《武替道》集中討論區（26/9）

個班友算係咁啦，本身佢地都係港片死忠，有濾鏡睇唔奇，老實講而家戲院又疲弱，戲又唔算話真係收得，過多幾年冇人想開戲到時又問點解冇晒港產片

可能係棠哥

諗起李小龍拍董瑋個頭 轉眼佢已花甲之年

今日睇左，比想像中好睇。睇緊果陣有個好老土既形容詞閃過，呢套係一封對香港電影既情書，感受到果種對香港電影既愛同失落。

男主角角色好稱職地唔討好，都由頭帶到尾係廢老mode，完全係身邊既頑固叔父。劉俊謙既角色係熱血新世代安全L，最後轉折去到去無安全措施下跳樓有些許突兀，但係睇果陣都會帶動到個情緒。幾有共鳴既位係環境下壓力下好多人都營營役役，但如果真係有個機會試，其實自己會唔會都想試一試博盡呢？現實中做唔到既野係電影度….都係做唔到，比老人家拎左去做伍允龍唔知點解覺得佢塊臉有點膠，打戲動作係利落既。

都好鍾意開頭係尖沙咀死場既打鬥，動作同音樂都好有年代感。呢套係值回票價既佳作，雖有瑕疵，瑕不掩瑜，如果週末有時間可以睇下。

糖哥嘅武替精神就係我都要食飯，搏盡無悔去咗邊

開頭嗰幕模仿80年代打鬥，冇內容真係最有feel
但其他位真係冇你呢種共鳴

每個人睇完戲有唔同感想都好正常。
我係覺得成套都好有港產片遲暮既感慨，當年既輝煌而家都仲有人聽過，過多五年十年就更少人記得，而呢樣野同而家香港大環境都好似。睇得出係有心拍既一套戲，希望票房唔好太差。

係咪拍完城寨之後先拍呢套？

冇睇到係23年3月開鏡

武替道

到底李森呢個主方位唔討喜嘅主角
想帶出咩精神？
佢全套戲入面都無做過一件正確嘅事
到底個故事想表揚李森 定係挖苦緊佢？
不停撞板 不停做壞嘅示範 然後又講到佢好值得表揚
呢樣就係成套戲最Kick嘅地方

成套戲李森都係自己攞黎賤

成套戲得罪講句，表現得充滿情緒勒索。我可以理解藝術家追求完美嘅執着，但新舊之間做法嘅問題又冇平𧗾。睇到後面我覺得主角係有傳染性精神病，一拍戲就會發作，大部分角色都比佢傳染咗

欣賞上一代嘅武術電影從業人員嘅貢獻同埋犧牲，但係就真係唔推崇某一啲陋習

尖東真係好懷舊，好多商場有80年代feel

過左力度
過咗火／誇張咗

入面嘅香港精神即係欺善怕惡

都睇到D懷舊野既
但係套戲個廢老好似有精神病咁既演出, 攪到睇落怪怪地

槍戰嗰幕算唔算向省港旗兵致意？

睇完 好睇 值得入場睇

昨晚睇完
明顯唔係吹港產片復甦，而係迴光反照
好似人死前眼前出現走馬燈咁，俾你睇返最輝煌時候大概係點

fb 原post有人話係唐季禮喎，時間上都夾返套戲講緊八十年代香港電影