[遊記] 最南同最北嘅都道府縣感受日本夏日 [後經台北星宇首航返香港]

上山影煙花有諗頭

都係靠涉位 慢慢涉下涉下先有個細細地嘅位伸到部相機靠近個玻璃窗影
一開始見到果四五排人完全唔郁真係絕望

不過夏天呢個溫度浸好似都唔係幾頂得順

反正有另外一部相機擺房
都好彩 email 來來回回都比酒店知道我想book 向邊個方位個房 如果唔係，比間向函館站果邊嘅房就無呢一支歌仔唱

浸温泉梗係冬天啦、行出去露天池果條路、又係難忘

諗起都覺得正
希望有機會再去浸

Day 10

去到最尾啦，本身呢一日我就研究緊飛落京都睇祇園祭，不過朋友就話啦，首航唔係次次有同就到時間架喎，好啦，所以就改改行程，就黃昏搭去台北，之後就去搭星宇飛香港個首航啦。函館去返新千歲飛又好似好遠，咁不如就早上行下八戶，下午就用新幹線落仙台搭飛機。


八戶站都有啲擺設。


有個位都擺左啲按摩椅。

早上去八戶種差海岸呢段就唔多寫啦，因為天氣其實好麻麻，不過都貼幾張相片啦。最深印象係蕪嶋神社班雀仔真係好嘈，都唔明入面神社個職員點樣可以起呢個地方坐成日。同埋比我幻想中少花好多。我就時間關係無去到沙灘大草地果邊，希望有機會再來呢個地方啦。

JR 八戶線


鮫站同出面嘅鯊魚擺設。


蕪嶋神社起雀仔嘅繁殖地，所以每年一段時間呢度都會有雀仔大合唱，神社隔離都有免費雨傘比人借黎用。




起葦毛崎展望台搭 12:00 巴士返返去鮫站，然後等 JR 八戶線 去返 八戶站，理應該12:55 到八戶站，就仲有十二分鐘接駁到 1:07 果班東北新幹線，咁就可以比我之前預計早一班新幹線落到仙台。點知，當我起個站改早一班新幹線指定席飛之後，起月台等啊等，等啊等，過曬鐘都未有車到。過左十分鐘架車終於到。


個站個綠色窗口個指示都好舊式。

結果果十二分鐘就無左啦 。

好，反正預鬆左時間，仲有一班新幹線落到仙台。

《以下開始飛行體驗》


一落仙台都把握時間去轉去仙台空港access 線。半個鐘左右就到機場。



一出車站，行入機場之前就已經有七夕祭嘅裝飾。


個機場客運大樓個樣比我想像中好樣。


首先去check in 先啦。仙台機場個lounge 好似麻麻地所以我就無去啦。



咁呢排星宇就有同 snoopy 嘅聯乘，所以boarding pass 行李tag 等都有snoopy 嘅影子。

應該無見過香港人起呢度飛然後入台灣境過夜，所以地勤都唔係好清楚入台證呢樣嘢，好在有個應該係台灣黎嘅地勤就知道所謂何事，就解釋比其他人聽。不過張入台證好似驗屍咁比個地勤對左成五六分鐘資料 。


一場黎到仙台，當然就要再飲返呢度嘅名物毛豆奶昔啦。如果多啲時間應該可以啪返個牛舌飯。


business 過關可以有priority，不過得一班國際線，都用唔著個priority。入到禁區就有幾間舖頭仔咁啦。


呢個指示牌都幾好。一圖睇清搭唔同airline可以帶啲乜上機。


夠鐘上機，呢一次係搭A321 neo 由仙台飛去台北。有八個商務位，兩排，2-2 模式。位同位之間有塊板仔叫做隔開下，不過其實作用都唔係好大。好彩今次隔離個位無人坐。




個位方便就可以躺平嘅。除左 overhead compartment 之外，就仲有頭部隔離嘅個位可以擺下少少野，同埋個mon 嘅下方擺下少少野，不過起飛降落呢兩個位都唔可以擺野。




