(多圖遊記) 福井、滋賀、京都9日

免費版好似用唔到

weekend玩完，可以繼續update，繼續係平泉寺白山神社

觀光巴士落車後向前行一陣，就見到神社嘅入口



行完條長樓梯以為就完，點知前面仲有一大段路要行，會經過第2個鳥居



沿路嘅旁邊會有啲負路通去啲唔知咩地方，我地見冇人行，當然都唔敢亂行入去

穿過第2個鳥居，就會見到大拝殿同一地嘅青苔，呢個都係平泉寺白山神社嘅一個賣點，夏天時一片綠色



大拝殿再往上行就到本社，比大拝殿規模細好多


再往上行會有一個三之宮，好似話孕婦求安產好靈，不過我地冇咁嘅需要，又有啲攰唔產再上樓梯，就冇上去lu


沿路出返去時，入咗旁邊一條小路睇，入面有個叫御手洗池嘅地方，聽聞當年有僧人係呢到見到有女神出現，所以就係當地興建咗寺院

Day 4 完

影相靚到
直頭心動想去

值得一去
尤其相對冇咁熱門，少啲遊客舒服啲

平泉寺d杉樹好靚, 雖然無長野戸隠神社咁誇張但換黎既係平靜既環境同厚厚既青苔

啱啱Google下戶隱神社又真係幾靚
可以bookmark定有機會去

lm

Day 5

好悠閒咁瞓到自然醒，再係房hea到中午先check out轉場去京都

去到京都站就有返大城市嘅感覺，好多人
同埋去酒店check in時，明顯見到職員態度冇敦賀、福井酒店咁好

check in完就趕係閂門前趕去藤森神社睇紫陽花




特別鍾意紫藍色嘅


御手洗到都整到好靚，不過去嗰時落雨，感覺有啲灰暗



返到一線大城市，嗰日睇完花後都係吃喝shopping，好快咁又完一日

Day 5 完

Day 6

雖然stay係京都，不過當日嘅行程重返去day 1去過嘅滋賀


第一站去近江八幡嘅八幡堀，一到埗又見到飛び出し坊や，果然係滋賀名物



梅雨季節去日本，好多時係路邊都見到開得靚嘅紫陽花


連啲昆蟲都帶有啲靚嘅藍色

黎料等睇彥根貓

八幡堀係一個有啲老街、舊運河，古色古香嘅一個地方



有啲船伕撐嘅觀光船俾遊客坐下



嗰度仲有纜車可以搭上山，居高睇下琵琶湖，但因為我哋趕行程，所以稍微行下八幡堀，同埋個日牟禮八幡宮就離開

巴打究竟幾點去
竟然一個人都冇

有人㗎，上面最尾嗰張咪有幾個人買緊御守

不過真係唔多人，好易等到冇人行過時影

離開近江八幡之後，就前往豐鄉町，我諗9成9嘅遊客去豐鄉，目的地都係豐鄉小學校舊校舍群

呢個小學校舊校舍群好似出現過係動畫K-On到，所以都唔少人嚟聖巡，一出豐鄉站就見到應該係K-On人物造型嘅飛び出し坊や



沿路行見到啲景況，感覺豐鄉係個經歷唔太好嘅鄉下地方




行咗10幾分鐘就到達小學正門，不過對大閘閂咗.......

大閘閂埋咗，但旁邊俾車出入嘅入口就開嘅，入咗校園行近校舍睇，就見到個"本日休館"嘅牌，大家嚟的話記住星期一係會休館

同場仲有2 pair分別係台灣同德國嚟嘅遊客，吹水問下佢哋都係因為K-On而嚟，但摸門釘下只好係校園影下相就走lu




之後行返去豐鄉站搭車走人


豐鄉站係一個無人站，連案內所都落埋閘，冇得買車飛，所以上到火車時要拎整理卷

冬天落雪去
我見印仔啲相影得幾靚

原本行程本來冇諗住去彥根，不過豐鄉小學嗰到閂咗，多咗啲時間出嚟，就臨時加插遊彥根

可能因為都常聽到睇到彥根城、彥根貓，感覺彥根係較熱門嘅旅游區，所以去到時見到條街人都唔多個，係有少少驚訝


彥根城前有個護國神社，感覺係隣國人民唔太鍾意嘅地方



當時我地一路仲慢慢行，完全冇為意彥根城嘅最後入場時間係4:30， 好彩去到買飛時係4:20左右，趕得切入去

但女友一見到要行長樓梯上城就直接放棄，得我一個快手入去攻頂，影兩張相就襯閉園前落山走人


好彩都見到彥根貓塊紙板

Day 6 完

Ching啲色真係好舒服

彦根城對比姬路城只有約1:10既遊客，明明雙重護城河既設計好靚，係天守閣細d

彥根貓都救唔到

彦根貓好比心機, 每日有2場吉祥物表演但表演完好快散曬

Lm

Day 7

睇村上隆個展，係今次旅行最聞plan定要做嘅事之一


個展係京瓷美術館舉行，同場仲有個吉卜力展接近尾聲，所以個館都幾多人


去到先去免費區睇下個金花先



影影下又開始落雨，就返返入室內入場睇展

睇睇下個post好似冇影過野食