癌症復發擴散腹膜淋巴, 求免疫細胞治療資料

膽管癌做唔到質子，因為個位置好近小腸頭

咁可以唔駛諗免疫治療了，正如樓主自己講，搵唔到靶點，而家治療膽管腫瘤嘅靶點藥多數係FGFR2抑制劑，但FGFR2係生長因子黎，抑制劑只係減慢癌細胞生長，殺唔死癌細胞的。所以基本上可以放棄標靶藥了。搵其他療法吧。

免疫細胞治療最勁係日本

一線藥用咗兩三次到，醫生冇講有冇抗藥性，但只係知道每一隻藥都抑制唔到，一直生長。

我有帶過佢上深圳港大，但個醫生流到仆街，報告又唔睇。因為我哋上去係為鏢靶藥，所以佢知道後淨係出醫生紙俾我哋。完全零幫助。

絲打，我明白完全冇方法等死咁係好辛苦好絕望。我都有過咁嘅諗法，但我覺得如果爸爸佢行動能力或情緒都未必ready做到你想做嘅嘢，咁不如放開啲咁諗，佢做到臨離開前都能夠隨心所欲先係最重要。

你延長到佢嘅壽命唔代表多咗嘅時間係開心，人總有限期，尤其係依個病。反而佢臨走前係舒舒服服咁，已經係對自己同佢嘅最大安慰。

你講既唔駛諗免疫治療係免疫抑制點pdl1 / pd1? 定係係免疫細胞療法？

我老豆唔中靶點，而家試緊樂衛瑪，醫生話唔中靶都有一成機會岩用

佢復發至今9個月，我都未接受到佢有一日如果離開左，我會變成點樣。我真係好唔捨得佢

佢由細到大為左養我地一家，做野好辛苦。估唔到退休幾年就中左隻咁惡既癌，我覺得我未報答哂佢既養育之恩。

年初復發至今9個月，如果可以，我想挨多10年8載。我唔怕照顧佢辛苦。

偏偏可唔可以延長生命，同係唔係可以舒服咁走都唔到我地話事

去外地醫都唔代表會唔舒服，我會諗內地醫就係知佢捱唔住係咁飛來飛去日本做治療

佢而家行動仲可以，生活自理到，我先諗有冇得博一舖。當然最後都係佢意願行先，我都冇得夾佢返上去醫。

好多時覺得好唔抵，香港平均life expectancy 係80幾，我老豆好後生，點解要咁快end game

問下佢，D雞泡魚膠燉老陳皮喺邊度買？

唔係所有藥有資助 而且仲要好貴
就算有危疾都保唔晒

呢隻就係生長因子抑制劑，即使有效都係減慢癌細胞生長，乜配搭其他化療藥？

做過2線化療都已經抗左藥了…而家爸爸身體弱，主診醫生評估現階段唔再做化療住。
我諗我老豆個case唔會有完全醫好了，如果隻標靶岩用，控制多2-3年我已經好滿足了。

想問當初咩病徵去睇？
同埋有冇講主角咩原因患上？遺傳？

樓主同樓主爸爸加油

老陳皮唔難搵
雞泡魚膠先難搵

唔係話啲乜，不過既然都多次抗藥，你都要預期Lenvatinib未必可以大幅延長生存期，尤其免疫治療無效，可能要有心理準備最多1年左右🙈

樓主

盡人事， 聽天命

切勿輕易放棄

聽醫生講，多數癌症病人係併發症先攞佢命
身體弱就要小心

海味鋪，雞泡魚花膠同老陳皮都有賣，平的2/3千一斤，靚D貴D 5/6千一斤，比病人日日食由其無胃口時，治癌過程當飯食，就算敦完當湯水飲都好，始終花膠有蛋白質又補陳皮又開胃，就算醫唔好隻癌都對身體好，強身健體對抗癌過程好重要。

老老實實 如果延長生命但係痛苦地過剩返既日子
咁對你老豆係唔係真係一件好事
我係醫院見過好多屋企人堅持要救 要保住條命
有病果個其實好痛苦
真係問清楚你老豆既意願先啦

發燒，膽管炎後照正電子發覺復發。

年紀大左可能係誘發因子？

我爸爸生活可以自理，行得走得，只係味覺唔得，俾化療傷左。 如果佢情況差我唔會強求，係見佢識行識走先想博下…佢一直都想繼續生存，佢成日話如果冇哂d腫瘤就好…
只係佢對出國醫有保留，可能係因為老人家想走都係返自己地方走，有親人陪，同埋爸爸唔想我辭職陪佢醫病

我明，我爸爸試過感染高燒搞到入院。

所以唔想再化療，想諗其他冇咁傷身既方法幫佢延長有質素既生活。

幾個po小心有人sell
蘇子謙 醫生
google search過，原來lihkg 介紹佢來來去去2個ac

睇過幾次，可能有料，但口術更強勁，次次佢都會話「睇我嘅病人，越食越肥㗎喎」、「真係會好返晒」
之後開藥開成個星期，食2日超唔舒服，覆診轉藥，浪費金錢，轉多幾次唔睇了

姑娘出口術仲勁，有次問佢個檢查，佢介紹個相熟醫生做，我問佢咁大概要幾錢最高，佢話最多2萬左右，咁我開頭都信佢，點知真係去睇個醫生，同我講8萬蚊。

你fake news 有心定無意？大佬，係想我幫襯你相熟醫生？定懶醒表示你知個答案，差咁遠點令病人繼續信你哋呀

http://www.equah.cn

免疫細胞治療