[ 你亦夠賤吖！火雲邪神！] 港漫綜合討論區 31

邪神殺棍妖

隨住小棍妖救唔番，基龍棍妖繼續格棍，最後基龍石破天驚硬拼浪捲天庭第二招滅仙神，兩條友棍都格斷，棍妖三第棍斷咗第一節，基龍仲慘，斷剩手上一支短棍，乘機插向棍妖丹田，兩個人兩敗俱傷，突然之間，老妖終於出現幫手
羅剎女泡茶俾邪神飲，飲飲吓想起食咗慾兒檸檬，心感不悅，此時羅剎女報告老妖已經去咗執法堂，邪神批死棍妖必死
棍妖大駡老妖係二五仔，幾十年老友都要郁佢，原來八十年代，兩條友正值壯年，卻不務正業，加入山口組做小頭目，一次去唐人街一間武館收陀地，殺哂武館弟子，點知館主係棍術高手，用三節棍打到棍妖毀容，老妖唔講武德，從後偷襲收咗佢皮，棍妖亦於武館內找到千變棍譜，武功更上層樓，而老妖亦於一次行動，救山口組組長一命，獲贈八殺爪秘芨乙本，二人武功有成之後，得老邪神力邀加盟，成為羅剎雙妖，但老邪精於權術，分化二人令佢哋易於控制
現在，老妖棍妖二人決鬥，浪捲天庭第三招硬拼奪命殺，可惜棍妖丹田之前已受創，如今終於內爆，上半身骨頭斷碎，棍妖求饒想安葬小棍妖，之後退出江湖，基龍答應，突然之間一團火勁破門而入，邪神質問點解棍妖要求饒，棍妖答唔出，邪神一掌火雲掌就燒到棍妖得番棚骨老妖驚到震晒即刻跪低

等睇棍妖私生子出場