病態老師 續

第十四章

「Kane，即係咁，你會唔會覺得其實女神係對你有感覺呢？」

回到現實，Max打斷我嘅故事，唔知點解同佢討論嘅內容無論係咩話題都好，最後都係圍繞住啲女。

「其實，連我自己都唔清楚！果下我只係諗緊喜同惡，然後就沒有然後了！」

「你係咪白痴嫁，佢好明顯就對你有嘢啦，你扮乜嘢哲學家姐，你又唔識延伸話題，唉.....咪話我唔點精你，單身係有跡可尋嘅。」

我完完全全進入沉思狀態當中，對於我同喜愛以及厭惡其實係存在嘅，只不過活咗同耐人無真正問自己想要同唔想要嘅。

「於我而言，女神就係喜，咁豬扒就係惡......」

「喂喂喂，你好似斷咗線喎，無事呀嘛。」

唔知係咪酒精嘅關係，對於身邊嘅環境我完全感受唔到，只係活喺自己嘅世界自說自話。

「既然你咁堅持，咁你繼續分享你嘅故事啦......」

————

「終於又到咗收工時間了！」

我望住眼前全部已好嘅簿，伸咗個懶腰，示意自己做好哂今日要做完嘅事務，正當想收工之際，

「Kam Sir，有個學生搵你，又係問數果一位呀，你依家方便？」

呢句話由書儀道出，我心目中問咁多次數嘅都係得佢一個姐——Candy。唉，明明係收工時間，不過同類型嘅事件都唔係第一次，所以我已經習慣咗。

「有咩幫到你？」

「我想問呢一條點做......」

「呢條數嘅方程係咁寫......」

就算係一塊唔討喜嘅面，老師嘅責任係為學生解除學術上嘅疑難，就算係唔情願，我都會盡全力協助，因為呢個係我嘅職責。

「......最後會得出根嘅數值，Candy，你明唔明！」

「嗯！」

正當我轉身離開之際，Candy再次再口。

「阿Sir，介唔介意同你傾一陣？」

我都未反應得切，Candy已經發表佢嘅「偉大言論」。

「我有啲嘢想講，就係點樣去識朋友？」

原本番完工番到精神疲勞嘅我聽個呢句問題之後成個人醒哂。主要係表示有啲啲驚訝，我咁大個仔都係第一次聽到呢條問題。

而我識朋友嘅宗旨就是，合則來，不合則去。格硬為咗識新朋友而放棄自己做人嘅原則，我寧願寧缺勿濫。所以我識嘅朋友得阿Max，書儀都叫做熟啲嘅，應該係！

「人夾人咁，夾得嘅自然會啱傾，無咩技巧可言！我咁睇！」

「阿Sir，咪玩啦，平時上堂我雖然做數，但我一直都有留意你同啲女同學有來有往，不如你分享啲秘訣啦！」

原來Candy指嘅係我同學生混熟睇咗成交朋友，睇嚟佢入世未深，忘記咗我係以老師身份認識學生，呢個正正係工作需要至必須同學生混熟，咁當然我願唔願意同學生打好關係？呢個係後話。

