苦就只懂得快樂。對於我來講，這也只不過是另一個痛苦嘅開始。

忘記痛苦會覺得好痛苦嗎？就算講你也不會明。對於我這種人生而言，痛苦早就已經不可或缺。對於一個早已經擁有痛苦嘅人而言是絕不能夠忘記的事情。

忘記痛苦即係代表快樂。而世界上最為快樂嘅表情則是看着別人非常痛苦嘅表情。但有些人見到別人痛苦嘅樣子就會想起自己痛苦嘅樣子。而我其實也不過清楚自己是怎樣。唯一可以就係活係陰影嘅人。

忘記痛苦所得到嘅快樂也根本不是真正嘅快樂。但係忘記痛苦就會不斷沉溺在這種快樂之中。所以忘記痛苦是擁有痛苦嘅人絕不可能忘記的事情。

不過這種事情永遠不明白好過明白。這個世界上，許多事情唔理解都好過理解。我哋人類也不能夠理解得到世界上所有的事情。又點解偏偏要花時間去理解啲唔好嘅事情呢？會睇得太宰治通常都係覺得自己擁有相同命運嘅人。所以我從來未睇過太宰治嘅著作。

但無論你幾咁開明都好，世界上各種悲劇同意見你都可以接受得到。但世界上總會有些事情你係無法接受。這就是我從來唔睇黃子華嘅理由。

娛樂

不要強迫自己睇唔鍾意嘅書，這是很重要。只有這樣才能夠體驗得到真正嘅快樂，強迫永遠不會有好結果。不過人類總會有需要聆聽不同意見的時候。那麼就等到可以接受才看。但世界上總會有些事情你係會永遠無法接受得到。

畢竟世界本應如此。有時候逃避唔係最好嘅辦法。但係可以面對之前也只能夠不斷去逃避。如果非必要，那麼避免接觸係最好嘅選擇。就算係必要，可免則免逃避到最後才面對也是不錯嘅選擇。

可惜對於我來講就無法等咁耐。愈早解決就愈好。畢竟沒有多少時間同精力可以消耗，更加重要係從來沒有一天放棄過思考，又談何避免。

只不過係人生最為艱難嘅日子，我確實是放棄了思考這一回事。避免惡化這是我首要任務，病了就應該要專心養病這就是我嘅原則。

不要思考多餘嘅事情。在面對痛苦嘅事情所有人都會這樣。所以我個人並不反對人們沉迷娛樂這一回事。我並不覺得娛樂是一件不好的事情，畢竟愈痛苦的人沒有娛樂就不能夠生存。而這種不用思考嘅生存方式對於人類也是必須。

通常都係咁。愈痛苦嘅情況下就愈不能夠為將來作出任何打算。反而花費娛樂嘅金錢愈用愈多。因為人類係痛苦之中根本不可能做出任何行動。只有沉迷於娛樂之中，人類才覺得自己是真正活着。人類就係不斷需要娛樂嘅生物。

反正人類也不可能一直沉迷娛樂之中。正如人類永遠不可能沉睡一樣。人類需要不斷嘅娛樂因為人類不斷承受痛苦。但也僅僅是這樣。睡醒之後就會清醒，然後清醒過後就會沉睡，人類之所以娛樂對抗來之不絕嘅痛苦。

正因如此我們才需要娛樂去面對明天。沒有娛樂嘅世界相等於一個沒有明天嘅明天。人們都不期望明天，又點可能會擁有明天。當失去了對抗痛苦嘅方法，就不會擁有任何未來。

正因痛苦不斷，所以我們才需要娛樂不斷去面對痛苦。否則我們早就在面對痛苦之前就已經失去希望。所以我個人並不反對娛樂這一回事。某個程度玩都係小孩子嘅工作。

我並不害怕娛樂充斥世界，只係害怕娛樂忽然之間消失在這個世界某個地方。因為某個程度就連明天嘅希望都消失。正因娛樂如此重要，所以有些人會恐懼娛樂。甚至某些會控制娛樂。

當一個娛樂並不是一個真正嘅娛樂，而為咗某些目的而創造出來嘅娛樂這就是國家最恐怖嘅地方。因為這種嘅娛樂根本不是真正嘅娛樂，而有目的性嘅思想控制。

一個文化無論幾咁開放自由只要接受國家資助所創出嘅文化作品必然會受到國家所監管。若然接受太多這類型嘅作品，一個人嘅思想必然會受到政府所弱化或者削弱。

比起文化或者語言嘅傳承，這種毀滅更具威脅性。因為這會導致一個人嘅精神同思想都會被摧毀。娛樂就是如此重要嘅存在。實質上這種被娛樂洗腦嘅人嘅例子有好多。

只不過我是一個接觸真正藝術作品嘅人。始終被控制嘅娛樂並不是真正嘅娛樂。好比於某些地方最流行嘅娛樂文化永遠都係海外嘅日本動漫同美國荷里活電影，而唔係本土文化一樣。

始終監管嘅娛樂是無法擊倒真正嘅自由文化。而呢種不是真正娛樂嘅娛樂也無法做到好似真正娛樂那種效果。其實原則上根本稱不上娛樂。

娛樂文化

任何人只要接觸過真正嘅娛樂都很難再回去接觸那些根本不是娛樂嘅娛樂。不過事實上一個國家真係監管得晒全國嘅娛樂又唔係北韓。世界上總會有漏洞，最受歡迎永遠都係外國文化嘅動漫同遊戲。

一個日本遊戲會受到日本如此歡迎也是很正常，只不過佢唔係日本製作，但其實文化內涵係100%日本元素。

日本嘅畫風，日本嘅模式，100%日本風格，只有課金係中國式。如此受到歡迎也是很正常的事情。任何人第一眼就會直覺覺得係一個日本遊戲而唔係中國遊戲。如果認真探討就會發現連聲優都係日本。

如此一隻這樣嘅遊戲竟然被稱為中華文化偉大復興嘅文化輸出。真係人唔笑，狗都吠。即係代表緊所謂偉大嘅中華文化只不過係日本帝國同美國嘅文化附屬，沒有美國同日本文化根本唔可以獨自生存甚至可以輸出海外。

傳統式嘅中國遊戲就好似中國式網遊一樣，即係類似網遊三國誌或者當官當皇帝嘅官鬥宮鬥遊戲。聽講海外好受歡迎，利潤高成本低，尤其是土耳其同俄羅斯最鍾意呢啲宮鬥嘅題材。其實大家嘅水平差唔多，土耳其遊戲係中國咪一樣好受歡迎。只不過原神永遠係香港hot唔起。

本來娛樂標準係好低。但係海外競爭，正如香港嘅中國製造商品永遠最高質素一樣。這並不是甚麼監管同標準嘅問題，而係本來就係咁。

同國內嘅內循環市場唔同，香港係貿易港有許多來自海外嘅商品甚至比起國內更加便宜。如果質素稍為差啲就無法同海外品牌價廉物美嘅商品競爭。

其實本來成本都係低。正如我二佬某個做會計嘅同學所講，一件名牌衣服其實個成本根本只係得幾蚊。做果行偶然會接觸一堆數字，會知道也是很正常。本來公司財務係要經過審判，一個會計師係會接觸唔同公司嘅數字，剛好係某間海外大型企業。

