《破地獄》集中討論區3

點樣無回應主題法
道生既兩個關口喎
由市儈功利覺得做show好easy，係盤生意
變到以人為本識得道化在生既人

由對家庭責任既恐懼到接受到生命難能可貴活在當下（周家怡既部分）

兩個都牽涉佢對生命無常既睇法
兩個都係佢要破既地獄

對上係斷水流？

所以最後朱康同衛詩雅對大家都釋懷
最後間屋有返佢地成家笑住嘅合照

唔知，好神秘

我都有諗過，不過道生係老闆，班喃嘸佬都係睇錢既啫，有錢一定肯做架，佢驚班老闆以後唔搵佢破地獄多d 啦

有好多間長生舖，文明只係其中之一間。唔做呢間咪做第二間。
而且如果文明冇喃嘸佬做唔到生意，果單生意自然會去第二間長生舖。

我反而覺得郭志斌有自知之明，知道自己係廢，一事無成，但無勇氣去面對，無勇氣去改變，現實上都有好多呢啲人。

佢由細到大都比老豆壓住唔敢反抗，係好係壞，見仁見智。
Hello文都講過佢讀書唔成，有一技之長係好事。
結咗婚比老婆壓住，有埋個仔更加係食物鏈底層。
受洗、移民呢啲明顯係佢老婆主意，佢唔會唔敢甚至唔識反抗。

佢嘅人生係擺爛放棄嘅態度，唔體諒唔珍惜，對自己工作唔尊重，呢啲係佢嘅缺點，值得令人反感。
或者成世困喺紅磡，佢嘅人生無乜成長過。
人無完人，呢類人有更多地獄要破。

以而家公映嘅版本嚟講
我地睇唔到道生怕生仔嘅具體理由
道生前半段講嘅係搵錢同對殯儀嘅反思
「生命無常」呢樣野講得真係唔覺，反而用道生同阿斌做對比強調敬業精神

而家夾硬keep咁樣一段你同我講係第二套戲剪入嚟都信啦
去到後半段大部份內容都係圍住父女但突然跳返嚟又係劇情節奏處理上睇到好唔舒服

明顯拍咗一堆道生相關嘅劇情但cut咗，而不婚不育係道生另一個地獄。
對於呢部份表達得夠唔夠？每人睇法都唔同。我覺得唔夠，但係可接受。
只係道生呢個地獄唔係主線，甚至道生都唔係主線。

同意
「生命無常」真係唔係套戲既主旨
反而開場就講左，人生係一程車，到站就落車
其實套戲開宗明義就想表達呢件事係必然會發生
係點樣去面對既問題
同無常無關

道生講既「活人都好多地獄要破」先係主旨
文哥做左咁耐都只諗先人要破地獄
無諗過都要照顧活人既感受

道生同文哥係互相救贖既關係
但道生既救贖係自己撞板領悟返黎
文哥係真係全靠道生去點破先領悟到

最後既法事都係得罪代表舊傳統思想既師傅們
破傳統破規矩
都要去幫文哥仔女破活既地獄

套戲好睇在就係講呢一行但同老生常談既「生命無常」無關
個重點擺返去「活人都要破地獄」呢點先係佢突出既地方

道生嘅劇情刪咗好多，其實可以話佢見到郭家咁，更加怕生仔。
文哥80歲，郭氏兄妹應該30至40歲。
道生50歲，生仔嘅話，個年紀差同文哥仔女差唔多。
所以最後破地獄，亦都算係打破道生嘅一個心結。

具體理由就一定無架啦
佢最後都認左係自己過分憂慮
要解釋既話
首先佢搵藉口唔同條女結婚拖到人有BB
佢自己都唔係太想太接受到一家三口呢啲「傳統」家庭觀念綁死，佢餐飯咪話無仔女都可以係一個完整家庭

其次係搵食問題，佢賺完第一筆錢都驚俾條女擔心要呃佢，證明係好無自信俾唔到好生活俾條女，更加唔好話養多件

仲有佢見左閪佬文一家人咁樣散法，更加印證左佢對生兒育女既恐懼係啱
怕左呢種家庭關係，閪佬文同佢傾富貴竹既繁衍佢都話做咩諗咁多，根本就想逃避

無錯，可以寫多啲
但條友不婚主義都好明確下

反正都cut 到周家怡得兩個鏡不如刪埋佢
而家成套戲都唔關佢事
子華講既野又唔見同周家怡有咩關係

睇你點睇啦
金燕玲同文哥既死都係佢哋始料不及
南音唱「難見面」，佢哋唱左幾次
點解咁強調呢首歌就係對生命無常既感慨

夾埋佢話五十歲照顧唔到個仔幾耐
都係夾返架喎

係喎，富貴竹呢段我都唔記得咗，係有呢個意思。
等導演版啦，而家呢個版本道生剪到好破碎。
本身可以雙線並行，到後尾匯合，一場破地獄打破眾人心結。
但明顯太長，而家已經127分鐘。

其實生死既恐懼，落車到站既命題，無衝突架喎

唔係話衝突
只係唔認同電影想講生死無常
咁多單生意，冇邊單係着墨於此
要強調生死無常的話起碼有啲估唔到嘅意外，最好係約定下星期飲茶結果出事嗰啲

不過呢啲野只可以話每個人都係主觀體偏見嘅

好明確，但道生不婚不生對於個故事嘅意義係咩？想藉此討論啲咩？

每次唱南音都冇探討生命無常呢啲問題，是旦一首都fit
50歲問題與其話講生命無常，更加重要係佢嗰句「唔通要個細路最美好嗰10年照顧我地兩個老野」呢啲野，同「無常」呢啲意外性冇關

編劇太大貪，根本未有能力喺120分鐘handle咁多主題
就算有3個鐘都唔睇好覺得只會塞更多野但每樣路過咁

其實生死既恐懼，落車到站既命題，無衝突架喎

唔係話衝突
只係唔認同電影想講生死無常
咁多單生意，冇邊單係着墨於此
要強調生死無常的話起碼有啲估唔到嘅意外，最好係約定下星期飲茶結果出事嗰啲

不過呢啲野只可以話每個人都係主觀體偏見嘅

「難見面」唱埋出黎啦....
你估佢地預左文哥死咩

你咁強調意外性
金燕玲同文哥咪意外囉
一個突發到街外人報警call白車, 文玥仲狂做CPR
一個就睡夢中無聲無色, 文玥入去叫老豆先發現佢去左
仲要文哥原本勁好中氣突然就俾個衰仔激到心臟病

咁都唔夠咩

啲7老80咁樣死有幾奇
難聽講句，文哥鋪同遺書都處理好哂
都知自己嗰頭近啦
反而係強調知就快到站，做好準備咁

阿女狂做CPR唔係因為有幾意外
而係強調阿女有幾不捨
仲要特登前面拍一段阿女覺得有唔妥
叫佢有唔舒服要打電話

咁你鍾意啦
大家睇法唔同