[飛機鐵道賽車港女打卡點都有]2024暑假東京+大英初體驗

大英DAY7






一早就checkout，還埋匙就過到嚟King's Cross車站，英國其中一個最繁忙嘅車站，喺呢度出發嘅列車主要開去英國嘅東部、東北同蘇格蘭地區



傳說中嘅9 3/4月台，無認識


事頭


King's Cross車站對面嘅St Pancras車站，呢度係英國對外嘅高速鐵路--EUROSTAR喺英國嘅終點站，呢度出發嘅車可以直接去到法國嘅巴黎、比利時嘅布魯塞爾等等歐洲大陸嘅城市



上車，今次坐嘅係LNER嘅CLASS 801 AZUMA，由日立製造，「A-train」家族嘅一員，同佢兄弟CLASS 800最唔同嘅係800係柴電兩用，801係只能用電，而佢地最高時速一樣係200km/h



2+2座位配置，張櫈偏硬，又未去到台鐵EMU3000嗰隻會坐一陣就腰痛，但唔係舒服嗰類，legroom同日本d特急列車普通席差唔多，而張枱都唔算大


頭頂有顯示個位嘅佔用情況同佔用嘅路段，呢樣幾好


Scan前面個QR code就可以睇到列車運行狀況同買小食嘢飲，價錢都係唔平嗰類


沿途都係綠油油



坐咗三個鐘，過埋River Tyne，就到咗NEWCASTLE
最後班車遲到10分鐘

待續

到咗Newcastle，總算又完成一個心願

Newcastle車站，東北地區最繁忙嘅車站，亦會同Tyne and Wear Metro交匯


行咗5分鐘就到咗呢兩晚住嘅apartment，Aparthotel Roomzzz Newcastle City


間房算大


行入d有廚房，d嘢幾齊全，連洗碗機都有，不過無用過，都係自己用手洗算


同埋講明唔好炸嘢，都理解嘅


樓下有嘢賣，無幫襯過


之後出去四圍行，The Black Gate，古時通往Newcastle嘅名嘅由來，由金雀花王朝首位國王亨利二世建造嘅城堡嘅甕城同大門


Newcastle嘅Castle真身，喺1080年建造


High Level Bridge，1849年建造，一條橫跨River Tyne嘅鐵路公路兩用橋，由維多利亞女皇開幕，到而家都用緊


條橋都有返咁上下年紀，所以而家限制車輛使用，得巴士同三噸以下嘅車可以行，而上面嘅鐵路就繼續用緊，雖然部份轉咗用第二條橋


條橋都可以人行，而當時落緊毛毛雨+好大風，好凍


另外兩條橫跨River Tyne嘅Swing Bridge同Tyne Bridge



Newcastle Cathedral，係英國最北嘅座堂


維多利亞女皇像，香港維園都有個


因為太肚餓又凍，就入咗間韓國餐廳食韓燒但其實幾好食


食完再行下，見到有條好高嘅柱，叫Grey's Monument，紀念曾經係首相嘅Charles Grey

待續

繼續Newcastle市內慢行

繼續四圍行下，幾舒服嘅


然後行過Poundland，入去買下嘢


出前一丁嘅價錢.......


來佬貨嘅維他奶


Juneberry味嘅藍牛，少少怪


返到去就煮嘢食，唔錯唔錯


食完嘢洗埋嘢就出去河邊睇日落，幾寫意


Gateshead Millennium Bridge，一條行人同單車用嘅橋，可以算係呢度嘅其中一個地標，條橋可以成條傾斜上去畀船行過，而好似每日都有定期展示


nice


行完返到apartment大堂，有部咖啡機可以沖唔同嘢飲，其中有款朱古力真係好正，要高度讚揚
之後次次行過都要沖返杯嚟飲

咁又完一日

大英DAY8
可以講係完成Bucket List其中一樣嘅一日

先喺apartment食下牛角包同好好飲嘅chocolatte


出發經過唐人街，不過當時乜都未開


離遠已經見到，Bucket List想去嘅地方，紐卡素嘅主場St James' Park


門口有兩個銅像，一個係紐卡素最偉大嘅球員，隊史同英超史上入球最多嘅球員，舒利亞
而細個睇體育世界講英超，見到有條友係咁入波就覺得佢好型，就成日留意佢，呢個就係剛剛以世界紀錄轉會費轉會去紐卡素嘅舒利亞，亦係自己做紐迷嘅開始


