【十年之約】 北九州自駕畢業之旅（福岡．長崎．熊本．阿蘇．高千穗）
虎鶴雙形
155 回覆
114 Like
5 Dislike
雖然男人老狗三個人一齊住溫泉旅館係有少少突兀，但一場嚟到九州，真係無咩藉口唔浸溫泉。只係由阿蘇揸去由布，雖然有車，但都真係有啲遠（而且樓主之前已經去過由布院浸了），左睇右睇，其實阿蘇黑川溫泉近近地又多選擇，附近仲有幾個露天風呂可以俾錢浸下
，不如就黑川溫泉啦。Plan行程嗰陣簡單講咗句，樓奴同長髮武士就話okay無問題，所以宜家我地就喺揸車前往黑川溫泉嘅路上。
5點抵達是夜住宿：夢龍胆
講到溫泉旅館，樓主其實都唔係去過好多，由布湯一次，神戶有馬一次，今次先係樓主第三次浸。同之前兩次比，今次呢間溫泉旅館古色古香好多，就連門口reception都係由幾個上咗年紀嘅叔叔姨姨做
。內籠格局樓主就無點影，只可以講同睇昭和時代嘅劇差唔多：兩棟三層高嘅木建築，中間有個庭園，建築與建築間用長廊連繫住。至於𨋢亦係有，不過係好舊式嗰種，有少少香港90年代私人住宅見到嗰隻款，但，點解，溫泉旅館會有張咁嘅Poster呢？
莫非喺一個咁淳樸嘅溫泉小鎮，都有Happy Ending？
搞哂Check-in手續，入房擺低行李，距離晚飯仲有1個鐘鬆啲，趁天未入黑，我地三個決定出去行一轉，一邊遊覽小鎮，一邊補給酒精。
黑川溫泉其實好細，要行我諗半個小時就行哂，再加上我地去到都偏夜，唔少商戶都閂咗門，不過呢個溫泉小鎮本身個結構都有feel：中間有條溪貫穿全鎮，所有溫泉旅館依溪而建，旅館同旅館間又有木橋連接。如果等到夜晚所有旅館開燈，相信又係一番濃濃嘅昭和風味。
啲舖頭6點開始就陸續閂，呢張相6點前影，已經見到條街人影零落，同時亦未見是次戰略補給資源 - 酒呢，莫非咁早就連酒舖士多都閂哂門？
好彩，皇天不負有心人，正準備原路折返嘅時候，居然俾我地搵到一間士多（後嚟返嚟搵返啲資料寫遊記先知道間士多叫「後藤酒店」，喺小鎮上薄有名氣），而且呢間士多仲要唔淨只賣普通嘅Asahi、Sapporo，仲有黑川溫泉地區品牌湯上り美人，最難得係咩啊？係樽裝啊，雖然無私湯可以邊飲邊浸，但樽裝嘅Feel就係俾罐裝好。於是乎二話不說，馬上大手入貨補給，然後頭也不回咁趕返去酒店，事關天色已黑，酒店規定嘅晚餐時間亦已經快到，仲要返去抹身更衣，用最尊敬嘅心去食等陣餐懷石料理，實在係一刻都不能耽誤了。
後藤酒店示意圖，只可以講佢好識做生意，門口擺滿啤酒吸引你入去，入面就好似個小超市咁等你補給。喺一個一間便利店都冇嘅小鎮，佢生意有幾好，可想而知。
上圖就係湯上り美人，有幾款味，我地貪得意就每款味都買至少一枝。味道同普通手工啤差唔多，口味偏甜偏女性向。從商業角度嚟講，喺溫泉酒店區賣易入口嘅啤酒，完全合情合理。
鏡頭一轉，已經更衣完畢，前往食堂用膳。就食堂眼見所及，應該就得我地一檯香港人，至於證據，就係下圖。
無錯，全場都係用日文名登記，只係得我地用英文。
平時食親懷石料理，閒閒地都八、九味，今次亦唔例外，不過樓主一時健忘，就無影低個Menu，只可以講該有嘅料理都有，外觀講唔上驚艷，但都真材實料，味道相當唔錯，廢話少講，樓主將幾道我覺得值得提及嘅菜式俾圖各位看倌睇睇：
先係每人一杯柑桔小酌。
前菜七小碟，聲稱用時令食材烹調。
全餐料理最有驚喜一環，去親日本，唔係味噌湯就係豚汁，但估唔到呢餐居然有蝦仁燉湯。打開個壺，嗰陣燉湯獨有嘅清香撲鼻而來。一見到湯色，就知呢個燉湯係時間嘢。一飲，果然沁人脾胃，暖到入心。
日本版冚家炸田鼠 - 炭燒小黃魚，上到嚟嘅時啲炭已經唔熱，純粹擺設，味道不過不失。
雖然第一眼睇落去好似梅菜豬肉咁，但呢個豚肉大根定食相當惹味，送飯一流。
食咗個幾鐘，都飲飽食醉，去浸溫泉又太早未落哂格，於是決定返房躺一躺。
如大家所見，間房只有兩張床，所以我地有一個係要打地舖瞓榻榻米。其實今個Trip都係咁，雖然係Book三人房，但大部分酒店都只係俾間二人房再臨時加張床俾我地就算，通常我地三個就輪住瞓嗰張僭建床，七日四間酒店，拉勻瞓都無乜所謂，反正都係一秒入睡。
