呢個小城毗鄰Katowice 亦毗鄰琴日去嘅小城Chorzow
係Katowice搭半個鐘電車就到
去波蘭多個地方 最好裝個app (Katowice買散飛好麻煩
車上面買唔到飛 其他地方好少少)
“Familok” 流行於Silesia一帶
呢種屋入面有多戶 最初係為工業工人及其家庭（主要是煤礦工人) 設計嘅宿舍 建於19世紀末20世紀初
部份已被保育 但亦有部份仍有人居住
就好似呢條街咁
之後請教 (一陣去嘅博物館) 職員 原來佢係呢度居民
入面嘅設計係每戶有房有廳有廚房 但冇廁所
廁所係共用 有啲屋嘅廁所唔係屋入面 要走出去
後來有啲人將廚房改建 劃出一個空間係入面沖涼
而家呢啲屋屬政府樓 係度住多數係低收入人士
今日主要目的係去呢度
入到去售票處 個阿姐唔識英文 但又想同我講啲嘢
於是我指下個電話 佢好醒目即刻用google translate
原來佢話等十分鐘左右 入面有團人
冇耐有個識英文職員嚟到 仲同我導賞
呢個博物館講Silesian Uprisings
1919年凡爾賽條約其中一節 係關於德國要將上upper Silesia嘅土地割讓出嚟
模擬20世紀初居住環境
而當時美國威爾遜總統 提出「十四點原則」
其中一點係歐洲要根據民族自決去建立國家 同作土地分配
呢兩個因素結合後 1921年3月20日舉行upper Silesia 公投 讓當地人決定歸德國定波蘭
德國政治宣傳海報及印刷品
但未到公投 係1919年8月 礦場出現勞資糾紛 礦場工人罷工 德國邊防警察出場鎮壓 導致10人死亡
工人於是發動總罷工 並引發第一次Silesia起義 反對德國對Upper Silesia嘅控制
波蘭政治宣傳刊物及印刷品
1920年2月 盟軍公民投票委員會被派往Upper Silesia 其中大部分來自法國 亦有少量來自英國和同義大利的特遣隊
冇幾耐委員會因缺乏共識而分裂: 英國同義大利支持德國 而法國支持波蘭 (當時有啲人認為法國有意削弱德國實力)
法國軍人派駐當地後 獲得嘅獎章
派駐當地英國士兵
1920年8月 Upper Silesia 某份德國報紙刊登了咗一份關於波蘇戰爭中華沙淪陷嘅虛假公告
親德人士於是組織遊行 慶祝「波蘭玩完」 隨著親德人士開始襯火打劫波蘭店舖 局勢迅速演變為暴力事件 引發第二次Silesia起義
波蘭有關Uprisings嘅紀念章
德國 波蘭雙方關於Uprisings嘅銅雕
公投照原訂嘅1921年3月20日舉行
要帶身份證明文件
選票 投票須知
投票箱
結果6成投德國 4成投波蘭
以地域分佈計 西部嘅人明顯投波蘭
英國法國對公投嘅報導
由於英法兩國對公投結果達唔到共識
加上到4月下旬 謠傳英國立場 (親德) 佔上風 引發親波蘭人士發動第三次Silesia起義
德國派出「自由軍團」對付波蘭起義人士
「自由軍團」大部份都係一戰嘅老兵 通常都係擁護舊帝國主義或右派
波蘭起義人士大部份亦係一戰老兵 效力於德軍
兩個幾月後 盟軍派出六個營嘅軍隊 解散當地德國警衛 平息當地局勢
盟軍最高委員會仍未能就按照公民投票嘅方式分割upper Silesia領土達成協議 最後將問題交畀國際聯盟理事會仲裁
結果變成咁
西部小份領土屬波蘭
睇落德國似乎得到好多地同居民 但雙方最有興趣就係西部嘅小塊土地 因為有豐富煤礦同鐵礦 亦有大量工業生產 呢啲都係資源同錢
後來同導賞職員傾 我問德國係咪故意係公投造數 短期有十幾萬移民入去Upper Silesia
佢話當時大罷工後 煤礦/工廠炒咗大部份波蘭工人 先重新引入德國工人去代替
Upper Silesia嘅分割 (同埋德國失去Gdansk) 係咪納粹攻擊波蘭嘅導火線 因為希特拉非常記仇
佢覺得冇太大直接關係
呢間博物館係咪好少亞洲人參觀
(職員有問我係邊度嚟 佢以為我係日本人)佢話好幾個月先會有亞洲人 接待過韓國人同日本人
睇啲書講Silesian Uprisings嘅得好少 通常得一頁半頁 但呢件事影響歐洲政局深遠
佢話波蘭啲歷史書一樣 其實波蘭人都唔太知道Silesia Uprisings係咩 反而華沙起義就個個都知
多謝佢導賞同答咁多問題
早入場嘅人都係度玩手機
(已經冇咩要求 遲15分鐘唔當延誤) 
太晏嘅話要排過晒啲行程