另一個銅像係球會最偉大嘅領隊，波比笠臣


對面有張list，列哂所有踢過一隊嘅球員


行入去，一邊票務處一邊係球員入口



再行入d就會有人guide上樓，同職員報到就會拎到stadium tour嘅證，要預約同畀錢，每位18鎊
而有另一隻tour會帶人上球場頂，但日子唔啱無join到，所以只係參加classic tour


未夠鐘，可以四圍行下先，放咗唔少球會歷史嘢，老舒退役賽嘅波衫




待續

無人出聲…

tour正式開始，上到高層，當然唔會畀人飲酒，睇緊波嗰陣一樣
需知道英國球迷+飲咗酒....


部份球員嘅身高，老味神其實好高，而Fraser已經去咗修咸頓，而家一隊最矮應該係Barnes？同埋Dan Burn唔係201cm咩？



行到出去，眼前一亮，感動呀.....


點會少咗你

St. James' Park喺1892年正式成為紐卡素主場，經歷過幾次擴建同翻新，而家可以容納5200人左右，同埋佢係UEFA第四級球場，曾經喺度舉行過唔少國際賽，例如2012倫敦奧運嘅足球比賽、2002同2006其中兩場世界盃外圍賽，亦係2028年歐國盃其中一個場館


Howe教成點…其實我個人就收貨，不過如果之後有d再大牌嘅球員嚟，壓唔壓得住就有疑問


話畀你知望到乜


We're here to compete





辛苦一班場地維護嘅職員


有個沙特老細，場邊點會無沙特嘅廣告






之後入咗其中一個貴賓包廂，見識下喇


而唔同樓層都有有關球會嘅介紹


呢d suite就當然唔係我地呢d凡人入去


然後行返落d嘅看台，個景觀重好d


去到作客更衣室，環境睇落還可以，聽過有d球場嘅作客更衣室好恐怖
當然參觀就咁嘅樣，實際比賽嗰陣會點就...............



到主隊更衣室，環境好得多


平時做訪問嘅背景


更衣室行出去嘅通道


近距離望住自己愛隊球場，真係好感動





比賽期間後備球員同教練坐嘅位



最後嚟到媒體中心，亦都代表tour正式完結，太難忘了


完咗行返出去，有間Shearer's Bar，用tour張卡好似有折，不過無喺度食嘢


而家應該開咗全新嘅官方商店，當時重整緊


而我當時只能喺臨時官方商店行，總有少少斬獲


St. James' STACK，喺場館隔離，新開無耐嘅休閒同食嘢嘅地方
喺沙特新老細底下，球會係有新氣象嘅，希望可以繼續發展落去，而我又有時間留意返多d紐卡素嘅賽事

待續

大老味神

傳奇球員

行完tour繼續四圍行

行咗去Grainger Market搵嘢食，搵到間西安特色小食
d餃即場包嘅，味道還可以


三隻啤酒竟然同價


之後搭巴士出發去另一個目的地，上層都有對頭位加張枱


搭咗一陣就到了，Angel of the North


Angel of the North係一座用4年時間完成嘅天使雕塑，1998年落成，用一種特殊嘅合金鋼材「COR-TEN」製造，高20米、翼展54米、重達208噸，非常壯觀

佢可以講係Tyne and Wear郡嘅地標，而Tyne and Wear另一隊足球隊Gateshead F.C.就直接用Angel of the North嚟做球隊logo

就係咁樣
btw Gateshead F.C.同紐卡素關係都好密切，而近幾年有兩位前紐卡素球員都教過，就係中堅Mike Williamson同門將Rob Elliot


