[ 你亦夠賤吖！火雲邪神！] 港漫綜合討論區 31

忍唔住要寫下先。已經5期，都冇講過羅剎教有幾邪惡。

大家諗一諗，有兩個團體，A團體走去B團體地盤大屠殺，理由就係A團體"話" B團體無惡不作，殺咗數個A團友。
跟住A團體基本上都係人多蝦人少（金，鐵）再加偷襲（小虎）加擸架撐（石鐵）；或者搵人質（黑龍）。B團體就1個人堂堂正正讓你打10秒，然後對方扮中重招出蠱惑再加擸架撐偷襲，之後再加多個人又偷襲.... ；另一邊 又讓半臂又讓招，入黎地頭大屠殺後仲畀機會放佢走.....；第三邊就赤手空拳對2個擸架撐既，之後又加多個，仲要打要害......

作為一個冇睇過舊著或新著既新讀者，究竟會覺得那一邊係正義呢？

如果講句無惡不作，再加上殺幾個團友就係邪惡，咁A團體都一樣係邪惡。

其實咁既故事結構，係咪可以講只係畀老讀者睇？因為老讀者先可以腦補舊有角色既定位。

唔吸新讀者，咁reboot為乜？

中華英雄擺到今時今日都好好睇
新中寫寫下停左真係

我幾驚比人話我係PR 期期都好似踩龍記咁
我對玉記都算係因愛成恨…………
連我最鍾意既問天都寫到咁………..

玉郎兄……..你正正經經搵過個編劇啦
搵個電影編劇幫你寫啦 學以前囉
你唔用鍾蛇咁可以點
用龍哥班底幫下你啦
你比小小希望港漫讀者好唔好
你依家唔係娛樂緊讀者………..
仲要加左價到28蚊 價就加左但真係接受唔到
龍哥加價都有文有路有原因 $30係超值
好心痛龍記搞到咁

話題轉少少方向，龍記固然係港漫龍頭，但其實港漫仲有好多其他的。大家按喜好支持下。
石子地攤啱啱開緊，得閒上去行個圈睇下有冇啱。個人推介和仔小說同阿架本搜異錄。

和仔
多謝分享

本身想去搵和仔簽名，點知佢只係星期五出現，唯有遲啲買書支持

蛇貓羣邪嗰名，真係唔係浪得虛名
羣抽，插眼，封喉打春袋，為咗贏場仗，乜嘢都做得出，所謂羅剎教無惡不作，係舊著有講過吓，新著直頭係用旁白抹黑大法就算數

又再呻多少少。
顯朕成日強調龍虎門喺廣大讀者心中係有定位，唔可以偏離太遠。大家係咪覺得個定位係鋤強扶弱，彰顯正義？咁金著呢5期有冇偏離定位？定係我地一直誤會咗定位？讀者其實只係想睇主角群威，屠殺奸角才是真正定位？

可能呢個先係真正龍虎門既定位

我反而覺得邪神先似大俠

小虎一個order殺敵為先，廢鐵唔想冒險，就點鳩阿柴去送死，屌你老味，自己友都咁仆街，蛇貓羣邪真係中國香港嘅特色正義之師

火雲邪神响舊著，的確係反派，做唔少衰嘢，新著就真係冇乜

問題係仲未見到佢有幾奸

餓左佢地既作品差唔多兩年
壹本創作既fans一定要支持

唔知遲啲書屋有無

和仔本書會書局上架
阿架果本我見火之鳥同古妮入左好多貨
Rocky果本我諗古妮都會有

咪搞9龍哥啦⋯⋯希望佢全力搞好龍神仲好，金蛀就算9數啦⋯⋯

真 起十頁稿
但我又唔覺邊十頁似龍少起

獄狼起 龍哥放稿

https://www.facebook.com/share/p/19hU1MnCuH/?mibextid=K35XfP

呢位師兄討論玉郎味，可能黃生今次真係投入過以前，至覺得鍾sir啲橋同佢格格不入 😆

真係咪撚再搞龍哥啦，我覺得龍神比起虎甲人，d畫係跌咗小小

龍少當顯朕恩人 當日借神兵4畀佢開公司

老黃到咗今日，都唔知自己嗰問題所在，就係唔能夠與時並進，對白橋段老土到我呢個廢中都頂唔順，如果佢時代背景，設定番七十年代就成件事fit 哂