《六日東歐第三世界遊》摩爾多瓦+蘇聯最後淨土

蘇聯食堂係咪類似波蘭milk bar嗰類嘢？

冇錯，係類似

嗰碟其實係咩嘢有啲薏米咁
如果唔係好少少嘅餐廳 摩爾多瓦/德河嘅食物係咪好難食？

好似係，佢煮得夠淋所以都唔難食。唔好嘅餐廳你意思係好平嗰啲？呢餐差唔多40幾蚊，算係好平下，有肉有飯有湯，味道唔太差

未試過去東歐
第一次去會唔會好高難道？
見你識外語都會miss車
最怕啲交通唔掂

我第一次去巴爾幹就直接去科索沃，所以高唔高難度係睇你事前規劃做成點，最緊要搵好晒時間。

Артем 唔識讀 我讀APT算

轉做拉丁字母應該係Artem

第六日，最後一日

呢日係星期日亦都係我走嘅日子，原本諗住去一間專賣蘇聯復古嘢嘅舖頭買啲手信，可惜佢收咗。退房嘅時候我嗰陣唔記得個老闆娘之前講過擺喺信箱，我於是乎撳鐘，嗰陣得佢個細路女，佢打俾老闆跟住出嚟收咗條鎖匙。

因為拖住嗰度篋，所以無謂周圍行。我去咗呢度唯一嘅超市Sheriff，Sheriff呢間公司喺德河沿岸共和國基本上就係一個財閥，佢由建國開始就已經壟斷晒所有行業，所有油站、超市，球會都係Sheriff，所以佢嘅總部係喺正蘇維埃大樓隔離，即係我hostel對面。超市入面冇乜特別，同一般東歐超市冇乜分別。跟住就去附近公園坐陣唞吓。

跟住就去到一間商場嘅food court食飯順手留喺度2個鐘等巴士同繼續出post。夠鐘就去巴士站上車，尋日買飛嗰個夥計好好人，佢帶我上車，因為去Chișinău嘅小巴有好多，但係架架時間都唔同。

今次出境，有個軍人上嚟收走護照唔使落去，跟住就成疊派番，每人輪流攞返。

返到Chișinău，去咗呢度嘅地標兩個都係荒廢嘅酒店，一間係荒廢咗好耐國Hotel Național，另一間係最近荒廢嘅Hotel Cosmos，嗰度因為荒廢所以積咗一堆道友、乞衣。Hotel național已經封咗入唔到去。

但係Hotel cosmos有分租咗啲舖頭出去。入面大部份嘢仲喺度。

去完就去食飯，跟住搭巴士去機場。機場check in個地勤見到我本護照有啲驚惶失措，打電話俾上司，個上司過嚟同我check in，再同個地勤解釋香港、台灣、澳門，中國嘅護照，做安檢嘅時候，我見到有一堆猶太夫婦，佢哋係好虔誠嗰批，即係戴黑帽留兩條小辮，女嘅就包頭，都唔係第一次見，上次啱啱到步機場，喺電話公司隔離就有個櫃檯寫住哈巴德Chabad，睇嚟呢度有猶太人嚟朝聖，Chișinău喺帝俄時代曾經發生過排猶事件死咗成千人。

就係咁，短暫而難忘嘅6日之旅就次告一段落。

完。

有冇計劃下次去邊啲歐洲特別/冷門地方？

如果烏克蘭打完仗，我會想呢個夏天去

亞洲人樣應該會幾危險，幫對家砌佢地

應該唔會，佢哋對於遠東嘅政治，唔會點理會，話時話我喺摩爾多瓦成日俾人以為我係中亞、西伯利亞或者土耳其人

烏克蘭嘅北約子彈made in Korea

然後北韓係軍援俄佬，我就唔敢搏當地人識唔識分你邊度黎，亦唔想呃人自己係黎自第d國家。
你如果睇樣就分倒d鬼係歐洲邊個國家黎都ok ge，我就分唔倒

打算下個月去
去埋德左留名

但諗緊如果用BNO入境
再用特衰去德左會唔會有麻煩(因為特衰無摩爾多瓦入去紀錄)
但用BNO應該去唔到德左(而家呢個政府環境會唔會有麻煩)
但又唔想全程用特衰

德河沿岸共和國嗰邊應該唔會理，你有本有效嘅護照就得。因為佢哋本身都承認雙重國籍，若果佢哋覺得你係英國人，咁你同佢講係香港護照就應該得。佢哋唔會特登留難你

我驚佢見西方護照
一陣有咩留難/當間諜就仆街
所以仲諗緊好唔好用本特衰(申請左但一路都無用過 唔想用)
德左我都係打算去一日 唔過夜

我都係英國飛去
而家見到多左兩間新航空公司由英國飛去 都係摩爾多瓦公司 除左wizz

感覺上德左好清楚自己定位，就係蘇聯主題樂園，純粹用呢點嚟R錢
都唔見得有咩機密收埋到

所以入境唔會留難你，喺入面唔好有啲太出位嘅行為就得啦

你咁樣講一講我先發覺，的確以主題樂園嘅標準嚟講係幾高水準，起碼像真度高過迪士尼，因為裏面嘅人真係喺度住。

你岩既
不過烏俄開打之後
英國護照holder好似有啲敏感

可能我諗太多

岩岩到左第一日
真係好多唔似呢度收入既人會揸既車
唔係過勁靚既車

但新既個時日本車都唔覺得呢度啲人揸得起
應該勁多非法野係呢個地方搞緊
一個嚴格黎講無無皇管既地方
入邊既貨幣係完全對唔到出去
講得出既都可以搞


Btw 答到你問題
用BNO入佢Show 咩

巴打變咗愛爾蘭人