《破地獄》集中討論區3

睇法唔同，無必要迫對方認同。
反而一套電影引到咁多人討論，值得虛心地睇下其他人嘅睇法。

不幸地都經歷過親人有糖尿同中風，所以佢兩個會死都唔意外。

個女主角話一遇到collapse case 之後死左要搵仔仔爆房解壓。
當時我心諗，咁佢要1-2日爆一次房喎，仲要睇當區多唔多老人院，舊區個d 包保日日死人有case

套戲嘅節奏好唔得
我寧願你個情緒去得盡啲，而家好多位都到喉唔到肺咁
金燕玲嗰段其實值得講多啲，點知輕輕幾幕帶過，明明佢嗰段可以建立到一個情感上大高潮位
然後白只嗰段、黃子華同女朋友嗰段，呢啲CUT得啦
仲有某啲文哥嘅家庭戲, e.g. 成撚日響到提女人污糟...大佬多咗啦，仲有啲兄妹、父女衝突戲，其實一兩場拍得好嘅話已經夠哂鋪到最後文哥死嘅高潮位，而家響中間反反覆覆咁插入佢地啲戲，睇到好唔爽
最後想講前段黃子華揸架紙紥跑車入靈堂嗰段...我明編劇你個用意...但都係嗰句..大佬多咗啦

情緒去到盡d？
一黎就影主d主角喊到仆街，加埋個好悲傷既音樂
之後加d回憶片段

唔係話唔好
呢d話比你知咩位要喊啦既戲係會更令主流大眾get到個情緒
但呢套擺明係寫實取向
係平淡d，多d生活戲咁拍架喎
其實套戲係想帶出共鳴同埋主旨（活人都要破地獄）
唔係想你喊

D壓抑既生活戲先可以帶出果種共鳴
活人既地獄其實就係生活
係窮，係逼於無奈，係家庭關係，係傳統觀念
呢d先係活人既地獄
套戲就係想人可以代入到，拎到共鳴
唔係要你喊

就算文玥同斌，後面場戲都無喊到仆街
都係默默咁眼角掉淚
其實呢d先似真實既人

正常觀眾入場睇戲只有一個標準，就係好睇定係唔好睇
我要JAI壓抑同埋寫實，而唔需要著重電影帶比觀眾嘅情感或其他方面嘅刺激嘅話，咁使鬼入場睇戲咩，我響現實慢慢感受好過啦
你估編劇就咁將自己嘅零零碎碎嘅人生體驗擺哂響套戲度觀眾就一定要buy 架咩
同埋呢套戲學人講寫實？唔好無視我其他comment啦
現實會有正常人諗得出揸架紙扎跑車入靈堂？你同我講寫實，你咁講究寫實嘅話你唔好話我知你睇到呢到無出戲喎？定你又想拗嗰段好表達到黃子華係殯儀業新手，真係好寫實好壓抑呀？
你要撐套戲都唔該專業少少，唔好就咁講啲「活人都要破地獄」呢啲聽多兩次都打冷震嘅對白以為大到人至得架大佬

明白，門口果邊，好行唔送

好行唔送？你邊位？

乜真係有好多人會覺得朱康個角色衰？
話覺得朱康個角色廢、乞人憎、自私、自我中心嗰啲人多數係幼稚得嚟覺得自己好醒好正義嗰啲嚟
朱康為咗個老豆做咗大半世自己唔想做嘅行業，捱到有自己老婆同仔，為咗個仔嘅將來去移民都搞到好似殺咗人咁比個老豆同個妹屌
真係要講嘅話個阿妹一句唔開心就去搵人地個老公上牀，破壞人地家庭呢啲就唔叫自私？有無理撚過人地老婆感受？
一句講哂根本每個人都有自己嘅難處
起碼我唔覺得佢為咗自己老婆同個仔呢一點上有咩錯

我諗你去錯戲院睇錯戲
破地獄 好明顯 係想講 葬禮
唔係為死人而設 係為在生既人釋懷而設
我覺得每個單元都有帶到依個信息俾觀眾
依部戲做到 亦拍得好睇

如果想睇激情戲 畫面刺擊
應該去睇 帝國驕雄2

我話唔好睇，你話好睇，無衝突，
只要有比錢入場就可以批評
關帝國驕雄咩事
講關於葬禮
十幾前嘅日本嘅禮儀師之奏鳴曲我覺得好好睇

你可以覺得唔好睇
不過個原因 我覺得有d怪 咁解
其實都無所謂 無個著重既地方都唔同

唔怪
係你自己將我嘅意思扭曲咗, spin咗去要係帝國驕雄嗰種觀能刺激先叫好睇
我係講緊成套戲嘅節奏，情節/內容上嘅推進、選材等等所營造出嘅感受唔能夠令我覺得好睇
以有類近題材嘅禮儀師之奏嗚曲為例，同樣無你口中嘅咩觀能刺激，但好睇
而你覺得呢套好睇，OK fine
但我比咗錢入場睇我就可以評，咩好行唔送，Bull shit