其實個個都知。係香港呢個商業城市有邊個唔知道一件名牌衣服其實成本係相當低廉。作為一個國際大城市又有咩嘢事情係唔知道？商業政治全部都係香港人嘅日常。生活香港好難完全避免得到接觸這些話題。尤其是身為一個香港人。

身為一個香港人很難避免同金錢掛鈎同埋接觸，同樣地身為一個香港人無可避免對娛樂極其依靠。娛樂對於香港比起任何事情都更加重要。

正因如此娛樂對於香港來講是一個很巨大戰場，只不過某些娛樂永遠鬥唔過人哋。基本上每個香港人放工放學永遠會做嘅第一件事情就係接觸娛樂。

但實不相瞞，香港嘅娛樂早就已經無法接觸人心。這和香港是否自由又抑或政制、環境完全沒有任何關係，而係香港文化同藝術早就已經失去自己嘅靈魂。

迷失

同政治無關，其實只不過香港慢慢失去自己嘅靈魂。要講明呢個概念是非常困難。以前香港是文化中心。每一個香港人對於娛樂非常大，因為香港同時間也是一個金融中心。每日唔係返工就係娛樂，基本上就同而家一樣。

唯一唔同就係香港逐漸迷失方向。我也很難講明呢個概念。九七之前至少有九七呢條界線，但係九七之後香港反而失去咗自己嘅特色。完全睇唔清前路，至少之前有九七呢個共同社會話題可以講，但係九七之後就猶如踏空一樣失去方向。

可以話我小時候接觸嘅文化都係同中國息息相關嘅中華文化，這些都肯定同九七之前嘅香港唔同。不過而家唔係，而家最流行嘅國家就係日本。無論對於香港抑或中國永遠都係日本最受歡迎，原神就唔知啦。

反正文化輸出這種事情到最後肯定有方法回本。睇日本旅客消費總額就知道日本嘅文化輸出非常成功。多咗好多人去日本，日本game簡直係功不可沒。

全世界都流行，就連中國駐日大使都公開稱讚原神，希望有更多類似嘅交流。根本每個人都知道中國文化離不開日本文化嘅殖民。我從來只聽過因為你的名字而去日本旅行，未聽過因為原神而想去中國旅行。有啲嘢根本上就呃唔到人。

太過日本風格。一個如此充滿日本風格就算點做都冇可能中國風格嘅遊戲。無可否認原神是一個很揼成本嘅遊戲80GB嘅遊戲永遠都要刪除10GB嘅中文配音，這證明係語言方面真係請咗好多日本知名聲優。

本來好多手遊都避免太多嘅配音。無論成本抑或容量嘅考慮都有。原神無論風格抑或特色都完全令人聯想唔到中國，呢個先係原神最神嘅地方。

無論玩法抑或畫面風格都好自然令人諗起日本。其實韓遊都有呢個問題，但係問題韓遊真係好韓國，玩過龍之谷永遠都有句韓文。就算PC嘅年代其他韓遊online都未必做到咁樣。RO或者瑪奇、巨商都好，其實個個都知道韓國game。

單純韓國game出名，而且韓國遊戲配樂也同樣嘅出名。更重要玩法完完全全沒有薩爾達影子，唔會玩玩下忽然覺得自己係唔係係緊薩爾達傳說那種錯覺。100%係韓國遊戲，雖然巨商係有七國配音兼同台灣遊戲橘子共同開發。

就只有韓國遊戲先可以象徵同代表到online呢個大時代。就好似大長今一部得就部部都得。要食住個勢。呢啲都係韓國嘅特徵。韓國最擅長就係當一部成功，就會不斷強化呢個成功並創造出潮流。

這點也經常被批評。因為韓國無論小說抑或漫畫嘅劇情同風格也幾乎完全一樣。就好似當一部好賣，就創造出幾十部大同小異嘅劇情漫畫同小說。被稱為文化單一。或者是一種才能，同樣都係抄襲卻不斷成功嘅例子。唔成功又唔會抄。就只會係成功嘅作品抄襲成功嘅要素。

十部韓漫九部都係大同小異。你睇到一部有唔同風格，其實你預咗之後九部都同呢啲部風格完全一樣。唔成功又唔會抄，只係抄啲成功例子。又唔見香港嘅一國兩制通街都係，反而金庸武俠小說嘅要素係韓國唔少。其實係成個亞洲都唔少。當時金庸小說不僅拯救咗李小龍之後香港影視嘅風向，甚至帶動成個亞洲武俠熱潮。

疲勞。實實在在。寫武俠唔只有金庸，只不過金庸係最出名果個。係香港。其實根本就只有金庸，只係唔知道韓漫果啲邪教到底有邊度來。如果說武俠遊戲，我反而有啲認識。反正香港也再出不到好似金庸咁大影響嘅文化出現。

其實同中國嘅文化接軌都唔係一個問題，雖然係九七之前係想像唔到。最大問題當香港踏入新時代，反而迷失了方向。九七之前無一部電影不在暗喻九七，九七之後就再沒有一部電影吸引香港人嘅眼球同共鳴。某個程度香港電影就連自己想拍啲咩都唔知道。

又不是說完全沒有神作，只不過十隻手指都說得晒。三個字數字都可以數。但事實上我就連用一隻手手指數都懶。完全迷失係定位之中，同韓國抑或日本完全唔同，佢哋知道自己有咩定位係點。佢哋知道大長今hot唔係僥倖，而係有目的咁樣發展。

但係係香港九七之前就話好多黑色幽默，無一不在諷刺九七。但係今時今日，重邊咁多黑暗幽默。可以話係同香港社會完全脫軌。這就是香港文化嘅現況。

九七之前重驚過九七之後，個個都諗完做埋呢部就唔做。搵夠賺錢退休。又有邊個諗到九七之後再要繼續do。有咩慘過得你以為退休享受退休生活，臨退休之前通知你重要do，do多幾十年。

你係電影人士都會hea做啦。有啲嘢好難怪香港電影產業。明明所有嘢一切都完美，趕係九七之前做自己人生最後一部電影。將自己未諗過或者唔噉諗嘅嘢一次過做晒。做完之後就冇咗人生方向。實質上今時今日我依然完全睇唔到香港文化同香港社會有咩共鳴。

抽離感反而有好多。沒有一個字比起離地更加適合香港文化產業現況。而呢種離地恐怕一直持續下去。只不過是以前實在太過誇張，完完全全可以將香港人對於九七嘅恐懼文化輸出到亞洲各個國家。

不過而家要依靠大陸票房，嚟緊十年都唔會有咩真係可以完全改變香港文化產業現況嘅大製作。就好似大長今一樣徹底改變潮流。這樣嘅作品恐怕永遠唔會有。畢竟都頂唔到十年。其實做得電影行業就同攞政府工資嘅公務員一樣，本質上都係靠公糧去搵食。

不要要求香港電影行業太高要求。做又三十六，唔做又三十六。好同壞其實都唔洗太過執着。最緊要政府一直有資助。我幾時都講，老千呢個行業係一直存在。

雖然我也不是不明白人格之王嘅感受。不過都無補於事，事實上香港嘅文化只會一直沉淪下去。不過也與我無關。事實上也是這樣，基本上我同九七以前嘅年代絲毫沒有任何關係。係土生土長九七後出生嘅香港人。所以以前香港文化幾咁輝煌也與我毫無關係。無論甚麼時代，我也依然是我自己。