「其實都係多溝通，促進一下交流，無他！」

「哎，我都唔明點解明明我同同班女學生都係女人，點解我嘅待遇會咁差？我發現到阿Sir你好少對住我笑，但對住其他女同學就似見到老朋友咁好開心同埋表現得好熱衷！」

唔知係咪我估錯，有種感覺係Candy妒忌緊Brianna同Eve佢哋嘅命運同佢遭遇嘅唔同。

但諗深一層，每一次佢一開口都係以索取為目的，又唔顧及人哋感受。見到你就好似見鬼咁，咁緊係唔想同你做朋友啦，我咪活生生一個例子，我只係盡我職責至應酬你一兩句。

「有陣時，呢啲嘢都係雙向嘅，有付出至有收獲！」

唔知係咪呢個建議踩親佢條尾，佢只係比咗個嬲嬲表情。喺網絡世界上，如果一個毫無好感嘅人露出不滿嘅表情，叫到西面，而做得出呢種表情只會令人反感。

「哼，阿Sir你都係唔識氹女仔，算啦！」

聽到呢句，我無言了，就算識唔識都好，你永遠都唔會係我嘅目標，我選擇沉默。我知道如果要同佢理論，天黑都唔會番到屋企。

「Candy，時間都唔早，如果你無數學上嘅疑難，再加上都夜，不如你收拾一下書包，好好食個飯，休息一下，你做數都做得比較耐，養足精神準備聽日嘅課堂啦！」

我見Candy都無開口，我決定先發制人，結束話題。

「哦！」

於是Candy就離開我視線，準備入課室。

我鬆咗一口氣，終於唔洗再面對一啲好Kam嘅問題，至少今日唔需要住。

點解唔係Eve？

如果呷醋果個係Eve，我會出盡九牛大虎之力令塊面㷫烚烚嘅Eve變得滿面通紅，用我嘅言語技巧。

識唔識氹女仔，從來唔係技術問題，而係心態問題。

亦可能就係呢句無心之失，做就到日後我職業生涯上染上污點。

第十五章

「呢件豬扒，根本不值一提，講唔講都擺啦！」

Max搖搖頭，擺出一副無興致嘅樣子。

「死狗公！」

一諗起Kevin，我面目猙獰。

「又有大單嘢發生喎好似，唔知點解自從你入職做老師之後，每日好似坐過入車咁，點都有一段難忘嘅經歷咁！好彩，我自己果邊就平平無奇，平淡是福。」

我無奈咁嘆氣，校長仲叫我參考一下Kevin嘅做法就係學生之間開一個讀書會之類。名義上係溫習但實際上變咗搵食嘅藉口。

「咁我繼續講番呢段故事......」

————

講到溫習小組，我第一時間會諗起Brianna，雖然佢的確係有好多嘢問，但起碼自己都會喺考試做少少溫習。至於點解唔搵Candy？大家都係讀書人。算啦佢就，一嚟佢想自己溫，二嚟Brianna嘅號召力比較大，只要佢一開口點都有人會跟佢。

對！我依家就打算同Brianna商議呢個方案。好死唔死我見到個我唔想見到嘅人同埋佢身邊果位正正係我朝思慕想嘅人一齊——Kevin同Eve。

我先係有個疑問就係佢哋點樣認識對方，再諗諗下Kevin係發起人，識到其他班唔係一個問題。但我接受唔到嘅係佢哋竟然熟到呢個地步。

之前同Kevin發生咗啲磨擦，原本只係想掂行掂過就算。但好景不常，面對Kevin嘅挑釁我只能接受。

「Hey Kam Sir！」

「嗯。」

「當日你鬧得我好啱！」

「你想表達啲咩？」

「經過果日之後，我反省自己嘅所作所為。明白我唔應該一廂情願，用自己認為啱嘅方法追女仔，咁樣只會呢到個女仔感到反感。」

佢內容果位女同學正正係Brianna，我一直無出聲。

「之後我決心唔再將時間放喺追女，而係放喺學習，裝扮，興趣等方面，我發現到一啲好有趣嘅事。正正因為我呢段時間提升自己能力，喺際遇方面有正面回饋。校長睇得起我嘅學術方面嘅能力，話會幫我寫信，只要喺公開考試攞到最低要求就會有大學破格取錄我；另一方面，身邊嘅同學都紛紛同我打好關係，由本身係邊際人成為班中嘅焦點，唔好話自己班，其他班都一樣。你話係唔係，Eve？」

令我暴走嘅唔係佢口中嘅經歷，而係佢嘅行為。Kevin一手攬住Eve條腰往佢果面，Kevin塊面緩緩傾向Eve條頸索佢浸除。令我既驚訝又嬲嘅係Eve竟然無一絲抗拒嘅表情。

