《武替道》集中討論區（26/9）

見都幾多人讚，希望唔太差

諗住有城寨咁好睇
點知個故事咁差
氣氛又死氣沉沉
打又唔好睇
阿森角色真係寫得好差，好似痴線佬一同拍戲有關就發神經，到最後都係冇諗個女，自己跳樓，睇唔出個角色改變咗啲乜，從一而終都係好固執
其他角色冇個突出
一齊堆個紙箱就當為左電影好大貢獻，咁樣做結局
其實同一開始有咩分別都係拍戲拍到差啲死

the fall guy都係講辛酸，但冇link埋電影衰退黎講，主線係好明確，電影係幾咁冇左fall guy唔得
呢套就電影衰退做咗主線，其實係睇你肯唔肯拍新野啫，唔打戲咪轉特技囉，睇完真係覺得衰退係有理由，不思進取，老野一定要行以前嗰套拍戲方式

清喺劇情角色動作方面，俾城寨幾多分？

上連登睇影評真係徙鳩氣，聽呢條茂利講唔睇棧錯過左一套好戲。

睇二打六把撚

打手收聲啦

點好法？
至少作篇文出嚟俾人望下

條友發行商定導演啦

有錢拍多套城寨仲好，實際行動救返香港電影
套戲得把口鬧鬧鬧有春用，同觀眾講做乜，觀眾有份拍？
觀眾有唔肯俾錢睇？
拍得好一樣好多人入場睇
依家問題係你地拍得唔好睇

有無睇武替道？

套戲勁多評論放大晒啲行業辛酸/所謂致敬/武替精神，出力奶到見到都反胃
其他敗筆位就輕輕帶過，全部當睇唔到

首先套戲劇本寫得好，不過連登仔水平點會識欣賞（我係話在座全部都係垃圾），根本唔係幫武師打飛機，套戲勁多批判位，董瑋角色既生涯已經對呢種搏盡精神落左批判等人反思，然後最神係講完董瑋所有經歷，最後信念一跳一野將所有野總結哂，將角色所有人生遺憾同對武行既熱誠一跳爆出黎，根本港產片就好少寫得咁好。

我不厭其煩最講一次，連登仔根本唔撚識睇戲。

清平時見到窗簾係藍色會覺得染布條友抑鬱？

咁你覺得一套戲入面見到窗簾係藍色係偶然定求撚其整落去？

咁有熱誠嘅話一開始得幾個紙皮箱就舉手話跳啦
而家俾我嘅感覺就係提出搵多啲紙皮又係後生提，call 馬送紙皮又係後生做，最尾做好晒準備先俾個老嘢搶撚咗嚟埋尾

同埋講到佢嘅所謂人生遺憾就仲 on9
個女病走咗去 > 之後結婚一樣遲到 + 爛晒衫
徒弟出事終身殘廢 > 拍新戲一樣亂嚟

成個角色喺套戲完全零成長
就算佢想拍到最後一跳係「將角色所有人生遺憾同對武行既熱誠一跳爆出黎」
都完全投入唔到

想問清楚少少
反映現實係邊啲位？李森所有嘢監粗嚟？
批判又喺邊？龍仔做zip pat？
搏盡係邊度？跳樓定周街打劫？

你嗰抽觀後感，我淨係覺得你睇到個創作意念好，就捧撚到套戲上天，但完全冇理過套戲執行出嚟垃圾到傻

Pr 吹奏都吹好d啦

條友平時睇膠戰都睇到眼濕濕
好有料勁識睇

套戲文戲部份唔得

有啲浪費左個主題

代入馬車定係佢個囡都係瀨哂野

次撚次都返黎想認返個女，但又要背叛，跳樓簡直係終極背叛，但編劇硬要兜到個女望住佢跳再接受佢老豆係個咁嘅人

佢代馬車跳又點，睇唔到佢點救左電影，前面一路都鋪話用呢啲咁危險方法去拍係行唔通，會出事都要咁做，前面都一直鋪馬車唔buy佢師傅唔理人死活嘅做法，之後又武師魂上身要跳一次，個轉捩去左邊？本來佢好過師傅好多，識同人溝通，細心，識搵方法，最後搞到馬車都係同佢師傅一樣嘅衝動撚。冇成長仲退步咗