靈魂

我也很難想像香港文化竟然墮落至此。本來就係低成本高效益嘅製作模式，談不上甚麼嘅熱誠。每個人都想着賺夠就走嘅文化市場本來就唔應該抱有甚麼嘅期待。

我更難想像香港娛樂圈竟然對自己取得少少佳績就沾沾自喜，完完全全香港文化現況脫離咗軌道。一個真正嘅文化大國就算有十億文化收益其實對於佢哋來講都係少少事情，甚至無法動搖是如此理所當然嘅事情。

能夠得到十億嘅收益已經對於香港所有文化產業而言，已經係最高標準。眾所周知，香港有兩個精神上嘅文化祖國，一邊英美西方價值觀，另一邊係日本文化，新興崛起還有的是韓國。

我同大家講，香港同佢哋相比就連皮毛都接觸唔到。香港只不過係一個城市，又點樣新加坡呢個擁有主權嘅國家比較。本質上就唔同條件。

所以香港才如此落後，無論咩問題都好最壞都係一國兩制。本質上香港文化就同死咗冇咩分別。莫講話外人睇來係次一等，就連香港人都未必懂得欣賞甚麼是香港作品。

就連追上如今一個正常應該擁有嘅文化水平嘅香港電影都未能夠做到，還想超越美國荷里活電影簡直係痴心妄想。

但係這種如此深層次嘅文化問題，根本不是我一個人就可以解決得到。也不是金錢上嘅問題，而係如今香港沒有靈魂。能夠觸動人心嘅作品本來就已經很少數，但係作品嘅質素愈來愈速食文化追求搵快錢真係完全冇得救。

點講好。就係冇靈魂。任何人生活在世必然會擁有靈魂。沒有靈魂嘅藝術作品如今香港嘅現況。偷工減料、粗製濫造毫無靈魂嘅商業作品，欠缺一般藝術家應該擁有嘅熱情。我實在很難去支持香港本土文化。

本來香港教育就同藝術無緣。確實沒有藝術細胞是所有香港人嘅通病，這也是填鴨式教育嘅缺陷。

想當初淨係學藝術都係花了我三個月時間學習六個月領悟，並且重係年初年尾十二個月入面只有幾日先會學設計應付高專功課。上兩個課程，一個課程學三個月大概幾堂，這也是香港教育一般嘅課程。

其實由小到大都欠缺藝術細胞。只不過到咗長大忽然明白藝術這種靈魂嘅奧妙之處。畫畫，淨係想像自己畫咩作品其實好困難。但係懂得靈魂就好自然知道自己想畫咩畫出來。這也是共鳴。

沒有靈魂就算學得再多藝術也學不會藝術本身嘅快樂。我又從幾時忘記了創造作品嘅快樂？講真，我啊無論幾時都覺得創作是一件快樂嘅事情。

填鴨式教育的確令到香港人自細較少接觸得到藝術文化，不過眾所周知文化同法律一樣，又有幾多人知道基本法嘅內容？基本上所有人都係法律文盲，咪一樣依靠一小撮嘅專業人士去支撐香港嘅法治。其實香港文化界都係一樣。

問題係就連依一小撮都唔知咩嘢叫做藝術。香港文化可以說墮落，救返都嘥醫費。本來香港文化救唔救返都對於香港冇咩影響。真，由千禧年就已經冇人睇香港電影，但係依家咪一樣活得好好。這個也有好多因素，總之香港文化發展對於香港或者香港人未來發展來講都唔係太過重要。

以前就係，全世界嘅華人都擁抱香港文化，任何香港文化界嘅新聞都會放上國際頭條。而家小圈子圍住來保暖對於香港大局其實一啲幫助都冇。存亡就更加好笑，一個文化嘅存亡從來都唔在於一個文化是否強勢。

終結

其實關於香港文化沒落嘅文章也不少。結論也差唔多是這樣。本來疫情改變許多人嘅生活習慣這是長遠，除此之外沒有電影都可以生存。荷里活罷工潮同富人撤資潮也很大影響，荷里活寒冬也基本上摧毀香港剩下電影嘅收入。

我還擔心香港嘅娛樂圈還會繼續存活。基本上冇救。無論點阻止都無法阻止香港娛樂圈嘅末日。如果沒有黃子華或者我真的沒有這種把握。但有了黃子華，香港娛樂圈恐怕更快玩完。

本來就係咁。傻仔都知道戲院特價四十元，西片通常都坐滿晒，但係港產片通常坐唔滿。特價都已經咁，正價就更加冇人睇。所以啲我二佬先話，咁正價來做咩橫掂都冇人會睇。

其實西片情況都唔係咁好，正價都坐唔滿。但係港產片就更加唔會睇。二佬都係一樣，戲院特價先會放工入去睇下港產片，正價係唔會睇會早啲返屋企。

我二佬所講其實戲院唔應該做正價，而係做特價。或者咁樣先可能有得救。不過諗多咗，本來就冇得救。以前我唔確信，今日我非常肯定。未計算冬季，2024年戲院票房收入比起2023低大約10-20%。好多原因，只能夠說黃子華從來未令我失望過。

就連2023年tvb財政報告嘅連續虧損都係剩返唔係好多錢。最樂觀嘅估計都係得返三年命，就睇下裁員裁得快定洗錢洗得快。無論點，tvb同亞視一樣都係永恆，至少亞視都未完全執笠只係冇咗電視牌照。

反正我個人對於香港娛樂圈冇咩好感。只要持續虧損，tvb也肯定冇救。未到冬季，戲院都執咗六間。本來就唔過百間，而家只係少咗10%左右。結業潮本來就無可避免，唔係一兩套就可以救到。一兩套只係令到人覺得香港好似重有希望。我只能夠說我永遠可以相信黃子華。

就連竹園飲茶，親戚都話開老人院重好賺過開茶樓。一個床位比一個茶位賺多好幾十倍以上價錢，有咩理由唔執咗間茶樓去一間老人院？其實個個都知道呢個時候茶樓加價一定冇咩人去幫襯，今時今日咁嘅經濟環境就連茶樓都唔好意思加價。

但係今時今日咁嘅經濟環境，茶樓咁嘅價錢又可以捱到幾耐？慈雲山間茶樓冇一日係坐滿過。加咗就更加坐唔滿。呢個就係問題。

今時今日戲院重好意思120蚊賣兩張飛，知唔知市價幾錢？正常早場去睇都唔洗60蚊，除非附近冇咩戲院。120蚊兩張飛簡直當人水魚。

算啦，反正係人都知道五十幾間戲院對於香港來講也依然太過多。米比戲院賺埋最後一桶金。實在唔容易啦，香港娛樂圈去到今時今日呢種地步。

如果沒有黃子華事情冇可能去到咁順利。發展成今日咁樣，已經再沒有任何事情可以阻止得到香港娛樂圈嘅終結。

立場對立

除非華格納復活，但眾所周知華格納已經死咗。令到眾人深深著迷嘅酒神盛宴已經唔存在，剩下的就只有令到人類墮落嘅墮落酒神嘅盛宴。再做也只會是厭倦。

任何人只要接觸真正嘅娛樂都很難接受得到其他唔係娛樂嘅娛樂。我也是一樣只要睇過黃子華棟篤笑都無法接受其他形式嘅棟篤笑。只可惜...不，我已經唔再睇棟篤笑。

立場唔同，實在很難會想睇棟篤笑落去。華格納叫尼采小心結交朋友猶太人保羅·雷，點解唔叫佢小心結交好似華格納呢種可能有二分之一猶太人血統嘅十六分之一猶太人血統嘅華格納呢？