「停手！呢到學校嚟！」

Kevin聽到我嘅命令，佢個頭慢慢望住我，見到我暴走嘅表情居然陰陰嘴笑。

「我身邊果位都無問題，憑咩要你個外人介入？好坦白說，只要你情我願嘅情況之下，我做咩都唔關你事啦，Kam Sir！仲有一個道理：女唔係溝番嚟，係吸引番嚟！」

「簡直一派胡言！」

道出呢一句話正正係Brianna。只見Brianna氣冲冲咁衝過嚟。

「就算你真係得到全世界，你都唔會得到我嘅傾慕，你呢個變態佬！」

只見Kevin一面冷笑，好似睇透咗世事咁。

「過去嘅感情真係咁重要？Eve，既然你啲朋友嚟咗，我走先，轉頭再傾！」

「Eve，認真咩？佢係跟綜狂嚟！」

Kevin走咗之後，第一句開口嘅係Brianna，呢句亦係我想問嘅問題。Eve都知道Brianna所問嘅正正係同Kevin做朋友，又或者係做女朋友。

只見Eve微微一笑，並無正面回答。之後就穿過我哋行入課室。

我唔係好明白Eve內心嘅諗法，唔通好似Kevin所講，因為佢嘅影響力而對佢傾心。我接受唔到呢個結果，乜Eve係啲咁膚淺嘅人嚟？單靠片面之詞，我唔能夠咬定佢同Kevin係一齊咗，唔排除想做場戲比我睇以報之前記佢缺點一事。如果真係一齊咗，我都無得抱怨，坦白講我同Eve又未去到真係曖昧到做男女朋友，極其量只係做到朋友。我好唔甘心，點解我唔做主動嘅一方，話唔定我就成為佢另一半。

「Kam Sir，咁做真係好咩？」

道出呢句話唔係Brianna，而係Destiny。

「我唔係比咗消息Kam Sir你咩？Kevin依家同校長行得好埋，你得罪佢，你其實唔驚比人照肺咩？」

「唔通我眼白白睇住佢串我又唔聲？」

「係唔係呢個原因我唔清楚啦。點都好，根據我嘅小道消息，其實Eve同Kevin未去到真係一齊嘅！但有機會係曖昧中囉！」

聽到呢句之後，個心安定落嚟，最起碼佢哋唔係一齊咗。但我都唔可以掉以輕心，唔排除之後真係一齊咗，再加上我諗唔明嘅係點解Eve嘅諗法，唔通我同佢嘅關係慢慢疏遠咗而我自己唔知？

