[Live] 獨遊3 廣島 不定時update post

我想問係機場搭巴士去市中心大約幾耐？

一個鐘 但入境頗慢

耕三寺係生口島啵
咁樣玩唔係唔得
要好早起身

大久野同竹原可以擺同一日既
不過都係要留意船班次同吳線JR
之間會唔會隔好耐
計好返大久野搭船返忠海站之後
可以差唔多時間搭吳線去竹原

早知去廣島5日算
依家福岡落再去岡山同廣島覺得好似玩唔晒
去唔到吳市同尾道

thanks

尾道唔去都冇乜可惜
上次6月去貓之細道已經冇乜貓 仲要超多蚊
同埋條商店街好多舖頭執左

因為我係尾道出發，所以會近 D 生口島
如果耕三寺同大久野島比，時間方面無留咁耐就想耕三寺嗰日去埋竹原
唔想大久野島咁趕
但係大久野島嗰日去就最方便

廣島松江 特價巴士

50

尾道好正喎 岡山先悶

巴打你幾時去尾道
我上網睇都有唔少尾道既黑評
所以今次我都冇plan去尾道

早幾日 3日2夜
Day 1行尾道+欖車
Day 2踩車去生口島 30k左右
尾道 因島 餐廳都好撚好食

Btw 聽日開始落雨了
巴打你點部署

上次我行到上山 之後落山條路難行到 但google又叫我行
但行到落山又見到有人上山

宮島呢

本來plan好分開今日同聽日去倉敷+岡山
點知呢邊有啲悶 今日已經去曬兩個地方
聽日我都唔知搞咩好 後日返廣島

岡山d活動完哂 係悶d
係廣島市shopping囉
我聽日都行紙屋果邊

今朝如常好晏起身
搭JR山陽本線
13:30到到達吳站
根據日本氣像局顯示
今日係廣島最後一日藍天白雲了


穿過天橋會見到吳港
往左面落天橋到達吳中央棧橋售票處
可以買到吳市船艦巡禮船飛

上到船周邊放左d旭日旗
拎住呢支旗個感覺好微妙

觀光船上面有位導遊講解每架艦船
始終係日文導賞 聽到我一頭霧水




遊覽過程35分鐘左右
會近距離駛緊唔同艦船比你觀賞
偶然會見到海上自衛隊隊員
係船上路過 整備或者訓練

由於我好肚餓
所以去左烏小島公園果邊食野先
行10分左右會到前往烏小島既巴士

試既就係呢間港町咖啡店
係烏小島公園隔離

吳市必食就係呢款「吳海自咖喱」
據說係海上好容易失去時間感
所以逢星期五都會食咖喱
就會知今日到左星期五

成間鋪得我一個客
可以好chill咁坐係到歎埋咖啡
款海軍咖喱真係好好食
係用咖喱慢煮牛筋
所以味道口感都好濃郁
都可能係我肚餓加乘
隔離可以望到海軍基地



如果唔想洗錢出海睇船艦巡禮
係烏小島公園都可以欣賞海軍船艦
同時觀察到海軍船員既工作日常

搭返巴士回程
再行返去大和博物館方向
時間話咁快到左黃昏時段

入場參觀費盛惠500円
可以見到二戰比美國佬炸沉左既大和號
船艦有頗高深既製作工藝同技術
係史上最大排水量既戰艦
滿載水量高達72,809噸





除左介紹大和號
博物館表示既內容都幾豐富
有魚雷 戰機 各種零件同紙本文物
二戰大部分日軍戰艦模型
仲有二戰同吳市相關全部歷史
建議對戰爭歷史有興趣既朋友參觀

係博物館可以了解吳市既興衰
日本船艦製作技術既掘起
同埋重溫當年二戰既過程
但我覺得最好玩都係可以模擬揸船

少遺憾係趕唔切睇埋「鐵鯨館」
聽聞可以參觀自衛隊潛艇
感受日本自衛隊既日常
不過唔緊要 係吳站GU買到好野
心情都好返少少

行完GU已經夜晚7點半
係時候要食晚餐
去左食「海のYEAH」
離吳站大約行18分鐘

雖然廣島係產蠔勝地
但原來日本最高蠔產量地係吳市
所以都專登黎試下有幾好食

叫左碟貝三味 一碟生蠔
隔離有火爐比你自己燒海鮮
啲海鮮都算新鮮
貝三味分別係海螺扇貝廣島蠔
但評價最好食一定係碟生蠔
係暫時我食過最好食既生蠔沒有之一
海水味同蠔味都好重好新鮮

唔夠飽 叫多碟炒飯
用廣島牛肉粒炒 炒得幾香

旅行柒事日經
原來hiro唔等於hiroshima
係吳站見到往広方向既列車
以為係返広島站
但原來係反向既JR

係新広站發現自己搭左反方向
就急急腳落車
下班車返広島要等半個鐘
車程仲要個幾鐘
姐係要用兩個鐘返酒店

返到広島站已經11點
慶幸既係 仲上到尾班電鐵返酒店

咁慘

留名追故黎緊2月都會去廣島 第一次去

今日應該去吳市 但大和博物館今日休息

不是吧...
我聽日出發

嗰邊依家凍唔凍
需唔需要著厚褸