《破地獄》集中討論區3

其實搵黃子華做呢個角色真係非常適合
佢個角色根本就係世界仔一個
撈好多唔同行跑慣江湖
上一行仲要係做婚禮搞手
識講嘢、笑住嚟受氣、逆來順受、唔會咁易認輸
無論外形同埋佢以前做過嘅戲路
佢其實做返大約以前嘅演技已經交足貨有突
最好戲嘅位係
你可以話佢喺啲老戲骨面前仲有一段距離
但係佢演技一定唔係差

其實唔算快
一個人面對生離死別
唔需要好多次
都可以對佢個人有好大嘅反省同埋改變
戲入面佢嗰三單生意其實已經好足夠打動到一個人
尤其喺
仲要係喺佢開始做呢行嘅初期
佢個人性仲未對生離死別麻木
仍然有人性嘅時候面對到呢啲嘢
有呢種轉變真係唔奇

我反而覺得佢幫文哥着衫嗰一幕之後飲酒嗰part唔係好自然，我認同佢唔係做得好差，我對佢絕對有期望，所以覺得佢可以做得更好

尋日睇完未有時間追晒舊post，見好多人討論自覺其二，我反而想知中前段衛詩雅救唔翻人之後讀嗰幾句係咩（好似係救唔翻人我都唔係好sure）？我淨係記得有幾隻字好似係咩「覺道生」，睇嗰下好用心記，十分鐘後已經唔記得咗
因為呢幾隻字令我想知同主角叫道生有咩關聯同文化背景，我淨係記得嗰段讀出嚟有種往生咒嘅感覺，但唔知衞係讀俾自己定死者聽所以唔sure

最後一幕嗰一句喺乜？
我嗰場當刻有人影相
搞到我分咗心睇唔切

佢想搵錢但都想幫到人，兩件事無衝突

其實成套戲其中一個衝突位就係hello 文成日講果句
外行同內行既分別

到最後hello文個儀式，果班師傅聽到搵個女做破地獄
都有講返呢句

其實道生係半路出家，接觸呢行唔耐
佢一直都係用一個外行人既角度去睇件事
好多「不近人情」既事其實唔係d人真係不近人情
只係佢地守舊咁去跟「內行」規則去做事
道生只係用一個外生d既角度去做事
無咁守舊

其實有講時間係疫情之後，公司撐左兩年唔掂所以要做殯儀
獨醒撚特別有自信<-呢個point暫時未見到人提

一開頭背景都錯仲好意思出黎柒

留意到兩個細節位好嗱正

第一個係黃子華喺靈堂同小朋友睇繪本，跟住再發生餐廳文哥問佢係唔係貪錢嗰幕，正常睇戲都係兩幕調轉次序，但依套戲用意好正，文哥已經見到佢有改變，再喺餐廳扮野問佢係咪貪錢佬，到黃子華交完心，兩個就變frd


第二幕係玥嗌老闆嗰幕
「老闆⋯老闆⋯爸！」
要到個人真係走左先識嗌爸⋯

其實要講係黃子華人設應該係個世故，穩重，處事成熟嘅人
做婚禮成功，疫情下苦苦支撐兩年。

唔會係輕挑同無同人溝通好就自把自為。

點解片中人冇用安心出行？😵😵

係「文哥⋯⋯文哥⋯⋯爸」

佢用咗 無香港人去睇

大.. 大哥哥...

我反而覺得嗰幕有少少唔自然同老尷，感覺演得有d辛苦

但overall 我認同子華個戲路係好適合呢個角色，我睇得好enjoy

子華演技真係唔算出眾但我就係好中意睇佢

片尾邊度？

觀眾緣
佢唔靚仔戲都冇特別好但係就係好charm

好似係白居易

置心為止水，視身如浮雲。抖擻垢穢衣，度脫生死輪。

如果最尾啲喃嘸師傅屌返道生老母會更加首尾呼應

同埋我覺得佢架車紅色都有意思
做殯儀呢行一定唔會揸紅色車
但因為佢本身係由wedding 跳入去
所以架車一路都係紅色

其實佢由頭到尾都只係想賺錢嘅同時滿足到個客
不過開頭就用咗婚禮嗰種驚喜模式去做
瑪莎拉蒂奶咗野之後佢已經知道自己衰咩
之後雖然錢都係要賺(成村手下睇佢頭開飯) 但賺錢之餘更加要超渡到個客

木乃衣嗰段斌哥頂唔順走咗
佢單拖都要做埋個job
已經證明咗佢係一個想做好件事嘅人
之後學著衫學化妝
用童書氹細路
呢啲全部都係描寫佢收得人錢就會做好件事
唔係普普通通同人打場齋就算

戲入面仲要用咗斌哥同佢做對比
大家都係唔信
但一個帶住尊重去做, 一個就當打扮工是是但但
所以咁樣黃子華先打動到文哥接受佢呢個新人
唔止生意比埋佢
最後連後事都要佢搞埋

文哥對玥既愛 唔需要封信
佢係玥傷心既時侯叫玥幫手洗頭 唔俾玥自己一個喊 呢個已經香港爸爸表達愛既方法 個人覺得比起封信更感人

睇完感想
朱康果然係喃嘸界Micheal Jackson

呢個就係傳統爸爸仆街嘅位