之後去上野間 suica penguin 食下野，同埋睇下起 skytree 附近 ge 一條路。好似有七夕祭之類，不過主要封路搞活動嘅就係我去沖繩果兩日，今日就應該只係剩下啲裝飾咁。不過起東京度行真係好熱......
所以最後肚痾左成晚之後，又係咁熱天 ge 情況之下，我都係走返去酒店度休養下好過。同埋個人總係覺得起一直東京好似無太吸引我嘅行程咁（當然東京係好玩嘅）。其實睇過人地段 vlog 都想去下新宿高野食下甜品，不過痾到咁我都最後都係無去到
。今次住嘅係 Andaz Tokyo！其實最主要都係衝住佢望住鐵塔個位而黎。鐵塔景嘅酒店，雖然下方就已經開左地鐵，但地理位置同交通方便程度始終同住開嘅上野有啲分別。
櫃台、走廊已經見到裝修時尚豪華。
大堂位，都見到唔少藝術品。
Lift 呢個雕塑都幾吸睛
。
房間當然就大啦。一開始都要花啲時間去搜尋下啲野擺左去邊
。
唔講真係唔知啲盥洗用品擺左起個木盒入面，仲要排到咁齊齊整整。
好大嘅浴缸
！不過我覺得個擺位方面，之前住過嘅Prince Park Tower Tokyo Hotel 優勝啲，佢真係擺到啲人可以一路浸一路望住東京鐵塔。
咁熱當然就係去酒店個泳池去享受下啦。有一個比較大嘅主池，然後隔離有個按摩池，同 carbonated pool。佢會比埋泳帽同泳鏡比你。
起按摩池都享受左好耐！
有個位俾人幫人修甲，同埋係 spa，泳池，gym room 個 reception counter
當然唔少得就係東京鐵塔同附近一帶嘅景色，都係最值錢果樣嘢。
不過俾我下次都係住返普通商務酒店好過
，始終住唔慣
。例如天氣咁熱，好想要返個 coin laundry....
趁夜晚食飯，終於去搵到款可以極速 stop 到肚痾嘅藥。不過都係胃口麻麻地咁，想食粥但係都應該搵唔到，嗯，咁唯有食清淡啲走去食...譚仔
始終無左譚仔阿姐口音落單都係無左譚仔嘅靈魂
！不過都聽到好多廣東話人起入面食緊野。同埋都叫還原到個味，不過味精味好明顯重左，同啲麵同香港比係中間會硬啲咁。夜晚都係搞下宅急便之類嘅問題，起酒店休養下就算啦。
Day 3 完。
。