「我要同佢傾下，我要講比佢知Kevin係點嘅人，我唔想有下一個犧牲者。」

Brianna喃喃自語，無理過我同Destiny咁走入課室。

「Kam Sir，你打算點拆？」

唔知係咪我錯覺，Destiny問呢句並唔係關心我而問，而係純粹想食花生而已。

「咩點拆，呢單野我自己會處理！」

我唔打算將下一步講比Destiny知，反正佢都只不過想湊下熱鬧咁。唔理校長同Kevin嘅關係點，我都有責任指出佢嘅行為，係學校攬女。

本來我打算喺佢哋放哂學至向校長匯報，但遺憾嘅係發生咗另一單大大獲嘅嘢。

第十六章

「Kam Sir，你依家方便喺校長室？我有要事要搵你。」

簡直求之不得，收到校長嘅訊息之後。我上完堂之後用最快嘅速度快去校長室。

奈何地，校長室入面除咗校長之外，仲有我個學生Adolf。

「Kam Sir，啱啱收到學生通知，Adolf對Kevin出手，仲打傷咗Kevin，Kam Sir，我想了解一下啱先小息係發生咗咩事？」

正當我打算整理一下事情之際，Adolf已經開咗口。

「Kevin喺我面前講咗啲對Kam Sir唔好嘅說話，令都我唔高興 ，一開始我只係想阻止佢，但後尾佢肆無忌憚笑Kam Sir溝學生妹之類我就忍唔住出手。」

「Adolf，就算Kevin講啲嘢幾難聽都好，都未至於郁手，依家就變咗你唔啱。同埋你可以同老師協助，而唔係用自己方式解決。」

講真，校長你咁攬Kevin，就算Adolf真係同老師講，你估啲老師真係會幫佢咩，哂氣！

Adolf自知Kevin唔係一個好惹嘅人，所以啱啱都只係好平舖直敘咁講成件事嘅經過。

「嗱，Adolf，你入嚟之前，我同Kevin了解過，佢有講過，只要你肯同佢抱歉，佢可以當無發生過，佢都明白你只係一時嘅衝動。」

我見到Adolf瞪大隻眼，一面不可思議嘅樣。唔係因為無懲罰嘅關係，而係面對挑起事端嘅人抱歉係天方夜譚。

「Kam Sir，你點睇，我明白做第一個開口嘅係難啲，所以如果Kam Sir方便嘅話，陪一陪Adolf。」

呢一刻我開始明白Kevin嘅目的，佢根本就針住我而嚟。如果Adolf講嘅係正確，而佢同Kevin道歉，咁即係我溝學生妹呢個就變咗正確，Kevin，算你狠！

「明白！我會再同Adolf傾傾！」

於是，我同Adolf一齊離開校長室。

我一打開門，第一眼見到嘅就係Brianna。

「阿Sir，結果點呀？Adolf，你又係嘅，點解你會咁衝動姐？」

Brianna心入面顯得好焦急。就算唔係佢嘅事都好，只要係身邊嘅人發生咗事，佢嘅心情同當時人同步。

「小事嚟姐，只要Adolf同Kevin講句Sorry就無事！」

「點解要我講喎，明明錯嘅都唔係我！」

畢竟Adolf係一個個性衝動嘅人同埋有少少自我，面對唔公平嘅事佢係唔會咁容易妥協。

「阿Sir，我都係咁話，好地地咁做咩要撩起Adolf把火先！」

我無理會佢哋嘅抱怨，一單孤行咁落決定。

「Brianna，Kevin喺邊？」

佢哋放棄咗掙扎，Brianna帶咗我哋搵Kevin。

「比校長訓話嘅滋味如何？」

雖則平時都比校長訓話慣，但聽到學生講風涼話，心入面一啲都唔好受。

「卑鄙小人！」

只見Brianna一面漠視Kevin，話亦唔多講一句。

「其實我個人就好簡單，只要我得到Brianna，所有嘢我都可以當無事發生！」

「你講咩話？」

Brianna同Adolf異口同聲咁講。

「坦白講，雖然我身邊嘅異性緣多咗，但我有一個信念，就係只要自己睇得上眼嘅就要得到手，其他女都只係逢場作戲而已。我唔介意為咗你而成為專一，我會一生一世咁對你好！」

佢一句逢場作戲，令我諗起佢同Eve一齊嘅畫面，認真由至可，玩玩下我完全接受唔到。

正當Brianna同Kevin開火之際，我先咗上前，做出單膝脆嘅動作。

「Kevin，如果之前有啲咩冒犯嘅話，我正式同你講聲對唔住，同一時間，我亦代表Adolf道歉。但我希望你唔好對我學生出手。Kevin，你都就畢業，我希望你明白，愛情係兩情相悅產生出嚟嘅感覺，如果你只係為咗得到佢嘅人而唔係佢嘅心 ，即使成功咗，時間都唔會長遠。Kevin，其實你都係聰明人，多一事不如少一事，你資質都唔差，不如掌握呢段時間好好溫書，第日升到大學之後你至揀女朋友都不成問題。」

