將軍澳私/居上車盤討論區（13)

寶琳坑口都要留意 過幾年137區發展實行1+1要面臨大減班 同一時間樓齡進一步變舊

師兄有錢人我係你對面

LP6嘅話真係死得慘呢個則同個價錢

搭296D

所以你見瑜一賣得好咪就係中哂上面D條件（除左Chinachem)

Capri,藍塘傲,帝景灣,海天晉點揀？

咁仲好，有返理由多啲巴士加密返班次
因為早期就係開左將軍澳線大量巴士都cut鬼哂
其實將軍澳五區完全依賴港鐵係行唔通
過去咁多次死哂鐵已經證明呢點

加上宜家又有將藍隧道同舊將隧，呢幾年又開左隧道轉車站
其實大把條件加返啲巴士線，潛力未用盡

要睇地點，你買啲山卡啦新樓，過多十年咪又係變舊樓，到時想放租都難，仲要跌市嗰陣跌得多過人，但啲地點好嘅舊樓例如太古城、星河明居、沙田中心、淘大真係唔撚怕無人租同下手無人買。仲有就係新樓管理費閒閒地 $5 一呎，如果本身唔會點用個會所就真係唔值。

同意既，康城優缺點好明顯
我個陣睇完最鐘意都係維景，但成個設計就係 有時代感，同埋tkl 一樣都係美食沙漠
keep得最好，環境最舒服係清半，但交通不便

康城買餸真係死症
個人小小諗法：生得小朋友既都多數請工人，2公婆返工好難湊，請得工人就叫佢出去買
如果全職媽媽咁就不如出去買餸啦，反正都全職
我之前住tkl 同坑口街市都唔平，最後我屋企都係出單車館出面買

交通都係死症
但如果keep 到2 加1 我係接受既
平時就算等巴士小巴好多都10mins 一班仲會飛站滿座，所以我又唔太介意坐鐵係室內等多幾分鐘，同埋一日最多咪出入3, 4轉（我自己），我見大家講到死人冧樓好誇張 其實繁忙時段個個站都好多人，主要係康城個站太細，感覺再震撼啲

另外我自己幾鐘意康城既原因係 個區算幾靜，加上附近都係私人屋苑，唔太擔心小朋友或者女人單人出入，呢區也都冇乜街童同南亞裔，也無吐啖廢佬

康城既價錢就反映晒問題，如果唔係都唔會跌得咁快同咁平買到新樓啦

仲有問題就係海量供應,租同價都難升

仲諗住香港樓有得升師兄幾樂觀

如果淨係講餐廳，將軍澳呢幾年啲特色野都走左好多
兩邊啲餐廳越嚟越似，唔好咁大期望

或者唔係講升,應該講抗跌力

咁鐵路沿線嘅中小型單位樓盤一定係首選

無錯，仲有13期
真係大量供應

康城個location真係唔撚得

都係睇租金回報率、息口同供應量，無嘢係無可能，半年前連登仔都話恆指無可能升

人間清醒
而且市面上無一個區做到全新樓 全私樓區 地鐵及商埸上蓋
又而且萬四蚊呎價
環境啱一家三口住
附近環境都算安全 無乜mk jai
呢個都係全私樓嘅優勢

清講得岩，好多人買樓果陣都無諗過退場問題
人既野好難講幾時要賣樓走人
但好肯定一樣野係買康城就真係有大買大兩房起跳
康城都會有舊既一日，呢個時勢仲買一房納米就真係自求多福

幾時收樓？

總有人話交通唔方便 人多 野食少

縮乜鬼班，換完信號系統137區可以開多一班做到非繁2+1同繁忙1+1 而寶坑都唔需要減班

問題係地鐵都唔想加班
依加非繁忙講緊6-8分鐘一班車
要加依加已經大把位加

擺明唔會加啦
佢宜家非繁所有車都要務求迫到岩岩好
你唔覺宜家坐地鐵無論咩時候架車都好撚多人既咩