世界上有一個民族永遠都唔洗排隊，唔知佢哋覺得自己係天生嘅天選之民定抑或覺得我地係天生嘅二等公民。我無法理解呢啲以色列人嘅文化。佢哋覺得自己高高在上，其他人應該要聽佢哋嘅話。

實在好難搵到一個好似華格納一樣以為自己係神明，覺得自己係啱晒嘅人！華格納比起極端猶太人更加似猶太人。實在好難頂！

講真，為咗啲小事竟然質疑自己年輕時曾經相信自己養父就係自己親生父親到底係唔係佢嘅親生父親，到底華格納晚年有多麼無聊？這可是關乎佢有沒有二分之一猶太人血統嘅終生大事！

無聊嘅小事，根本影響唔到佢嘅人生。華格納係佢人生喪盡天良，米一樣絲毫沒有減弱佢嘅影響力深受德意志人所愛戴。華格納音樂就係有咁嘅魔力。

人格之王你有沒有出生在一個父親來路不明嘅家庭？想搵返自己嘅親生父親並不是一個錯誤，甚至係一件理所當然嘅事情。官方嘅說法係卡爾·弗里德里希·華格納係佢嘅老豆，但係有種種證據證明路德維·蓋爾在成為他繼父之前早就與他的母親私交甚密。

身世

其實華格納對上都有八個兄弟姐妹，根本上係就係唔係就唔係。兄弟姐妹又唔代表個個都生得似樣。只能夠講大多數嘅兄弟姐妹都係相似，但總會有啲唔似樣。而且這種家庭也很常見。隔代遺傳又抑或基因突變呢啲都係經常發生。

但係如果有個黑人又或者藍眼睛就唔同講法，根據研究顯示在6,000至10,000年前的歐洲，有個人嘅基因突變導致藍眼睛嘅誕生。之後所有藍眼睛都係那個人嘅後裔。其實人類嘅眼睛本來就係棕色。

都冇咩好質疑啦，呢個年代有基因學。基本上有沒有血緣關係，驗基因都驗到出來。根據聖經最早嘅記載係第一城大災難同巴別塔事件之後先開始有藍眼睛嘅人嘅記載，而根據化石記錄最早嘅擁有藍眼睛嘅人嘅化石係7000年前。

那個記錄係十年前所搵到嘅化石，而家最新好似講17000年前大冰河時期就已經存在。說起化石就令人諗起碳14。根本就唔係，說起藍眼睛嘅化石就應該係基因學嘅檢驗。好懷念中學嘅物理堂。

對於你來講，藍眼睛嘅共同祖先只不過係一件小事嗎？畢竟我又沒有藍眼睛，而我嘅族譜從來都冇一個人有過藍眼睛。有藍眼睛幾好，唔洗基因檢測就知道自己親生老豆係邊個。

冇藍眼睛嘅人未必唔係有藍眼睛嘅子女，但係有藍眼睛嘅人就一定係藍眼睛嘅親生子女。根本唔需要咩基因檢測，基因就已經出賣咗你。不過可以隔代遺傳，就算係隔代遺傳通常都唔會相差好多代，父母又有咩理由唔知？不過唔係自己生父嘅家庭就有啲難講。生咗個女先知道原來自己嘅親生老豆係外國人。

通常都係老母嘅老豆。唔一定，成日講到一定咁樣。係遺傳學上，女未必似母親，本來就係隨機。但大多數都係來自父母，就睇下繼承邊個基因較多。唔係似老豆就係老母。講真呢種基因學說害死幾多人。

例如兩個聰明嘅人所生下嘅子女大多數都係聰明。但其實根本就唔係這一回事。所謂基因其實係「攜帶遺傳信息的基本物質單位」。不過我從來未讀過生物學。

因為改制dse只需要學兩個選修科目就可以。而DNA都係極其現代史嘅科目，就算生物學都未必學到咁新。

其實DNA理論好基礎，只不過係DNA檢測技術科技係就新，但係理論其實差唔多講完。細胞、RNA、DNA、染色體基礎到連所有香港人都知道。

明明沒有親子需要，卻知道DNA鑑定。近代嘅DNA鑑定史其實係由1990年代開始，犯罪科學就係。1980年代開始，直至發展成熟嘅1990年代才開始流行。親子鑑定其實都一樣，以前係用HLA，而家用DNA。

但係將DNA技術發揚光大始終都係犯罪科學，只要你犯罪就會留底生物學上嘅證據，這就同每個人有一個老豆老母一樣正常。只要係所有生物都逃離唔到呢種生物學上嘅證據，DNA係所有生物嘅宿命。

犯罪科學的確好流行，但都未必信得過。說到底就是這樣嘅年代，犯罪科學技術不斷上升，就連犯罪嘅方法也不斷地進步。今時今日亦都唔會有罪犯會傻傻地留下指紋。說到底，始終都擺脫唔到人類嘅時代。推理永遠都唔會過時。

無可否認犯罪科學改變咗成個世界。但係人始終都只能夠相信自己。但有些事情永遠都唔會改變。

聖經無論點兜都兜唔到，耶穌係冇可能冇老豆。你都只係想講呢句。一粒精子同一粒卵子結合就變成一個人，無論點睇都係覺得呢一樣係世界七大不可思議之一。

你真係咁樣認為，人格之王？其實成熟嘅卵子同精子各帶一條染色體......。首先，應該要有第一個卵子同精子。

生命嘅誕生並不是由精子同卵子結合而成，精子同卵子結合只不過係生命嘅延續，每個人都無法擺脫擁有一個老豆同一個老母嘅命運。

也因此每個家庭嘅老豆同老母都必須要為佢哋所創造嘅生命所負責。這是他們與生俱來嘅責任。至於生命起源這個話題極其奧秘同複雜嘅話題。今時今日最新嘅理論係......反正對於而家嘅人類來說並沒有任何意義。淨係知道而家人類生命點誕生就已經足夠。

其實係有幾個理論。只不過淨係知道係老豆老母生就已經足夠。知道太多創造人類嘅方法都唔係咩好事。不是進化嗎？進化又好，創造又好。其實冇咩所謂。全世界嘅人類都只不過係由老豆老母生出來。這比起神話時代好得多。

好啦。拖得太長。本來一個少少嘅重序，寫咗二萬幾千字。（而家已經五萬，編輯時加多。）本來以為唔洗重新定標題也必須要慢慢確定標題。不然睇得會太過辛苦。對於一本書來講亦都唔係太過好事。不過標題唔應該太過多，就盡量少啲。總之應該去到結尾。

迷惘

本來我是想說，我個人對於自己嘅作家嘅思考。重唔重要，反正我都未開始，我也不知道。但也必須同一定要開始，既然開始咗就唔應停跑到結尾，做一個對作品負責任嘅作家。

雖然我是這樣想。不過不景氣，無論出版行業抑或我自己自身嘅問題都好。這些都是非常之現實嘅問題。我也無法保證大家啲咩。但係我覺得既然作為創造者也應該要對於作品保持一定責任。至少應該要係有生之年一定會完成作品嘅結尾。

這大概是為人父母嘅心情吧。我已經花咗太多時間花係作品身上。雖然諗咗太多導致遲遲都未發佈。不過我嘅人生已經到咗極限。或者今年同出年會停筆，但係作品依然會係我嘅人生不斷書寫直至完結為止。