你又想做天使？


之後又搭車返入市區，再行下Tesco，英國嘅鐵道雜誌


行完Tesco就經Tyne Bridge過返對岸，高過High Level Bridge好多


好天嘅Newcastle


之後整晚餐，牛扒+西蘭花+蘑菇無得輸


食飽後見重未日落，而女友話想抖下，結果就自己出咗去行下遊車河

待續

結果香港都出現咗上層倒頭位巴士
唔知係咪去坐Newcastle metro 呢

坐過一次，不過無加埋張枱咁誇張

感覺英國人好鍾意table seat

鍾意同人吹水又可以放嘢掛？

先祝各位巴絲身體健康，飛多d
快快手完咗呢度就可以講下聖誕獨遊


行返去國鐵Newcastle站隔離，就係Tyne and Wear Metro嘅Central Station


佢係按收費區收費，有d似香港嘅輕鐵，今次買A+B+C區嘅單程飛盛惠4.5鎊

而Tyne and Wear Metro係一個幾特別嘅鐵路系統，呢條鐵路早喺19世紀早期已經存在，亦全面併入過國鐵系統，而正式地鐵化通車係1980年嘅事，經過兩次擴張就有而家嘅規模(分別延伸去紐卡素機場同延伸落新特蘭)
佢有部份路段會同國鐵共用路軌，亦有專用嘅路段，係地鐵同輕軌混合體，我嘅理解係類似將香港地鐵/輕鐵/電車同東鐵線共用？


Tyne and Wear Metro有兩條線--綠線同黃線，而Central Station係黃綠兩線交匯嘅其中一個站


車到，綠線嘅「Metrocar」，或者叫Class 599(因為會駛入國鐵路段，所以畀個名呢款車以作識別)，兩卡為一組，通常兩組一齊行，自1980年通車就行到而家，而今年好似有一款新車Class 555投入服務
車廂唔係一般地鐵咁用Long seat，反而似市郊鐵路咁用Cross seat


呢一段同國鐵Durham Coast Line並行，之後再合流共用，而見到隔離嗰兩條軌嘅就係非電化嘅Durham Coast Line



去到St. Peter's車站落車，呢段就係同國鐵共用路段部份，但國鐵嘅列車唔會停呢個站


之後行到嚟紐卡素傳統死敵，而家重喺英冠浮沉緊嘅新特蘭主場， Stadium of Light，不過無開無得行下


作為紐迷送嘅


唔，幾有心機

待續

之後行返車站，附近一個人都無，都幾得人驚


通過嘅國鐵Class 156，就係國鐵用嘅氣動車


前面進入地下路段，而最有趣嘅係Tyne and Wear Metro係用公制，唔似其他英國鐵路咁用英制，點解會咁嘅呢，求指教？



搭多個站嚟到Sunderland車站，呢度亦係國鐵同Tyne and Wear Metro共用嘅車站


我重以為Sunderland站附近會有d人氣，點知又係靜到乜咁，而間Poundland應該因為之前嘅騷亂畀人爆玻璃


呢度都有列車直達倫敦，每日六班



售票機，國鐵同Metro好似唔同機的，呢部係國鐵用嘅
呢度去Newcastle同Merto一樣4.5鎊


落返月台咁啱有班由倫敦過嚟嘅列車開走，Grand Central嘅Class 180，最高速度去到201km/h嘅氣動車


等緊4號月台嘅車，而3/4號月台只係同一個月台嘅前後部份.....
而Metro停3號，國鐵嘅車停4號


車到，國鐵嘅Class 158 Express Sprinter，2~3輛編成，今次係2輛編成



繼續有面對面嘅位，而隻藍色我幾鍾意


一般位有d窄，同埋有張無乜用嘅櫈同USB位


同Metro共用路段，Metro嘅站會通過


之後去返獨立路段，個月亮好大好圓


經過The High Level Bridge，就準備到Newcastle站


班車本身應該重會去到Metrocentre，但好似取消咗


又返到Newcastle站



通過嘅貨運列車，好長


講到明因為罷工而服務會受影響


另一間公司TransPennine Express嘅Class 802，都係日立製造，車色隻色幾靚




之後行返apartment，又完一日，亦係喺英國嘅最後一晚

大英LAST DAY
快快完咗佢先

喺apartment食完早餐就出發，其實喺間房直接望到火車軌，唔錯唔錯


去到Newcastle站等車，鴿仔喺度散步


而本身班車應該0712到，結果去到0740先上到車
好似因為有人唔舒服而delay

[慎入]

