[ 你亦夠賤吖！火雲邪神！] 港漫綜合討論區 31

基龍將棍妖父子推向神像，神像倒塌，壓到小棍妖下半身不似人形，棍妖輸功救佢，不禁令基龍諗起自己父母
基龍老豆石武夫原來係澳門人，偶然溝到條俄羅斯女結婚，之後生子基龍，石武夫由基龍細個時就教佢柔道，一日，武夫朋友寄信叫武夫幫手返強国對付碎骨門主，一去三年了無音訊，於是十三歲嘅基龍，出發去強国福建搵老豆，一年𢓭，老豆搵唔到，反而撞到一個乞衣，見到佢窮到無飯開，於是乎請佢食飯，乞衣感恩圖報，教基龍一套內功心法，基龍三日就練成第一關，乞衣見佢係練武奇才，於是送咗本秘冊過佢，內有頭六關金鐘罩口訣，臨走仲同佢講，若果日後遇上能發劍氣之人，就要閃人，當日乞衣就係唔識死，於是冇咗隻腳
回到現實，棍妖個仔無得救，棍妖大怒，兩人繼續格棍，打到最後基龍鬼哭神號大破棍妖龍王震怒，連面具都俾基龍打爆
小貓金羅漢兩人都恢復不少戰力，小貓乘機用咀炮說得，金羅漢有少少動搖，不過諗起當日敗於邪神之手，佩服得五體投地，唔想做二五仔，於是戰鬥繼續，小貓採遊鬥戰略，順便同廢柴講，要佢見機行事，插盲金羅漢另一隻眼，小貓把握一次機會，用惡龍纏纏住金羅漢，一拳一肘打落佢個頭，廢柴乘機插眼，點知俾金羅漢雙拳緊挾古劍，成把古劍碎咗，仲乘機將小貓廢柴兩人撞埋一堆
小䖳飛出塔頂，小鷄及時接住佢，仲將佢放入一個荷花池，小蛇乘機用池水吸納消散火勁，好彩佢之前練金童寶典積存不少寒勁，內藏先不致被燒熟