[ 你亦夠賤吖！火雲邪神！] 港漫綜合討論區 31

小蛇上到塔頂，心知中伏，原來慾兒已經失蹤一段時間，小蛇估計已經被羅剎教捉走，而邪神言語中亦暗示，已經食咗慾兒，小蛇強迫自己冷靜，同邪神咀炮一輪，終於R到邪神用單手讓小蛇三招，準備接招之際，小蛇諗番起幾年前同刀痴決戰，俾佢打落水潭，隨流水飄走，迷糊中見到有條女除哂衫响水底，見到女小蛇即刻醒晒，條女打到小蛇吐血，發覺似係怪錯人，於是救小蛇上岸，仲醒咗本金童寶典俾佢練，狗男女隨即打得火熱
回到現在，小蛇居然兩隻手都唔夠單手嘅邪神打，第二招已經被邪神用火雲蓋頂釘咗响地下BBQ
白仇方面，老妖卒之趕到救白仇一命，老妖鬥鐵龍，白仇乘機去幫金牛包紥，鐵龍因身負鐵布衫，於是放心同老妖搏招，最後老妖用閻羅奪上面鐵鍊鎖住佢，再打到佢鐵布衫跌咗一層，白仇加入戰團，最後三個攬住形成殊死戰
基龍唔夠棍妖打，於是目標轉向小棍妖，棍妖驚打到自己個仔，於是叫佢趴低，準備出大絕，同時基龍功力跌至第七關
小貓被金羅漢打飛，廢鐵乘機插金聖僧大椎穴，不過被金羅漢一腳踢到胸口骨裂，小貓運功療傷，金羅漢跌至第八關，戰鬥再起，金羅漢乘一次機會，箝住小貓，點知小貓一腳神龍擺尾，踢到金羅漢眼珠飛埋出嚟，金聖僧死旗已立