[Live] 獨遊3 廣島 不定時update post

凍 要

巴打8日都住廣島?

係呀
所以要買JR pass
景點偏遠

日本人要食白飯拉麵

今日天氣陰沉 落住微微細雨
連續晴天5日 其實已經好恩惠
如常由廣島出發 搭新幹線前往福山站
今次新幹線終於冇飛站去岡山

福山車站附近有間餐廳「小魚阿も珍」
見到暫時係客滿要等位
應該質素都唔差

坐底叫當店既招牌定食
酥炸小魷魚定食
配真鯛同三文魚刺身
附帶配菜同味噌湯
聞說小魷魚係捕獲自瀨戶內海
而福山鯛魚都係福山名物
的確整體水準冇令我失望
魚生都幾新鮮
但最出色都係小魷魚 炸得好香

福山站往福山城出口
見到好多唔同顏色既玫瑰
相傳1956 年當時附近居民
係福山種植約1,000 棵玫瑰樹苗
用以戰後復興 讓居民心靈恢復平靜


可能天雨關係 福山城只有零丁遊客
門前有班小學生岩岩參觀完

福山城入場費盛惠500円


福山城同岡山城好相似
主要係講解大名既背景
陳列一系列文物同武器

福山城主要人物有水野勝成同阿部正邦

呢隻機動馬遊戲好正
建議黎福山城要試玩

每個樓層係介紹唔同大名背景
每層各有約6分鐘既小電影
拍得幾精彩 值得花時間欣賞下



雖然天色唔係幾好
城頂既風景依舊美麗
可以俯瞰整個福山市
而霧中山景都別有一番風味

嘩，唔好天

留名

福山城離車站非常近
應該係話 車站直頭屬於福山城範圍
只要曾踏足福山車站月台
已經屬於入過福山城喇
下個行程出發去鞆の浦
係福山巴士站5號站等車

成程車40分鐘左右
車窗外落住綿綿細雨
沿途車站有唔少本地人落車
原來鄉郊地方一樣咁多人住

到左鞆の浦站了
落車對面見到觀光案內所


第一站要行小段斜坡上山
鞆の浦歷史民俗資料館
入場費150円 入面唔比影相
館內講述以前與韓國特使交流既故事

資料館門外望到鞆之浦市既面貌
我一路影相一路比雨打塊面


落返山再行返出海邊
沿馬路旁直行就到仙醉島觀景台
再次刷新一個瀨戶內海國立公園

坂本龍馬雕像好霸氣
指住瀨戶內海方向


到鞆の浦一定要上對潮樓
2樓可以睇到遠處既仙醉島
但岩岩閉左館 緣慳一面


一路再行就見到鞆港
港口有好多船隻停泊
係準備入夜既陰沉天色下
長夜燈一直著住微弱燈火
孤獨咁樹立係港口右方



時間已經5點
太陽準備日落西山
光源只係來自附近街燈
來自相機上既曝光功能
黑暗既棧橋上有明亮既黃燈
照亮住整個港口
雖然好大風帶微微細雨
但無阻我行上棧橋歎口臨別煙


最後行返去案內所
搭巴士返福山附近


距離福山車站約12分鐘路程
有一檔家庭式經營既居酒屋
「居酒屋勝魚料理成駒」

老闆娘知我係香港人
就好熱情咁用普通話同我溝通
話佢本身係上海人 黎左日本定居
介紹左幾道下酒菜比我
包括有魚生拼盤 鼓油雞翼 炸魚仔
三道菜裡面最好食係個雞翼

自己另外叫多份燒和牛同啤酒添飲
老闆娘好好人送左份炸馬蹄片比我
份燒和牛超好食 超香肉味

飲左兩大杯酒
wing住咁返酒店
飲飽食醉既感覺真係好爽

夜麻麻氣溫得7度
因為酒店冇coin laundry
洗衫服務要每件計錢
食水深到

搞到我要拖一gip衫落附近coin laundry洗
間酒店真係好唔掂
懶高級但基本野做唔好

落兩日姐
唔洗驚wow
係日本iPhone weather準到喊

plan左聽日去宮島

有冇Coin laundry 通常 訂房網站/酒店官網 有講

如果冇coin laundry ，酒店會將啲衫交比洗衣店洗，費用自然會高好多

原爆館 樓主行左幾耐

琴日大雨到Gip都入水 冇去到吳市
即興落咗福岡

至少兩粒鐘
裡面好多嘢睇 好值得去

喼都入水咁嚴峻

終於明白點解有人用防水膠套套住個喼

返香港了

咁其實福岡坐新幹線過去都係差唔多

廣島機票平好多

胡子大祭19，20號喎
搭電車經過見唔到好多人咩

樓豬有冇玩部騎馬機

酒店果D洗衣機通常都廢
我就會拎出去街外自助洗衣店
1000羊洗哂幾日衫褲
洗乾完熱辣辣