《破地獄》集中討論區3

以佢生意人頭腦，可以用女人破地獄做gimmick殺出一條血路，洗鬼理其他人

叫埋阿哥做基督破地獄，開拓基督徒市場

拎十字架碎瓦片：「打救你，打救你」。

睇完有幾樣野係俾啲影評/介紹誤導咗
1. 黃子華唔係真係咁貪錢, 亦都係有用心去做
2. hello 文 亦都唔係咁守舊萌塞, 可能我屋企人都有類似既心態, 有啲傳統野係早傳要跟住做, 佢地已經一早"洗腦", hello文之後講既一句, 佢都係老豆定師傅教就跟住講, 冇諗過咁講係會hurt 到個女.
3. 朱康唔係真係咁被迫, Hello文講佢讀書不成, 只係想佢有門專長. 亦可能聽得多人講其實呢行好好搵, 所以本身就唔覺佢好慘, 但朱康又真係好好戲, 令我睇睇吓又信服佢好慘.

韋羅莎上次做年少好多人話佢啲戲唔得, 點知呢套咁少出場但就好好戲
硬係覺得今次係年少既part 2

係囉, 見有影評話文哥冇成長
訪問都一早都講咗表面係hello文教新仔, 但其實係掉返轉

幾時會有完整版

道生貪錢呢樣，依家呢個版本只係講佢賣lego貴10倍，唔算到肉，我估可能因為好多戲剪走左，如果有得睇埋谷德昭和細佬啲戲，可能會講多啲…

死完仔要搞條屍....好mean

相信好多人都睇完朱康(可能包括埋金都 不日成婚 九龍城寨 ETC...既戲)
都會覺得朱康係衰老公、廢柴仔之類

就破地獄黎講 上面有個守舊/停留左0係傳統思想既老豆 係 都叫做有啖飯食 佢唔算好認真對待自己既事業 但係比個老豆壓住 成世都話佢未夠班 點樣BUILD UP到自信?

然後到個妹，雖然未至於憎死佢，可能我腦補，其實阿妹應該係有潛質同埋好想繼承老豆個套功夫，衰在傳男不傳女，朱康都知道但根本反抗唔到現實，呢份阿妹得唔到既怨氣何嘗唔係比朱康既一份壓力? (好似食飯比老婆玩野迫祈禱個下，阿妹再一次谷到爆炸，吓，我因為傳統想做都係得做，你有得做，仲要主動地違背傳統) 朱康都係為左個仔 加比老婆迫(係，或者呢D野又係比個老婆迫住先做，但又問下現實有幾多男人可以唔向個老婆低頭，尤其係拎仔女將來黎講既時候，老生常談一句，男人做左老豆之後，連電視機遙控既話事權都無。)

最後唔多出現既老婆，唔敢講話係港女，但一定係呢代最普遍既香港女仔做老婆既款，基本上老公咩都唔可以有SAY....，同時0係家庭上又唔比面自己長輩，但又要老公做醜人，到兩邊都唔討好時，一定要做返老婆個邊，岩既，好多人都話，揀老公老婆係成世人唯一主動選擇親人既機會，但點解每次都係老公妥協呢，只會0係夫家就可以撕爛面做人?

朱康都提過年青時就著住件喃嘸佬衫，比人笑，大個何嘗唔會比人笑佢發死人財?

一個咁樣成長既人，你可以簡單一句話佢係廢柴，咩都賴自己以外，但試問有無人了解下，佢老豆壓住、老婆壓住、阿妹都唔係好睇得起佢既男人，要點樣先算唔廢柴?

我係套戲完左都重係幾唔鐘意朱康個角色

都明白佢苦況
傳統父權家庭，份工又唔係咁受大眾接受，個老婆又好誠心咁信教果種，夾係兩個家庭中間佢一定係幾辛苦既

但係咁代表d咩？
返工可以睇波？
走去受洗又唔講？
掉低養大佢既老豆去澳洲？

其實衛詩雅成套戲都話老豆偏心朱康
但最後係醫院攤牌果度，朱康反過黎怪老豆由細到大偏心衛詩雅
其實呢度睇得出佢真係好自私好自我中心
無可否認文哥係錫兩個仔同女的
但本身性格內斂，又比傳統觀念同行業觀念影響，個女其實係頭家都唔好受係事實
其實文哥之後反而讚朱康成世人最叻係可以反抗佢，走去澳洲
加上當年捉佢做呢行只係見佢讀唔成書一事無成，想佢學返門搵到食既技能
由此睇得出，如果朱康當年反抗文哥，唔做呢行，又自己搞得店，搵到食，文哥都會好欣慰好接受

朱康個角色比我感覺就係又自私又廢又無自知之明
你咁叻，又識去受洗又識去澳洲
咁你唔識搵第二行去做？既然你咁唔鐘意呢一行
你老豆用呢一行養大佢，佢又用呢一行養住頭家
呢一行可能無比到d咩野意義佢，但起碼比左錢佢，養住佢
佢咁撚樣都叫有老婆有細路，未捱過窮未吃過咩苦
已經過得好過好多人啦
佢返工又睇波又盛，完全無尊重過
加上呢行接觸既都係人地一生人中數一數二既大事
佢咁唔尊重既態度去做
真係好反感呢種人

一開始道生係為錢入行，一開波有交待窮到就黎破產

諗一堆屎橋以為work 覺得只要做出黎個畫面靚就得，無諗過死者家屬感受，以自己想法行先

遇到韋羅莎，佢都係覺得錢好重要
佢同佢啲伙記同埋搵斌哥幫手都講係為錢，仲話而家有個客講錢唔係問題

直至到斌哥頂唔順 ，一開始好反對佢咁做嘅hello文一句埋怨都無就去幫手，韋羅莎多謝道生，hello文仲私底下幫個細路搞法事

發現自己呢一行其實係可以慰藉到生者失去親人嘅痛苦，反思自己唔應該錢行曬頭，搞白事其實對生者同死者好重要

先至會有佢認為死者希望唔理白只order，比梁雍婷見最後一面呢幕

可能吳君如幫手望過劇本, 導演話好多時都會搵埋鄭中基

咁樣先至係朱康個角色要嘅效果

佢個角色就係唔想做喃嘸師傅又被逼做，反襯衛詩雅想做但無得做

你話佢個角色好仆街，但現實生活好多人都會係咁

都係既

同埋佢呢個角色都係反襯緊道生
道生臨老先入行
雖然唔熟行規同一開始都只係想搵錢
但道生係文哥同d客身上搵到意義，學識尊重
最後唔只得到自我救贖，重同文哥互相救贖

佢就做左成世都帶住負面情緒去做
唔識尊重呢一行同自己
到最後都要文哥托道生去超度佢

其實.........果盒合桃酥有無影響Hello中風病況令佢快啲死

(因為Hello文明明只係輕微中風)

周家怡個角色根本可以cut

周家怡至少有2個場口係肯定cut左，如果根據依家cut剩果啲來判斷，唔係好公道。

之後有個仔
話時話 黃子華好耐無做爸爸角色

依家cut到黃子華同周家怡鬧交果場
事前唔知黃對細路仔嘅態度係點

大南街個展覽真係值得去，個立體海報勁型
仲有封信原稿
關鍵部分俾信封遮住左

點cut
周家怡作用就係佢同子華既私生活
外面豁達處事面面俱圓既子華，對自己女友感情事係一再逃避，好強烈對比喎

周家怡其實幾靚
但好似未有男友？

問題係而家個強烈對比唔太回應到主題+冇鋪陳
有好強烈對比，但睇完只係覺得道生好跳制