有兩本野，一本 menu 一本酒單。不過其實啲資料起個 mon 都搵到嘅。如果國泰可以將menu 資料擺落去個系統就好啦，因為有時起Y 同 PEY 要好清楚聽佢介紹有乜選擇都有啲吃力 。

一開始就黎welcome drink。台灣嘅airline 好似會鍾意派果汁做welcome drink


呢程飛三粒鐘，相對下比程台灣飛香港長好多，當然把握機會去試堆特調啦。第一次飲藍色呢個 湛藍宇宙 果時候，高估左自己嘅酒量，結果果程機好痛苦咁完左，所以呢次都叫空姐唔好落酒精。


呢款星空莫西多，呢程機嘅空姐都做到無酒精版本，所以都試埋。相對湛藍宇宙感覺幾清爽。不過奇怪就下程機就話得 湛藍宇宙 先可以做到無酒精版本 。


當然就唔少得起台灣嘅特飲 珍珠奶茶啦！


開餐。可以online揀定食乜。最後選擇左呢set亞洲在地料理。

前菜：合鴨燻製青龍椒•醋漬章魚海帶芽•和風燒茄子
主菜：美國牛肉壽喜燒
米飯：越光米飯、海芽綠竹筍鰹魚清湯，漬物

啲肉juicy軟滑，啲飯又唔係乾乾硬繃繃，濕濕地咁，真係幾好食！都幾滿意呢個餐。


甜品 - 黑糖葛切配黃豆粉，同埋季節鮮果就同主菜分開上。


因為係snoopy 聯乘關係，都叫空姐睇下有無啲特別嘅紀念品可以攞走。同埋見到都有幾款免稅品都幾方便收藏都買左。


飛到沖繩附近，見到個海，都真係估唔到成個旅程係起附近嘅果個島果到開始，然後上埋北海道再走人。


見到桃園機場嘅夜景，都代表呢程機到結尾啦 。


臨落機前都有糖派。


呢程機都坐得幾開心 ，又唔係話好 over 或者好黏人嘅服務。入台北境可能係因為夜，好在都唔駛等好耐。而起台北我都係去桃園機場隔離間諾富特機場酒店訓一晚就算，畢竟咁樣玩日本玩十日都累啦，所以無入到台北市入面。去到台北最記得只係，感受到嘅氣溫簡直係熱同焗。

day 10 完。

Day 11 《繼續調教至飛行模式》要返HK樂園啦


早一日跌返去台北先就係為左星宇台港線首航，襯下熱鬧咁。


酒店有免費接駁巴士連接酒店同桃園機場航廈。同車都聽到好多人會搭呢一班首航。


飛香港就起第一航廈度做check in 手續。好似都係排一兩分鐘就到，唔知係巧合定係點，比對上次都係business 但係要等成十幾分鐘先有職員加開 counter 幫人 check in 黎講，呢次算好快。



同樣都係見到好多 snoopy 裝飾。



之前去過星宇個 T1 個lounge，今次行遠啲就去星宇起T2新開嘅lounge。設計比較有科技感，同埋終於起lounge入面有廁所。





係咁影下 lounge 個自助餐區


除左自助餐區外，都有menu點餐。呢兩款都幾好食，一個係越式蝦捲，一個係甜番薯粥配肉鬆之類。唔似T1果個，我記得上次T1要等好耐先有野食，份量又唔多夠 。



去返gate 果度 以為會有啲特別儀式之類，不過都有個counter 幫人燙啲章上去個環保袋度，同埋有職員著曬制服同你合照。

樓主d 相點影ga

呢程就用 A330-900neo 黎飛。咁都唔係第一次搭呢隻位。因為book得比較遲，所以都無曬窗口位選擇 。呢隻位嘅儲物空間就比較多啦。




首航去香港有送電車癲噹公仔，同電車鎖匙扣


個welcome screen 都係用上snoopy同目的地嘅一啲特色野擺埋一齊。


今次都可以網上選擇好食乜嘅，不過等左好耐，啪埋杯咖啡好耐，就都未見野食，而起廚房傳來啲碗碟好似打爛野嘅聲音 。

跟住有人走過黎，話
：唔好意思啊，你選果個餐個別項目品質有問題，我地比唔到果啲item啊
：下
：不如咁啦，你選另外一個餐嘅主菜，然後我地將本來你個餐可以上菜果啲，加埋你選嘅果幾款，遞上比你啦
：啊，好啦！