最後講多幾句
黃子華拎紙紥跑車入靈堂呢段點解令我咁出戲，點解我要講呢個例子
正正就係因為呢段唔夠寫實，甚至係脫離現實，我以為睇緊一蚊雞保鏢
你想表達佢新入行唔理解照顧生人感受嘅重要性呢一點可以有好多種方法
但用一種咁粗糙同咁懶嘅方式去表達，Sorry
咁就唔好同我講咩寫唔寫實

第一 我無叫你好行唔送 果個唔係我

第二 ‘’我要JAI壓抑同埋寫實，而唔需要著重電影帶比觀眾嘅情感或其他方面嘅刺激嘅話，咁使鬼入場睇戲咩，我響現實慢慢感受好過啦‘’
係你自己講架

brtw 理性討論 我覺得套戲唔係扇情戲 情緒太多 反而仲搶左佢個主體想表達既信息 依家咁樣 我反而睇完仲會諗吓固中佢想表達既信息

電影帶比觀眾嘅情感或其他方面嘅刺激 ＝ 帝國驕傲式嘅觀能刺激？
係咪我同你對於文字嘅理解上有唔同？

我既意思其實係指 期望值唔同 會直接影響你鍾唔鍾意 並唔係代表套戲 本身有咩問題 咁樣對套戲有d 唔公平

即係我去睇jurassic park 更係期待特技做得真唔真 劇本有無唔合常理 而唔係睇角色情緒發揮成點

Ching
我收返我岩岩果句好行唔送
同你講聲對唔住

我發覺你既每一個觀點都好特別
好有個人見地
同其他人好唔同
好man 好型

係我太幼稚太懶醒
對唔住
但我好想同d同溫層既人一齊傾下套戲
一齊用d幼稚又無深度既角度去傾下套戲
我覺得我既層次未理解到Ching 你講緊既野，真係好對唔住
門口邊一邊？我自己走啦

唔係話佢唔鐘意錢, 係想講佢唔係一味錢, 錢係鐘意, 同時都可以係有心做. Maserati係佢專登上個死者instagram話係佢dream car, 都算係有心做, 或俾想俾啲驚喜, 只係7咗唔知係揸同款車死, 如果佢唔搞, 就咁是但俾架車, 一樣交到貨, 可能仲平啲. 呢單係佢入行冇幾耐, 可以當係佢唔識野.

導演話唔係
唔代表觀眾覺得唔係

同幾個鬼佬一齊睇
睇到依幕大家不約而同笑左出黎

我反而係覺得閪佬文無諗過個仔唔想做
因為當初佢老豆都係叫佢做
佢就做左一世

而朱康又因為閪佬文叫佢做佢又繼續做
但佢其實都唔多想做
老豆叫到咪做囉
最後就決定唔聽老豆講
走佬

結論：父子缺乏溝通

朱康本身都係廢廢地架啦, 書讀唔掂, 又咩都就晒佢老婆唔敢say no. 受洗都可以話係為個仔. 食飯前祈禱唔做都冇問題, 反正都幫唔到個仔啲乜, 仲要係個仔都已經入唔到間學校

Hello文有句說話話得好啱
話佢係行外，個心唔喺殯儀

部車唔係真係咁有心去幫死者同家屬
而係佢搞直播要有噱頭

同埋佢搞一堆手信，都係為賺錢

有個位戲度無交待得清楚
有幕應該係話佢同佢班伙記係絕對唔會掂遺體
佢幫死者搞喪禮，其實係會知死因，只係佢無個心去理

只係正常人黎

由細到大都唔敢對老豆say no
阿妹又情緒勒索佢

其實老豆同妹都係格硬塞個宗教比佢之麻
佢自己跟本就唔想搞
讀唔成書都唔代表要跟老豆搵食架麻

所以對佢黎講
信咩宗教有撚所謂咩
學校加分咪做囉
打齋咪又係打份工姐

Hello文遺書個度都話覺得佢好叻識反抗

疫情咗，做返婚禮