《武替道》集中討論區（26/9）

屌 姐係學李森話齋 你咁樣評法唔春得呀嘛
比你睇十套周星馳嘅戲
睇西遊記你又會話古代唐三藏點會識英文
睇破壞之王又會話點會戴個頭套就打贏黑熊
咁你講撚晒嘅姐嘛

人哋主線係乜 表達緊啲乜
你就一概唔評論 講啲可能得幾秒嘅旁枝
就話套戲唔得
如果咁樣judge 呢個世界其實冇一套戲係得

我第一句已經話fair 唔係踩到一文不值
我從來冇批評過主線 亦都覺得人物塑造得幾好
只係呢d 沙石會好影響自己點代入呢套戲 睇埋睇得出呢套戲嘅制作水準
你唔留意呢d 位唔代表冇人會睇

呢套戲唔係科幻片 科幻片會有設定超出情理之外唔出奇 兩場可比性其實唔高

最後送你一條片
https://www.youtube.com/watch?v=WcqOlB9WppI

科幻片會有設定超出情理之外唔出奇
其實呢句就有少少搬龍門
正如睇鬼片 10套有9套都係透過豬隊員做on9嘢作死來推進個故仔 而正常人喺可能會遇到危險之前已經會選擇唔繼續 套戲咁樣其實都唔合符人性

甚至乎唔係科幻片 普通拍返現實嘅電影
有無數都有你所講嘅沙石
唔好講港產片啦
好似上面所講嘅鐵達尼號度門夠2個人已經係啦
沉默的羔羊點樣冇利器嘅情況下割落一個人嘅面皮 又或者再現實啲咁問 點解個食人魔食咁多人冇出現庫魯病？
你可以話你會留意呢啲”沙石”
但係留意返其實真係好細微 而唔會影響觀感嘅嘢囉
姐係同我睇哥斯拉-1.0隻仆街哥斯拉企定定郁都唔郁比啲船綁野喺身上面唔同囉
甚至乎有啲我都同你解釋左 係電影冇詳細講解 唔需要放大+想像佢係唔合理嘅

不過點都好 要講嘅講晒
我駁你 一來係想你正確地評價套戲
當然啦如果你都係咁睇嘅話 我都冇辦法
第二係唔想你呢啲留言令其他人誤以為套戲係垃圾 甚至乎決定唔入場睇
因為如果係咁我會覺得幾撚可惜

最後2個鐘電影一定有空白位 從來冇話過要交代所有嘢 但係求其捉都幾個唔連戲嘅地方 我自己睇得唔舒服囉 冇嘢㗎

討論區就係比大家分享意見嘅啫 我亦唔需要說服你認同我 睇戲其實好個人嘅 你覺得呢套係神作要係屋企起個壇開個牌位每日上四次香都ok 㗎

沙石多與小反映電影質素啫

食人同有病唔係一個must 嘅關係 如果呢個世界一食人就死 咁就唔會有食人族存在 因為已經自然淘汰哂

其他例子唔得閒一一反駁

btw 今鋪受教了大師幾時開班授徒教人評下戲？等大家學識點樣正確評論一套戲？

唔符合現代項目管理都係扣分位, 同呢啲人講經咩

唔建議講廢話
所以呢度我覆埋你最後一次就算

打劫金鋪果場戲係我唯一覺得比較突兀

下面果啲咩放煙花係咪又係揾佢啲𡃁放
其實真係唔明點解你下下都係諗最唔make sense果樣
1.佢有冇可能揾左公司搞
2.佢有冇可能on99想自己搞 然後其他人會唔會比佢搞
故事入面佢就係一個固執嘅人 想打橫行就打橫行

一個鍾你都識講
呢一個鐘入面佢會唔會睇左醫生先去揾呀李森
你唔知 我都唔知
屌柒完李森仲會跟佢去婚禮
選擇發脾氣掉柒埋佢份禮物我覺得合理
反之亦然
呢個世界係有呢啲人㗎喎