反正本來計劃就已經是這樣。未開始就已經要講一啲結束嘅話語。本來序章到而家早就已經書寫咗幾年。要諗要思考嘅事情早就已經諗到好充分。

到底將會變成點樣？誰知道。除咗決定成為一個作家也幾乎沒有任何進展。實體書的事也是。雖然而家我決定擱置，但從來沒有一個網絡小說是沒有實體。就算亞馬遜門市都有好多實體書店。

說到底這個世界就是這樣嘅運作。網絡都需要現實嘅連繫。完全100%網絡虛構書店世界上並不存在。尤其是香港更加是這樣，想要打入香港市場始終都需要實體嘅媒體。

本來要發展就應該要這樣。而作為一個作家實實在在唔應該去思考甚麼嘅矜持，可以為書本宣傳令到書本更加多人睇應該是作家嘅責任。今時今日就連作家都要負責寫作以外嘅工作。也真的是不應該是一個作家思考嘅事情。

我其實唔知道應該點做。早就應該猜到。反正太過長遠嘅事情，就不應該思考太多。出實體書又要諗成本同盈利，對於而家嘅我就更加不切實際。

可能虛構始終需要實體去依靠。日本成為小說家吧嘅發展就更加離不開現實嘅各種極其複雜嘅糾纏。最多就只係數到動畫化。畢竟我不是經營網絡書店嘅海外人，認知實在有限。

無法在現實接觸就注定被認為是虛構。這點是各種神明大人都無法能夠理解的事情。只有和現實接觸才被認為存在。而我也在虛構嘅世界待得太久，也差不多是時候同外界接觸開始我嘅真正作家嘅生涯。

發佈社交媒體平台

其實我也認真考慮過。目前我只係google、連登同penana發佈文章。我知道好多香港作家都會選擇多patreon發佈文章，當中有好多原因，但係排除這些因素。其實三個平台都已經足夠。再開其實冇咩所謂，只不過沒有意義。

不過我覺得多一個平台保險其實也不壞。其實就同電子書一樣，懶得管理。電子書始終都唔係網絡平台，要修改重麻煩過改網絡小說好幾倍。更何況電子書平台咁多，實在是有心冇力。

基本上所有平台都注冊過。只不過同twitter，香港使用人數少。原則上香港係一個極其封閉嘅圈子，好少用到國際社交媒體都係咁嘅原因。因為香港人依個族群淨係同自己友交流。實在很難想像呢個族群會有一天被同化。

點講好。實在太自閉。排除國際大城市，原則香港係極其封閉嘅大城市。多得這樣，twitter注冊咗都唔洗用。明明日本或者其他地區都好流行。會流行嘅嘢，全世界都好流行。只不過有啲嘢就偏偏係香港流行唔起。

本來twitter就有自我審查，不過呢點與海外無關。無法流行只係因為太過麻煩。明明日本好流行。本來香港人口細，同太多三五識七嘅人用社交平台冇咩娛樂性。一個睇到海外或者唔係用粵語貼文嘅平台其實冇咩存在價值。所以才說香港是極其封閉。

同世界唔同地方嘅人交流都係一種娛樂。香港唔習慣接觸香港以外嘅人。而IG、threads同facebook本質上係同一樣嘢。注冊IG首先要有一個facebook，而注冊threads首先要有一個IG。所以我三個社交媒體都有。

咁樣又有咩意義？單純區分年歲。其實好多年輕人都唔鍾意同老人家溝通。好比於飲茶，除咗你之外其餘九個都係爸爸嘅兄弟姊妹，你都會覺得唔自在。始終都唔同嘅年歲層撈埋一齊都唔係太好。

所以社交媒體每十年出一個新就係咁嘅意思。而家最新就係threads。沒有所謂，其實老人家都唔鍾意同班後生一齊吹水。本來年歲唔同，話題都唔同。好難講得埋，有啲嘢差十年就係差十年。

至於取捨其實都唔太重要。一個貼文三個平台都係互相轉換。只不過要應付三個年齡層嘅回應係有啲麻煩。所以最初我諗住唔開threads。

本來我嘅作品就唔適合細路仔欣賞。這方面我反而沒有想過。細路仔都會長大，而我又唔覺得我嘅作品對於細路仔會有咩影響。

正如哆啦A夢一樣，大人嘅作品同樣都適合細路仔欣賞，就算蠟筆小新都唔會教壞小朋友。點講好，又唔係咩血腥恐怖，果啲就話細路仔未必承受得到。

只不過細路仔未必擁有好好嘅經濟能力。倒不如話本來就唔期望小朋友會花錢消費。香港這個社會對於學生也太過寬容。本來大家做過學生也很少會對學生太過刁難。

你要明白那種年歲的確唔係太過成熟。但係有時候好多熱潮反而係由年輕人所帶來。社會本來就係咁樣。玩過中古戰錘就知，長生族精靈通常都係老古董。

唔係可以太過接受太新嘅事物，相反人類壽命短反而發展得快。應該勇於嘗試。唔係太多人可以接受失敗。而人類就係不斷會受傷同失敗嘅種族。喺外人睇來，人類就係愚笨嘅物種。呢一點由古至今都無變過。甚至我相信將來都唔會改變。因為愚笨就係人類嘅本質。

如果呢個世界真係存在着永生者又抑或上帝，從佢哋覺得也肯定覺得人類係一個低等生物。並不成熟又無知，而且又不斷犯下同樣嘅錯。

當我懂得過來人嘅身份教訓下一代嘅時候，其實我就同老人冇咩分別。都只不過自以為自己聰明去下一代嘅未來應該點樣做。但係其實從來都冇人可以決定下一代嘅未來係點。正如冇人可以決定我將來一樣。

我其實唔多擔心小孩子睇咗我啲書有咩影響。只不過我唔覺得我啲書會有小朋友會睇。其實我都係到諗緊呢個問題，到底會有邊個會睇我啲書？不斷反問我自己，我都唔會覺得會有人睇。

進度

點講好呢。我完全唔覺得會有咩類型嘅人會睇我嘅書。雖然我知道我這樣說很矛盾，我並不覺得我嘅書適合其他人去欣賞。始終我嘅書具備自傳性質，並不是那種適合他人欣賞嘅類別。如果一個系列有一個明確嘅主題反而有一個完美嘅結局，但其實就連我自己都唔知想寫啲咩。

如果說輕鬆，我又並不會認為我嘅作品會擁有那種輕鬆嘅感覺。反而會覺得又長又悶。正因如此我才會用廣東話書寫。因為太過痛苦。所以好自然會用自己母語編寫。至少我希望寫書嘅時候輕鬆一啲。

始終粵語係我由細到大嘅打機用語。用粵語有一種自在嘅感覺。或者記憶並不太愉快，但係卻是我最自然嘅語言。唯一問題就係用粵語書寫收入會少好多。

本來我就不對這個系列抱有任何期望。沒有主題沒有知己也沒有人會對這個系列感到興趣。換言之這個系列只不過襯托其他主題嘅書籍。而我最早書寫嘅主題全部都係用書面語去書寫。只不過而家全部轉晒粵語。

有好有壞。用得粵語會唔覺意拉長來講。其實到最後我應該要編輯。縮減入面嘅內容。但係我並沒有這種嘅心情。所以呢本嘅正文之外，其他書籍幾乎沒有縮減。反而愈編愈多，這就是我嘅現況。