Kevin見到我脆低感到愕然，可能第一次見到老師親自認錯。

「聽日我會同校長解釋番，但唔係代表我放過你。只係我心情舒服番而放你一馬。係咁！」

「Kam Sir，我想申請聽日請假！」

Kevin離開之後，Adolf第一個開口。

「始終今天受到太大刺激，我想用一日嘅時間cool down一下！」

說罷，Adolf亦離開咗我視線。

依家只有我同Brianna。

「阿Sir，我有啲嘢想同你講！」

新一年，祝大家心想事成

第十七章

「哇，一個就為咗條女就同MK仔罵戰，另一方面就為咗你嘅聲譽而同佢隻揪！得罪問句，有無邊一日係平平穩穩咁過？」

Max指嘅MK仔正正就係Kevin。

「唉，本來我以為呢單嘢已經夠大單，但戲玉陸續有嚟......」

————

「阿Sir，行快啲啦！」

Adolf走咗之後，Brianna心情變得好焦急。佢隻手扯住我件衫角一步一步咁走上去天台方向前進。

上到天台之後，Brianna至鬆開手，佢面向住我。我隱若見到佢面部有少少紅潤，我估計係佢嘅怒氣未燒嘅緣故。

「因為啱啱嘅事？」

Brianna先係默不出聲，忍住淚水。然後至氣爆爆咁講。

「明明都唔係你問題，點解要低聲下氣？」

我明白Brianna嬲嘅位係邊。點解我會同Kevin抱歉，明明係Kevin先撩者賤。仲要喺我面前同Eve唧唧我我，如果唔係Brianna出現，受罰果位應該係我。

為咗學生嘅前途，身為老師嘅我寧願放下身段，明知呢件事錯不在我方。但學校係社會嘅縮影，我不得不向現受低頭。

不過，撫心自問，我一定係吞唔落呢一淡氣，持住有校長撐腰就喺到蝦蝦霸霸。

「算啦，多一事不如少一事啦！最起碼依家Adolf都無事啦！」

「阿Sir，我都係第一次見到你為咗學生做到咁盡，我見到你跪低求人果一下，唔知點解我個心好痛......」

Brianna一面講一面哽咽。我喺到諗明明受委屈但表現得激動嘅反而係Brianna。

「你冷靜少少先，有咩事慢慢講......」

「你叫我點冷靜呀？我反而唔明，明明你係受害者，點解你可以咁冷靜？」

話哂我都係老師，假假地都係成人。點都要做番個成熟嘅款縱使係扮出嚟都好。

我無出聲，任由Brianna宣洩佢嘅情緒，直到完畢後佢至心平氣和咁講嘢。

「阿Sir，今日你會唔會覺得我好奇怪？」

「同平時嘅你的確係唔同咗但唔代表奇怪，每個人都有唔同嘅面具，因應唔同嘅場合就會戴上合適嘅面具去形合，無咩話怪唔怪，個人睇法！」

「阿Sir，有句話我一直想同你講好耐，希望你花少少時間聽一聽。

原來我係一個對學習唔係太熱衷嘅人，雖然未至於唔學習但係我生活好似缺少咗一樣嘢。自從阿Sir你出現之後，用幽默嘅方式教書，漸漸令我鍾意咗學習，以及阿Sir不經不覺就行咗入我嘅世界。再加上呢幾個月嘅經歷，我發現我唔能夠忘不了記你，覺得你係值得依靠嘅男人。

我好想成為你最重要嘅一部分！」

聽到呢段似是疑非嘅表白，我先呆咗一下，之後係驚訝。點都估唔到好似我啲咁嘅人都會有人鍾意。雖然Brianna外表坦白講係校花級，受到大部分嘅男學生垂青，但理智嘅我講比我知，學生妹係唔溝得，或者再準確啲，只有Eve至係我追求嘅對象。

我深一深呼吸，平心靜氣回答Brianna對我嘅愛意。

「Brianna，多謝你對我坦白同對我有正面嘅睇法，我聽完之後係開心嘅；但我都好坦白咁講，Brianna，你依家仲好細個，入世未深，我明白呢個年紀嘅年青人對長輩產生愛慕，但你要諗一諗，愛情係對等嘅，你睇得上人哋嘅優點嘅同時，你都要呈現自己嘅優點。咁樣雙方而行，關係先至長遠。」

