《武替道》集中討論區（26/9）

套戲我有睇，乜嘢腦補呀？
我係睇完先同入嚟討論

森哥嘅處事態度轉變係成套戲嘅主軸
咁樣睇其實好清楚

如果你係睇套戲點樣去傳承龍虎武師嘅專業精神，咁即係代表諗錯咗

我開始覺得有人出錢請打手唱臭套戲，對套戲要求高到離撚哂地，講多兩講平時欣賞開邊啲戲，一睇，得啖笑，明哂

會唔會真係打手唔知啦 但某d真係有d離譜 好似有仇咁 唔知點解會harsh到咁 完全勁唔中肯唔客觀

十足十豆辧嗰班網民
唔否認有啲論據有理，但係好多都係為屌而屌
一見到港產片，睇都未睇就屌咗先

啱啱睇完
我覺得呢套算幾高質
首先開頭模仿返以前啲舊片好有feel
真係幾加分

套嘢個名”武替道”
武替係指武師
道就其實係戲入面核心想講嘅嘢
舊人嘅道係為咗畫面好睇
忽略人身安全
包括咗開頭金仔個意外
同後面馬車食幾十下旋風腳
甚至一啲冇人知嘅意外
係就係好痴線
其實都係講緊啲舊嘅成名動作片
好多都係咁拍返來
只係年代唔同咗
啲人比較受伍允龍果套
“人命係重要過拍幾多個靚嘅畫面”
嚴格來講兩邊都唔可以一口咬定係錯

而套戲就新舊世代嘅思想衝突
透過武師呢個主題同觀眾一齊探討
同時都比觀眾認識到”武師”呢個職業
雖然片入面經常提及香港精神,要有火呢啲
依家嘅觀眾正常都會睇到好出戲
其實呢個都係年代唔同嘅思想差異
都解釋到以前主角果個年代嘅佢哋會有寧願揾命搏都要拍出一個靚shot果種痴線同熱血
呢個可能就係我哋呢個年代嘅人會聽到老尷嘅所謂香港精神

套戲做得好嘅地方係
有明顯咁將新舊兩派嘅思想好清晰咁比觀眾睇到
又冇特別表明邊一邊係啱/錯
留返比觀眾思考
而戲入面主角自己都有思考
一開頭用返20年前果套
中意屌就屌 全世界未拍晒飯都唔準食
到慢慢接受馬車果套 試下融合
會請人食下午茶 同人相處上有改變
中間嘅轉捩點就係打劫果場戲
雖然主角想融合 但係核心果樣都係不顧一切咁拍戲
結果就係大失敗
唔單止犯法 仲比全世界屌 比馬車屌 比金仔老婆屌
撕海報果段睇到幾sad
就係佢懷疑緊自己一路以來嘅堅持
但係接到call嘅時候
都決定保留果團火完成埋個尾
最後果段佢都得出咗屬於佢自己嘅答案
所以決定代馬車跳
叫做收尾收得幾好

其實臨尾搵命搏呢段幾好
唔係話鼓吹 純粹係佢有自己嘅堅持
同之前覺得自己啱就起勢屌人要人跟佢唔同
就係因為佢最後明白呢樣野唔係100%啱
所以佢自己覺得ok就自己上

姐係唔迫人跟自己果套+會身體力行嘅廢老
好似都唔再係廢老

到李森個女就黎嫁之前
李森著住套老西係片場搞事
得返劉俊謙流住鼻血係身邊陪住佢
仲可以喝劉俊謙快春啲除件褸比佢去婚禮
佩服編劇可以將李森依個角色做到黑人憎嘅極致

真
完全做到”我係你師傅喝你就喝你 打橫行都得”果種老屎忽feel

今日睇完，我覺得好好睇喎

如果呢套同九龍城寨一齊拍
咁九龍城寨係佢哋搏盡嘅結果就好感動

其實最尾李森選擇自己跳 我係接受到 但前提係佢要處理好劉俊謙呢個角色 唔可以就咁夾硬屈個角色講完堆熱血說話就表現到佢好渴望好想去跳 再接落去推進李森可以代替劉俊謙跳

我寧願係劉俊謙唔肯跳 然後李森先要求自己黎 咁樣雖然會犧牲左李森偷偷代替劉俊謙跳嘅呢個轉折位 但咁講發展會合理d
佢衣家就係為左追求一個比較轉折、驚喜、轟烈嘅結局而用一個唔夠合理嘅情節夾硬堆砌上去

當然仲可以有其他嘅可能性 所以就係呢d位可以睇到導演/編劇嘅功力

btw 講多句 呢套戲真係未去到好差 絕對可以搵到欣賞嘅地方

其實單純講寫呢個角色 我覺得真係寫得幾好 演嗰個亦都演得好

同意劉俊謙果邊幾尷尬
仲要唔止一次

如果最尾佢唔肯跳然後自己上
就可以呼應到一開頭夾硬迫人跳
但係咁樣個結果就似係無可奈何先咁做
依家就圼現咗”就算我覺得咁拍係啱 然後就算你想跳 我睇到有風險所以我唔想你跳 等我代你”
就比較帶得出個感覺

