Highlight：軍艦島、島原汽車渡輪
一覺醒來，萬里無雲，注定今日就係登上軍艦島嘅好日子。
遊客通常嚟長崎都係兩大目的：軍艦島，以及長崎原爆相關史蹟。至於我地就有少少分別，軍艦島固然係第一個目的，而後文會交代埋第二個目的。
作為世界文化遺產，軍艦島受歡迎嘅程度直接體驗咗喺預約上。初初諗住貪方便上Klook一次Book哂啦，點知Book完隔日，Klook就Send Email嚟話由於當地Tour預約已滿，所以會退返錢俾我地，但講緊距離出發仲有成兩個幾月。咁我地三個以為係System問題姐，Klook又無直接Lock死嗰日唔准Book，咪輪流再試，點知每次Klook都係收完我地錢，隔一日又退錢。最後無法子了，該花的功夫還是要花，樓主惟有上網爬文睇下日本當地人係點預約，希望有個最後機會。終於，皇天不負有心人，幾經辛苦，終於經「SEAMAN商會（シーマン商会）」Book到三個位，距離完成登上軍艦島呢個願望又向前邁進咗一大步。
無記錯嘅話，無論參加邊間公司去軍艦島，出發點都係大浦海岸通。上船時循例出示電郵通知書證明已Book就可以上船。
由船望返上岸。
就咁睇船上人數，日本人同外國人各佔一半啦，另外仲有幾個韓國人。上船嗰陣，船家都好貼心咁提醒艙內係英語區，艙外係日語區，可以揀返相應區域坐，從而聽返相應語言嘅介紹。不過我地去前都睇過下資料，咁當然揀艙外坐睇景啦。
搭正十點半，正式出發了。
航行途中都係播下片，講返一啲簡單基本資料，咁當然，具爭議嘅強徵韓國人事件就提都無提過。播完之後，導遊就叫我地去船上層遠眺下軍艦島。
海波粼粼，遠睇之下，確係幾似一艘軍艦。
換個角度再看看。
整返張合照先啦，呢啲歷史文物，第日如果結婚擺酒講成長片段，呢啲相好有用嫁。
但係，點解兜足成半個鐘都未埋岸登島嘅？係，話就話會視乎當日天氣同海面情況而決定登唔登島，但今日係100%完美，無理由前戲做哂，圍住轉足半個鐘，最後叫我向住個島揮揮手講有緣再見掛？
好彩，等多陣之後呢，艘船終於埋岸了。
一馬當先，大步向前走。
日本政府為咗保護軍艦島上遺蹟，除咗沿島起咗防波堤防止海水侵蝕之外，亦於島上起咗固定遊覽路線，防止有遊客周圍行周圍摸。所以上到去其實好似鴨仔團咁，每去到一個點就企定定聽導遊講解，無得自由喺島上遊覽。
聽導遊講，紅磚建築右邊下底空心，有條類似輸送帶嘅物體連住隔離嘅，係煤坑升降機，當時工人就係從呢度落去。
當時島上工人嘅住所，不過只能遠眺。不過經過咁多年無點維修都仲有個外形，似乎鋼水相當唔錯。
樓奴朋友新創咗個名詞去形容呢堆遺蹟：「敘利亞風」
據導遊所講，當時全日本第一座用鋼筋水泥起嘅多層公寓，就係喺端島。不過有趣嘅係，鋼筋水泥樓喺起俾工人住，相反管理層同高級職員喺住木造房屋。可能係House同Apartment嘅概念？
大家都認真聽緊導遊伯伯講解，鑑於參加呢團係無外語選擇，所以樓主同朋友都係影相為主。
唔知點解行完後，樓主會突然聯想到吉澳，當然兩者大小差距好遠(吉澳大概係40個端島咁大)，不過兩者曾經都係一個相當成熟嘅小社區，有一定人口，基本設施好似學校、寺廟等一應俱全。除此以外，兩島都好高獨立度，居民甚至可以唔需要同外界聯繫亦可以生活。至於你問樓主，我會話成個參觀都可以，但如果你係抱住近距離考察史蹟、舊物嘅話，咁可能你會失望，因為島上規定好嘅遊覽路線同所有建築都相距好遠，有啲位可能要拎手機Zoom大先睇得清。不過我本身都係體驗為主，從長崎出發一直坐船去端島，以當時嘅客觀條件，確係一件唔容易嘅事。而且當上到島之後，你通過眼前嘅遺蹟去幻想當時島上嘅人每日不論工作、生活都困住喺一個由頭到尾10分鐘行完嘅小島上，就算四圍有啲島仔同無際大海，都其實係一件幾鬱悶的事。
回程嘅時候，工作人員每人派咗一舊煤仔——端島煤作為紀念品，個簡介仲話呢舊係無煙炭，不過同時佢都提醒遊客，呢舊煤係唔可以上飛機，咁……惟有影張相還返俾工作人員，唔好嘥咗佢。
，可惜今次去7日食得三間 (博多一双、桂花同黑亭三間)
羨慕 班契弟講撚咗幾年都未出發
實不相瞞，樓主對車真係無咩研究，所以租車呢Part主要係由另外兩位朋友負責。
：全部落車，等我嚟揸。(拓海上身)
圖呢啲野上網search都大把