雖然我苦口婆心講嘅一道理，Brianna好似一眼睇得穿似嘅。

「我明白嘅，喺你眼中，我仲係一個細蚊仔，所以阿Sir未必睇上。但我只係信一半，其實喺阿Sir心中，已經有對象，而且同我同級嘅，可唔可以講比我知？」

即使Brianna並無展現出強勢，但口中卻咄咄逼人，只要聽唔到心中嘅答案決心唔會離開。呢一刻我知道，我就算點兜都好，佢都唔會信。

「Eve...」

我思考咗一陣，最後吐出Eve個名。

試下po Penana。果度比較啱你個故嘅target audience。

謝謝你的建議

啱先update咗頭十章嘅內容（之後會陸續更新）
以下為penana條link:

https://www.penana.com/story/171508

有興趣睇嘅讀者可以like, comment, share。

有你哋嘅支標係我創作嘅推動力

第十八章

「所以之後佢知道個真相之後咪好嬲？」

「咁又無，但佢眼濕濕咁強忍住淚水講聲『原來係咁』，之後急急腳走咗！」

「你睇睇你，笑笑下出感情你講點算。不過你又係嘅，好地地做咩咁誠實答佢有對象姐，呢啲唔見得光嘅事自己知咪算！但我都估唔到你會對四眼畫師有感覺，鬼馬喇你！」

我唉咗一口氣，思考良久，我終於開口。

「真係世事難料！我完全感受唔到女神對我嘅好感，我仲以為呢啲係朋友至做嘅信號。」

我回憶番Brianna對我嘅互動、感情、交流，後悔無一早察覺佢嘅動靜。

「雖然我咁講有啲衰，但講真，識你咁耐都無聽你講你溝到女，但居然有學生妹搭你糖，犀利犀利！你係呢個年齡層嘅男神嚟。」

「男神，我唔敢當，但後續嘅『果』我硬食哂......」

————

Brianna表白完之後，我當然有為呢件事而煩惱，我無形之中傷害咗佢。只怪我母胎單身咗近三十年，完全唔識睇人眉頭眼額。

「好似玩出火！」

我喺屋企入面自說自話。本來想send信息比Brianna但一諗起令到佢傷心嘅源頭係我嘅時候就打消咗個念頭。

我開始質疑自己係咪唔適合做老師。

先講工作能力，明明自己盡全力處理日常事務，但校長永遠只會覺得自己嘅能力達唔到佢嘅目標，呢種無力感累積足足三年。

之後就社交方面，除咗書儀之外，幾乎係唔想同其他人有接觸，原因都不外乎一提起你個名都係收order做嘢，仲要係幫佢哋做嘢，一諗呢啲我就覺得好煩。可能我內向嘅個性唔鍾意搵人幫手，所以我好少會對外尋求協助。

學生方面，心照啦，番番下工對Eve有非分之想仲要無啦啦比Brianna表白，當正學校就搵食場所咁。

我愈諗愈內耗，我不斷回憶起以往工作種種嘅不愉快。雖然表面表現得無所謂啲樣子，但內心其實係受到好大嘅打擊。

INFJ，十六型人格嘅其中一個。只鍾情於自己嘅世界，對外界嘅活動同人際關係一啲興趣都無，對身邊嘅人和事表現冷漠嘅個性；一旦建立咗關係，身為INFJ個性嘅我就會傾盡全力，解決佢哋煩惱（包括傾聽煩惱）。

「我幾時開始對呢班嘅學生上咗心？」

我回憶起對Adolf講人生經、鑑賞Eve嘅畫作、協助Brianna搵出滋擾佢嘅真兇等等，呢啲都係對佢哋產生咗「喜」而犧牲自己嘅時間都值得。

「Brianna應該喊到收唔到聲，對吧！」

其實我只係想同佢講聲對唔住，係我唔識分輕重而傷害咗你。

諗深一層，我唔應該再消極，我應該積極同Brianna親口講一聲Sorry至啱。

但第二日番到學校至係噩夢嘅開始。

第十九章

到咗第二日，一如以往我準備好教材番課室準備。但唔同嘅係，今日上堂嘅氣氛有啲唔尋常。

「咦，主角登場喇！」

「好羨慕呀，我都想做佢另一半！」

「唔知尋晚佢有無着落呢？」

教書嘅時候，我隱約聽到學生竊竊私語討論緊我，但當我行過去嘅時候佢哋就立即停咗手。

Adolf之前提及過佢今日請咗假；Eve反而無受到環境影響，繼續創作自己嘅畫作；Candy都一樣，佢專注落佢嘅學業到。只見Brianna舉手叫我，不過唔同嘅係佢唔再好似之前咁面帶笑容。