寫作計劃實在太多，我又唔想將作品拖到最後一刻先寫。結果就變成而家這個樣子。一大堆還未編輯嘅書籍。不過標題也要定。到最後其實還是要睇多次，只不過編輯而係標題。所以我也很難講睇我嘅書會有咩感受。

只不過大多數成功嘅書籍都必須經歷過編輯，唔編輯嘅書籍會好難好賣。相反，有啲賣唔出嘅書籍經歷過編輯反而會變成流暢書。我就係缺乏那種讀者嘅心。一兼多職本來就有好多嘢都好難兼顧。不過覺得唔好睇總覺得好睇好好多。

這樣戰略家才有發揮空間。就算好睇，戰略家還是有發揮空間。本來完美是永無止境。只不過而家咁嘅情況恐怕要連續修改好幾次先可以去到可以睇嘅地步。

就算要話要改，都唔知改啲咩好。倒不如以而家進程，還是讓哲學家幫手完成剩底嘅作品還好。本來說已經爛到無藥可救。

做一本花一個月，執一本又花一個月。到最後先一次過執。只可以頂硬上，一邊快速睇原稿一邊定標題。冇時間慢工細活。不過恐怕即使到最後反而懶得編輯吧。

每次見到五萬字嘅文章都想縮減至少一半。做編輯唔同做讀者，每次編輯都要理解一下自己想表達啲咩，然後將佢簡化。而家亦只能夠做讀者而唔係做編輯

其實應該係我嘅責任。或者比起社交平台，優先解決作品嘅質素應該是最大嘅問題。只不過就係冇時間。本來網絡小說好少會大修大改，但就算網絡小說實體化都會同插畫家合作。只不過編輯永遠都係由作者一個人去當。本來網絡作家就沒有多餘嘅閒錢。

出版社嘅編輯所負責其實最重要都係出版嘅修改多於內容嘅修改。出版一本書有錯別字就會變成一個問題，好少會真係干涉一本書嘅內容。網絡小說反而唔洗太過擔心呢種排版嘅問題。

立場必須清楚

而家諗返沒有投稿可能係最好。倒不如最初也思考了很久。不過有可能遇上一個好編輯然後被睇中之後大賣。如果真係咁樣，你都只係一個出色嘅明星而唔係一個出色嘅演員。更何況呢種傳奇編輯也很難搵。好多人以為編輯好易做，其實唔係。所以我有戰略家就夠。

天才嘅編輯可以將一本書改到好流行。如果重視形式任何人都可以發達，但係我相信一本書嘅內涵比起形式更加擁有價值。放心啦，對於一個編輯來講，多字永遠好過少字。到最後我一定會幫你改得好好睇睇。

呢番說話對於我來講是有用。但你總不能叫讀者因此而投資將來嘅我身上。到最後都係我自己投資落我自己書本到。呢本書肯定十年之後先完到。我完全想像那個畫面。而家全職作家都搞左幾年，更何況之後呢。

將就一下。反正我計過我有生之年都肯定會完到我嘅書本。早出同遲出又有咩所謂。就係因為唔想不斷累積，所以才想成為全職成為一個作家。但係魚與熊掌不可兼得。當真係無辦法做一個全職作家，你都係要一直累積下去。

老實講，時間我已經俾自己足夠多。我其實幾滿意我而家咁樣嘅狀態，三年間能夠可以不斷寫作，我已經好滿足。解決最後一個禍害，我三年嘅寫作生涯至少有一個完美嘅結尾。有些立場，我必須說清楚。是這個樣子嗎？有些必須要說清楚，也僅僅如此。

都已經逃避考成年。也時候是解決。真的是為了無聊嘅小事，近乎將我所有計劃都擱置。明明還不是作家，偏偏首先就遇到作為一個作家嘅終生問題。

其實我嘅問題，任何作家都會有機會有。好似叫無法寫作。明明一個月可以寫到十萬字，到最後演變幾個月先寫得十萬字。一開始寫，任何人都可以寫得咁快。

不過我就更加嚴重。單純因為生病，所以每次寫作都好小心。所以才叫禍害。要解決我這種病源頭比我想像中還要困難。

不過寫作慢，確實是我想恢復正常嘅契機。但係就算回歸正常，也必須要解決我這種痛苦嘅源頭，否則手尾會好長。雖然我早就習慣，但係我已經唔想再咁樣。僅僅如此。

就算習慣咗痛苦都好。有些事情還是很痛苦。我實在唔係太過鍾意這種感覺。無論以前抑或現在。有些問題也應該要解決。我知道會有人唔鍾意你嘅立場，但還是請你好好做一個結尾。

人格議會會永遠支持你。無論發生甚麼事情都好。雖然事實上是更加複雜。總會有人覺得或者一世都唔講，丟淡咗可能重好。尤其是戰略家佢可是很擔心你。就算係患上抑鬱嘅時候，也是每一分每一秒陪伴我身邊生怕任何一秒都足以令到我精神從此崩潰。

也因此寫作進程才如此慢。因為就連我自己都擔心我嘅狀態是否適合寫作。諗咗好多但係從來未寫下一個字，這是最適合我2024年嘅寫作生涯。

已經唔會發生這種事情。抑鬱早就已經斷尾，其實係抑鬱後一個月就已經康復。只不過為咗更加心安，近乎三個月都沒有諗到那個話題。或者從一開始就已經唔應該再諗。但係次次還是會諗到。

既然諗到就好自然會討論幾個小時。反正也好，收收埋埋對於精神也不是一件好事。我知道就算戰略家就算擔心還是會支持同相信我。所謂男人就是這一回事，當真係面對大事嘅時候就甚麼做不到，就算再擔心都好都只能夠默默地支持同相信我。

我也相信今次也會有完美嘅收尾。一直以來都收收埋埋是我寫作時候嘅壞習慣。但有些立場必須要發達清楚。尤其是大是大非嘅面前，一些重要嘅事情表達得唔夠清楚到最後大家都會受傷。也不是說不能夠猶豫。只係做出判斷同決定嘅時候要果斷。

表明立場

說到我好似一直拖拖拉拉這樣。確實是拖拖拉拉。藝術家都已經完成咗封面，但係你就連書嘅內容都未完成。本來就係為咗宣發情緒才首先畫畫。寫咁多字我也會有厭倦嘅時候。偶然都要休息一下。

明明結尾也是，只係差兩句就講完。非要拉到這麼長。講清楚並不是不好。但真係要講清楚至少十萬字都未講完。而宜家並不是講清楚嘅時候。

確實，不過寫到五萬字這種感覺就少咗好多。我始終覺得有些事情有些事情交待清楚還是太好。始終有些立場必須要明確，否則唔清唔楚好多野都只會傷害人。

我是這樣認為。明明討厭華格納，卻偏偏假裝自己不討厭華格納。這一點對我來講也實在難以做到。倒不如從一開始就說明我討厭黃子華嘅立場，大家還有些心理準備。

雖然原因也正如我所說，並非一兩本書可以輕易交待清楚。不過這樣就已經足夠。只係如果太過明確表明立場會不會得罪大多數嘅黃子華粉絲。

本來就是為了這點而表明立場。我對於黃子華不僅討厭而且是憎恨。如果真係這樣，閱讀我嘅書是對於絕大多數喜愛黃子華都難受。這就是立場問題。

如果真係咁樣，我並不建議睇我嘅書。因為真係會受到好大傷害。當然絕大多數都只係表面嘅鍾意，其實也不是真的發自真心極度喜愛黃子華。但真係嚴重嘅情況，我都會提前一下。整體來講，其實除咗藍皮書之外，其他書籍對於黃子華嘅立場幾乎沒有。

