癌症復發擴散腹膜淋巴, 求免疫細胞治療資料

DC-CIK 4萬 NK 2萬

一個療程4針，但我諗有效就唔會有得停，試左冇效就唔會再繼續。

但要睇病人意願，本身以為細胞治療可以單腳走，點知唔得…老豆亦唔知可唔可以再受到化療…

咁香港嗰度幾時再覆診？應該都會同醫生講自己打算咁？

下星期二

但可能會想呢個星期約主診傾傾方案先（係爸爸唔係度既情況下），如果佢唔肯重啟化療，其實都唔駛諗

我用大參林既微信小程序訂完，再送去最近福田既藥房自己拎貨，唔該晒巴打。想問你地劑量係咪每日一次160mg?

爸爸狀態如果 情緒還ok嗎

佢狀態recover緊，明顯比剛出院時好好多。咁當然比9月時會打左折扣。
標靶藥明顯冇咁辛苦，佢食野胃口有改善。繼續行得走得自己日頭周圍去。
但一諗到標靶其實係冇咩用（根據內地醫生所講），我心情都幾無奈。好驚下星期返去覆診，癌指數會瘋狂咁向上升

琴日親身體驗，上廣州南沙打細胞治療條路程都唔惹少。 想舒服d可能要book 7人中港車來回香港廣州，但兩程車就已經$5000。經濟d既方案係坐高鐵到廣州再轉的士去醫院，但對佢體力都有相當要求。深大會相對方便，但唔係三甲醫院，又會擔心安全性問題。

講到最後，我都未同我爸爸再坐低傾細胞治療一事，我都擔心佢最後會選擇唔做，咁下一步係咪姐係等個病繼續惡化，等死呢？
但琴日屋企人問我，咁如果做完，係咪就唔駛死？我呆左唔識答。
屋企人呢番話都會令我諗，去其他地方求醫，想延長佢生命，同時可能都延長佢既不適，其實係咪我自私呢。

佢依家仲可以四圍去，生活質素尚可，不過你亦都要諗佢跟你嗰套治療之後（尤其你話要化療配合），到時生活質素一定下降，可能連做自己鍾意嘅嘢都唔得，只可以瞓喺床上面。。。

你要記住所有人都會死, 分別死得辛苦啲定舒服啲咁解
佢話唔去, 你只能尊重, 幫佢揾定舒緩科

你爸爸意願本來已經好清楚, 香港無就算, 你做緊既嘢已經違背佢意願,
你覺得只係問下佢, 但其實已經係俾壓力佢

你留意你上面講啲嘢, 好多都係自己角度, 我唔捨得佢, 我未報恩,
我唔怕照顧佢, 試下換位思考, 如果你係你爸爸想唔想因自己個病
屋企人一齊辛苦.

尊重病人意願,意思係講一次病人話no就算, 唔好講第二次.
餘下時間有限, 唔好做啲影響病人心情同大家關係既嘢.
佢叫你唔好辭職, 你最好唔好辭. 祝你有智慧做決定.

搵cart-t相關資料，但有機會要返上去醫，過來人

大部分都同意，但辭職嗰度，我覺得有時係屋企人未必想「連累」其他人先咁講，但心入面可能都想多啲相處時間

同埋辭職呢件事，變返係樓主自己意願多啲，如果屋企人得返幾個月時間，不過多啲陪佢仲好，廢事將來後悔

中山腫瘤果邊建議做化療係最好，但我都諗過，本身個病就唔會醫好，我想做免疫細胞治療只係因為我知佢冇咩副作用，想加佢入treatment plan度希望帶黎1+1至少大過1既效果，去延長爸爸生命。

