癌症復發擴散腹膜淋巴, 求免疫細胞治療資料

笑鳩樓主既仆街, 希望他朝君體也相同!
----------------------------------------------------------------------------------------------
我呀爸今年6月確診肝癌IIIB, 腫瘤多發15-20cm， 已擴散, 當時多位醫生一致預計壽命係3-6個月, 而我地係確診當刻我地已經直接係大陸醫。因為,
1) 佢無買保險, 香港私家太貴, 而香港公立最快要排到8月尾先第一次門診, 太遲了
2) 另外, 香港醫生係跟國際指南行醫, 我呀爸既情況只可以落靶免藥, 如果唔work, 下一步就係得返姑息治療/疼痛管理/ 安寧住院, 我地唔想放棄
3) 大陸醫既好處係快, 平, 彈性, 佢地約專科專家可以直接約, 唔洗referal, 另外因為你係自費病人, 所以有討論空間同醫生傾, even 可以試國際指南無既療法
----------------------------------------------------------------------------------------------
6,7,8 月我地都有做介入 (TACE+HAIC) , 另外 再加T+A (Pembrolizumab + Bevacizumab) 靶免藥, 但做左三個月,無改善之餘, PD-1 仲攪到我呀爸間質性肺炎( 成個肺白曬), 所以9 月基本上都係住院醫肺炎
10月開始我地去左廣州中山腫瘤 見夏建川, 雖然佢唔係醫肝癌 既,但都開始左試佢隻PD-1 T Cells 療法, 因為細胞療法係大陸係Grey area, 所以佢會suggest 你去佢自己係南沙區開既Centre, 叫壹加醫療既地方打。我呀爸呢家每星期上去回輸一次細胞(分兩天), 一週DC-CIK 同一週CIK 梅花間竹咁打。血液來源係佢+我 (半合子)
DC-CIK ($40000一次), CIK ($20000一次) , 所以我地一個月支出就要$120000, 另外細胞會體外做PD-1 activation, 所以額外加多$15000一個月
******如果你問成效? 未知,我爸剛打左兩星期, to be honest 佢唔好再惡化落去就好好了
-----------------------------------------------------------------------------------------
anyway, 希望以上info 幫到你, 作為同為病患家屬我都感到好累，希望你都加油, expect the worst, hope for best, 珍惜每一天 !!

爸打我星期一去見佢，可唔可以留TG聯絡了解更多？

我有聽人講過，但驚係媒

冇再多既錢俾人呃，同埋一俾人呃左爸爸就唔會肯再醫，我呢一步要行得好小心。

我無用Tg, 一係你lihkg DM 我地交換 wechat?

唔肯定係咪同一個
早幾年屋企人睇個中環醫生又係SELL免疫治療
講到試左可能唔洗做手術呢
跟住睇另一個醫生講依隻癌做免疫治療=曬錢
如果因為做免疫而錯過左可以做手術既時間仲大獲
每個人情況唔同啦 問多幾個醫生再決定沒咁易錯

發燒 點樣無啦啦去到pet scan?
我都試過膽管炎

做細胞治療既前提係唔可以甩做開既治療, 細胞治療只可以當係試一試既心態

p牌好似dm唔到你

有膽管癌底，驚復發所以PET

原來都有12萬，正常人點負擔

明白，希望你盡快搵到係爸爸適合嘅療法

幾個po小心有人sell
蘇子謙 醫生
google search過，原來lihkg 介紹佢來來去去2個ac

睇過幾次，可能有料，但口術更強勁，次次佢都會話「睇我嘅病人，越食越肥㗎喎」、「真係會好返晒」
之後開藥開成個星期，食2日超唔舒服，覆診轉藥，浪費金錢，轉多幾次唔睇了