今次坐Lumo公司嘅Class 803，日立為Lumo而造，一共有五抽，都係A-train家族一員
(d相喺倫敦先影，途中好不幸地撞到隻雀，條屍重痴住喺車頭，RIP)





全車只有普通位，2+2配置，同LNER嘅Azuma差唔多，但好似窄少少

而Lumo呢間公司定位有d似航空界嘅LCC，劃一等級座位，縮細廚房空間以放更多座位，所有額外服務都要收錢，票價就可以定得低少少(我買嗰陣28鎊一個人，算平…掛？北上嗰程貴差唔多一倍)

Lumo暫時只有愛丁堡~倫敦King's Cross一條線，另外因為佢停站少(我呢班停完Newcastle就不停站直達倫敦)，所以都受歡迎


兩個位共用一個插頭，重有兩個USB位，nice


ummmmm................老實


有推車仔賣嘢

沿途坐前面班英國大媽大聲講大聲笑，最後重喺度唱哂歌，嘈到頭痛
然後原來佢地喺一班合唱團，喺北部落倫敦表演


嘈音轟炸三粒鐘後終於落車


見未夠鐘開餐，去對面St Pancras車站睇下eurostar

待續

去咗間叫Flat Iron嘅扒房，d扒味道唔錯，同埋把刀幾得意嘅


chill



食完就去St. Pancras坐Thameslink去機場，而Thameslink連接咗倫敦市區同兩個機場--Luton同Gatwick，所以都唔少人坐


幾有用嘅車內顯示版



大約45分鐘到Gatwick Airport，而車站連接住南客運大樓


可以講係Gatwick最大用家--easyJet


BA嘅貴賓專屬checkin位


半價嘅Surviving to Drive，雖然喺佢走咗之後HAAS好似重好咗


好humble嘅猛男pink


去北客運大樓要坐捷運


過到北客運大樓，全層都係easyJet


上一層，有一大部份畀咗TUI


去返對面嘅東航櫃位checkin，一樣一次過出哂兩程boarding pass同行李直接喺香港拎



過安檢，非常貼心畀埋密實袋你放好d液體嘅樽，而安檢又唔算等太耐，有少少出乎我意料


入到禁區，重有唔少鋪頭同餐廳


得閒影下飛機，easyJet嘅A320Neo，G-UJEA，準備飛去西班牙嘅Lanzarote


夠鐘上機，東航嘅777-300ER，B-2020，9年幾機齡


同去程一樣劃咗機尾嘅雙人位，一樣畀埋枕頭同被
前面有堆澳門學生去完交流團，好彩唔算嘈


起飛就轉個180度彎，望返落Gatwick Airport


中途有兩餐，英國上餐唔錯，途中瞓得好好，真係好瞓過喺床


其實點解會用到塞


10個半鐘就到浦東機場，轉機手續非常順暢，不過過海關嗰部機好神經刀，一時load好快，一時load好慢


又返到呢度，將會坐班機中flow control而delay


所以都係影下機，上航嘅737-8 MAX


東航嘅A320Neo


對面嘅客運大樓，都係東上航天下


JAL嘅737-800


Delta嘅A350


上機，又係A321，份餐都還好，起碼唔係油到pk嘅糯米飯


遲咗半個鐘多d到香港，拎埋行李就完了，多謝睇完嘅巴絲，拖太耐唔係好事
轉頭就開聖誕嗰篇

完結拍手

好正呀
好少有既高質英國鐵膠post
自己應該無乜膽量一個人去英國
大開眼界

唔敢講高質，我真係唔熟英國鐵路，睇咗好多資料先敢出post

你嗰個黑色Desley 喼係CX 空姐專用喼嚟架喎

真係唔知喎，佢咁啱合我要求先買咋