《六日東歐第三世界遊》摩爾多瓦+蘇聯最後淨土

聽日先飛，今日開定先，可以講吓會去邊度，次序如下：Chișinău, Orheiul velechi, Mileștii mici, Comrat, Tiraspol, Tighina/ Бендерйи。比較期待嘅係去參觀酒窖同埋不存在嘅德攝斯頓河沿岸共和國。喺連登冇乜旅遊post講呢個共和國，只係搵到呢個：

「 LIHKG 首發」2016 "摩爾多瓦" 看佔中
https://lih.kg/10378
- 分享自 LIHKG 討論區

而家嘅摩爾多瓦應該比10年前好啲，至少首都市容會好少少。

俾住呢張圖先

Viutv以前有個節目介紹過, 但比較皮毛
期待巴打分享

ViuTV 嗰個未聽過，反而睇過無綫黃翠如做嗰個

留名

期待巴打啲靚相
注意安全

安全就實安全，啲俄軍應該未咁（全面）入侵摩爾多瓦

睇下仲有冇得換膠幣
買kvint酒，俄仔話俄羅斯賣貴好多，
可以去埋隔離bender個城堡，買返支錦旗

膠幣應該得返高登有，Kvint干邑喺Tiraspol幾出名，多謝推介

call車去隔離bender鎮會過橋，細心留意下會有坦克駐守

去Bender應該有巴士，亦都有啲渡輪（艇仔）過河，應該唔會同到佢哋打到招呼講句Слава Україні

404不存在國度

bald and bankrupt 令嗰條爛爛地嘅行人隧道變咗當地地標

而家係咪整靚咗

另外仲有個大廢墟，又係chisinau 名勝

去幾耐
比10年前好少少唔好都唔得啦 否則點申請入歐

未瞓醒睇到6日了
英國去嘅航班係咪好少選擇？

唔怪得之我個舊POST 有人REPLY 咗，原來樓主引用咗出嚟。



想睇10年後會唔會好啲！....

應該係阿妹拍嘅！

出發之前可以講吓摩爾多瓦嘅歷史，等大家有個概念，但係講摩爾多瓦一定要講埋同佢同種同源嘅鄰國羅馬尼亞。

喺古羅馬帝國征服咗達契亞(Dacia)之後，開始同化當地人同佢哋通婚，慢慢就演變成一班達契亞混血兒，佢哋同西班牙、法國一樣慢慢演變出一種當地嘅拉丁文，即都即係羅馬尼亞文，後嚟外族入侵外憂內患之下，羅馬帝國亦都推出達契亞行省。

最後就演變成3個羅馬尼亞國家，分別係瓦拉幾亞、外西凡尼亞、摩爾多瓦。摩爾多瓦喺俄國崛起，西征吞併摩爾多瓦之前，同外西凡尼亞一樣受匈牙利統治，及後就同瓦拉基亞俾鄂圖曼帝國征服。

但係喺17世紀嘅時候就出現咗一位羅馬尼亞史詩級嘅民族領袖勇王米高(Mihai viteazul)。佢係史上第一個統一三國嘅人，成為三國嘅共主，可惜只係得六個月就俾神聖羅馬帝國皇帝刺殺，怕羅馬尼亞統一後壯大，一發不可收拾。https://youtu.be/4gvbSYWUeh0?feature=shared
呢套係羅馬尼亞最大陣容嘅電影，傾全國人嘅付出仲有軍方嘅力量，可謂前無古人後無來者。

摩爾多瓦又再次陷入鄂圖曼嘅管治，事情一路去到俄土戰爭。當時俄國崛起，決定打敗原有嘅列強，擴充領土，鄂圖曼帝國戰敗退出摩爾多瓦同瓦拉基亞，摩爾多瓦同瓦拉基亞統一，建立羅馬尼亞，不過因為布加勒斯特條約，原先摩爾多瓦嘅東面會割讓俾俄國，亦都因為咁就埋下咗今日摩爾多瓦嘅地緣政治問題。