姑娘出口術仲勁，有次問佢個檢查，佢介紹個相熟醫生做，我問佢咁大概要幾錢最高，佢話最多2萬左右，咁我開頭都信佢，點知真係去睇個醫生，同我講8萬蚊。

你fake news 有心定無意？大佬，係想我幫襯你相熟醫生？定懶醒表示你知個答案，差咁遠點令病人繼續信你哋呀

唔肯定係咪同一個
早幾年屋企人睇個中環醫生又係SELL免疫治療
講到試左可能唔洗做手術呢
跟住睇另一個醫生講依隻癌做免疫治療=曬錢
如果因為做免疫而錯過左可以做手術既時間仲大獲
每個人情況唔同啦 問多幾個醫生再決定沒咁易錯

去到免疫治療的地步，其實基本上已經唔可以外科手術切除

而你話「依隻癌做免疫治療=曬錢」，的確有啲癌係做免疫治療冇乜用，好似前列腺癌同胰臟癌咁

想問爸打少少問題：

1）爸打之前6-8月做TACE + HAIC係邊度做？不過我爸爸肝外膽管癌，呢d治療都唔關佢事，純粹想知。
2）點解會識夏建川，係咪識人有成功例子？
3） 知唔知呢個隔星期既打法係唔係直到最後？醫生期望係可以控制住，延長無惡代期，定係有信心醫得好？幾耐要evaluate一次療程有冇用？

其實得一成人用免疫抑制點既針係有用…. 買6合彩既概念

希望隻Lenvatinib對你爸爸有幫助，另外上大陸搵醫生要比較小心啲🙏

1)
6月係深圳市人民醫院 (公立三甲)
7月係廣州中山三院(公立三甲)
8月係廣州中山三院(公立三甲)
9月開始就廣州祈福醫院(私立三甲)

大陸公立醫院既醫生係好過私立醫院, 但居住環境公立醫院就真係嚇死你, 但因為我想我呀爸住得舒服d, 所以最後都係轉左去祈福醫院, 每月做一次介入
----------------------------------------------
2) 其實我呀爸9月開始唔做得T+A, 我就主動有上小紅書搵方法知道左細胞療法，夏建川我真係好彩, 當日行入去佢剛好有係門診. 另外我都之後Search 過, 佢都okay 出好多paper, 相對上可靠既........
-----------------------------------------------------
3) 我呀爸情況好嚴重 (佢個肝70% 係腫瘤,靠剩底小小既肝頂住佢生活), 所以夏建川先suggest 佢每星期黎。下個月會變成兩週去一次

3) 另外, 醫生我呀爸個case唔會俾任何expectation, 因為我呀爸個case真係好晚期, 勉強可以話extend 佢生存期啦
evaluation, 我一個月會安排佢照一次增強CT lor

多謝爸打

你爸爸行到嗎？體力o唔ok? 回輸完細胞會唔會有唔舒服？

佢都仲行到, 但要用拐杖, 萬幸未有黃疸未有腹水,
打完會發一日燒, 佢第一次打完返香港累到仆街訓左3日先精神返, 但今個星期打完返黎又好似無咩野, really depends

直接返大陸打NK, CIK, DC cell最快 打一次50億粒cell連埋醫生費大約4萬-5萬 效果係幾好

屋企人得既分數好低，好似個位數 。 但醫生話試下免疫治療，用到依家兩年 。
四年前發現，堅持到而家四年，就七十歲，知佢想要男孫，早兩年好彩我仔出世….至少依刻同個孫仔玩左兩年 。我諗都算唔錯了

標靶藥咁貴 。 政府醫生肯比你盲試？

都係呀 都結了左件心願

食野無胃口,你可以試下Megace (Megestrol), 我呀爸work lor
另外試左飲oral impact 之類既營養奶粉未? 如果唔岩口味可以俾做gym既蛋白奶粉, 好多口味總有隻岩佢

我呀爸出事前60kg, 6 月做完第一次介入時得返53kg, 之後我日日逼佢一日三杯做gym既蛋白奶, 慢慢呢家去到57-58kg (1個月都有升1kg)