呢度都好多人inspire我，係想延長爸爸生命之餘，quality of life都好重要，我會先問下爸爸想唔想做細胞治療，再同主診醫生傾香港既標準治療要點做。

絲打，你講既有道理，我地只係係唔同既角度去睇呢件事。

佢當時話香港有得醫就醫既時候, 2線化療未抗藥...未行到窮途末路。人到左末路想法唔知會唔會有唔同。

我自己之前未了解過係內地做細胞治療既野， 而家要了解既都了解左， 方案亦都有，如果我唔同佢傾就直接否決一個maybe可行既醫療方案，我會有遺憾。同埋佢既病只會愈黎愈差，我唔想錯過佢仲可以識行識走去第度醫既機會，可能好似你咁講，同佢講會令佢有壓力，但唔講，錯失既係一個maybe可以延長生命既方案,兩害取其輕,我覺得都要俾佢知"拿,而家有D新細胞治療可以咁做...."
佢唔想做,我都唔會迫佢。但我唔想佢deep down 係"因為唔想拖累屋企人所以唔去醫"。重來就唔係拖累, 掉返轉如果我有事, 我肯定我屋企人唔會覺得我係拖累緊佢地。
廣州果邊可以星期六日做細胞回輸，我可能都係兩星期請一日假同佢返去３日２夜，我覺得搞得掂。

可唔可以分享下你／身邊既人係唔係做過?
係邊做同埋有冇用?
唔介意既話可以TＧ聯絡？

係咪聽日覆診？到時喺度update下

結果，我開心見誠咁同爸爸傾，佢既意願想唔想返內地或者去其他地方做免疫細胞治療？咁答案係如我之前所知既，佢唔想。
用佢既說話係，佢覺得佢都「夠」啦，唔想再延長，佢覺得好辛苦。 我問佢，你係邊度唔舒服，令你覺得好辛苦？佢答唔到，只係耍哂手另哂頭咁。我估係心理上既負擔，見唔到出路既迷惘。
我爸爸3年前經歷左whipple手術，今年年頭復發，做左9個cycle 免疫治療+化療，經歷左2次sepsis….但病情都仲係有進展。我估佢既夠，係受夠。經歷咁多，我覺得佢已經超額完成，佢想舒舒服服咁走，我會幫佢完成呢個願望。

我爸爸早兩日又再因為感染而入院，膽管癌就係會咁，反覆膽管炎引致感染…主診醫生同我琴日再catch up,大家都agree爸爸唔會適合離開香港了。所以餘下落黎既日子，就盡量俾佢舒服咁過啦～

既然有決定就唔好再左諗右諗, 祝平安

多謝你絲打。
既然唔可以勉強延長佢生命，我地而家只係諗，點樣可以令佢舒舒服服。只係反覆多次感染，醫生們都好驚佢又黎料，所以今次要住長d時間住院。已經盡量住最好既醫院，搵佢熟悉既醫生幫佢，希望爸爸心理上面容易d接受啦

其實無論得出乜嘢結論 ，醫定唔醫，係一家人自己決定，唔駛介意其他旁人之後指指點點

最緊要係大家都釋懷，唔好之後又後悔

從來「生老病死」呢個就係每一個人嘅終身學習，响自己身上又好，响屋企人至愛等都好

加油

祝願平安
既然咁可以早少少同舒緩科何邊傾下
最後時間唔好咁辛苦啦

Hello 絲打，我媽咪都係膽管癌，手術切咗膽囊，做埋膽管支架，之前試左化療藥 （gemcitabine, xelox) 但最近一次pet scan發現擴散，而家肝同腸，同埋膽管都有腫瘤，之前做過基因檢測，但係冇異常，我地而家都好frustrated 唔知有咩可以做到…

請問你介唔介意tg聯絡？我tg係@xxxkwv

https://www.facebook.com/groups/476254899648556

試過肺can, 腫瘤縮少一半

solid tumor要二代/3代CAR T

外國嘅CART 係呢方面都仲係起步，實際效果唔好預好好

真係無budget 就移民英國搵幾間大學做Study cohort

屌你老母又伸個頭出嚟俾人屌

有錢可以去美國，依家招募緊人做新藥研究，12月仲有個膽管癌研討會

https://cholangiocarcinoma.org/2024-houston-cholangiocarcinoma-symposium/