“完全冇情緒”咁出席佢個女個婚禮
唔明你想表達啲乜
有情緒果下咪已經屌柒左李森
定還是你覺得一定要掉柒埋份禮物先叫合理
其實人性嘅嘢唔係1+1=2咁簡單
例如自己屋企人做得唔啱 發腺氣屌柒佢 鬧左場交 但係都會諗番之前點點點,有感情 會嘗試重歸於好
而呢度 佢唔係咁快重歸於好 所以唔係打算去婚禮
只係單純想交番份禮物比佢
因為佢知道李森錫自己個女又唔識表達
如果由得佢 咁佢就可能呢世都冇機會

討論區係比人分享意見係咁
但係建議持平少少 我覺得你偏頗/唔中肯 有可能令其他人唔打算支持 但係咪真係有你講到咁差？
老實講唔覺囉
所以你先要講返睇戲係好個人 純粹係你個人嘅感覺
而唔係真係十分有理據又持平囉

……唔係話一食人就會死
建議你search下個病係咩來先

我諗正確評論一套戲係唔需要人教
只要認真睇完
理解一下佢入面嘅內容同想表達嘅嘢就得
而我話你唔正確
因為你連幾個情節發生嘅事都可以up到錯晒
甚至乎一啲旁枝冇交代經過 又可以ff到套戲唔合理
然後將呢啲擺入去對套戲嘅評語
姐係”我覺得游泳健將巴菲特真係好勁”
咁就好顯然係唔正確嘅評論囉

唔覆佢lu
真係晒時間

上面有位巴打講咗老一輩、中生代，新生代個關係
其實呢個都算電影幾明顯想表達嘅嘢

硬係忽然有班撚屌唔知追住李森屌嚟做乜
不過另一角度都可能代表李森刻畫得唔錯

明佢想表達啲咩，同佢拍得好唔好，真係兩回事

咁拍會唔會變咗屍殺片場

正正常常大致通順唔算多反搏位，係幾個位覺得可以好啲
1. 理念靠口噏晒出黎
2. 好多人物性格又係確口講
3. 用個女結婚推得太極端少少為 drama 堆落去
4. 小龍撻幾十次無着墨，交待清楚點解要做咁多次，李森變咗痴線多過係搏、犧牲
5. 返片場攞煙花，又係靠講晒出黎，又係營造到李森係痴線多過係搏、犧牲

第4點咪即係王家衛咁，叫人NG 30幾次又唔解釋俾演員聽有咩問題，有啲導演係咁執著咁自我中心
1、2同5都認同，啲對白太刻意
3親情呢啲嘢現實仲殘酷，東張西望大把呢啲嘢

所以我由始至終都係講呢套嘢正正常常，唔係爛片但亦唔會係佳作，好有誠意俾心機但導演功力不足，係唔知點解有幾個巴打好似套戲拎唔到10分就等於0分咁

一路都話連登講港產片
你冇godfather level一論都係垃圾，呃觀眾錢
讚佢個啲唔係唔識戲就係收咗錢

睇過啲八掛新聞
佢最尾個幾套戲都好似話拍劈友戲都要用真刀拍

都俾演員屌哂鬼

睇完覺得好好睇
初頭以為會講打既野多
但原本親情線都好好睇
呢套野男女都岩
好多女都話好好睇又喊哂口咁

喊位喺邊

去婚禮同唔到個女一齊行睇住佢同其他人行
最後爆破當煙花

呢兩個我比較難忘同感動
個女仔fd喺邊個位到喊我就唔知

片尾唔係一樣喎, 我覺得係佢變咗, 知道有危險唔想俾劉俊謙跳, 由佢自己上, 而且現場冇其他人有經驗撻紙箱

尖沙咀死場打鬥, 鏡頭剪接, slow mo replay連埋音樂都好舊片feel , 幾好

連慢同假到仆街既Steven Seagal都可以係武打明星, 細個睇佢啲戲心諗唔L係嘛

城城套臨時劫案都係差唔多位置拍, 幾日都擺晒好多道具同燈出黎
而家拍呢啲場面好難唔申請, 好快有人會報寸
好多年前, 有幾晚都見封街拍戲, 原來係拍寒戰2定唔係乜鬼赤道, 總之就係同一個導演. 之後先知係鎗戰同爆炸, 但又唔係好嘈

佢講到咁識睇, 點知推死屍出黎講

老燒講過唔少麥啲衰野, 仲有場係真火, 嚇9死個4眼佬