依家再諗返
我覺得呢套嘢算得上係”上一代同下一代如何溝通”嘅教科書

套戲更多係講新舊時代沖突，而唔係傳承
亦都好老實，就當講傳承，咁應該傳承d乜?唔通李森個套?
咁死得人啦

至於李森個領悟反而幾好
佢唔係突然比人鳩噴一堆大道理後攪到忽然大悟，而係經歷一連串既野慢慢悟到自己既問題，咁睇反而更加真實。
就好似你細細個聽老師屌你一堆大道理之後，你會唔會突然大切大悟?
猶其伍允龍屌佢個個位，佢一直都覺得自己冇錯
但直至到一堆意外接二連三，先連佢開始回想番當年比佢玩到殘廢既師弟
最尾佢叫劉俊謙落樓自己跳，正係認清自已當年既問題

同埋劇情最好既位，係冇所謂明顯對錯觀，反而大家都終於似番個人
李森係care人命，但佢會認為成品先係首位。一將功成萬骨枯好正常，而做得武師，就應帶著該有既覺悟(因為佢當年既武師係咁)。
而伍允龍就係見過師兄既下場，認為人冇事先做到世界冠軍，畫面好睇與否都唔應該搵命搏(亦因為咁，痛恨過森哥)
劉俊謙就單純一個滿腔熱誠既人，有感到比人撚而想屌柒李森既部份，但亦都有同現實掙扎既部份。(即使阿哥都係)

兩者都有自己既抱負，而佢地既抱負都必然會帶著相對既問題
但正係呢種諗法既衝突，先更有思考空間
所以我都唔明，咁樣都唔立體，點先算立體?

至於對白無對無後，呢個我就唔理解
成套野so far都幾流暢，刻意留白係有，但後面都慢慢補番
雖說套戲有唔少位係幾夾硬嚟，好似同個女既老婆離婚既導火線
但我都係講得，要屌人冇頭冇尾，就要比多少少context
如果唔係就會變左連登既獨醒撚式鳩屌

你回緊嗰條友擺明搞事
好攞唔攞，攞套出名爛嘅合拍片嚟證明《武》比呢套更差
冇睇過嘅就會信佢9up，以為呢套係「爛片」
以質素嚟講，就算唔係佳作，都仲叫正常。
佢講嘅「冇頭冇尾」，可能佢淨係睇預告、劇情簡介就算，連戲都唔撚去睇。

完全無事

最後嗰幕我理解係馬車都冇經驗跳過咁高既紙皮盒
佢勉強講堆中二嘢再上去，都腳震震咁
但表達後生肯聽話同有衝勁

咁老師傅最尾都係自己做，結果點都唔理喇
唔再迫後生搏命，留返後生吸經驗再發展一套新嘅模式

睇完套戲 10分嚟講 應該啱啱好合格 5/10

前中期都好好地 但最後個結局爛尾
話團火唔可以熄
點知係佢自己跳？
係因為佢醒覺要顧及替身嘅安全？
明明男主話要博到盡 要跳一次
笑死 最後係佢跳
咁團火點樣傳承？

李森個種固執火爆嘅性格 演得係唔錯
不過對於觀眾嚟講 麻麻地
因為佢係不知悔改 只求完美

好條鐵咩Fair 但係未去到好囉
當然角色塑造係好嘅, 但係唔係淨係睇呢樣嘢㗎嘛

以下劇透

老老實實你啲point真係揾來講

1.快閃拍槍戰得小打小罵反對
唯一有say嘅伍允龍咪say no囉
其他人唔知咩事剩係聽大粒果個點乜就做乜

2.放煙花
都冇放得成 邊個同你講一定室內放

3.龍仔成日流鼻血
唔知有咩問題？？？？？

4.龍仔同金嫂啲爆發點奇怪
唔明怪喺邊度
龍仔係講緊比李深搞到比差佬拉,喺片場比佢批踭,都仲嘗試關心佢結果換來一句”快春啲除件衫比我啦！”
點會唔爆
金嫂我同意得果一個鏡頭出
但係講真 當年啱啱小朋友出世 就比你呢個呀頭搞到自己老豆成世殘廢 仲聽你講咩”咁多年幫咗幾多”
咁又點唔爆呢

5.搞到大型街頭混亂好似冇後果
其實啲人入醫院係其一
即時唔用李深係其二
比網民公審甚至乎淋佢鋪頭紅油係其三
邊一樣你睇到冇後果
定還是你想有明確嘅法律責任？
可能有 只係保釋後審都唔意外掛？
唔覺得呢個片長仲要比時間講呢啲無聊野係好事囉

