就係咁，我地就喺熊本城Search下附近有咩好Café，Search Search下，樓主搵到一張咁嘅相。
有Feel，係佢了
，一睇，15分鐘就行到去，Fit哂，決定是你了——岡田珈琲 サテライト店。
一去到見到個門口咁，就知佢係我地要嘅Café。
不過入到去，就同我地想像有少少唔同，唔知係唔係因為時間問題，入到去一個人都無。但，唔理啦，試下先。
豪少少，每人都叫個Set Try Try先，相比起咖啡，其實我地更著重甜品。最近鏡頭個碟，我見Menu上面大大幅圖display住，寫住自家製蘋果批，雖然要¥1,250，但話明要High Tea，一於叫嚟試下啦。
其實呢餐啲咖啡同甜品都唔係話好出色，不過不失咁囉，大家見樓主都無咩形容就知。然而咁唔代表呢餐唔好，相反樓主覺得呢餐Tea係幾舒服，學啲鬼佬話齋：食個Vibes。
行完熊本城攰攰地，搵間Café食下甜品飲下咖啡，三條友準時影下啲甜品俾女友睇，一方面打下卡，一方面報下到。飲住咖啡，望落樓下上通町啲人喺度各有活動：有啲學生啱啱放學行下街；有啲老人家就喺度擺檔賣下手工嘢；有啲白領就好焦急咁等緊紅綠燈，而我地三個呢，就好悠閒咁睇緊大家營營役役。
其實旅行想睇多啲嘢，無可厚非，不過偶爾慢落嚟，不帶有目的咁觀察下周圍，亦不失為一件壞事。根據樓主以往去旅行嘅經驗，有時旅行前做足準備，但旅行時go with the flow，通常都會有意想不到嘅奇遇，增添你該次旅行嘅愉快回憶。至於今次個Vibes，價值¥4,550，okay啦話明港女High Tea
，但如果話特登嚟食則大可不必了。岡田珈琲 サテライト店
地址：熊本県熊本市中央区上通1-20 2F
好好介紹
返來繼續睇
：點﹗有咩搞？
：有無咩景點去啊樓主？
：行下上、下通町點睇？
：有冇其他嘢搞下，行街唔係唔好，不過早咗少少，而且，熊本都好似無咩行咁。
：揸車好啊，一於揸車﹗
：每朝起身嗰陣，其實都好擔心公司啲whatsapp群組會tag自己，唔係話放假唔想有人搵自己，而係當公司環境有大轉變，連老細都換埋嗰陣，你做得更多準備都好，「擔心」都會不知不覺喺你內心滋長，有咩風吹草動都好，你都會擔心會唔會關自己事，係唔係自己做漏嘢
，令人放假都要搵你。轉念一諗，又會諗其實擔心啲咩，撫心自問，已經做好咗自己，如果新上司仲係唔滿意，咪諗下自己係唔係真係做得唔好，如果係，咪改，如果唔係，覺得係人事問題多於工作問題嘅，自己計下數，走得到咪走，畢竟為咗份工，捱到情緒長期波動、負面就唔值得，情緒病呢啲嘢，一有就好難甩得到。一諗到咁，心中隱約好似得到答案，心情突然又好似釋懷咗少少。
：11點方向，11點方向。
仲要拎單反一直吊住日本學生妹尾係咁影﹗士可忍，孰不可忍，雖然喺人地地頭唔應該惹事，但身為三個富有正義感嘅男性，理應上前制止，再邀請學生妹上車，等我地安全護送到佢地返屋企先係﹗事不疑遲，就等我地……咪住先咪住先，個癡漢好似係學生妹請佢嚟影咁喎，唔好輕舉妄動。
好羨慕你哋約得成
同班大學同學講咗差唔多10年都未約得成