休息到9點幾，都係時候要出動浸溫泉，話哂嚟到溫泉酒店，點都要浸到夠皮啦，而且今日雖然係揸車跑山為主，但行嘅步數都唔少，一日落嚟，對腳都見有啲酸軟，係時間要浸下泉水嚟回復了。
，不如就黑川溫泉啦。Plan行程嗰陣簡單講咗句，樓奴同長髮武士就話okay無問題，所以宜家我地就喺揸車前往黑川溫泉嘅路上。5點抵達是夜住宿：夢龍胆
講到溫泉旅館，樓主其實都唔係去過好多，由布湯一次，神戶有馬一次，今次先係樓主第三次浸。同之前兩次比，今次呢間溫泉旅館古色古香好多，就連門口reception都係由幾個上咗年紀嘅叔叔姨姨做
。內籠格局樓主就無點影，只可以講同睇昭和時代嘅劇差唔多：兩棟三層高嘅木建築，中間有個庭園，建築與建築間用長廊連繫住。至於𨋢亦係有，不過係好舊式嗰種，有少少香港90年代私人住宅見到嗰隻款，但，點解，溫泉旅館會有張咁嘅Poster呢？莫非喺一個咁淳樸嘅溫泉小鎮，都有Happy Ending？
搞哂Check-in手續，入房擺低行李，距離晚飯仲有1個鐘鬆啲，趁天未入黑，我地三個決定出去行一轉，一邊遊覽小鎮，一邊補給酒精。
黑川溫泉其實好細，要行我諗半個小時就行哂，再加上我地去到都偏夜，唔少商戶都閂咗門，不過呢個溫泉小鎮本身個結構都有feel：中間有條溪貫穿全鎮，所有溫泉旅館依溪而建，旅館同旅館間又有木橋連接。如果等到夜晚所有旅館開燈，相信又係一番濃濃嘅昭和風味。
啲舖頭6點開始就陸續閂，呢張相6點前影，已經見到條街人影零落，同時亦未見是次戰略補給資源 - 酒呢，莫非咁早就連酒舖士多都閂哂門？
好彩，皇天不負有心人，正準備原路折返嘅時候，居然俾我地搵到一間士多（後嚟返嚟搵返啲資料寫遊記先知道間士多叫「後藤酒店」，喺小鎮上薄有名氣），而且呢間士多仲要唔淨只賣普通嘅Asahi、Sapporo，仲有黑川溫泉地區品牌湯上り美人
，最難得係咩啊？係樽裝啊，雖然無私湯可以邊飲邊浸，但樽裝嘅Feel就係俾罐裝好。於是乎二話不說，馬上大手入貨補給，然後頭也不回咁趕返去酒店，事關天色已黑，酒店規定嘅晚餐時間亦已經快到，仲要返去抹身更衣，用最尊敬嘅心去食等陣餐懷石料理，實在係一刻都不能耽誤了。後藤酒店示意圖，只可以講佢好識做生意，門口擺滿啤酒吸引你入去，入面就好似個小超市咁等你補給。喺一個一間便利店都冇嘅小鎮，佢生意有幾好，可想而知。
上圖就係湯上り美人，有幾款味，我地貪得意就每款味都買至少一枝。味道同普通手工啤差唔多，口味偏甜偏女性向。從商業角度嚟講，喺溫泉酒店區賣易入口嘅啤酒，完全合情合理。
鏡頭一轉，已經更衣完畢，前往食堂用膳。就食堂眼見所及，應該就得我地一檯香港人，至於證據，就係下圖。
無錯，全場都係用日文名登記，只係得我地用英文。
平時食親懷石料理，閒閒地都八、九味，今次亦唔例外，不過樓主一時健忘，就無影低個Menu，只可以講該有嘅料理都有，外觀講唔上驚艷，但都真材實料，味道相當唔錯，廢話少講，樓主將幾道我覺得值得提及嘅菜式俾圖各位看倌睇睇：
先係每人一杯柑桔小酌。
前菜七小碟，聲稱用時令食材烹調。
全餐料理最有驚喜一環，去親日本，唔係味噌湯就係豚汁，但估唔到呢餐居然有蝦仁燉湯。打開個壺，嗰陣燉湯獨有嘅清香撲鼻而來。一見到湯色，就知呢個燉湯係時間嘢。一飲，果然沁人脾胃，暖到入心。
日本版冚家炸田鼠 - 炭燒小黃魚，上到嚟嘅時啲炭已經唔熱，純粹擺設，味道不過不失。
雖然第一眼睇落去好似梅菜豬肉咁，但呢個豚肉大根定食相當惹味，送飯一流。
食咗個幾鐘，都飲飽食醉，去浸溫泉又太早未落哂格，於是決定返房躺一躺。
如大家所見，間房只有兩張床，所以我地有一個係要打地舖瞓榻榻米。其實今個Trip都係咁，雖然係Book三人房，但大部分酒店都只係俾間二人房再臨時加張床俾我地就算，通常我地三個就輪住瞓嗰張僭建床，七日四間酒店，拉勻瞓都無乜所謂，反正都係一秒入睡。
休息到9點幾，都係時候要出動浸溫泉，話哂嚟到溫泉酒店，點都要浸到夠皮啦，而且今日雖然係揸車跑山為主，但行嘅步數都唔少，一日落嚟，對腳都見有啲酸軟，係時間要浸下泉水嚟回復了。
嘩樓主更新啊
我好有誠意完成，但真係太懶