「阿Sir，我喺屋企有條數唔識，我影低咗相，介唔介意開手機比你睇睇？」

表面上Brianna係問數，但實際上佢係將我哋學校Secret嘅post比我睇。

「最受學生歡迎嘅老師——Kam老師跟女學生幽會？！？」

內容都係一啲嘩眾取寵嘢，講咩我點樣溝到女學生一齊之類。再睇番張相，我有一個先入為主嘅想法：條友識唔識渣機？張相只係將我個樣對焦，反而身邊嘅女學生（Brianna）就唔係照得好清楚，亦都解釋點解淨係得我做咗主角而Brianna無嘅原因。講番重點，相入面只係影到我同Brianna喺天台對望嘅畫面，果陣時係黃昏，夕陽西下。

單睇呢張相其實唔代表我同Brianna有路，但其他人又點會理事實嘅真相，喺呢個有圖有文有真相嘅時代，只要篇文寫到似層層，真相係點根本無人追求。

我大概了解成件事嘅來龍去脈，我發誓要將真兇搵出嚟！

手機震咗一震，得個知係校長嘅信息。大概係關於我同Brianna尋日喺天台見面一事。

於是我到咗校長室，只見校長面嚴肅望住我。

「Kam Sir，你可唔可以解釋一下！」

校長並無引入一啲嘅開場白，比咗secret嘅post比我睇。

「我無嘢想補充，我只能說我同佢最多係朋友並無變成師生戀嘅打算！有關網絡上中傷我同當事人嘅言論，我發誓會搵番個兇手出嚟！」

校長見我堅定嘅眼神，只係嘆咗一口氣。

「真相係點，真係只有你至清楚。你知唔知你今日成為咗成間學校嘅焦點？無論係老師定學生，都傳出你鍾情於食學生妹呢個言論，我好怕影響到學校嘅聲譽，不如你先休假，等到消息丟淡咗再番嚟！你點睇？」

表白上呢條係一條問題但事實上已經有既定嘅答案，就係要欣然接受校長嘅建議，咁當然會扣番我啲AL假。

我呢一刻懷疑係咪Kevin嘅傑作，話哂尋日同Kevin有口角之爭。其次就係，人言可畏，一張圖再加一堆文字就會引起大眾討論，受害嘅往往係當事人（好彩嘅係影唔到Brianna，唔係我擔心佢會做傻事），做就到影響我嘅生計。我發誓要將會真兇搵出嚟......

————

「即係話你依家係狀態係半辭職咁話，名義上你係老師但當扣哂啲AL之後，你就成為咗量地官。我真係估唔到你比人咁大整蠱！明明你做嘢比人多但獲往往由你揹。認真你搞掂咗呢單之後好好諗下你打唔打算繼續喺呢間學校做！」

Max都講得有道理，我自問自己都係勤力嘅但獲得嘅成就往往唔夠其他人多，或者就係因為自己唔識同人社交同相處，往往將自己成為圈外人，有好嘢自然唔會輪到自己啦！

「振作啦！除咁呢一句我都諗唔到講咩好！你當係放個長假比你思考一下有啲咩係你真正想追求啦！」

「係！都夜啦，聽日你都需要番工。我都需要沉澱一下呢幾個月所發生嘅事！真心呢份工令到我身心都有啲疲累。係時候比少少時間我休息一下。」

我同Max分別之後，喺我回程嘅期間，我收到Adolf嘅訊息......

