最近一年，開始覺得自己有口氣，到最近自己都覺得臭，一直試過唔同方法去搵源頭，但一直都解決唔到。
呢半年感覺自己多胃氣，會不斷「Erk」 出嚟，有時候仲要多屁。其實自己都好難受，試過一個朝早淨係食條蕉，都已經「Erk」咗唔知幾多下。不斷飲水都冇用。
每半年洗一次牙，每次飯後等一陣都會刷牙。個感覺係個口好清新，但啲氣由胃到傳到口再湧出嚟。
又睇過自己有冇白色珍珠，飲食清淡，做運動，不斷飲水，試過益力多，益生菌，但唔大改善。
之前屋企人有煲過土茯苓，飲完之後一兩日，屋企人話完全冇臭，但過幾日又臭返。
到最近覺得真係唔對路，做吹氣測試，中咗。
口臭係唔容易解決嘅問題，真係要排除法慢慢去搵原因。希望大家做多啲運動、飲多啲水、注意下飲食，有個健康嘅身體
）