唔係成個劇本話現代香港電影project乜都靠執生
其實你留意返
套嘢入面拍果套戲 好多嘢係李深揸fit
所以你會有”同以前一鳩樣”嘅觀感係好正常

其實如果review返佢個劇情
更多嘅係講上一輩同呢代人嘅思想衝突
由頭到尾都係圍繞住呢樣野 仲要講得幾好

屌 唔撚係爛尾囉
成套戲係呈現咗李森個轉變
由一開始固執自己20年前果套一定啱然後冇人受
後面嘗試待人接物迎合下新一代+主軸係自己果套
然後經歷重大失敗 比新人/舊人屌醒
發現曾經自己果代人係咁樣處事
的確係成功咗
同埋佢哋放大左個結果 認為睇戲得=做啱咗
即係所謂嘅一仗功成萬骨枯
但係來到依家其實唔再係一定啱
時代已經唔同咗
That’s why最後佢覺得係要咁樣跳
但係佢意識到個危險 就寧願自己上
如果你要講傳承
冇事先可以傳到落去㗎嘛

臨尾去到ending其實佢已經思考出答案
有好明顯嘅改變
都仲比你話不知悔改
其實你係咪睇左老翻

可能佢睇開大陸抗日劇，一遇到subtle少少既戲都處理唔到

補充返放煙花嗰幕
其實森哥個女一直都唔鍾意森哥放煙花
佢只係想平凡咁舉辦婚禮
森哥一次又令一次令佢失望
試婚紗試試吓不辭而別，算！當你有急事要走
做陶瓷嗰part的確加返分
但係舉辦婚姻當日，森哥嚟到，見到禮服整爛咗，真係忍無可忍，以行動回應。

睇戲睇得仔細d 都要比人話冇嘢搵嘢嚟講咁樣只係反映出制作唔認真

睇戲睇得仔細d 都要比人話冇嘢搵嘢嚟講
算罷啦 你講果啲其實9成電影都會有你講嘅問題
唔好話港產定西片

1.其實套戲有講 可唔可以認真睇
入面係李森一去到就臨時改 話要槍戰
啲金鋪係唔撚知 條街果度就更加唔知
所以咪報警話有人持槍行劫囉
至於你話啲做細嘅有冇理license
喺傾果陣 得李森,龍仔同伍允龍班底果幾個知係冒險
其他人分分鐘唔知有冇申請過牌 有幾出奇？
你返工會唔會叫你老細同你交代每一個決策？

2.煙花呢樣其實真係on9到我唔想覆
都話左套戲冇詳細交代
你就ff左係李森自己單機室內放
係咁多可能性下ff一個最唔合理嘅情況
然後話佢唔合理
你又知佢冇揾人幫手放？
你又知唔係室外？

3.流幾粒鐘鼻血
同第2點係同一樣野
又係ff最唔合理個情況然後話佢唔合理
學你話齋 撞到果陣係光猛 下一秒已經夜晚
到底佢係持續流 定還是間歇性咁流
根本就冇定論
只係你要ff一個完全唔合理嘅情況
咁我都吹你唔脹㗎喎

4.乜鬼嘢好似隔幾粒鐘先識得嬲
屌 龍仔個格擺明就聖母向
那怕比李森撞到流鼻血
佢都係自己師父有教自己野 比佢做副教導上位
再者果下其實係無意撞到 佢會原諒都合理
之但係原諒完都比佢良心當狗肺咪爆囉
然後乜鬼嘢龍仔同森哥個女有交情
套嘢入面都係表明係第一次見
其實你有冇睇㗎屌
佢會返轉頭 因為李森漏咗份禮物 想交份比佢
始終個女嘅婚禮一世人一次
想佢唔好有遺憾都正路
唔通下下以惡報惡 掉柒埋佢份禮物就叫啱咩
人哋嬲還嬲 心底都知道個師父愛個女嘅

5.乜撚嘢會唔會太草率
你諗唔到有冇更好嘅表達
但係你又覺得草率
咁你覺得草率個理據響邊度？
下面我唔知點撚樣覆你
乜鬼嘢去片場買煙花
人哋係拿住煙花過去片場
然後你話好似完全冇影響日常生活
冇左份工唔係影響日常生活
臭朵比人淋紅油,比人網上圍屌,上新聞唔係影響日常生活
不如你講下點樣先叫影響吖好冇

故事背景係現代香港
That’s why你覺得一套2小時嘅電影
應該清楚交代晒每個step 佢個團體個規模 製作流程
唔好癲啦 就算你睇華爾街狼人都唔會咁樣介紹
定還是你睇屍殺列車都會話:
有咩可能啲喪屍入黑就睇唔到嘢 主角班人行路咁大動靜點會聽唔到
仲要班人話架車入隧道得2分鐘行動 但係我計過時超過2分鐘喎
Emm咁應該全世界係冇一套戲係啱你心水

你話人哋製作唔認真
我同意有部分地方可以好啲
但係絕對唔係好似閣下果啲雞蛋裏挑骨頭囉
同主線,想表達嘅嘢係完全無關
又唔係評論演技
依家你係講緊鐵達尼號最後道門夠男主角上去點解唔上 跟住話佢on9仔 所以成套戲好差
不如調返轉啦
你講下你覺得好睇嘅戲
其實我都可以用返你啲睇法去插到佢一文不值