copy from 網上既說法，我覺得呢個make sense

1) 電影叔叔個男主角太保，曾在訪問中道出。他曾親眼看見一位武師，拍跳樓戲跳遲咗。成排牙撞落硬物度。之後成排牙無咗。電影有還原呢一幕。
2) 電影公司想借用入氣急升既伍允龍同埋劉俊謙吸客。但大部份觀眾入場係捧Dee哥場。
3) Dee 哥個角色係叫無良心森哥，武術指導。但其實係影射無人性既「糖」哥。
4) 伍允龍角色係威哥。有自己班底。其實係影射嘉樂仔。即係錢家班。
5) 劉俊謙角色係龍仔。其實係影射緊初入行既伍允龍。正所謂多隻香爐多隻鬼。伍生入行時，電影巿道大不如前。人地班底點會想你埋班。想入行，就要啃人地唔想啃既豬頭骨。有苦自己知。
6) Steve Jobs: Love what you do.

另外仲有2位編劇既講法

【編劇的話】—《武替道》編劇之一：葉偉平

《武替道》的故事來自梁冠堯和梁冠舜兩位導演，他們從事武師多年，對這個電影崗位有很深的感受，其自身經歷為劇本提供了很多有血有肉的素材，在開劇本會時我們談了很多，除了工作，還有生活，還有家庭，那些五味雜陳的真實情感成為故事的底子，滲透在各個角色之中。

在編寫劇本的過程中，董瑋師傅和江道海師傅分享了很多香港動作電影的幕後故事，一個個經典場面是如何憑著各個電影人堅持信念而成的，詳細講解各個動作場面的難度所在，以及「從前」和「現在」做法的不同，讓首次參與動作戲的我上了一堂「大師班」。我們要做的是把收集到的這些素材編織在一起，在電影中好好敍述呈現給觀眾。

希望能透過電影把這份「拼搏」精神獻給觀眾，讓我們在艱難和迷茫的時候，能重拾拼勁，即使被現實打擊也不甘心就此服輸。

【編劇的話】《武替道》編劇之一：曾憲寧

《武替道》是一個開宗明義談香港動作演員的故事，對於一向多寫文戲的我，是一次令人興奮的挑戰，讓我有機會從頭回顧了這個崗位，發掘這個對香港電影非常重要的元素獨有的一套文化。各種動作的專業名稱 ( 吊毛、扑虎、旋子三百六等）、多位行尊自小的京劇訓練、明知會受傷亦要完成動作的氣魄等等，讓我感覺「武替」的存在，其實也有點像武俠。

加上本片在製作費上有特定的條件，所以和導演們一直都有共識整部片只能將資源集中在幾場最大的動作場面，所以想法上一直就是「武戲文寫」的概念，將各個人物羅織成動作組的生態網，連繫起幾場重要的動作場面。

整個過程中最為魔幻的就是跟場拍攝的時候，目擊戲中的動作演員角色與真實安排拍攝的動作演員們虛實交疊著，讓我覺得就像在看一場場戲中戲。當中尤以最後一場最為震撼，那個動作，我們由和董瑋師傅開會討論劇本開始，一直以為會是由替身演員代替他做，想不到真正拍攝時他卻選擇親身上陣，那應該是角色和演員最完美融合的一刻。

感謝這部電影讓我有機會深入回顧了一個對香港電影發展舉足輕重的崗位，希望也能讓觀眾了解他們的掙扎與為香港電影付出的血汗。

可能呢行既人真係咁，點都係會想攬晒D野上身

文人多說話咪就係誇誇群嘅大宗
1)唔認同係還原啲咩，成個行業大把人受傷，唔使夾硬拉埋太保嚟講
2)唔認同，佢兩個嘅人氣肯定吸到吓客，城寨之後多咗好多大陸妹豬fans，如果淨係賣董瑋，肯定冇咗後生個輩客人
3,4,5就只可以話係彩蛋，套戲好就錦上添花，套戲唔好就要問點解唔做好套戲先
兩個編劇段文都有睇，咪就係佢哋寫得唔好，拎咗好多背景，將所有嘢炒埋一碟炒到亂晒龍，佢哋應該要知點樣取捨，套戲唔通順佢哋有份做成

糖哥係指邊個？