一戰結束，原先3個統治羅馬尼亞三國嘅列強都戰敗，因此羅馬尼亞成功唯一一次大統一，除咗瓦拉基亞同外西凡尼亞之外，仲將摩爾多瓦全境，包括冇割讓到嘅西邊同埋被俄國統治嘅比薩拉比亞(Bessarabia)同布科維納(Bucovina)。

羅馬尼亞可謂一戰嘅大贏家，戰間期因此亦都係黃金時代。可惜二戰羅馬尼亞傾到法西斯，到戰爭末期好似意大利一樣，國王決定轉陣投向盟國，作為盟國成員之一嘅蘇聯亦都因為咁而軍事佔領羅馬尼亞，蘇聯當然係唔會就此罷休，決定將比薩拉比亞同布科維納納入蘇聯，蘇聯將布科維納併入烏克蘭，至於比薩拉比亞嘅黑海沿岸俾埋烏克蘭，剩返嘅部份就成為咗摩爾多瓦。因為蘇聯每個加盟國並唔係獨立（雖然烏克蘭同白俄喺聯合國就各自席位，成為始創成員）所以無論屬於摩爾多瓦抑或烏克蘭都唔係啲咩問題。

但係去到蘇聯解體，所有加盟國紛紛獨立，烏克蘭同摩爾多瓦都只係按照蘇聯時期嘅領土範圍，所以摩爾多瓦嘅西面、北面同南面仍然分別屬於羅馬尼亞同烏克蘭。

至於德攝斯頓河沿岸共和國嘅出現，就係因為當蘇聯解體嘅時候，摩爾多瓦分成兩派，一派係以羅馬尼亞人為主，希望可以回歸祖國羅馬尼亞嘅懷抱，即係統派，另一派以蘇聯移民（俄羅斯、烏克蘭、白俄）為主，主張留喺蘇聯或者至少保留原有嘅共產制度，保持獨立，所以係獨立派。

統派喺脫離蘇聯之後直接將國歌、國旗跟返同羅馬尼亞一樣，並且以回歸為目標，至於獨立派就擔心共產制度會瓦解，造成禮崩樂壞嘅下場，仲有類似而家波羅的海三國對蘇聯遺民嘅系統性歧視。佢哋由於係技術移民出生，所以勢力範圍係喺摩爾多瓦唯一工業化嘅地方，佢哋喺俄國嘅支援下成功打敗政府軍，或地位王，俄軍就以維和部隊嘅角色駐守當地。

至於失去工業陣地同煉油廠嘅摩爾多瓦就一窮二白，成個國家都好似底特律咁，早10年政府都係親俄，同瓦路科維奇一樣極之貪污。但係更呢幾年親西方政府上台。簡單啲講摩爾多瓦除咗冇熱戰之外基本上就係一個細啲嘅烏克蘭。

我都係因為光頭佬而認識蘇聯國家，我基本上對嗰啲地方嘅認識都係靠佢。

Hotel Național仍然都係荒廢

直航淨係得Wizz Air

lm

呢個國家以國力 生活水平計可能算係「歐洲最差」
睇過DW報道 好似大陸偏遠地方咁 唔少父母去西歐做勞工/辛苦工 啲細路做留守兒童 父母幾年先返去見一次仔女

巴打搭架機多唔多人去

未入禁區，暫時未知。記得以前仲好興賣血、賣器官，做人口販賣，真係好似中國啲貧困地方

啱啱上咗機都頗多，聽到唔少人講俄文，講羅馬尼亞文嘅都有

呢個國家素有「位於歐洲嘅非洲國家」稱號

會唔會去東正教堂參觀？記得巴打係東正教徒

未必，因為所有摩爾多瓦出名嘅修道院/教堂全部都係喺西面（羅馬尼亞境內），今次未有時間去到