屁股同好痛 唔知係唔係梨狀肌症候群

前一排個pat周不時就會痛 特別係揸完車起身果下好痛
之後冇咩點理 過左一兩個月就冇咩事
近排有次上一上山 又好似整親番 幾日前就開始少少痛 咁就去左按摩
之後每日開始痛多少少 我就跟上網梨狀肌症候群果啲拉下根咁都冇咩幫助
依家坐係到5分鐘以上一起身就痛到死 係痛到後腿同腳掌麻曬
只要我一伸直隻腳就開始痛 但一訓低就冇事 例如朝早一起就冇咩痛 一到夜晚就特別痛
依家feel到個pat好似熱熱地有啲發炎 唔知有冇人有相同既情況可以交流下?我應唔應該繼續拉下筋定比佢休息下好 同我有用冰冰敷下但好似仲痛左
我諗住過左幾日都係咁痛就搵醫生睇下

Gay?

叫你男朋友唔好插你屎眼住
你插佢先囉

睇醫生啦屌

聽落同坐骨神經/椎間盤突出有關
早啲睇醫生睇吓咩事，如果係椎間盤突出，及早處理就控制到
搵個骨科醫生，照次MRI睇睇條腰

利伸：重症椎間盤突出，啱啱做完手術無耐

職業司機定久坐？呢兩樣好易出事

同你有相似問題，我就似係髖關節發炎硬曬咁，去公立照過x-ray話啲骨冇事，求鳩其開啲止痛藥打發走

而家靠自己拉筋睇下點樣拉翻鬆😭😭

唔好再拉筋，發緊炎果陣再拉只會愈拉愈痛
而家最好睇醫生食啲消炎藥+肌肉鬆弛劑
食完唔痛就可以拉筋
食完都痛嘅就睇物理治療/中醫（咪睇脊醫，晒錢）

另外仲要練core，好多腰痛/坐骨神經痛/pat pat痛都係因為core太弱而造成

唔係職業司機 都係揸車番工放工
之前唔點理佢自己好番
諗住過幾日都係咁就去醫生睇下
你有冇訓一訓又好番啲 夜啲又痛？

係我之前外國讀書日日做gym 但番左香港懶左好多
肥左唔少 又成日腰痛冇練腳
訓醒一教就冇咩點痛 但係一起身feel到啲血係咁沖落隻腳果到 希望一陣唔好咁痛

正骨咪搞，一係物理治療，一係自己上網睇下拉筋動作做一排，睇下會唔會舒服咗。

如果有保險/有閒錢想知究竟咩事，就去私家照MRI睇下神經有冇受壓或者軟骨有冇發炎

拉一拉大腿筋同屎忽會好啲
第二日緊翻就會痛
向後傾特別痛
就咁正常企冇事
坐低又會少少酸酸痛痛
但冇主動向後咁痛

99%係梨狀肌
手尾好長

當年中過, 靠中醫按摩 + 自己拉筋先好番
都玩左成年

你係週期性發生？睇咩醫生？

你果陣有咩徵兆？

打乞嗤pat會痛？瞓少少硬既床，起身會痛？

會 一起身就唔會點痛
架車比較低身 一坐落去左腳上先 右腳再上就開始痛
特別係一上車頭1-2分鐘右腳feel到好似條筋扯住扯住咁
之後一落車 右邊pat會開始痛痛地 係好刺痛 之後行一陣就冇痛

我反而係向前傾痛 特別著褲果時

同我好似，佢個痛好週期
痛一個月，又唔痛幾個月
唔知咩動作引發，點搞好

約左聽日去睇普通科 攞refer letter去睇physio
依幾日都係咁痛 頂唔順了 食左止痛藥有好少少 不過都係斷唔到尾

上個月開始都係咁
去左睇針灸，做左3次，每次都有進步
但最緊要都係要做返運動同埋要坐/企既姿勢要改善

介唔介意講係邊到睇？

我三年前試過，中醫，物理治療…..咩都試過，最後要去中大醫院打prp

其實我都唔睇咩科先 我book左聽日睇普通科
我諗住問下個醫生睇咩科好 我都唔知係梨狀肌症候群定坐骨神經痛
依家朝早企起身Feel到一啲血沖落隻腳就開始痛痛地
番工坐一陣就開始痛 收工番屋企一坐就開始好痛 訓落張床到就冇事
同係起身果20秒先痛 行順左又冇事 真係好煩惱 痛左成個禮拜都冇咩點好

政府普通科都係轉介你骨科和物理治療，消炎葯都唔係點幫到手

呢d野唔理會積埋積埋
發炎就睇中醫啦，好番先拉