「Kam Sir, 我聽番Brianna同我講咗你做咗Secret嘅主角之後無再喺學校番工，我同Brianna都想見一見你，唔知可唔可以？」

我應承咗佢哋之後相約咗係一個快餐店到等。

我依家叫做休假狀態嘅關係，成個朝早不所事事，去到下午至見到佢哋。

「你哋嚟咗喇！」

「阿Sir，對唔住，係我累咗你！」

Brianna率先同我道歉；比起以往嘅關係，依家好明顯比較生疏。

「唔係你嘅錯，我知你都唔想嘅！」

我安撫Brianna不安嘅情緒。

「Kam Sir，我哋今日轉咁由第二位老師教我哋，人夾人果然係無錯。呢份老師教得好悶，佢只係識照書讀！好想快啲Study leave！」

「阿Sir，唔知你幾時再番嚟？」

兩位明顯地唔係太滿意學校嘅安排，既然我同佢哋都熟絡，我決定將真話講出嚟。

「吓，佢哋依家仲有講緊你嘅嘢喎，就連老師都拎你嚟抽水，仲話我哋大個咗唔好溝學生妹咁話喎！」

聽到Adolf講嘅嘢，完全闡述「人走茶涼」嘅意思。

我不禁嘆咗口氣，但我依家做嘅都係等消息番工。

「Brianna，我一定會搵出個兇手。不過，我都需要重整一下事件......」

我分析事件嘅經過。

「首先係Brianna同我去咗天台，果時太陽就嚟落山，應該係果陣時比人偷影。我好好奇想知嘅係，佢點樣知道我同Brianna喺天台，同埋點解張相只係聚焦落我身上？呢一點我有啲好奇。」

「會唔會係佢唔想比我哋知道佢嘅存在，話哂天台道門開關比較大聲，如果為咗影得清楚嘅情況下要開門偷影，我哋會察覺到佢嘅存在。另外，天台道門有個長方形中空，中間啲空隙放個鏡頭做偷影動作。」

「嗯......呢個都解得通，所以佢能夠喺無聲無息之下作案。但我諗唔明嘅係，兇手點樣知道我哋喺天台呢？」

傾傾下，我回想起以前嘅經歷，我曾經試過我同Brianna或者Eve單獨見面嘅時候好似比人打斷過，我腦海好似諗起一個人，我內心有少少心寒。

「我好似諗到啲嘢，但未有證據，所以我有一個計劃引佢出嚟，就係......」

正當我想講出我嘅計劃之時，突然出現咗一個人，而佢嘅出現令我心如鹿撞，佢就係Eve。

「你嚟咗喇......」

雖然是Brianna約Eve出嚟，但Brianna見到Eve嘅時候只係冷冰冰咁同佢打個招呼。可能係佢知道我嘅對象係佢而嫉妒。

「Hello，阿Sir，我聽番學校得知關於你嘅事。自問我都幫得唔多但我都希望你能夠Move on到！」

「嗯！多謝！」

自從我發現到Eve嘅IG之後，同佢傾計好似有咗個隔膜，而呢個隔膜就係自己嘅內心建築而成，講白啲即係淆底。

「Eve，我叫得你出嚟，係想知道你同Kevin嘅關係，我希望你坦白同我哋講！」

Brianna一面不友善嘅目光問Eve，只見Eve面帶微笑。

「當然係朋友啦！」

就算Eve咁樣答，我都半信半疑，我寧願Eve好直接講同Kevin一齊比我死咗條心。

眼見其他人都鴉雀無聲，我率先開口。

「Kevin係咪威脅你，如果係真嘅話唔怕同我哋講！」

「阿Sir，你信我啦，其實Kevin內心好善良，只係環境迫成佢咁，所以我好想比啲希望佢！另外，阿Sir，我有啲嘢想同你講，你仲記唔記得我比咗幅畫你睇，無論學生發生啲咩事都好，其實佢哋都係等緊你引導佢哋！」

既然佢講到咁，我只能夠相信佢。