所以大家還是可以安心看。只不過有啲事情必須要提前交待清楚。否則會很麻煩。因為係連登黃子華係唔屌得。基於黃子華係香港嘅地位，我還是必須要小心翼翼處理黃子華嘅問題。尤其是狂熱嘅信徒，如果真的受傷就唔建議看藍皮書任何嘅一隻字。

雖然對於藍皮書嘅怨恨有些少滲入本傳。不過還是可以看。光是這點，我就覺得五萬字就沒有白寫。如果真係覺得唔舒服，就唔建議睇。本來書本嘅分級就不只有十八禁同兒童適宜。

你要明白一個人睇到最後才知道對方原來同我嘅立場唔同。不僅唔同，甚至完全相反。那刻真係非常受傷。所以我提前警告黃子華信徒不要睇藍皮書。你以為好了解一個人，但從來都未真正理解過一個人。而當你真正地去理解一個人，就發現那個人同自己所想完全唔同。甚至是頹廢嘅藝術家，那種感覺並不是好事。

每一個人都鍾意黃子華，正如每一個德意志人都鍾意華格納一樣。如果我單純對於黃子華只有純粹憎恨，那麼我嘅書籍其實對於黃子華信徒傷害不大。但其實不是。有啲嘢愈寫愈清楚，到頭來只會令到黃子華信徒必然會受到同我一樣嘅傷害。所以我才會提前同人講不要睇藍皮書。

一齊感受得到偶像崩壞嘅過程，其實並不好受。無謂令到大家同我一樣感受如此痛苦嘅過程。要說尼采批評華格納都至少是華格納死後十年以上才真正出聲。批評華格納是頹廢嘅藝術家。

某個程度理解得到尼采對於華格納嘅批評就不需要睇我嘅藍皮書。要大家同我一樣感受猶如烙印戰士中主角般憤怒嘅過程對於大家來講實在太過殘酷。但有些事情必須要交待清楚。正如如此，我才會寫藍皮書。要說應該是感覺，總會有一些唔清唔楚嘅疑問，結果愈寫愈清晰。憎恨同憤怒反而會更深。

所以我才說這五萬字並沒有白寫。只不過表明立場就不怕影響書籍嘅銷量。其實而家還好一些。情況正在逆轉。可能黃子華依然狂熱，但整體上觀眾一年睇一部電影，觀眾也不多不少會厭倦。

而且我唔覺得表明立場這一回事係一種錯誤嘅做法。我唔認為呢個世界係非黃即藍，並不會我嘅立場係黃絲，而天生受到藍絲所排擠。本來呢個世界或者社會有唔同立場是理所當然嘅事情。也根本唔需要太多嘅顧忌。

不過商業世界就唔係咁睇。原則上唔清唔楚係最好賺。不過我係香港作家。不過香港大多數選民都係黃絲。同樣地大多數人都鍾意子華。由始至終我都唔覺得表明立場是一個正確嘅商業決定。只不過呢度係香港。

這某個程度淡化咗好多嘅影響。去到極端深黃同深藍都只係少數人。黃子華信徒也是，真係去到完全無法溝通嘅情況其實並不多。但就算真係去到那種情況。我都唔認為你會扮黃。事實上經歷過華格納事件，尼采已經完全明白到佢點解反對華格納。有了立場嘅人很難扮到冇立場。

我並不知道表明立場是否正確。但係人格之王是一個坦誠嘅人。也所以無法自我欺騙。明知道睇藍皮書會抑鬱卻假裝好似甚麼事情都沒有，這種事情也很難做到。立場就是如此清楚明確。也必然要提前警告。

整體上適合睇藍皮書有幾種人。第一種是對於黃子華不太狂熱嘅人。簡單來說，就不是黃子華嘅信徒。首先會唔會經常睇黃子華，例如一年睇幾次，如果是那麼就不是適合睇藍皮書嘅人。其實最適合嘅人就只睇過一兩次就算嘅人。如果一年超過幾次重複就係高危人士。

第二種就只睇過伊館冇睇過紅館嘅人。這種被稱為理性嘅人，我都覺得適合睇藍皮書。因為你未睇過紅館，根本上就唔知道我講緊啲咩。同時間呢種嘅人也被稱為過去嘅黃子華信徒，以前最多亦都係同黃子華支持得最多同宣傳得最多力果班人。只不過紅館之後就失晒蹤。

第三種嘅人係你睇完黃子華紅館棟篤笑覺得唔舒服嘅人。就係你聽完某幾句覺得特別哽耳，但係唔知道點解哽耳。那麼恭喜你！藍本書係特登為你而寫。因為藍皮書就係將呢種唔舒服嘅感覺不斷放大去寫，結果原因愈寫愈清晰那種感覺。

就好似你以為好理解但從不曾了解嘅一個人突然間好似很理解一樣。但有時候了解一個人並不是一件好事，睇唔睇這點就交給大家決定。

不過講真，到最後會睇藍皮書都係唔適合嘅人。所以不如提前打預防針係最好。基本上只要能夠理解尼采點解同華格納決裂，就基本上能夠理解我點解反對黃子華。

首先華格納是一個模稜兩可嘅人。忽然之間就墮落同頹廢，跪下基督教十字架面前。不再是漂流嘅荷蘭人而係一個大德意志民族主義者。由早年參與槍林彈雨嘅德意志革命，到最後成為忠實嘅保皇黨支持君主制。呢啲都係華格納嘅人格特徵。

第二點華格納係一個墮落嘅人。佢嘅藝術係非常頹廢，任何人接觸得到佢都會患病。也因此佢嘅歌劇都係病態。你要明白華格納係一個貪慕虛榮嘅人，自從係拜魯特興建之後，佢就只招呼皇親國戚再唔係就係社會有頭有面嘅人士。這些都令到尼采慢慢疏遠華格納。

華格納早期自稱漂流嘅荷蘭人，但到頭來佢只不過係戲子嘅暴君。係華格納身上沒有任何一件事情係真。到頭來佢根本唔係一個藝術家，只不過係一個戲子。藉着音樂去表演佢嘅個人show。

說謊、做作呢啲全部都可以華格納歌劇同音樂藝術可以搵到。要求觀眾要認真看待佢嘅歌劇，要觀眾要表現得熱情！以及要求觀眾要接納他嘅思想同價值觀。呢啲全部都係暴君嘅表現。戲子華格納只不過係一個暴君！而唔係一個真正嘅音樂家。擁有身為一個音樂家嘅良知。

尼采因為佢而曾經對於世界周圍嘅事物都失去咗興趣，甚至覺得厭倦！佢經常問一個問題，難道成個德意志就只有佢一個因為華格納而感到痛苦嗎。難道沒有一個真正嘅華格納信徒曾經為過去嘅華格納感到悲傷？

