將軍澳私/居上車盤討論區（13)

ching如果你係講將軍澳4個站既已補居屋
除左寶盈應該全部尺價都唔過萬
放膽嗌

咁其實你嫌貴可以唔買
無人揸槍指住你 迫你入市


好老實 層樓係邊個
邊個就係莊㗎啦
唔關升定跌事

係嘅 你好有錢
但最終賣定唔賣
都要個業主say yes

唔通你走埋去
話自己好撚有錢
之後屌鳩佢
個業主就會賣層樓俾你

誠意係指互相尊重
而唔係卑躬屈膝

我覺得開票係basic嘅尊重
日日揾個AA去
問有冇得平啲
呢啲行為就好惹人討厭

如果買樓係百佳惠康明碼實價
咁我嫌貴的確會唔買，冇人會走去問超市職員可唔可以平啲
問題買二手樓唔係
開價又係任你開，你亦都預左比人講價
咁點解講價就係唔尊重，邊個去界定鋤得多唔多？
我一般會同aa講幾多錢我可以直接比票
但一定唔會未講實口價就送張票去表示所謂誠意
如果送到佢面前佢先話唔賣咪又哂我時間
咁賣方又好尊重買方？

同一件貨
百佳惠康759 HKTVmall
都可以賣唔同嘅價錢
當然你唔會去問個職員可唔可以減價
但你絕對有權唔去A舖 走去B舖
買同一件貨物

二手樓都一樣 個市大L把
呢間唔啱 咪揾下間
你有錢 驚買唔到樓?

你唔好誤解先 我無話講價唔尊重
我係話日日叫個AA 打去鋤果批
又WhatsApp 又留言 電話不停打
你老尾 煩過西
咁樣嘅做法係好唔尊重

你點交票比AA 我唔干涉啦
每個人玩法都唔一樣

不過我買樓就係交票先
唔啱價 咪叫個AA揸住票
再作部署 揾過另一間
起碼對家知道我係真心有誠意去買
唔係講講下玩嘢 得個試

算啦，果班友唔會明，你淨係講價，冇實質行動，業主一定會懷疑個AA係試緊自己底價

你有票去傾，業主起碼覺得你有心想買，有誠意，佢都願意同你傾啦，最後唔啱價唔肯賣都冇計，始終買賣係要睇雙方意願

出咗議息，出年由減 1 厘息大削到減半厘，有得啲業主吊高嚟賣

遲下發展大灣區，將軍澳一定大幅貶值，下年分分鐘加埋息

美國聯儲局議息後宣布減息0.25厘，會後聲明預料明年可能只會再減息兩次。主席鮑威爾其後在記者會發表「偏鷹」言論，稱決議聲明意味着，局方處於或接近放慢減息節奏、或暫停減息步伐，但2025年似乎不可能加息。

大家點睇疊翠軒同寶盈花園？
疊翠勉強算地鐵上蓋盤，格局似私樓，已補9千幾蚊尺
反而寶盈如果行天橋離地鐵站仲遠，未補都要9千幾蚊尺
樓齡都係只差兩三年，點解差咁遠？
如果話將軍澳站值錢過寶林，但用同區私樓比，將中同將廣都冇貴新都城咁多
利申覺得疊翠軒幾抵買，想睇下大家意見

將軍澳咪同全港跌幅差唔多
係得澳南高位炒到貴，而家先至會跑輸
天晉直頭仲硬過市區

你有冇睇返本身個折扣率先？有啲居屋折扣多啲，唔係全部一樣。另外，當然將軍澳站位置上會比寶琳值錢。

睇過寶盈3x%
補埋地價咪萬3蚊尺同私樓一樣
唔明點解咁貴

疊翠軒漏水全區都知喎

咁13k你負唔負擔得起？可以咪買私樓。
你諗法同啲人講私樓（掃屎忽）平過新居屋（啟德）都係差唔多，兩個唔同market無得直接比較。
只可以講8-9k 呢個價位係白居二限制下勉強叫做容易負擔。有需求，個價就自然唔會落得快。
可以講60k家庭收入呢一浸人係唔少，以前有得揀都只可以買得起公屋/比較遍遠嘅居屋。而家市場多咗比較新同近市嘅選擇，呢批人未飽和前，樓市又無再大跌情況下，呢類30年內近市未補地價居屋係呢一兩年唔會點再跌得多。

另外，新幾年嘅未補價居就係新幾年，過幾年有需要轉多一手易啲（下家仲可以做9成），夾錢大維修時間又遲啲（大約樓齡30-35年做大維修）。如果一心長住到死，真係買舊少少都唔怕（地區接唔接受另計）。

最後最重要最重要， 疊翠係房協樓，無擔保，要過銀行按揭收入比例同做按保。寶盈係房委，政府擔保唔使睇收入都可以做9成按。

明白，唔該巴打，理解點解寶盈綠表價咁硬淨

咁疊翠軒如計掂數做到按揭係咪抵買？
因為近排睇樓除左疊翠軒真係搵唔到有咩地鐵上蓋1萬蚊尺內
上面有巴打話疊翠漏水，但未簽臨約前賣家會比買家搵人上去驗樓？如果唔俾咁點樣check到有冇問題

有人住緊係好難睇得清，買唔買得過要自己考慮清楚。

疊翠有親戚住緊，年頭亦有睇過盤。係當年漏水出名，但之後又好似唔覺再有大量問題。自己又唔覺得話特別嚴重，當然廿幾三十年樓，不論私居公都有機會漏水。

但預咗疊翠似私樓格局有窗台大玻璃，窗邊老化漏水機會比轉大。

巴打而家買左未，後尾因咩事冇考慮疊翠軒？
暫時睇左將軍澳咁多屋苑包括居屋私樓
覺得疊翠真係性價比最高，位置又靚
但咁多人講漏水又冇得驗搞到好卻步

東港城點睇 如果傾到500想買

不如咁講，500喺坑口嘅選擇最正路係東港城
東港唔好在內園景都幾地獄、平台殘(相信會所都差不多）、大堂及樓層走廊好有年代感，但單位唔差，樓底高。

500頭買東港算正路，如果俾多少少時間，1-2年後400頭應該都買到

400頭買東港算正路，如果俾多少少時間，1-2年後300頭應該都買到

一定會，有時間可以等下

綜合唔同因素，最後買咗沙田大圍果邊。

詹sir係業主，都講到明話質素好差