中原租金回報率個計法係就咁攞個一年租除樓價，你真係買樓收租既話實收分分鐘兩厘都無。
當你買層670萬新樓，市值租金18000蚊既話，咁就好似有3.22%。
但係成本仲有好多野未計，印花稅20萬，經記佣律師費火險雜費 10萬，唔計你按保保費同埋利息支出，就算full pay買其實都要差唔多700萬先買到層樓。
而你個收入都唔係真係18000蚊：
1. 當你比標準稅率，物業稅12%
2. 差餉地租 8%
3. 新樓管理費我當10%
4. 當你每五年換一次租客，每次都要蝕三個月租金（空租期，免租期，半個月經記費，簡單裝修簡單傢俬），都5%
5. 冷氣壞，雪櫃壞，洗衣機壞我當又5%
加加埋埋當打個6折，所謂18000蚊租其實收得返只係10800蚊。而依度已經係當你好好彩，無話半年先租得出呀，租霸呀，樓宇大維修呀，水浸呀，樓花等兩年呀咁。
成本計返足，收租打個折，計埋其實兩厘都無，而按揭利率係4厘有多，所謂依家買樓租金回報高，只係一個數字遊戲呃水魚上當，千祈唔好信