其實香港人自己並沒有好似香港人想像般一樣熱愛華格納。就連黃子華其實都唔係太鍾意佢自己。而人格之王也不是真的如佢想像般喜愛黃子華。

事實上我寫完藍皮書之後就已經冇再接觸黃子華。黃子華佢只不過係一種嘅疾病。唔接觸幾年就自然會病好。其實我們人生根本就唔需要黃子華，並不是我地人生不可或缺嘅部份。冇咗唔會死。但相反，就算冇咗我哋都可以繼續前進，真正可以尋找我哋自己屬於自己嘅道路。

有時候擺脫疾病，我哋嘅人生反而活得更好。不需要依靠任何人活下去是非常困難，但我哋也不能夠只依附他人身上活下去。只有擺脫對於他人嘅束縛，我哋先可以活出自己嘅藍天。

後續

至於threads發佈就算啦，反正我也不會期望你會有甚麼嘅回應。只不過單純嘅發佈社交媒體平台，大把人都不會回應粉絲嘅評論。而且我都唔會覺得你會回應讀者嘅評論。畢竟時間有限。而且情況都唔知道好唔好，到頭來好似電子書咁樣取消專心發佈一個平台，還是有可能。

有時候在想明知棄嘅可能性咁大，點解唔索性一開始就發佈係連登。這樣可能重輕鬆。畢竟踏出第一步，既然已經決定不如做盡啲。

不過其實冇咩用。因為社交媒體嘅發佈形式根本上就不是向讀者宣傳。到最後其實靠過連登接觸讀者，然後再係用facebook呢啲社交平台去宣傳。換言之，facebook係第二個基地。

而至於經營社交媒體嘅方式，比起發佈作品其實發佈作品嘅短句子更加有效宣傳作品嘅自身。換言之即係發佈大量嘅小文章，透過精美嘅文筆去吸引讀者，或者維持人氣或者同讀者之間嘅社交交流呢啲都係作者常用嘅經營策略。

個個都知道。但係問題我係一個作家而唔係一個明星。要每日好似係社交平台自言自語，分享自己每日嘅生活。呢點根本好難做到。而且這樣做也根本會拖慢我嘅寫作進度。

為咗人氣而拖慢進度根本就完全唔值，所以我並不會這樣做。到最後社交平台都只係淪為發佈書籍嘅工具。其實很大程度你根本不需要社交平台。沒有心經營社交平台，但係又係必須。沒有社交平台，實在很難一次過瀏覽我嘅書籍。而且單靠penana也根本無法滿足到作者同讀者嘅需求。

發佈書籍都需要平台。不過現階段也很難講。我比較相信到最後只剩下facebook同連登。但有時候都唔知會發生咩事，所以先要嘗試。不過我個人覺得悲觀較多。就係到最後全軍覆沒嘅可能性最大。不過這也是沒有方法嘅事情。

沒有人氣就係我嘅終生。不過呢啲都唔應該係我而家考慮嘅事情。而家最大問題係發佈作品嘅問題。很大程度上人氣係我發佈作品之後考慮嘅事情。

其實你也不是知道。發佈作品根本不需要很大嘅勇氣。只不過需要係明知道失敗也依然發佈嘅勇氣。講真，係香港作家可以選擇嘅方法根本就不多。網絡作家嘅局限就更加多。一係成功，一係失敗，並沒有第三條路好行。而且一旦踏出第一步就要不斷前進，沒有太多退路可揀。

不過比起這點，其實你都知道。失敗居多。尤其你這些長篇大論嘅文章，根本唔符合而家嘅審美觀。既然如此你還要寫作嗎？我嘅人生早就已經沒有退路。但就算是這樣，我都依然想尋找我自己嘅人生意義。所以就算一個讀者都冇，我都依然會繼續寫作。

嗯，既然一般嘅網絡作家嘅經營方法，你也不用理會。就目前來講都只考慮接觸大多數嘅讀者，之後嘅事情就發佈作品之後再算。

再者人格之王也不可能每日都更新文章。因為而家議會都改咗編寫作品嘅方式。因為之前寫文一個月，編輯一個月太過花時間。所以之後都好少編輯作品。

但係而家已經冇所謂。雖然唔係好似一開始慢慢編輯作品，但係而家呢啲作品都稍為編輯一下。因為已經唔趕時間。一開始想成為作家，所以寧願出多改少。但後來發現根本冇咩讀者。

但比起這點，其實最初我係諗住用三年寫晒啲書。但係而家就算比多三年我都好難寫晒啲書。所以索性慢慢睇同改。都認清事實。其實呢三年也考慮好多。之後有機會再講。比起考慮不如心態改變咗好多。

說實話。一個讀者都冇都依然寫書，這是我三年前都未諗過嘅事情。但我早就係中學時期就已經開始寫作，寫到去大專畢業都離唔開文字。有時候都會諗如果想要繼續寫作至少都應該成為一個作家。

但到最後並不是這樣。就算到最後成為不到作家，我也離不開文字。寫作就是我嘅人生。並不是我創造了文字，而係文字改變了我。一直以來都是如此。

無論遇到咩唔開心嘅事情，或者前路不定。文字不多不少可以給予我一些力量同改變。就算而家也是一樣。所以我堅信我可以繼續係作家嘅道路上繼續走落去。

其實我一直擔心我嘅寫作動機早就已經變質。雖然我一早都講唔應該在意人氣，但其實我從真正出書嘅第一步開始就不斷讀者嘅感受同角度。又邊可能真係完全純粹嘅寫作。

已經有影響，又點可以沒有影響。但係我相信沒有問題，因為人格之王是坦誠嘅人。到最後會冇問題，只不過要麻煩戰略家到最後還原這一切。關於動漫哲學開頭好似有寫得有啲長。我早就講過，其實cut完第二次解讀會好得多。

不過都係睇情況。始終人格之王係為咗自己寫作嘅人。如果沒有讀者其實都唔需要改。可惜作為新系列嘅第一本始終都要改。之後連登出算。至於其他其實問題不大，唔太需要第二次編輯，就咁直出。

其實我時常都覺得發佈作品是否是一個正確嘅選擇。說實話，我早就預料沒有讀者但還是想掙扎一下。到頭來這只不過是戰略家要考慮嘅事情。雖然就算是我也有向世人想表達的事情。

是否正確，因為我還未搵到正確嘅答案。而且我也很害怕被世俗所打沉。沒有讀者也不是一件壞事，但係問題最差嘅情況就係出名惡劣。你要知道華格納嘅音樂鍾意同討厭嘅人一樣多。只係面對這種事情應該是我嘅責任。好嘅聲音沒有就只有批評嘅聲音，如何面對大眾這是議會同作者都要共同面對嘅問題。

不過冇問題。事實上最擔心都唔係呢個問題。反而係人格之王社交能力零這個問題。害怕同社會接觸，這種嘅社交焦慮才是遲遲未發表作品最大嘅恐懼同阻力。問題不是生理，而係心理嗎。

其實寫完重序反而冇咁害怕。只不過就算再害怕都好，作為一個作家還是想自己嘅作品想多啲人去閱讀。不過其實只不過是發表作品，不是成功就是失敗。只要決定好形式，其實也不需要太多擔心嘅地方。

問題卻是之後。其實發佈格式早就一年前就已經寫好。但想到之後會害怕也是正常。也所以才會有呢篇重序嘅出現。其實寫完重序已經好好多。其實除咗多餘嘅嘢，頭幾千字嘅補充都已經大大降低恐懼感。剩底就只係完成剩下嘅序，按下發佈嘅按鈕。