就咁樣，起降落之前大約三十八分鐘就收到呢一份分量為1.75倍左右嘅早午餐。咁我都起僅有嘅時間都完成到份餐嘅。


不過真係幾好食。啲肉都係唔會乾曾曾。魚肉仲係滑嘅，個飯糰啲飯軟得黎無散到，啲麵包甜甜地暖暖地，不過個人就覺得唔好咁硬就好啲，雖然等得耐左啲都叫做賺左試埋另外個餐啦。


當然就繼續飲星宇特調啦。


收藏埋紅色盒嘅snoopy 紙牌。好似臨降落前十分鐘空姐仲搞緊免稅品啲交易。


呢程機都搭得幾開心，咁佢地都幾好服務。咁台港線無計係咁短，所以就有啲唔捨得咁就落機完成呢一次
》關西》沖繩》東京》青森》北海道》八戶》仙台》台北》
之旅啦！

總算都見識過夏天日本嘅風景，北海道夏天嘅風貌真係唔同，同埋沖繩藍天碧海真係好正。雖然日本夏天啲夏祭呢個 trip 就無 cover 到，希望有機會可以去啦，同埋打到可能都悶親大家 。下次可能就要等到下年先再有機會打遊記啦。

完。

隨影果類係 iPhone
然後風景大部分都係 sony a7riii + tamron 啲鏡影嘅

#1 引言
#12 D0：一切從機場開始，CX 502 往大阪關西
#16 飛往沖繩
#17 沖繩｜萬座毛
#18 沖繩｜古宇利島心形岩
#27 沖繩｜美麗海水族館
#30 沖繩｜萬座毛日落
#37 沖繩｜沙灘睇銀河
#44 沖繩｜日出，果報崖，Ukuno Beach
#46 沖繩｜殘波塔，Zane濱
#48 東京｜JAL Tour
#51 東京｜酒店，東京鐵塔夜景
#54 青森｜飛往青森
#68 青森｜奧入瀨
#72 札幌，積丹｜黃金岬，神威岬
#77 札幌，積丹｜島武意海岸，札幌短遊
#83 #84 #87 美瑛。富良野
#93 旭川｜旭岳
#94 美瑛｜睇銀河
#99 函館
#106 八戶
#107 #108 仙台 > 台北
#109 #111 台北 > HK 樂園

樓主之前坐過星宇去邊

咁玩都幾累

上次台北轉去關西睇紅葉，旨在睇下其他 airline 點

真。返黎都要幾日先回到氣
仲要去搭曬啲頭班車咁去第二個城市

我都係去完15日東京+北海道 返到黎做社畜 成個星期都好早訓

早排好似見過類似嘅遊記，但又搵唔返，唔記得係咪你？


喺北海道都係睇花海？

唔係啦 發覺要打遊記好難
東京係行富士山 北海道係要完成四極計劃拎齊4張證書
稚內 根室 佐世保 鹿兒島 全制霸

之後都係落左函館玩幾日，下次冬天可以再去

哇，一個trip 咁玩曬都幾癲下


函館我冬天去過，又可以睇五稜郭嘅點燈，又可以睇馬騮浸熱水

冬天咁嘅溫度去酒店浸溫泉簡直係一流

搭車搭到想嘔 3日搭左30幾粒鍾車

睇完大家啲遊記真係唔覺得自己嘅行程chur

呢次未係最chur
去京都睇紅葉可以連續幾日由朝早七點幾行到夜晚八九點