[Live] 獨遊3 廣島 不定時update post

夜間紅葉先岩

我之前踩普通單車用咗兩個鐘
如果您踩開單車 快嘅一個鐘都到

上次去左半日吳市鳩行 個潛水艇出邊睇就無乜特別 入到去睇就 嘩

上次個人太撚累 入左宮島但無上到去紅葉谷

有啲列車要JR Pass +指定席
都要係呢部機搞埋

今日既行程係去生口島觀光
再沿住島波海道踩單車


前往生口島首先要去三原車站
再由三原巷搭船去瀨戶田港
廣島市比我既感覺已經夠鄉下
但三原市更甚

到着喇 瀨戶田港
一落船就有個一望無際既既碼頭


一路行入去生口島既景區
沿路人煙比較稀少
偶爾會見到少少遊客或者本地人

踩單車 第一件事要租架單車
［瀨戶田町觀光案內所］
呢到有得租bike或者E-bike
而且職員都對慣左外國人
溝通過程都順利

島波海道全長70km
係日本好出名既一條單車路線
單車徑一路沿住瀨戶內海
途經瀨戶內海多個島嶼
想偷懶可以好似我咁
偷步搭船入生口島
剩係踩最靚果部分

沿路d沙灘海景靚到癲
成日忍唔住停底影相

租e-bike啦
上斜位會舒服d
旅行志在體驗

沿住島波海道一直踩
會望到多多羅大橋
係島波海道既checkpoint

見到檸檬園
附近會有個位比你上橋

多多羅大橋上面望住個海
有啲似以前圍住河口湖踩車既感覺
個海同河口湖一樣咁大

踩過左多多羅大橋
就穿過左交界
到左屬於愛媛縣地區


多多羅公園附近有個foodcourt
踩到攰可以係到買d野食休息下
買左個burger加杯Lemon soda


時間都差唔多
天色已經變黃
5點前要還車比鋪頭

回程起行果陣
有個本地女遊客叫我幫佢影相打卡
我都唔執輸 順便叫佢幫我影張


回程既鹹蛋黃係今日最靚既顏色
可以既話想係海邊stay多一陣
但仲要還車 趕下一個行程

今日行程比較趕既原因
都係因為今朝既換車飛問題
搞到行程delay哂
想入耕山寺參觀果陣已經4點8
但人地4點半已經關閉進場


雖然入口已經拉左鐵欄
不過我見冇乜人又冇職員
就偷偷地經出口入左去
我都想比入場費
但冇人同我收錢


入黎最主要係想睇呢個千佛洞
裡面d佛像真係整得好靚
d佛像密密麻麻就擺隻係牆身
甚至天花板都有
係洞穴入面別有一番風味
途經會見到十八層地獄每層既構想


仲有兩個小曝布水流
之後我後面就出現左個職員
一直跟住我 想催我離開
我唯有好急咁走馬看花
行返出洞穴

行返出洞穴會見到慈母像
個慈母像起馬有6個我咁高
我見職員冇繼續跟住我
就繼續跑入去山丘上面
想盡快睇埋個未來心之丘



未來心之丘似係雙手合十既雕像
附近有好多大大少少既大理石
我去到果時d遊客已經離開哂
但離開生口島之前都想摸下個雕像
雖然係走馬看花 都唔想帶有遺憾

到我想離開果陣
個大門係落左閘既
果下慌左幾分鐘
心諗會唔會困住係到一晚
好在行過兩步
場內仲有精品舖職員未收工
最後佢開門比我走

生口島既行程已經完結
行入商店街 出返瀨戶田港搭船


沿路既商鋪都已經落閘
生口島整體個生活節奏
同都市真係好大分別
黃昏下係一群收工返屋企既居民
另外有一班返去酒店休息既遊客

搭新幹線返廣島
係返回既路程搵到間唔錯既餐廳

［広島牛A5と名物タン 焼肉ホルモンにくちょ］
5000yen A5廣島牛set
加左支500yen 白啤
佢2000yen有飲品放題
但應該飲唔到咁多
餐飯性價比頗高 食到好多野


個生泡菜係爽口既 醃得好好味
牛舌各有唔同口感 整體好彈牙
個五花肉食完成口油香

個牛小排配wasabi就比較失色 有d難咬
最右手邊既牛好好食

蘿蔔炆牛腩好入味
牛內臟就普普通通

冷面都係好爽口彈耳 好多配料

最後個甜品整幾好
係雪凍左既士多啤梨
入面加左d醬料
味道唔會好甜 口感幾好似食緊雪葩咁

宮島夜晚好撚凍
同埋懶得行返上紅葉谷

我有一日岡山去廣島唔知岡山有冇
早知直飛廣島算
依家用pass 由福岡去
好似廣島岡山4日半玩唔晒

所以貴少少住廣島呢啲大站附近係值得，一定可以換到pass，坐新幹線又方便

巴打想知你幾點入島出島? 嚟近都會去宮島諗緊好唔好留低2日

係宮島口站搭船出入
宮島一日其實都行得哂

當然想玩深度d玩
睇哂潮漲退 出海划艇
就2日好d

真 廣島縣好大
而且廣島東面仲有好多景點

反而廣島市其實三日咩都玩哂
有張jr pass好重要
行程極依賴新幹線

同東京真係好大分別
東京景點集中好多

想問凍唔凍，天氣同衣著

早排去原爆資料館多人到cls
中小學生團再加旅行團 入面行都行唔到
又熱又勁大陣臭汗味

溫差大
中午勉強可以T-shirt加隻厚冷衫
夜晚一定要加多件厚d外套

諗住薄羽絨加衛衣？如果好凍裏面加件 heattech 之類
咁凍都係夜晚早 D 番酒店

夜晚冇乜野玩
我通常7點食埋野就返
夜晚凍到仆街 著多d冇死

以為踩到今治

旅行志在體驗
唔想玩命

想問吳市睇艦船想 book 日落嗰場，係咪 book 日の入り15分前出港就 ok 呢?

吳市過兩日去