癌症復發擴散腹膜淋巴, 求免疫細胞治療資料

我爸爸今年初癌症復發, 經歷左長達9個月既化療同pdl1免疫治療 ( 已經試左Durvalumab同Pembrolizumab) 後, 二線化療同免疫治療都已經抗藥了

係最近既PET Scan見到又多左幾粒新既腫瘤...
化療副作用嚴重影響爸爸既胃口, 佢連聞到肉既味道都想嘔。
雖然我地已經好努力照顧三餐, 準備唔同既人俾佢食, 但佢都係食得好少, 令佢體重反覆下降到54kg...仲瘦過我
醫生都知佢唔適合再做化療, 所以而家俾佢盲試標靶 ( 我地做左NGS了...但冇配到岩用既標靶), 但講到明都係得10%機會幫到佢...
我深知如果唔搵第二條路, 香港既醫療方案好快就到盡頭...

但我唔想睇住我老豆冇藥醫等死, 跪求有冇人識人係日本/ 台灣/ 內地做過免疫細胞治療可以分享或介紹
我想知道到底成功率高唔高...同埋如果內地做信唔信得過？
我明白到左4期已經無法根治, 但可以冇痛苦下幫爸爸延長生命都好

幫推，祝福你
頂住

你唔想大家都知
有冇問過你老豆想唔想?

接受現實吧

深圳港大應該還好
台灣你直接send email去佢地大醫院d國際醫療中心（1.5×~1.7x local fee），會即日覆到你同打點一切
日本唔知

接受現實.....
吊住條命仲苦....

走上黎問
連登仔一係叫你等死
一係就有班癲佬叫你睇中醫

癌症過來人話你知，問問佢想唔想。
吊住條命好辛苦，你問下佢意願。
受嗰個唔係你自己，化療期間係好辛苦，一次又一次咁打毒藥入身體，打殘個身，為咗吊命嘅話，我勸你搵啲令佢舒服過日子嘅方法好啲。明白屋企人唔想佢走，但辛苦嘅係佢，佢承受緊身心痛楚，而身邊嘅人只係接受唔到佢要走嘅痛苦，請你好好顧及佢嘅意願

我呀爸都係用免疫治療 而家醫生話已醫好
佢係三期尾

生命係長短重要，定開唔開心重要
你不如問下你爸爸想唔想，同有咩想做
陪伴多啲，做佢開心嘅野咁…

https://icahk.org/the-healing-rooms/
如果你發現什麼都做不到，請找這裏的人幫助你。完全不需要費用。
我很認真告訴你，有一位神是想我們每人得醫治。
祝福你一家人。

醫生有冇咩建議先

深圳港大

台北榮總好似幾出名

復發好似比較難犒
其實可能舒緩治療對佢係最好🙈

師兄傳教唔係問題，我自己都係基督徒，但你咁樣好hard sell，希望你唔係真係Pastor啦

爸爸曾經講過一次「香港有得醫就醫，冇就算」，但當時化療同免疫針未抗藥，大家未行到冇路坤行呢條路，
唔肯定佢而家會唔會改變心意，但唔想貿貿然再問佢，想做好資料蒐集再同佢傾。

深圳港大只係可以做香港有既治療，未有免疫細胞治療

我好同意打化療吊命好痛苦，所以冇再同佢做化療，亦因此想同佢explore化療以外既出路。
所以先問有冇人有做免疫細胞治療既經驗可以分享

係咪用免疫針（pdl1 或pd1免疫抑制點）？我爸爸都有用免疫治療，但效果不好，有新腫瘤生出黎。已抗藥

深圳港大有CAR-T㗎

係 因為免疫治療係計分用的
我爸都算高分 佢用左3個月已經細左一半
8.5cm 變3.9cm

雖然我地已經好努力照顧三餐, 準備唔同既人俾佢食, 但佢都係食得好少

你可能都問問佢想唔想試一連串嘅治療。有時一連串治療就算冇化療咁辛苦，其實都總有副作用，同埋令個人心力交瘁。醫生總係淡化啲副作用，但每個人身體唔同，呢樣你都要留意。