點樣令世界公平啲？

睇到啲嘢有感而發 寫左啲嘢去抒發下心情 小弟不才 有咩唔啱地方屌得輕手啲🙏🏼

「啱啱睇左小薯茄有關咩哥布林俾勇者、女精靈引出樹林既短片 又再一次令我諗起呢個世界係幾唔公平 諗起之前寫過一啲呢方面既感想 好想科技可以令果世界公平返一啲

其實一個人既自我身份認同(self-identity) 嚟自佢外表、家境、讀書/工作/社交能力、身型身高、有冇咩生理/心理缺陷、氣質才華等等 呢啲身份認同又會塑造佢既人格性情、識到咩朋友、讀到咩科、做份咩工、同人互動既方式等等

就好似一個例子咁 你問我靚女係咪多數天生都性格樂觀友善鐘意笑 我只能夠講生得靚 人哋對你觀感好 自我又感覺良好 成日俾人讚又有好既待遇 就算本身氣質差 都會培養成性格好 心情靚 有自信既人設

所以上面果個短片 講到所謂肥矮毒柒窮既人設 係競爭大既城巿社會 好多時已經「輸在起跑線」 仲要俾其他人恥笑 做話柄 咁難怪佢哋性格會變到所謂kam 唔討好人 當然唔排除當中有啲係天生有人格缺陷 但都係果句：

基因同家境實在大大咁影響人一生

2年前打過呢篇嘢 到依家我依然好堅信要令世界變得平等啲 科技係其中一個有力既推動角色

If we can create such thinking machine, we will have changed the game for good

===================
08/2022

呢幾年都覺得自己諗法越走越偏 越走越窄 由認識歐美各國嘗試構造人工大腦 我就覺得呢個係對人既一個「救贖」 係重建所謂「近乎完美人性」既關鍵技術

始終每個人既命運或多或少受制自己既基因同家境既好與壞 係一個好唔公平既玩法

你生得靚唔靚 生得聰唔聰明 讀唔讀得書 做唔做到所謂既專業人士 有冇咩藝術/音樂/運動天份 性格外唔外向 勤唔勤力 係咪人格同把口都好到人見人愛 性格係咪上進係咪會決心改善自己 做人有冇良心 同情心/同理心多唔多 屋企有冇大把錢俾你洗 甚至身形易唔易肥 你係咩人種咩國家既人 會唔會有患上某啲癌症、怪病、心理病既傾向等等 其實係幾大程度取決於你既基因同家境係點 係一個幾唔公平既遊戲 當然際遇彩數同個人一啲看似「自由」既決定都有影響 但未必大於上述兩者

我知道人工大腦有機會解決基因同家境決定論呢類問題 所以我諗野越嚟越偏 直頭當佢係一種宗教咁膜拜」

根本無可能公平，當你整到全世界嘅人都公平嘅時候，咁對本身有優勢嘅人嚟講就唔公平

乜野人工大腦？

意見偏激係一回事
認知脫離現實係另一回事

呢個都係一個有趣既話題

窮撚唔好生仔
唔好恥笑人
最緊要活得快樂
共產（暫時資本主義無可能，等科技發達就有機會人人平等）

仿生物神經運算既硬體同軟件 我認為係自ANN 人工神經網絡 好似依家既大語言模型、綜合生成模型(multi-modal generative model)之後 有機成為第三代既人工智能模型 包括neuromorphic engineering, SNN, LNN呢類仿效生物神經系統既工具

唉 我明你意思 好多人今代唔生 就係怕害左後代 但咁樣果遊戲公平咩

汰弱留強不嬲都係自然法則，你點樣都唔會改變到。就算呢個社會資源點豐富，大部人都唔洗再返工，有AI有機器去生產都好，珍貴嘅資源都只會係權貴手中。。。。

到時我地可能唔會再用勞力換取金錢，但要sacrifice第二樣嘢

唔代表會用黎直接取代人腦喎

只不過係另一條line嘅ai

機動戰士高達特種命運

但人係有豐富感情同感受既生物 亦少有地有公義、良知呢類認知能力既生物 真係可以保留原始既「弱肉強食」生存方法套落複雜既情感生物上面？

可能係最近似生物神經原理既模型 唔似ANN咁走左向computer science/digital signal果邊

咁又點
都話只係唔同類型嘅ai

共產

lm

咪即係共產黨大晒囉
點公平

可以有自我學習能力、適應環境轉變既能力、甚至真正既情感同理心等既能力 已經係第二代人工智能做唔到既嘢

中共果啲叫獨裁

唔好玩啦大哥自己利益無受損個陣咪有公義，當自己利益受損嘅時候邊個都無情講啦

咁又點

知唔知好多人predict ai會拉闊貧富差距？
再好又點 憑咩益你？

係 無錯 人係有自私既本質 但亦有「無私」既高階意識能力 呢兩方面會互相制衡？

收稅囉
俊男美女稅
身高稅
中產家庭出身稅
才華稅
高智商稅
外向稅
收完再派比啲哥布林
當係補償下佢地

共產主義實踐起上嚟嘅時候都係玩獨裁

呢層就睇創造呢啲科技既人、團體、國家點去處理

有趣有趣😂